يقولون الغلا الصادق .. قبل أهل الغلا مولود

لهذا حُبك الطاهر .. سبق لحظات ميلادي


طلعنا لهذي الدنيا .. لقينا حُبنا موجود

ولو الغير مستغرب .. لنا كان الأمر عادي


قبل ألقاك كنت اهواك .. وهايم فيك دون حدود

كأني من قبل شفتك .. وضمَّنتك بأورادي


كثير أحداث مرت لي .. أحس إن الزمان يعود

كأن اللحظة اللي الآن .. مرت في زمن بادي


مضت لحظات من عمري .. أحس إن الفرح مفقود

لأني مسبقاً داري .. بأنك مصدر اسعادي


لقيتك يوم ما شفتك .. مثل ما كنت انا موعود

لقا حسيت فيه إني .. غريب وعدت لبلادي


لقانا كان بالصدفة .. قدر من ربنا المعبود

جميلة كل أحداثه .. لها كان الفرح حادي


جميلة ضحكة الدنيا .. إذا جاتك وطاب المود

وتغشتك السكينة .. والزمان يمر متهادي



سُهيل

هلا بالغالي أعد النجوم

صاحب الذائقة المترفة

والحس الفني الرفيع

والهطول الشعري البديع

كان حضورك كعادته لا يشبه أحد

فلك من الشكر أجزله

طبت وطاب لنا هذا الألق

أرق التحايا وأجمل الأمنيات

ودي

ربي يسعد قلبك ويحفظك


من القلب شكرا

أرق التحايا