ما ردتك تكونيلي ذكرى
أو غصّة قلب
أو إنكِسار
وقلت خلّينا نتحّدى لظُروف
لازم خاتمة حبنا نتصار
إطوي الصفحات القديمه
وإنسيه كل شي بماضينا صار
واللي صار
ما كنّا قد هالقَرار
وكإنّو عهودنا مجرّد شِعار
يا خيبتنا بين المحبين
الحب قتلناه وقلنا نتحار

فشلت مفاوضاتي مع هالحياة
و راكمتلي جبال من الذكريات
ذكرياتي مُره والحاضر أمَر
وعمري قضيته ارميها عالقَدر
لا انتشلت الذات من المنحَدَر
ولا شفت للحلم أي قارب نَجاة
وفشلت مفاوضاتي مع هالحياة

روحي ما ذاقت من كاس النعيم
والقلب ماكان يحظى بحب عَظيم
حب يقنعني بوجود الفَرح
يفهمني وصادق وعفوي وحَميم
بس بعد الموت مين يحيي الرميم
لا انتشلت الذات من المنحَدَر
ولا شفت للحلم أي قارب نَجاة

الوحي الشعري متقلب
بهالفتره مايل عالنص الغنائي
وكل فتره إلي ميله
حسب المزاج والأجواء