الندم ... منحة انتي اعطيتيها ليه بلومك ..

مش شرط يتعلم
مش شرط يقبلها
مش شرط تغير من حياته
في التو واللحظة

بس كلامك ممكن يكون طوبة
في سور لسا بيتبني عشان يتغير ..

عشان ممكن الشخص ده بطريقة ما
لما يتغير يكون ليه أثر في حياة ناس تانية..

في علامات في خط سير كل واحد
لما بتجمع في شريط بتغير نظرته للحياة

للأسوأ او للأفضل مش مقياس
كل الناس نصيبنا الدنيوي كمحصلة نهائية
متشابه ومتقارب
المهم كل واحد بيؤدي دوره
عشان نكون اسباب في حياة بعض

قانون نيوتن المعروف

بيقولك القوة دائما ما تأتي علي هيئة أزواج
فعل ورد فعل ...
ولو تلاحظي هي حلقة مفرغة
شخص عمل شئ سئ ..ده فعل
انتي قررتي تلوميه او تنغلقي علي نفسك.. ده رد فعل
هو قرر يبرر او يبادر.. ده رد فعل لرد الفعل .. او فعل جديد
انتي سواء قررتي التجاهل او الرد .. فده في الأول والآخر
هينحسب جوا الدايرة .
وهكذا ..

و بطبيعة الحال طالما قررت اللوم
فانتظر رد فعل يناسب شخصية من تعاتبه
اما الصمت فالإعتراف .. واما الدفاع فالإنكار
أو ربما ايضاح ما لا تريه ...
احيانا عدم الإنزواء عن الآخرين ولومهم
يعطي الآخرين حق الدفاع ..
ويعطي لنا فرصة لنعيد التفكير في الفعل الذي نقوم به
فربما يكون هناك تبرير لأفعالهم يقنعك
في الغالب هناك دائما ما لا نراه ..
احيانا يخفف من حددتنا ..
واحيانا يؤكد ما نقوم به ..

هقولك حاجة والله
التصرف النموذجي مأمول
ولكن تفرض شخصيتك نفسها علي الواقع
وهذا بطبيعة تراكم الأيام والسنوات
التي شكلت شخصيتك لهذا اليوم
للقيام بهذا الفعل ..

احيانا نفسك تحتاج أن تبوح ما بداخلها
والا قتلها الصمت ..
وأحيانا تكون هذا الشخص القادر علي التخطي
وعدم الإكتراث ...

ولكن نحن نتحدث هنا أن الشخص كان له قيمة
او له آثر في حياتنا...
ولكن إن كان لا يعني لنا شئ ..
فلما اللوم اساسا ..

برضه
لو من باب التأمل في المعاني
بيقولوا العتاب من باب المحبة ..
ويختلف عن اللوم اللي يعتبر تحميل للمسؤلية ونقد ..

انا من الناس الذي لا تري ثابت في الحياة
الكل متغير ... ربما في يوم آخر
أجد في كلماتي تلك فلسفة زائدة ليس اكثر
والأمر يكون اسهل من ذلك

الأمر يختلف عندما تختبرنا الأيام
مرة واثنين وثلاثة ..
حتي نتبين الطريق الأنسب لنسلكه

ولا يوجد في الحياة ما هو رخيص
طالما نحن فيها ..
وكلفة التجارب غالية ولكنها مربحة
علي المدي البعيد ..