الحوسة هي سبب الطاقة السلبية
تخلصي من الأشياء اللي ما تبينها ورتبي باقي الأشياء

كتاب " سحر الترتيب" راح يساعدك كثير

تدرين في ناس غيروا غرفتهم وتغيرت حياتهم

لأن لما تكون طاقة المكان إيجابية
حتى أنتِ تتأثرين وتصير طاقتك إيجابية
و كذا راح تجيبين لنفسك كل شي يشبه طاقتك
يعني بيصير حظك حلوو

انتبهي لغرفتك ودولاب ملابسك بالذات
لازم يكون مرتب ومو حوسة

وملاحظة بعد يمكن تعجبك وتفيدك

لما يكون لون الأثاث أبيض أحسن من لما يكون غامق أو أسود
ولون صبغ الغرفة لما يكون فاتح أحسن
مثلاً البيج أو الأبيض أحسن من باقي الألوان

وفي نباتات لو تحطينها في غرفة النوم تكون مفيدة
مثل نبتة " الألوفيرا " ونبتة " جلد النمر" وفي غيرها بعد
بس ابحثي في قوقل وبتعرفين

واختاري العطور والشموع اللي تخلي طاقة المكان حلوة
وتحسسك بشعور حلوو > أهم شي على ذوقك
لأن ذوق الناس يمكن ما يعجبك

اسالي بنات خالتك
وش يدرينا عن غرفتهم وريحتها
بعض البنات تلفت في جنوبها تدور شي غلط عشان تقروش نفسها هوع هع

؛

أنا مقهوره اكتر منك من الاخطاء الاملائيه اللي عندكك
حسيت اعاقه في لساني و انا اقراء ..
اتركِ الغرفه و الحوسه عنك و ركزي ع الاملاء
> ودي اذبحك

ع فكره
اللي تغير غرفتها تتزوج ع طول
فااغيري غرفتكك عشان تتزوجي و ترتاحي من غرفتك و تتغير حياتكك و تصيري شاطره بالاملاء

معقول مين يصدق هالكلام ؟
عمرها شارف الثلاثين !
يعني مو طفلة ولا مراهقه !!
وحده كسولة وحياتها فوضوية
جالسة تتمنى وتتمنى وتتمنى ..
ولا تبغى تأدي أي عمل تنفع فيه نفسها
وتطلب من الجميع يعلمها أصول السنع والأتكيت
وكيف ترتب مقتنياتها الشخصية
مستلمة القسم طول بعرض وخذلك موضوع
وراء موضوع كله تشكي وسبهلله
الموضوع أساساً ما فيه مشكلة وغير مقنع
والدليل ردود الأعضاء في الموضوع
وهذا الي جّرأ البعض على فتح مثل هذا الكم
والكيف من المواضيع المتشابهه والمفبركة
من خلال متابعتي الشخصية للقسم من سنوات
ولنوعية المشاكل المطروحة فيه أكاد أجزم أن
الكاتب شخص واحد لأغلب هذه المشاكل ..
( وليس كلها بطبيعة الحال )
فلو إستعرضنا أغلب المواضيع المطروحة هنا
في القسم القديمة منها أو الحديثة سنلاحظ
وبنفس الوقت أن نمط الكتابة واحد ، وكذلك
الأسلوب واحد ، والأخطاء الأملائية واحده
، فيسات وإيموجيات داخل الموضوع بالهبل
فلو أن المشكلة جدية وجديرة بالإهتمام
ماوضعت كل هذه الفيسات على أقل تقدير
وهذا ليس على سبيل المصادفةً وحسب ..
السؤال المطروح الآن ماهو الهدف من وراء
كل تلك السلسلة من المواضيع المفبركة
بهذه الكيفية وبهذا الكم ؟!
أترك الأجابة عنها لمن يريد أن يكبد نفسه عناء
البحث عن حلول منطقية ترضي البعض
بمرأى وبمباركة من الإدارة
أنا أتفهم أن هذه الطريقة تخدم القسم وبالمحصلة
هذا يخدم الإدارة لكن للأسف هذا كله على حساب
المواضيع الجادة والهادفة
ما ودي أقول المخرج عاوز كده لكن هذا الي عندي
والإدارة بالتأكيد لها نظرتها وهي أدرى بمصلحتها

والسلام ختام #