قلبي عطيته من جرحني كلامه
ومسامحه عن كل ماصار ويصير

يبقى على طول الزمان احترامه
حقه عليه اذكر لياليه بالخير

صحيح ابي قربه واحن لسلامه
مع كل نسمة ليل وان غرد الطير

لكن وقفنا في طريق الكرامه
والكل منا راح من دون تبرير

يالله يالي بامرك الرزق مقسوم
منك العفو منك الرجا والثباتي

انك تشيل الهم عن كل مهموم
وإنك تزّين مابقى من ،، حياتي

احيان ودي اكتبك شوق وعتاب
واحيان ودي اكتبك بس عاده

واحيان ودي اشرح لقلب منصاب
كيف الهوى يكسر وبعضه سعاده

وادري الغلا بفواد الاحباب غلاب
ومتيقن انّ البعد هم ونكاده

ياخافقي ماللغلا طب واطباب
الا اللقا ومصافح الكف ، زاده

نظرة عيونك تفتح لشوقك الباب
تكسر حواجز خوف وتبني اراده

‏ياكثر ماكنت أزيح الناس ما أزيحك
‏طرقت بابك ، وأنا الأبواب ما أطرقها

‏قدام وجه اللقى ، صادفت تلويحك
‏حاولت ألاقي بوجهك بسمة أسرقها

‏لعّبت الأحلام في كرسي مراجيحك
‏و كفّنتها وأنت تضحك يا مفارقها

‏أشعلت من جمرّة الفرقا مصابيحك
‏و أقفيت و الجمره بيمنايّ تحرقها

مات غصنٍ من ثبات الود و انْهى دوره
يستعيد المغرم الذكرى لطيب اوقاته

يشحذ الطيبه بكسر الخاطر و مغدوره
انطفى نوره و بيّن للجفا رغباته

هاك من فم الحكيم اللي حفظ منشوره
احفظ لباقي شعورك هيبته بسكاته

من زعل يزعل و يرضى ذا مكان حضوره
و ذا مكانه في صدر هايم على ما فاته

ياضمير فيك من جاير الفرقا رسوم
‏وبينك وبين الشقى مابقى الافاصله

‏دام ترهقك الطواري وتسهر كل يوم
‏لو تدور راحة البال ماهي حاصله

‏ادري انك صاير ماش وعلومك علوم
‏والحزن له مده يواصلك وتواصله

‏ومبطي من السجه اللي تنسيك الهموم
‏والمزاج الزين والنومه المتواصله