؛


انا بالعادة دايم ابكي لمن احد يزعلني او انقهر من شي او حتى امرض او اي ضغوط بالحياة انا ابكي منها


لكن ماقد جربت دموع الفرح

اليوم جربتها

برغم انو مالي حق افرح

اختي جايتنا ابها تقضي معانا كم يوم وترجع

لبيتها وزوجها وعيالها


المهم جتني اليوم وقضتوو معي

وقالت لي انا مااحس بالراحة والبر والحنان الا عندك

محدديفهمني من عيوني غيرك حتى اولادي مايفهموني ولايبرون فيني زيك


انتو ماتتخيلون قد ايه فرحت اني اكون سبب راحتها وسعادتها وقد ايه بكككيت

وقالت معاد تبي ترجع عندهم وبتجلس عندي >> حسيت فيها نبرة زعل من عيالها

اول مره احس فيها هالشي والصدق ماحاولت اسالها ولا اعرف ولا اصلح

ليش للنو حتى انا محتاجتها ومبسوطه على وجودها بحياتي ماودي ترجع

الشعور اناني وبشع ومو انساني !..

لنو شريفة هي ربتني مع عيالها واعتبرها ام ثانية لي

وقالت تبي تصوم معي رمضان

بس احسها بتطفش

ساعات دوامي طويلة وشغلي كثير

ومابقدر اعطيها نفس الوقت اللي كانو عيالها يعطونها

والبيت عندي كبير وفاضي احسها بتعيش وحده !..

بس في نفس الوقت احس وجودها يشكل لي آمان كبييير


وخايفه اتعلق فيها وترجع لبيتها وزوجها وعيالها واظل بعدها وحيدة

لانو للان ماتخطيت موت ماما فما اتمنى اني اتعلق باختي

بعد موت ماما تعلقت بسلوى اختي ولمن رجعت لبيتها وزوجها وعيالها عشت حالة سيئة من الفقد والوحدة والتعلق فيها

عجزت اترك هالطبع الشين !..
اللي هو التعلق بالبشر !..

اتمنى اقدر اتخلص من هالطبع السئ !.



؛

;



من جمال كلمات اغنية مجيد











؛

قهوة شوشو تركي احس كل المعلمات مايشربون الا تركي

سهيت عنها وطلعت بدون وجهه
بتدعي على وجهي ههههههه

؛

تُرى منْ الذي احتَواكَ هذا الصباحُ.!..
مَلامحُ وَجهي ؟!..

مُكْتَظةٌ بكَ أنفَاسسي هَذا الصَباح
وبِـ أفكَاركّ
صوتُ عقاربِ الساعةِ تُشيرُ
إلى السَابِعةِ بعدَ العشّرينَ ذبولاً منْ عُمري !..

أفكَاركْ كَسَرتْ رُوحيِّ أمَام قُصاصاتِ اليقظةِ المٌّرةِ

وأنتَ ؟



؛

؛

دَافئ إحســــاسُ الصُّبحِ بِكَ


؛

؛

لاأعرفُ الحقدَ !..
ولكنٌ حقدتٌ على مايفصلُ بيني وبينكَ .


؛