تعرفي ان البشرية كلها عندها عنصرية خفية بشكل ما
يعني فعليا انت مترسخ جواك بشكل غير مرئي
عنصرية انت غير معترف بيها

يعني انت ممكن تقول كلام عنصري
انت مش فاهم انه عنصري ..
واللي بيستقبل الكلام فعليا
مش فاهم ان الشخص اللي بيكلمه
بيمارس العنصرية ضده ..
بس بيخزن جواه احساس سلبي
هو مش قاهمه ..

بس انا اعتقد ان في وقت ما الناس ماكنتش كدا
واللي خلق البيئة دي هي كترة المنظرين
والفلاسفة اللي حاولوا دايما يدوروا علي الاسوأ
في النفس البشرية ...

لحد ما اصبحت النفس البشرية
بتمارس اسوأ ما فيها علي انه افضل
ما تتمناه منها ...الحد الأدني من الاخلاق
هو ما نتعامل من خلاله حاليا..

وبالتالي ما بقاش فيه مسمي
الاختبار الصعب في الحياة ..

الناس مابقتش فاهمة انها في اختبار ..
الناس اخر كام عقد بتتظلم من اي حد بيختبرها
كله عاوز احكام مطلقة لنفسه انه صح ..

فطبيعي الفلوس
هتكون تدرجها عندك في الأهمية
من تدرجك الايماني للاحكام اللي انت اخترتها لنفسك ..

مدي قدرتك علي البذل من اجل العطاء
هتحدد قيمة الفلوس في حياتك ..

اي كلام عن الفلوس انها اساس لمصادر سعادة
هو مجرد علامة لافتقادك الأرث الايماني الصحيح ..

وعلامة ان المجتمع في حالة انكسار
أن الكل متخيل طول الوقت ان الفلوس هتغير من حالته
مع ان كتير لو بص حواليه ...
هيعرف لان الفلوس بقت غاية للكل
فالمعاناة بقت من نصيب الأغلبية ..

و جرعة الإيمان اللي ممكن تساعدك
بقت تعزية مش رجاء حقيقي ..
وبالتالي مافيش رضا لأي حاجة
لأن فعليا الناس مش عارفة تطلب من ربنا
اللي محتاجاه بشكل صح ..

كلنا فينا جانب خفي ماحدش فاهمه
لاننا مش قادرين نستوعب ازاي نوصله ..