| |||||||
| :: قرار هام :: |
343Likes| إضافة رد |
| | LinkBack | أدوات الموضوع | انواع عرض الموضوع |
| |||||||
| :: قرار هام :: |
| إضافة رد |
| | LinkBack | أدوات الموضوع | انواع عرض الموضوع |
09-09-23, 06:43 AM
| #1 | |||||||||
 
| 
($^شعور منثور ^$) : كل ما يدون هنا نزفي : على جدار اشعور منثور تغريبه فيها نثرت احساس واصبحت مالي به لو شفتني للحين لازلت اهذري به ومطول الغيبات عقبه فقدت اشعور حظ القصايد له ولعينه اهديها دام الهقاوي فيه تحفظ مباديها مادامني للحين هايم بواديها أبني (انا وياه) باب وجدار وسور مُواسي. | |||||||||
 |
|
09-09-23, 06:55 AM
| #2 | |||||||||
|
: اعذريني :بعض مني ضاع في زحمة ظنوني مالقيته وبعض مني جفت اوراقه وماتت ماسقيته اعذريني يوم ابوح بحرفي اللي يشبه ايامي رمادي فيه من نزوف الجروح الي تحداني عناوين ومبادي تعتصر نبض الشعور الي يهيم بكل وادي : ابعتذر دايم مادمت بك هايم لو قلت لك مره يالحلوه المره ماعاد لي خاطر في جوك الماطر ووشاحك العاطر يالي وصالك جرح ومفارقك طعنات أكذب وأنا صادق عمري معك لحظات ياطاهره أنتي أنقى من الغيمه والله ماهنتي في قامه وقيمه لوقلت لك سيري ماقلتها تلميح أرمي معاذري على جناح الريح سيري على شانك ثم افتحي للنور يابنت بيبانك : | |||||||||
| |
|
09-14-23, 10:40 AM
| #3 | |||||||||
|
أشكر كل من اهداني تقييمه وكل من اسعدني بحضوره . . | |||||||||
| |
|
09-14-23, 10:43 AM
| #4 | |||||||||
|
. . يعذلوني على حلمي وانا مرهجني التفكير وكبدي كنّها تطبخ من العذال فوق النار صحيح إن الخطأ وارد وجايز مثله التقصير ومن يمشي طريق النور يشفع دونه المعذار وأنا مشفق على منهو يلبّي كل داعي خير لو انك تسمع المرزم ترى صدري عليه زرار . | |||||||||
| |
|
09-14-23, 10:48 AM
| #5 | |||||||||
|
. . السما( ما )وعيني لوتبلّ الشفايف ............. يرسم الغصن صوته للسحايب جفافه مير انا ما اتربع فوق حمر القطايف ...............واندب الحظ وابكي بين ذل ومخافه ذرَّبتني تجارب كايداتٍ صلايف .............يوم ثوب الرفاهه منكشف من غلافه ياصديقي تروَّى لاتخاف النكايف ............هات قلبك وابنزع حسرته من شغافه شاعرك فازعٍ لك جاك ماهو بحايف ..............يستثير السحايب لين يروي عجافه لايهمك عذول ولاخذول الهدايف .............لويضيع البصير بحكمته في جزافه أنت ما انت بصغير وموقفك بالنوايف ............لو تصاغرك منهو ما براسه عرافه خذ من العفو شيمه دام للحلم رايف ............والعفو خير عند المقدره من صلافه لا يضيمك ملومك وانت بالحرف قايف ...........انت بحر المعاني وانت ساحل ضفافه لك تسير القوافل والمزون العطايف ...........بين نهر العراق وبين جسر الرصافه جيت لك مثل غيري وانت ريف المصايف ...............تطلب الناس ودِّك يارفيع اللطافه جيت لك يوم جيتك ودّ ماكنت خايف ...........مالقيت ابوفودك غير حسن الضيافه كيف اعافك وانا اللي كل ماطاف طايف ........شلت موجك بصدري دون جهد وكلافه يوم تخلع على وافيك ثوب الوصايف ...............كل معنى تجيبه زاد ملح وطرافه حافظ السر دايم في ضمير الصحايف ..........مالقى من شكى لك فالعواذل حسافه اشربك لو يقولون العرب ماك زايف ...........ومن نوادر حديثك قالو إنك خرافه ليش ؟ لأنك نظيف وماتخون الولايف .............ماتصافح يدينك غير كف النظافه جيت ابشكي همومي مالحقني حسايف ............مير حزني ينازعني سلامي خلافه لادعاني طويته فالظلوع النحايف ..............وإن شكيته تدثَّر بالمعاني لحافه فيه بوحي تمازج مع لفيف الطوايف ..........لين قصدي تولى غير حرفي كفافه جيت حزني غريبٍ له وجود ونكايف ................كل ماقلت ولاَّ يكتشفني شفافه والسما ( ما ) وعيني لوتبلّ الشفايف .............كان يشكي وليفي للسحايب جفافه . | |||||||||
| |
|
09-14-23, 05:05 PM
| #6 | |||||||||
| : تخيل محادثة بين متفائل ومتشائم ومحور الحديث عن صورة لمنظر طبيعي في الصحراء كان المتفائل يحاول تفسير الجمال في هذا المنظر ويحاول ايضاح المعاني التي ترمز لها التضاريس المتعانقة مع اشعة الشمس ولكن للاسف عجز عن اقناع صاحبه وتبديل نظرته تجاه الاشياء انتهى الحديث وفي اثناء صعودهم مع السلم وقبل ان يفترقا في الممرات قال المتفائل : أرجو أن تعيد النظر للصورة مرة اخرى وتتخيل انك تصفها لشخص تحبه او تشاركه في وصفها هنا أنتفض المتشائم واستيقظت فيه الحياه لمجرد احساسه بهذا الشعور . فيه حكمه لسردي لهذه القصه بس مشكلتي اني ما اعرف اعبر عنها اشعر فيها بدون ان تخرج من داخلي كأنها شريط محبوس في مسجل خربان عاد حلّني هالحين وين تلقى مصلح مسجلات صارت الدنيا كلها سيديات يعني: يطول حبس الكلام بخاطري ما نطقت وشلون بأطلق قيودي من عدو الكلام الصمت قيده نفاني عن هواي وشرقت ما عاد لي فيه حيله لو يطول الهيام ياليت شوقي عتقني منك ولاَّ رفقت في حال منهو يحبك لين يلقى سلام ويكفيني! : | |||||||||
| |
| إضافة رد |
| مواقع النشر (المفضلة) |
| |
 | أصدقاء منتدى مسك الغلا | | |||||
