السلام عليكم بنات .. أتمنى الخير للجميع وأسأل الله أن لا يريكم* مكروه .. حاجتي للمناقشه جابتني هالمنتدى وأتمنى منكم تساعدوني .. يا بنات أنا انسانه دائماً نشيطه بحياتي وحيوية وجميلة وماعلي قصور بعايلتي وبيتي واطفالي ولكن قبل ست شهور بالضبط حصل سوء تفاهم مع زوجي بسبب أخته كانت ظاهره بلبس غير محتشم نهائي وزوجي للأسف وصل لهم الموضوع وكبر الموضوع .. ودائماً أسمع من اخته تقول عني "زوجتك مريضه و فيها نقص ثقة ولازم توديها طبيب نفسي و و و .. لكن غير صحيح هالكلام ؟ دائماً تقلب الطاولة علي؟.. والله ثم والله .. دائماً قبل لما ازورهم كانت تظهر الغيرة من عينها بسبب لبسي وأناقتي ودائماّ تردد أنا أنقهر اذا شفت بنت أحلى مني وكان زوجي إذا حظر المجلس معانا تغير ملابسها مرتين ثلاث فقط تريد أن تظهر بالصوره اللي انا ظاهره فيهاّّ*.. يا جماعة أنا أعرف اللي سويته غلط واعتذرت لها وارسلت لها مسج مطول باعتذاري بنفس اليوم واعتذرت للأم .. لكن خلاص الموضوع تسكر وانقطع التواصل ..*أنا ماعدت أبي ازورهم أو أواصلهم باب وتسكر خلاص فاهمة هالموضوع ..*بس يا جماعة انا مكسورة جداّ*من زوجي خذلني وكسرني .. أشعر بالحزززن الموضوع مر له فتره بس أفكر بأفراح عيالي بحفلاتهم منو بيروح يسويلهم احتفال وشلون يحتفلون وأنا موبينهم بالعادة هذي المناسبات أهتم لها جداَ ؟*ورمضان جاي مو متعوده مراح اتنقص لهم شيء ؟؟ والعيد جاي ؟؟؟ العيد اللي طاف مارحت لهم بسبب المشكله كانت توها ببدايتها .. وهالموضوع بدأ يأُثر على نفستي حييل هل احتاج طبيب نفسي ؟؟

أول نقطة قلتي ان الموضوع خلاص انتهى مع أهل زوجك بعد ما اعتذرتي لهم ...وأصبحتي أنتي في حالك وهم في حالهم ....يعني اللي فهمته منك ان موضوعك مع أهله انتهي ..


النقطة الثانية وهي السبب الأساسي في طرح مشكلتك وهي ان زوجك خذلك لما أعطى خبر لأهله انك كلمتيه من ناحية لبس أخته ...مع العلم ان تصرفك صحيح إذا كان كلامك مع زوجك من باب الحرص على أخته ..وشي طيب انك خليتي أخوها هو اللي يروح يكلمها مش انتي لأنها ممكن ماتتقبل منك النصيحة ...وطبعًا تصرفك هذا من باب الأمر بالمعروف والنهي عن المنكر ..وكل شي يرجع لـ ( النية )..أقصد أهم شي تكون نيتك من باب مصلحة أخته مش لهدف آخر في نفسك ..

طيب هل زوجك تعامله معك تغير بعد ماتكلمتي معه عن أخته من ناحية اللباس .. ولا حياتكم عادية ...؟؟

إذا كان ماتغير عليك ومعاملتك طيبة فماله داعي تكبرين الموضوع من ناحية انه خذلك ومدري ايش ....طبعًا ماننكر ان تصرفه غلط مليون في المية لما قال لأهلك انك انتي تكلمتي في لبس أخته ..!!.....ومدري هل هو جهل منه وسوء تصرف في مثل هذه المواقف ولا كيف ..!!..حقيقة أعتبره هو المتسبب في المشكلة كلها ....وربما يكون بحسن نية منه ....

لكن أهم شي يكون تعامله معك ماتغير بسبب الحادثة هذي ....وإذا معاملته لك طيبة فـ طنشي الأفكار والدراما اللي عايشتها انه خذلك وكسرك ومدري ايش.!!...لأن ممكن تصرفه عن جهل ومش قاصد ..وخاصة إذا كانت معاملته معك ماتغيرت ...





النقطة الثالثة كلامك عن عيالك انهم راح يحتفلون عند أهل زوجك وانتي منتي معهم .....!!!...طيب اعملي لهم حفلة عندك في البيت ..وإذا بيسوون حفلة عند أهل زوجك فـ الأمر عادي.. وبصراحة موضوع الحفلات ماني شايف فيها مشكلة ....خلوها حفلة عندهم وحفلة عندك ...إلا إذا كانوا عيالك مايسوون حفلة إلا بوجودك فهذا أمر آخر ...




لكن المشكلة في موضوع قطع التواصل بينك وبين أهل زوجك ...هذي النقطة تحتاجين تسألين واحد من طلبة العلم الشرعي ..لأني مدري هل المصلحة أولى ولا لا ...










....

هلا لبى عينك اولاً اهلاً بكِ بالمنتدى
وانا صراحة مافهمت هل انتي شفتي البنت بلبس غير محتشم
وبلغتي اخوووها ؟

واخوها كبر الموضوع وعمل سالفه لاهلوو
لو كانت السالفه كذا فمعهم حققق
يزعلون لايحق لك الفتنه بينهم

كان بإمكانك تتركين الموضوع يمر بدون تفاعل فيك خير ادعي لها بالهداية
انصحيها بالسر
بس لاتعملين لها مشاكل

زوجك كمان غلط مفروض ماتدخل بالسالفه ومفروض تعامى حتى يستمر الود
القطيعة شيينه بين الاهل

الان لاتحتاجين طبيب نفسي
حاولي تتصالحين معهم عشان استمرار الود
وحتى عيالك مايعيشون بدون اهل وعزووة

خذي بوكية ورد وشوكلت وقهوة وهدايا وادخلي بوسي راس ام زوجك
وتعذري وقولي فلتا لسان وماعرف ان ولدك بيسوي سالفه

وتحملي كم كلمه شينه منهم عشان لايظلون عيالك منبوذين بعايلة ابوهم
وبكرة امسكي لسانك مالك خص فيهم ان شاء الله تلبس مايوه.

انا بلغت زوجي انه لبسها مو مضبوط وان واضح ان كان يطالعها ملفت اللبس شفاف.. وردهم لي كان قطعوني وماردوا على اعتذاري … زوجي كسرني ان يفشي اسراري لهم وان اولويتهم بحياته واهم خط احمر انا اقدر هالشيء بس لو كان منتظر علي دقايق كنت اعتذرت انا اعرف قلبي طيب واللي قلته غلط.. بس هو ماتحمل عصب وراح. بلغهم ويمكن الطريقه اللي قالها لهم خلتهم قاسيين البيت كله قالب علي

مابي اتواصل وياهم ابداً اعتذرت واهم سكروا الباب براحتهم بس في ضغينة بقلبي وكره وانكسار شعووور ثقيل ياربي متعب