انا افتكر كلمة والدتي قالتها ليا زمان
ومعلقة في وداني لحد النهاردة ...

وهي انك ماتكثفش طبيعة حد ..

طبيعة الناس بتختلف ما بين شخص والتاني ..
والاختلاف سنة الحياة ..

انك تتقبل التعامل مع الناس باختلافات شخصياتهم فده اسمه تأقلم ..
انك ترفض أنك تتأقلم فده معناه انك مش هتعرف تتعامل مع الحياة

الناس مثلا مش متقبلة الشخصية المزاجية
مع ان المزاجية علي الرغم من انها مش مرض نفسي
بس هي في الاول والاخر
اضطرابات بتحصل لشخص نتيجه ماضي ليه
وضغوط ماقدرش يتكيف معاها وبتنعكس عليه
في انه مش بيقدر يتحكم في هدوءه المعتاد
وبيتعصب بدون اسباب احيانا ..
وهو محتاج علاج سلوكي عشان يعدل من نفسه ...
بس دي ثقافة مش متواجدة في مجتمعنا للاسف..

الشخص المزاجي ده ممكن يكون انا او اخويا
او ابني ... عادي بتحصل ... مش سٌبة هي ..

بس ده مايمنعش ان البعض بيحب يوصف نفسه انه شخصي مزاجي
علي سبيل الروشنة يعني واللامبالاة من العالم...
ودول اللي مسوئين سمعة المزاجيين والله ..
وانا كنت شايف نفسي مزاجي الصراحة لحد وقت قريب هههه

المهم ...

عامل الناس كما تحب ان يعاملوك
تلك قاعدة احاول اتباعها ..

بس ده مايمنعش اني حابب أشارك بوجهة نظر متطرفة بعض الشئ ..
الناس هشة في زماننا الحالي..
ولذلك

الأكثرية تضع ملمع لشخصياتها
حتي تخفي ما تظن انه سيعيبها في عيون الناس

الاكثرية لا تعترف بالطيبة بسلوك
ولكن تعترف باللؤم كوسيلة ..
ولذلك في الوقت الحالي

بالنسبة لي
المزاجية هو مجرد قناع او درع
لشخص طيب القلب
ومن السهل التأثير فيه
وفقط تريد ان تعرف مفاتيحه ....

الشخص العفوي .. هو شخص تصنعه بالحديث عن خفة روحه
.. فيسترسل في عفويته حتي تخفت في عيونك ..
ولكنه ذات الشخص .. ولكنك قررت انه لن يتغير
وبمجرد ان نضج بسلوكه قليلا ... وجدته غريبا عنك ..

المرح والفرفوش .. حزين من الداخل ..
ولكنه قوي كفاية ليظهر عكس ذلك ..
فذكائه فطري ..

العاقل الحكيم هو دور يتم الصاقه لكل شخص منظم في قوله
ولكن ان نظرت الي واقعه لن تري في كلماته الحكمة بقدر ما تري
ما الصقته انت به ... في النهاية
يريد ان يغير دوره ولكن يتآفف التغيير
لانه يهابه ... لأنه يعلم انك لن تراه بعد ذلك ..
فهو مجرد مدعي انت صنعته في لحظة تجلي ..

الغامض العنيد ...هو شخص واضح في الحقيقة ..
هو ما تراه بعينك ولكنك تنكره ...
لأن سلوكه منمق فتضع له هالة
فوق ما هو عليه بالواقع ..
فلا تبالغ في توقعاتك بالناس ..
الأكثرية تفهم ان الغموض هو وسيلة البروز في المجتمع الجديد
لكي تضع انفسها علي اول سلالم الفضول ..

شخصيات البشر حاليا غير خاضعة للمنطق
بقدر ما تخضع لفطنة كل شخص في رؤية من يتعامل معه

يعني حضرتك كصاحبة الطرح
احسبك شخصية تحليلية
وما احسبه

انك وانتي بتكتبي الطرح انتي فعليا مقيمة كل صفة حضرتك ذكرتيها
والبستي مجموعة من الاشخاص رداء حكمك في عقلك
يعني شفتي فلان مزاجي وفلان عصبي وفلان كذا
من خلال مجموعة من الردود
في اخر كام يوم في شوية النقاشات اللي حصلت الايام اللي فاتت
او علي مدار تواجدك في المنتدي .. وده كان موحي ليكي بشكل ما
وكونتي صورة ما للبعض .. وحابة تحللي اكتر ..
وتشوفي الناس رؤيتها ايه لنفسها بشكل ما ..

هذا ذكاء من شخصك ..
ولكن صدقيني .. الطبع خادع
التلميع اسلوب حياة ..