تكلمي بالعقل ......هل يعقل ان زوجك يقف يتفرج فيهم وهم جايين بـ يتضاربوا معه ..!؟!...

طبعًا راح يدخل معهم في مضاربه طالما جايين يتضاربوا معه ...


فـ كيف تطلبين انه يعتذر منهم وهم اللي جايين لحد البيت عشان يتضاربوا معه ..!!!...طبعًا هذا على جسب مافهمناه من كلامك ..

بمعنى آخر : مش معقول تحطين شرطك للعودة هو اعتذاره من اخوانك ..!!!... لا تربطين عودتك بـ اخوانك ...







خلاصة كلامي :

إذا كان طيب معك .......وكانت هذي المرة اللي يضربك فيها .....فـ ارجعي لبيتك ...

أنتي معك عيال ...ولو تطلقتي ماراح أحد يهتم فيكي ....لأن أمك وأبوك مش دايمين لك ...واخوانك بيتزوجين و بـ ينشغلوا بحياتهم الخاصة ....


وبرضو من الناحية المادية راح تتبهذلي إذا كنتي مش موظفة ....


وبرضو في الغالب راح تتزوجي من واحد معدد لو تطلقتي وفكرتي في الزواج ..وممكن يكون شايب ....

طبعًا كل شي في علم الغيب ...ولكن نتكلم بتفكيرنا البشري.. ونتكلم على حسب مانشوفه في الواقع ...






عمومًا الواضح من خلال كلامك انك أنتي تحبين ترجعين له ...


المهم اتركي عنك كلام الناس اللي يقولوا لا ترجعين ومدري ايش ....!!..

هذولي ماهم نافعينك أنتي وعيالك إذا تطلقتي وتشتتوا بينك وبين أبوهم ...


عمومًا أنتي أعلم بزوجك منا ....من ناحية إمكانية الاستمرارية معه من عدمها ...وخاصة انك ماذكرتي هل هي المرة الأولى ولا لا ...




قبل ما أنسى ...من وجهة نظري لا تخلين الطلاق أنتي المتسببه فيه بسبب خروجك من بيت زوجك إلى بيت أهلك .......عشان بكرة ماتندمي وتحطين اللوم على نفسك حتى لو كان هو الغلطان ..

فالأفضل ارجعي للبيت ولو حصل طلاق ...فهو قد حصل وأنتي في بيته بسبب عدم محبته لـ عودتك ........وبعد كذا ماراح تلومين نفسك .......لكن ندعو الله انه هذا الشي مايحصل ...وفقط قلنا هذا الكلام على فرضية أسوأ الاحتمالات ..




المهم نرجع ونقول : أنتي أعلم بـ زوجك منا ..... وعقلك فـ راسك وتعرفين خلاصك ...


وكلامنا معك مجرد سواليف مش حلول ...لأننا مانعرف زوجك ولا نعرف وضعك معه ...فقط أنتي رميتي كم كلمة ثم حنا بـ دورنا سوينا فيها قضاة ومستشارين ...!!


بمعنى آخر : انتي حطيتي مشكلتك مع زوجك قدام العالم في النت ....فـ لاتعتقدين أننا نتكلم عن علم بمشكلتك أنتي وزوجك ....

يعني وخذي كلامنا من باب التسلية لا من باب انها حل .....لأنها ممكن تكون مدمرة لحياتك الزوجية .....فـ أنتي أعلم بـ نفسك وبـ زوجك ...

...

انا فعلاً ودي ارجع له بس احس اني راح اذل نفسي لأن هذي مو اول مرة يضربني وكل المرات اللي فاتت ضربني وانارعقب فترة ارجع بدون ما يراضيني وهالمرة ضربني وضرب اخواني يعني غلطته اكبر بس هو ما راح يعتذر او حتى راح يراضيني بهيدة او غيره او حتى بكلمة حلوة يعني يبيني ارضى من نفسي اذا غلط علي وانا ما ابي اخليه يتعود ان كل ما ضربني ورحت بيت اعلي راح ارجع له بسهولة يعني مع الوقت راح يقول هذي ما عندها كرامة

ارجعي وانااخوك والله مافينا واحد ماضرب زوجته ورجعت الامور لمجراها ونسينا ولاذليناهن بل اكرمناهن واحترامناهن اكثر
انتي كبرتي السالفة يوم رحتي لاهلك الله يهديك
كان المفروض تزعلين في بيتك ولاتكلمينه لين يرد اعتبارك ويرضيك

وانااقول هالكلام ماهو تنظير الا مرت بي المشكلة وعطيتها مبلغ رضاوة لاني مديت يدي عليها
والان لي ست سنوات مارفعت يدي عليها بل مكرمها وصاينها لانها عاقله واحتوت المشكلة في بيتها وانا الى الان ندمان على ضربها
اتصلي عليه وقولي تعال خذني
وهو راح يراضيك
عسى الله يصلح احولكم وديم عليكم المودة والرحمة

وهذي رسالة لكل زوجة
لاتقولين لزوجتك ماانت رجال
لانها اقوى اهانة في قاموسنا

من صجك كاتب ان البنت كبرت الموضوع يوم راحت لاهلها
ضربها ضرب مبرح بالعقال مشكلتكم مره متساهلين مع حالكم
الله يهديكم

يا اخوي انا كنت اتصل عليه من اسبوعين كذا مرة وكان ما يرد وبعدها اكلمه واتس ويطلع لي خطين ازرق يعني قرأ الرسالة ومع هذا سفهني ، يعني ما ادري هو شيبي والى متى مخليني كذا معلقة اتصل عليه ما يرد وارسل له ما يرد ولا حتى يبي يتفاهم والحين صارلي ثلاثة اسابيع وزود ولا اتصل ولا ارسل رسالة حتى