لو تكثر أعدائي وتزداد الصفوف
اكثر ما يثربي ترا نفسيتي

ومكابد الدنيا وعثرات الصدوف
زادت نضوجي واصنعت شخصيتي

بعض المشاريع انتهت فوق الرفوف
ولا عاد تفتح نفسي وشهيتي

اشح في وصلي وانا ماني عيوف
والناس تحسب غيبيتي مع جيتي

ولو كنت انا مخطي بعد طال الوقوف
ما احدن غفر ذنبي وعدا سيتي

وازريت احط من النقط فوق الحروف
وانا القصور بعيد من ناحيتي

والمشكله تاضح مضاريب الظروف
مير العرب تبغى تحرف نيتي

ان كان بخسرلي من العالم الوف
ماني متحسف والسبب عفويتي

ترا التصنع ينكشف رغم الانوف
والكره من حقي ومن حريتي

مادام تبغى كل شيٍ لك يطوف
لا تتهم رايي ولا انسانيتي

ماني مضريها على حب الكتوف
لو ان بان الضعف في ماليتي

ومازادت الغله ولاتزيد الحسوف
اهم حاجه محتمي قضيتي

ماني بطامح أصبح انسان معروف
مادام مدري وش سبب شعبيتي

( عماد محمد الرشيدي )