02-11-11, 02:31 PM
| #67 | ||||||||||||||
   
|  عشوقه ياقلبى لى يومين وانا اقرا فيها .. والله لاذبحكـ اذا ماكملتيها  يلا عاااااااااد ابغى البقيه مااقدر اصبر .. | ||||||||||||||
| |
|
02-12-11, 04:26 AM
| #68 | |||||||||
  
|
حاضر حاضر يا حبايب قلبي راح اكملها لكم حاضر | |||||||||
| |
|
02-12-11, 04:32 AM
| #69 | |||||||||
| نفسها تقوم تصفعها ...والبنات عاد مشهد رومانسي قدامهم أنواع التحمس..:يالله يالله لميس وأزعجوها لين إبتسمت وهي تشوف دلال بتنفجر غيظ.. سندت راسها ع صدره ومسكت يده اللي لافها ع خصرها.. وصورتهم... *** إنسحبت من عندهم لماشافت الكل منشغل بالثنائي اللي قدامهم وصعدت فوق بسرعه قبل ينتبه لها أحد... فتحت الباب ودخلت.. إنصدمت أمل لماشافتها:رشا.. إبتسمت رشا وقالت:ليه ماتوقعتي صح.. أمل:خير تبين شئ... رشا وعيونها تدور في الغرفه:لا بس جايه أوسع صدرك دامك جالسه لوحدك.. أمل:سوري أنا تعبانه وبنام طاحت نظراتها رشا ع هدية طلال الفخمه اللي فوق التسريحه وداخلها طقم ذهب مرصع بألماس فخم... إنقهرت وقالت:حلوه هديته...بس أكيد طبعا ماتجي ربع فيصل وخسارته صح أمل إنصدمت وظلت ساكته... قربت رشا بخبث وقالت:قلت لك لاتتحديني وهذا أنا فزت ..وإنتي ماطلتيه.. أمل:شقصدك... رشا وإيدها تلعب بخصل شعرها: إممم ياحرام فيصل أكيد حس بالخيانه لأن حبيبته خانت حبه وقبلت في غيره مثل إحساسك لماشفتيني معاه.. إنصدمت أمل وقالت:إنـ...إنتي شقاعده تقولين... رشا:إممم المشهد الرومانسي اللي شفتينا فيه...فيصل ماله يد ولاذنب فيه... توسعت عيونها بصدمه ودقات قلبها وقفت وهي تسمع رشا: وإنتي ياحلوه أكلتيه بسهوله... يعني الخيانه مو منه ...منك إنتي ضربت خدها بخفه وقالت:وأنا شلتك من طريقه وصار فيصل لي أنا وبس...ياحرم طلال ضحكت وطلعت... مستحيــــــــــــــــل...مستحيــــــــل يعني كيف.. فيصل بريئ ... بس بعد إيش بعد ماصرت لغيره ... شهقت بقوه ودموعها غرقت وجهها... مومصدقه اللي سوته...آآآآهئ طاحت ع الأرض تبكي بحرقه ضيعــــــــت فيصل من يدها ظلمتــــــــه... ************ دخلوا للبيت وراحت لغرفتها بس وقفها رعد لمامسك يدها ولفها له وإيدينه ع أكتافها:لميس ممكن نتفاهم.. لميس:اللحين تبغى تتفاهم بعد إيش.. رعد:لميس أرجوك إسمعيني.. فكت إيديها عنها وهي تقول:مابي أسمعك...إنت ماسمعتني لماكنت أترجاك تسمعني وترفض وتبغاني أسمعك... لا عارف ليه لأني عارفه إيش بتقول نفس الكلام تقوله لما تخلص إهاناتك وتجريحك وللأسف ضربك ومن بكره ترجع لنفس الأسلوب...وأناماعندي أي إستعداد أتحمل أكثر من كذا... تركته ودخلت غرفتها... رمى شماغه ع الكنبه وجلس وإيده تشد شعره بقهر... ************* تمددت ع سريرها لما بدلت لبسها ولبست بيجامتها... وعقلها معاه...مستحيل تسامحه بهالسهوله ..جروحه للحين ملتهبه داخلها ... ظلت عيونها متعلقه بالسقف لساعات والنوم مجافيها... سمعت صوت باب غرفتها ينفتح غمضت عيونها بسرعه لماحست بخطواته تقرب من السرير...و حبست أنفاسها.. مرت دقايق ماتحرك من مكانه حست بإيده تلامس خدها وتبعد خصل شعرها عن وجهها.. تحركت تبغاه يطلع وفعلا سمعت الباب يتسكر...فتحت عيونها وماشافته.. تنفست بقوه وحطت إيدها ع خدها .. دفنت وجهها بالمخده وغمضت عيونها بقوه تطرده من تفكيرها ************** نزلت تحت وشافت أمها جالسه في الصاله.. جلست عندها وشافت رنا داخله للصاله وشكلها دايخه وفيها نوم أمس خالد ماخلاها تنام ماخذ راحته لأن ماعنده دوام الصباح وماسكر منها إلا 6:00 الفجر.. حاولت تسكر وتنام بس يهددها إذا سكرت بيعجل بالزواج.. حالف بيطلع عيونها وغرورها من عيونها... أم رعد:خالتك حاكتني وبيحددوا موعد الملكه بعد ثلاث أسابيع... ريم إنصدمت:أي ملكه.. أم رعد:ملكتك ع عبدالله يعني أي ملكه.. رنا تفاجأت:عبدالله ريم قامت:يمه الله يخليك مابغاه أم رعد:أنا عطيتك خبر ولاتجادليني وخلصنا.. بكت وطلعت غرفتها...موغصب ماتبغاه ياناس أحد يفهمها تكرهه ماتبغاه.. رفعت راسها لماشافت رقم البندري ينور شاشة جوالها.. تذكرت بسام وزاد بكاها... تذكرت لماطلعوا من بيت عمهم في يوم الملكه شافته واقف مع عيال عمها.. رمت جوالها ع الأرض بقهر وبكت... ********* كانت جالسه ع سريرها ...وتذكر الموقف اللي صار لها مع رائد... غطت وجهها بإحراج ...للحين تحس بالخجل لماتتذكر كيف كان قريب منها... رفعت راسها للباب اللي إنفتح ودخلت منه سميه ووجهها متغير وكأنها مصدومه من شئ.. سديم:سميه.. نزلت دموعها ومسكتها سديم بخوف وجلستها:شفيك..صاير شئ... سميه ودموعها ع خدها وكأنها مو مصدقه:ر..راكـ ـ ـ ـان... سديم:شفيه.. سميه:خطبـ ـ ـ ـني ... سديم:كيــــــــف...بس بس إنتي مخطوبه... حركت راسها بلا وبكت :إنلغت..و..وأبوي بيزوجنـ ـ ـ ـني راكــــــــان شهقت سديم بفرحه:إيــــــــش...واللــــــــه ضمتها سميه تبكي ..مومصدقه اللي صار...بتتزوج راكان بتاخذ حلمها... ماصدقت لما قال لها أبوها إن صاحبه أبو خطيبها لمابغى يملك ولده عليها بيوم ملكة أمل...وقف راكان بوسط المجلس بإعتراض وقال إنه ولد عمها وأولى فيها ... وصاحبه ماقدر إلا إنه يعطيها له وكان بيملك عليها بس مارضى إلا بعلمها ... بس إنها حليلــــــــه له... **************** جالس ع كرسي مكتبه ويحس الدنيا ضايقه فيه..وأنفاسه تختنق .. فتح أزارير ثوبه العلويه وسند ظهره ع الكرسي... ناظر في الأوراق اللي قدامه والملفات اللي ع طرف مكتبه... غمض عيونه بتعب.. وأخذ جواله ودق.. جاله صوت بسام:هلا فيصل لامست أصابعه جبينه:هلابسام وينك إنت اللحين.. بسام : أنا اللحين في طريقي للبيت فيصل:طيب تقدر تمرني في الشركه ... بسام:أوك أنا جاي... سكر بسام جواله وهو مستغرب من حالة صاحبته...من ملكة بنت عمه وهو ذابح نفسه بالشغل لدرجة إنه ماصار يشوفه كثير يمكن هذي طريقه علشان يقدر ينساها أو حتى مايفكر فيها... ******** ناظرت في جوالها بتفكير.. خالد له يومين مادق عليها ولا حتى أرسل لها مسج.. تنهدت بضيق ورمت نفسها ع السرير.. إيش فيني أفكر فيه ...وإذا مادق مو أنا كنت ماأبغى أحاكيه وأكرهه... يمكن لأني تعودت أسمع صوته كل يوم... أفففف...تأففت بضيق وقامت أخذت جواله وفتحت مسجاته .. غصب عنها إبتسمت لما تقراها .. رفعت راسها..معقوله يكون تعبان علشان كذا مادق أو أرسل...لا لا إن شاءالله مافيه شئ....يمكن إنشغل في المستشفى... أففف يارب...رمت جوالها ع السرير وقامت ونزلت تحت ما شافت أحد.. طلعت في الحديقه وشافت ريم جالسه وشكلها سرحانه... راحت لها:هاي التفتت لها ريم:هلا جلست قدامها:شفيك سرحانه ريم سكتت ووضح ع وجهها الضيق وكأنها بتبكي... رنا :عبدالله صح.. ريم همست:ماأبغاه وأمي مصره ... رنا:طيب حاكي أبوي... ريم:ماقدر أمي حالفه إذا عارضت أو قلت لأبوي بتتبرى مني وأنا مابغاها تزعل أو أسبب مشاكل بين أمي وأبوي.. سكتت رنا ماتدري إيش تقول أمها مصعبه كل شئ.. ورفض رعد لدلال صعب الموضوع أكثر... ريم بابتسامه:إنتي كيفك مع خالد.. رنا:تمام.. ريم إنبسطت:قلتلك خالد طيب وحبوب وبتحبينه.. رنا:من قال إني حبيته... ريم:أجل رنا:مادري...المهم حاكيتي أمل اليوم.. ريم:لا ليه رنا :لا ولاشئ بس أسأل سكتت كان نفسها تسألها إذا أمل قالت شئ خالد ... *********** التفت يناظر فيه..من جلسوا وهم هدوء...وساكت وعيونه مركزه ع أمواج البحر ... بسام:فيصل... فيصل:هلا... بسام:شفيك ياخوي شايل الدنيا ع راسك.... تنهد فيصل بضيق:قلبي صار مو ملكي يابسام...راحت لغيري بسام:هي اللي باعتك وإختارته ليه تعذب نفسك علشان خطاها فيصل:أبي بس أعرف ليه ليه وافقت عليه....ليه خانتني وهي عارفه إني أحبها... كلماتذكرت اليوم اللي إعترفت فيه بحبها لي...أحس إني بنجن كيف تقول تحبني وتبيعني... آآآه يارب سكت بسام وتفكيره راح لريم غمض عيونه بقوه لما إنعاد له المشهد اللي هدم قلبه... موقادر يلوم فيصل لأنه ذاق نفس اللي ذاقه وأشد ... ظلوا ساكتين وكل واحد وداخله صراعات حب كانت نهايتها خيانه... *********** ضمت أمها وهي تبكي.. أم خالدبفرحه:ألف مبروك يمه والله فرحتي قلبي.. رفعت حاجبها أمل:وإنتي ليه تبكين..الحمدلله والشكر أول مره أشوف وحده تبكي لأنها حامل... أم خالد:خليها ع راحتها من فرحتها لماتتزوجين وتحملي بتحسين باللي تحسه إنكتم وجهها أمل وتجمعت الدموع في عيونها وإنسحبت لغرفتها... رهف:والله ماني مصدقه يمه أم خالد:الحمدلله قولي الحمدلله... رهف:وين أمل الدبه ماباركت لي.. أم خالد:شكلها إستحت وراحت غرفتها.. راحت رهف لغرفة أمل وفتحت الباب وشافتها جالسه ع سريرها وتبكي.. رحمتها كثير كانت عارفه بالله تحس فيه... قربت منها وقالت بمرح:عارفه تبكين علشاني صح .. إبتسمت أمل ورجعت تبكي.. ضمتها رهف:خلاص أمل.. أمل:والله موقادره أنساه آآهئ ياليتني ماوافقت يارهف ياليت رهف:هدي نفسك ياأمل مايجوز اللي قاعده تسوينه إنتي اللحين ع ذمة غيره ..مايجوز تفكرين في غير طلال... زاد بكاها أمل وشدت قبضة إيدها ع بلوزة رهف بحرقه... دخلت ساره للغرفه وإنصدمت لماشافتهم... وتضايقت كثير ع حال إختها ساره:خلاص أمول حرام اللي قاعده تسوينه في نفسك... قامت أمل ودخلت تغسل وجهها ماتبغى تخرب فرحة إختها... ساره:مبروك رهوفه رهف:الله يبارك فيك طلعت أمل وبإيدها مناديل تمسح وجهها.. البنات ماحبوا يعلقوا ع شئ وكأن ماصار شئ... رهف:خلصتي جهازك ترا مابقى شئ ع زواجك ساره:أيوه خلصت.. بدوا يتكلموا عن تجهيزات زواج ساره والفساتين وغيره...وأمل تحمست معاهم .. *************** طلعت من المطبخ وبإيدها كاس عصير وإيدها الثانيه الجوال تحاكي هند... جلست ع الكنبه ..شافت رعد دخل وهي في الأيام اللي فاتت كانت متجاهلته ولامعطيته وجه جلس ع الكنبه..وهي تجاهلته وهي تحاكي هند... سكرت جوالها وقامت بتروح غرفتها ولمامرت من عنده حست بيده مسكت معصم يدها:وين.. قالت من غيرماتطالعه:بروح غرفتي رعد:نفسي أعرف إيش فيها غرفتك دائما جالسه فيها قالت بسخريه:لاتخاف مافيها رجال... إنصدم من ردها وسحبها جنبه وقال بعصبيه:لميس.. ماردت عليه ولفت وجههاعنه.. شد ع إيدها بقهر:لا عاد أسمعك تحكين هالحكي سامعه.. سحبت يدها من يده وقامت رايحه لغرفتها... *********** لبست فستانها الأسود النعوم وعدلت شعرها الكيرلي .. ودخلت أغراضها بالشنطه... أخذت جوالها وناظرت فيه... تأففت بضيق ودخلته بشطتها خالد من زمان مادق عليها.... جلست تلبس صندلها العالي وهي تفكر... قامت وأخذت شنطتها وعباتها ونزلت تحت... اليوم بيروحون بيت عمها وأكيد بتشوفه هناك... شافت فيصل داخل للبيت والتعب واضح ع شكله...رمى السلام ووقفته أمها:فيصل فيصل.:هلا أم رعد:اليوم بتروح بيت عمك مو تقول مشغول.. فيصل بتعب:ماني رايح تعبان وبنام.. وكمل طريقه....تأففت أمه بقهر ولدها للحين موراضي ينساها وذابح نفسه بالشغل علشان ما يفكر فيها ولايروح بيت عمه... نزلت ريم ونفسها براس خشمها مالها خلق تشوف خالتها أم عبدالله وبناتها ... لبست عباتها وأخذت شنطتها وطلعت .... ********* طلعت من غرفتها ولبست عباتها وسكرتها .. رفعت راسها وشافت رعد داخل سلم ودخل غرفته ياخذ شور و يلبس.. جلست تنتظره في الصاله ... وفتحت التلفزيون ... بعد دقايق سمعت صوت جواله شافته طالع ويحكي في الجوال... لابس ثوب أسود وغتره بيضا إنهبلت ع شكله يجنن...أصلا الأسود عليه خبال... طلعوا وركبوا السياره ... شافت الطريق موطريق بيت عمها... إستغربت وقالت:هذا موطريق بيت عمي.. رعد:بمرخالتي بناخذها معانا لميس إنفجعت دلال بتركب معاه بنفس السياره ولابعد مع رعد:نعم طيب ليه ماأرسلت لها واحد من السواقين.. رعد:هي دقت علي أنا...فشله أرسل لها سواق وأنا رايح بنفس الطريق.. إنقهرت وبلعت لسانها لاتتهاوش معاه الله يصبرها بس... شافت دلال طالعه قبل أمها وتمشي بغنج ودلع ..فتحت باب السياره اللي خلف رعد وقالت بدلع:السلام عليكم.. دخلت ريحة عطرها قبلهاو ركبت وقالت بنفس الدلع والميوعه:كيفك رعد... رد عليها رعد :بخير ركبت رشا وأم عبدالله.. وقالت دلال بنفس الدلع :سوري رعد تعبناك معانا..بس عبدالله إنشغل وماقدر يجي وأبوي مثل مانت عارف مسافر.... لميس نفسها تخنقها وتطلع الدلع من عيونها..اللحين إيش دخلها تحكي المفروض أمها اللي تحكي وذي تبلع لسانها... مدت يدها لميس بتاخذ منديل وإنصدمت لما لمحت دلال متغطيه بغطا شفاف وألوان مكياجها الصارخ واضحه والإبتسامه شاقه حلقها..وعيونها شوي تلصق برعد من كثر ماهي مبحلقه فيه من المرايه... مسكت أعصابها اللي شوي تنفلت... وهي تسمع أم عبدالله تسولف ع رعد وطبعا كل السالفه عن بنتها دلال اللي تحس إنهابتموت من كثرماهي تغتصب الدلع... ومقهوره من رعد اللي يسولف معاهم ..المفروض يسكت وما يرد ع هالدلال... شافت دلال تفتح غطاها وترجع تزينه ويعني أنا محتره وكل شوي تطلع في المرايه وتدخلها تشوف مكياجها.... قالت لميس :رعد حبيبي قصر ع المكيف برد علي.. لعانه في دلال خل مكياجها يسيح ويحوس خشتها اللي فرحانه فيها... إنصدمت لمامسك رعد يدها وكأنه صدقها يتحسسها وكانت بارده ... دلال طلعت عيونها لما شافت يد رعد حاضنه يد لميس... وماتت قهر.... ************* دخلوا وكان في إستقبالهم ريم وأمل ... ضحكت أمل لماشافت وجه لميس الأحمر وشكلها معصبه: أكيد دلالوه سوت شئ كشرت لميس وهي تعدل شعرها وقالت لهم اللي صار أمل:هالدلال هذي والله ماتستحي ومافي وجهها حيا لميس بقهر:لا وأمها فرحانه وتمدح في بنتها يعني يارعد خذ بنتي..بس حامض ع بوزها ياخذها.. ماتوا ضحك البنات ع شكل لميس المقهوره أول مره يشوفونها بهالشكل... سميه:إخس يالغيوره من قلب بعد التفتوا البنات وشافوا سميه اللي مانتبهوا لها... ضحكوا البنات وسلموا عليها... سلمت ع خالتها اللي رحبت فيها وإنحرجت منها لماقالت لهاتجلس جنبها....جلست شوي وراحت عندالبنات اللي كانوامبسوطين لماعرفت بخطبة سميه لراكان... دخلت عليهم لابسه تنوره قصيره جينز عليهابلوزه ورديه ورافعه شعرها من قدام بطوق وردي لمياء:الله ياشهد إيش الحلاوه هذي.. إبتسمت شهد بغرور وقالت:أصلا أنا من زمان حلوه.... ضحكت لمياء:يمه منها ... جلست جنب سديم وهي تعدل تنورتها... سديم:روحي إلعبي مع البنات شهد:أصلا أنا كبرت خلاص سجلت بالمدرسه عيب ألعب سديم:لوتشوفونهابنات محسره بأمها وراكبه راسها ماتقص شعرها... كله علشان المدرسه سميه:ع بالها مايدرس إلا اللي شعره طويل... أمل:هههههه ياحبيلها سديم :ياعمري مي تبغى تقص شعرها توها صغيره ع الشعر الطويل... شهد كشرت ماعجبها حكيهم عنها وقامت... *** واقفه عند المغاسل تغسل يديها ... وشافت رشا دخلت ووقفت جنبها تغسل... طنشتها ولاناظرتها...وكان نفسها تقتلها وتشرب من دمها ع اللي سوته....بس إيش الفايده... رشا:كيفك مع طلال... ماعطتها وجه ولا كأن أحد موجود وطلعت... إبتسمت رشا مع إنها حست بقهر لأنها طنشتها...بس يالله أهم شئ شالتها من طريقها وفازت هي في النهايه....تنهدت ودها تشوف فيصل من ذاك اليوم ما شافته ...سمعت إنه ماحضر العزيمه وإنقهر يعني كل هذا حزن ع فراقها...بس مصيره ينسى ومافي طريقه غيري أنا... طلعت ومرت من عند رنا اللي كانت واقفه وسرحانه...سمعت إن خالد مريض حتى إنه سلم ع الرجال وجلس معاهم شوي وصعد غرفته.... إنحرجت كثير من نفسها ...حتى لوكان اللي بينهم المفروض داقه عليه تسأل عنه مو تطنش.. تأففت بضيق من تفكيرها... ودخلت تجلس مع البنات... دق جوالها ورفعته وشافت المتصل رعد يبغاها تطلع... قامت وأخذت عباتها ...سمعت أم عبدالله تقول:لميس قولي لرعد يدخل بسلم عليه من زمان ماشفته عاد مافيه أحد غريب الله من الكذب يعني من جابها غيره...بس تبغى ترز بنتها عنده... ماقدرت تطنش لأنها قالت لها بصوت عالي فدقت عليه رغم عنها... بعد دقايق دخل رعد ومعاه رائد وعادل... سلموا ع جدتهم...والجده قعدت تهوش ع رائد لأنها من زمان ما شافته... رائد بابتسامه:يايمه الله يهديك إنتي راعية طويله يعني لو بجيك ماراح أطلع إلا في نص الليل ...وأنا مثل مانتي عارفه وقتي ثمين... رفعت العصا عليه:أيا قليل المروه هذا حتسي تقوله لجدك يامن اللي مانب قايله... ضحك رائد وباس راسها وهو يبعد العصا عنها:أمزح معك يمه وإلا إنتي أم الخير كله... الجده:والله لو أنا موب نايمتن هنا وإلا تسان سحبتك من كشتك وأخذتك تقعد عندي... رائد بضحكه:أجل فكن الله... الجده:وشهو.. رائد:أقول الله يحييك يمه... البنات ماسكين ضحكتهم ع هباله....وسميه لكزت سديم بكتفها بهمس:هذي اللي مو هامها وإنتي شاقه هالإبتسامه وعيونك مانزلت عنه... سديم:أصلا مو لمه ...وش أبي فيه... سميه:والله مادري عنك وطبعا لماخلصت من رائد حولت ع عادل اللي واقف ومسوي نفسه برئ... طلعوا بعد ما أكلوا لهم كم تهزيئه من جدتهم... قامت دلال وإرتزت قدام رعد والإبتسامه ع وجهها... إنقهرت منها لميس وقامت وجلست جنب رعد عناد فيها... وهي تبتسم للبنات اللي مبسوطين يشوفون الحرب اللي قدامهم... أم عبدالله بقوة عين:إلا أقول لميس إنتي ماحملتي للحين... إنصعقت من سؤالها وسمعت رعد يقول:لا خالتي...إدعيلنا أم عبدالله بخباثه:أيوه بس لازم تسوون كشوفات يمكن ماتجيب عيال... لميس مومصدقه جرأتها ولاقدام الكل وقالت بقهر:تونا عرسان لاحقين ع العيال أم عبدالله:أي عرسان اللي مثلكم عنده واحد وإلا إثنين ...وإلا إنتي شكلك موناويه تخلينه يشوف عياله... ماسكه أعصابها اللي بتنفلت والقهر يحرقها..هذي إيش دخلها فيهم.... حست بيد رعد ع خصرها وقربها منه وهو يقول:إن شاءالله بس مثل ماقالت لميس إحنا تونا ع العيال....ومتى ماأراد الله مو مستعجلين... إنقهرت من حركة رعد وقالت: بس ياوليدي العيال زينة الحياة ولازم يصير عندك ولد يحمل إسمك وتفرح فيه أمك وأبوك... لميس خلاص بتنفجر قالت باحتقار:هذا إنتي قلتي أمه وأبوه يعني إنتي إيش حارك ...وهذا شئ خاص فينا ماله داعي تدخلين نفسك فيه.... أم عبدالله إنصدمت ماتوقعت لميس ترد عليها.... حست إن رعد عصب من أسلوبها ..فكت يده وقامت ورمت ع أم عبدالله نظره وطلعت.. دخلت للمطبخ وهي تحترق من القهر...إيش دخلها فيهم يعني غصب ياخذ بنتها ..إيش هالبجاحه هذي...أخذت كاسه مويه وشربتها كلها دفعه وحده تبرد ع قلبها... دخلت ريم تضحك:عارفه عيب أضحك ع فشيلة خالتي...(وكملت بتريقه)وأم زوجي المستقبلي...بس تستاهل سكتت لميس لماحست بالمراره في صوتها...رحمتها مره الله يعينها إذا هذي أم زوجها... دخلوا البنات وكل وحده مقهور من أم عبدالله ولقافتها... أخذت لميس عباتها ولبستها وراحت تسلم ع جدتها وخالتها وتطلع.... ***** طلعوا كلهم إلا أم رعد وبناتها .. كانوا جالسين في الصاله لما دخلت أمل مبوزه ومعاها صينية العشا وقالت:يمه ولدك موراضي يآكل.. أم خالد:ليه.. أمل:يقول مالي نفس... أم خالد التفت لرنا وقالت:يمكن إذا أخذتها له رنا تنفتح نفسه.. رنا إنصعقت لماقالت لها تاخذها له....وإنحرجت كثير ...بس أمها قالت لها تروح عادي زوجها... ريم وأمل بدت الإبتسامات اللي قهرت رنا... أخذتها وقلبها تحسه بيطلع من مكانه...إيش هالإحراااااج... راحت معاها أمل وأشرت لها ع غرفته:هذيك غرفته.. رنا :تكفين تعالي معي ضحكت أمل:لا حبيبتي روحي إنتي ...بس هااا لاتتهورو.. شهقت رنا وكان نفسها تضربها بالصينيه اللي معاه بس أمل قالت كلمتها وإنحاشت... قربت من الباب ووجهها يحترق إيش هالإحراج رايحه غرفته.. حطت الصينيه ع الطاوله وناظرت المرايه وعدلت شكلها ... دقت الباب وأخذت الصينيه وإيدها ترتجف..لماسمعت صوته المبحوح.... فتحت الباب بصعوبه وقلبها يضرب ...ودخلت.... ****************** دخلت للبيت وراحت لغرفتها و هي تنزل عباتها ... وقف رعد قدامها وقال:ماخلصت كلامي.. قالت بقهر:لا أمك كملت إهاناتك وإهانات خالتك.. بعدت عنه ودخلت غرفتها.. رعد:لميس وبعدين معاك.. لفيت عليه وهي ترمي عباتها ع السرير بقوه:وبعدين معاك إنت...ليه تحملني غلط خالتك هي اللي غلطت علي....تبغاني أسمعها وأسكت..وهي كلما شافتني رمت علي كلمه كأني قاتله لها أحد...وإنت ماتصدق أحد يغلط تكمل عنه كفايه أمك ماخلت شئ ماقالته..وكفايه جروحك اللي للحين ماانبرت... غطت وجهها بإيديها وجلست ع السرير تبكي...تعبت من كل شئ ماحد خلاها في حالها حتى خالته....ماصدقت رعد يتحسن معاها تجي خالته... حست فيه يجلس جنبها وإيده تحوط كتفها:خلاص حبيبتي إهدي لاتبكين ... زاد بكاها لماسمعت كلمته.... تحبه وموقادره تنسى اللي سواه أصلا أهله مومعطينها فرصه تنسى... ضمها وهي بعدت عنه ماتبغى تضعف قدامه... قامت ودخلت للحمام.... تنهد بضيق وطاحت نظراته ع صوره ع الكومدينه.. أخذها وطاحت نظراته ع رامي .. إبتسم بسخريه لما تذكر غباءه ... ************** نزلت تحت وشافت أبوها واقف عند الشباك المطل ع الحديقه ويفكر وإيده تتحرك بعصبيه... مرام:يبه... التفت لها:هلامرام... قربت منه وقالت:شفيك يبه شكلك متضايق... تنهد بقهر وقال:خبر إختك إنتشر في كل مكان وخايف يضر في مركزي لأن الحكي كثر.. ضمت ذراع أبوها وقالت بدلع:يبه لاتقول إختك هي مو إختي أنا بنتك الوحيده ودلوعتك.. مسح ع شعرها وإبتسم ورجع يفكر... قالت فجأه:زوجهـــــــا التفت لها بدهشه:أزوجهـــــــا.. مرام:أيوه زوجها أي أحد من الشارع ولا تعرفنا ولا نعرفها... أبومرام إبتسم:جبتيهـــــــا... مرام:شفت كيف سهله..لاتضايق نفسك علشان وحده تافهه حطت إيدها ع فمها تكتم شهقتها وركضت لغرفتها.... صعد أبوها غرفته ..وتنهدت مرام بفرحه أخيرا لقت حل يبعد تولين عن حياتها... **************** شافته متمدد ع سريره عليه بيجامه سودا ومرجع راسه ع ورى وإيده ع جبينه ومغمض عيونه... تجمدت مكانها وتحس دقات قلبها وقفت لمافتح عيونه وبانت الصدمه ع وجهه لماشافها.... رنــــــــــــــــــــــــــــا.... شدت قبضتها ع الصينيه اللي حستها بتطيح من يدها...لماشافته قام وجا لها وهوللحين متفاجأ.... نزلت راسها وهي تحس الدم اللي في راسها يحترق...لماأخذ منها الصينيه وحطها ع الطاوله و هو يناظرفيها مومصدق... قالت بتبعد نظراته عنها والحروف يالله طلعت من فمها: آ..كيفك.. إبتسم وقال وهو يمسك يدها: أكيد بخير...والقمر قدامي... سحبت يدها وقالت:سلامات ما تشوف شر... خالد:الشر مايجيك ياقلبي.... تعلقت نظراتها ع عيونه لحظات وماتسمع غير نبضات قلبها...سكتت ماتدري إيش تقول ..ناظرت في صينية العشا وقالت: ليه مو راضي تاكل.... إبتسم وقال:راح آكل بس من يدك... إنهبلت وماعطاها فرصه ...سحبها وجلسها جنبه... إنحرجت مره وتحس الجو حار وإنعدم الهوا حولها.... خلاها غصب تأكله وهي متضايقه من الوضع... مومصدقه إنها قاعده جنبه وبغرفته وتأكله من يدها بعد وهي اللي عمرها ماتنزلت وأكلت طفل تأكل خالد اللي سوت مناحه لما خطبها وإنغصبت عليه ولابعد تكرهه.. تركت الشوكه وقامت..مسك يدها وقال: ع وين.. فلتت يدها من يده بقهر وقالت: بطلع .. مشت للباب بتطلع ومسكها من ذراعها:رنا شفيك.. فلتت ذراعها من يده وقالت:مافيني شئ..باي طلعت من غرفته ونزلت تحت بسرعه وصدمت في أمل اللي كانت بتطيح:بسم الله...شفيك رنا:ما..فيني شئ...أهلي طلعوا إبتسمت:توني بروح أناديك...لأنهم ينتظرونك برى....آ... قطعت حكيها لما مشت رنا بسرعه وهي تأشر بيدها:باي... إستغربت وضحكت لما جا في بالها إن أخوها أكيد سوى لها شئ أحرجها وخلاها بهالشكل... ************** صحت وتحس راسها مصدع من البكا أمس...قامت ورجعت جلست لماحست بدوار فظيع وإيدها ع جبينها .... لماحست فيه خف شوي قامت وبدلت بيجامتها ولبست بنطلون وبلوزه..لمت شعرها ذيل حصان..وطلعت من غرفتها.. شافت غرفة رعد مفتوحه ورعد موموجود أكيد راح للشركه... سوت لها كوب كوفي وجلست تشربه وهي تفكر... كان المفروض اليوم تروح لبيت عمها...بس شكلها ماراح تروح ماتبغى تتصادم مع أم رعد عقب اللي صار أمس... نفسها تحكي مع ريم...بس أكيد نايمه... أخذت جوالها وفتحته لقت فيه مسج من هند .. ضغطت إتصال وحاكتها... تفاجأت بريم داخله ووجهها متغير... سكرت من هند ووقفت:ريم.. جلست ريم:سوري جيت بدري كذا بس ماقدرت أصبر.. لميس:لا عادي أصلا أنا كنت بدق عليك بس كنت أظنك نايمه ريم تنهدت:لا مانمت أمس أبدا لميس:ليه.سلامات فيك شئ.. ريم ودموعها غرقت عيونها:ملكتي الأسبوع الجاي... لميس بدهشه:إيش..بس مو هي بعد ثلاث أسابيع.. ريم بقهر ودموعهاتساقطت:خالتي قالت لأمي إنهم يبغونها الأسبوع الجاي...آآهئ ضمتها لميس تهديها وقالت ريم ببكا.:ماحد حاس فيني..أمي راكبه راسها موراضيه تسمعني...ماحد راضي يسمعني ويحس فيني..فيصل حابس نفسه في غرفته أو بالشركه..ورنا من متى تسمع لي...حتى رعد اللي حاول يوقف معاي أمي هددته إنهاتتبرى منه إيش أسوي يالميس ... تنهدت لميس بضيق هي ماتقدر إلا إنهاتسمعها غير كذا ماتقدر.. لو علاقتها بأم رعد كويسه كان تدخلت لكن الوضع غير... ************** دخلت غرفة إختها وشافتها جالسه ترتب أغراضها في الشنط علشان تنقلها لبيتها... حست بضيق لأن زواج إختها بعد بكره..يعني بتجلس في البيت لوحدها... جلست قدامها ترتب معاها وتسولف معاها... تفاجأت لماسألتها ساره:شخبارك مع طلال... تذكرت إنها ماتدري عنه...حتى إنه ماحاكاها ولامره... قالت:مادري.. ساره:كيف موعارفه ..إنتي ماتحاكينه.. أمل:لا...ولاهو حاكاني.. ساره بدهشه:ولامره من بعد الملكه.. أمل:أيوه.. ساره إستغربت بس واضح ع إختها إنها ماهتمت... أمل بتغير الموضوع:متى راح تجيبي فستانك.. ساره:اليوم المغـــ... قطع حكيها صوت جوال أمل .. رفعت جوالها وتوسعت عيونها بصدمه لماشافت المتصل... أمل:ط..طلال إبتسم ساره:بسرعه قومي ردي عليه.. ترددت وقامت وهي ترد:آ..آلو جاها صوته الهادي :مساء الخير أمل بارتباك من صوته:مــ..مساءالنور.. طلال:كيفك أمل.. أمل وهي تجلس ع الكرسي وتحس بحرارة وجهها ترتفع:بخيرالحمدلله............ طلال:....وأنا بخير إذا تبغين تسألين سكتت وودها تكفخه علشان يعدل صوته... طلال:سوري أمل..كان المفروض أتصل الأيام اللي فاتت لكن حصلت لي سفره مفاجئه وإنشغلت... أمل:لا عادي... شافت ساره تأشر لها إنها بتنزل تحت وراحت... نزلت تحت وشافت أمها جالسه مع رائد في الصاله... رائد:ياهلا بالعروس إبتسمت بحرج وجلست جنب أمها... أم خالد:وين إختك... ساره:فوق اللحين جايه... رائد:إلا خللود وينه... أم خالد:في المستشفى.. رائد:اليوم داوم وهو تعبان... أم خالد:لا اليوم أحسن شوي الحمدلله... ساره:طبعا أحسن...مو المدام كانت عنده أمس... رائد إبتسم بتحمس:لاعاد... ساره ضحكت :يوووه أنا إيش خلاني أحكي عندك...اللحين إيش يفك خالد من لسانك... رائد:آها وأنا أقول أمس أبو الشباب ماجلس مع الشباب ..طلع متواعد مع المدام... ساره ضحكت:الله يعينك ياخالد :السلام.. رائد:هلا بالعروس رقم 2 والله ماشاءالله خواتي تزوجوا مره وحده .. أم خالد:الله يوفقهم يارب... رفع جواله اللي دق وكشر بضيق لما شاف المتصل فرح مايدري كيف جابت رقمه الجديد... حطه ع الصامت ودخله في جيب بنطلونه... ساره:رائد لاتنسى المغرب تاخذني للمشغل بجيب فستاني رائد:إنا لله ياكثر مشاويرك...لا بعد ماصدق أخلص منك إلا تجي مشاوير إختك... ساره:أخو ببلاش ضحكت أمل لماناظرها رائد باستنكار :نعم ساره بضحكه وهي تقوم:أمزح أمزح... مسكت يد أمل وأخذتها معاها.. ************** :شرايك يمه.. قالت بابتسامه من تفكير بناتها:خلاص بيكون لك بس إن شاءالله مايكون مثل أخوه.... إنبسطت مره وأخذت التلفون ودقت رقم بيت خالتها... أخذت أمها السماعه وحاكت إختها..سولفت معاها شوي وقالت:إلا شخبار فيصل تنهدت بضيق:والله مادري إيش أقولك ياأم عبدالله....ماني عارفه كيف أتصرف معاه ...الولد بيذبح نفسه بالشغل وحبس نفسه بغرفته.... أم عبدالله بخبث:زوجيه... أم رعد:أزوجه... أم عبدالله:أيوه زوجيه ..وبينسى بنت عمه ... أم رعد بتفكير:والله مادري إذا بيوافق أو لا... أم عبدالله:هو أكيد ماراح يوافق بس عاد إنتي إقنعيه وإلا إغصبيه...إذا تبغينه يتعدل ..ترى هذا هو الحل إذاتزوج بينساها خصوصا إن البنت خلاص تزوجت وشافت حياتها...بيظل طول عمره جالس علشانها... أم رعد:والله ياختي شورك وهداية الله.... سكرت منها وإبتسمت لبنتها:إقتنعت... رشا بفرحه:واللـــــــه... | |||||||||
| |
|
02-12-11, 04:35 AM
| #70 | |||||||||
| دلال:بس أخاف ماتخطبك إنتي أم عبدالله:لا بتخطبها.... لأنها ماتبغى تزعلني منها مره ثانيه.... سكتت دلال لماعرفت قصد أمها إن خالتها بتعوض رفض رعد لها بزواج فيصل من رشا.... ***************** ناظرت في المرايا قبل تطلع فستانها الناري الناعم وشعرها الكيرلي المرفوع بشكل حلو ومكياجها السموكي ... أخذت شنطتها وعباتها وطلعت.. ماشافت رعد في الصاله... لبست عباتها وأخذت شنطتها و طلعت... شافته جالس في السياره ويحكي في الجوال... فتح لها السواق الباب وركبت جنبه... طول الطريق والجوال في إذنه ومافهمت شئ من اللي يقوله لأنه يحكي بلغة فرنسيه... وهي ماهتمت أبدا ...وصلوا للفندق ونزلت .. دخلت وشافت أمل قبالها.. سلمت عليها وباركت لها زواج ساره... شافت أمل شكلها متضايقه من شئ وسألتها... أمل:أم طلال وبناتها موجودات لميس:قصدك خالتك أم طلال أمل كشرت بضيق وقالت:أمي تقول روحي إجلسي معاهم لميس:طيب روحي إجلسي شوي وتعالي أمل:مابي لميس:عيب شوفي خالتك تناظرك صدت أمل:تكفين تعالي معاي لميس:أوك يالله إمشي... راحت معاها ومرت أم خالد اللي واقفه تحكي مع أم رعد و سلمت عليهم....حست بضيق من سلام أم رعد البارد جدا لها... سلموا ع أم طلال وبناتها سمر وريهام...ريهام متزوجه وسمر عمرها مقارب لعمر أمل وحبوبه مره وفرفوشه.... جلست أمل جنب لميس اللي جلست شوي وقامت... ناظرتها أمل بترجي إنها تجلس عندها بس لميس ماعطتها وجه وراحت..... سمر:هذي زوجة رعد ال...... أمل:أيوه... :هاي... رفعت راسها أمل وتفاجأت برشا واقفه وفي إيدها كاس عصير... سمر:هاي... صافحتهم رشا بدلع:كيفكم... جلست جنب أمل بميانه وقالت بدلع:أنا رشا بنت خالة أمل... :أهلين أمل مقهوره مره وتطبخ من القهر وهي تشوف رشا تسولف بدلع مع البنات وتتمسخر عليها أمل وأمل ... سمر:إنتي متزوجه... رشا بدلع ونظراتها ع أمل:مخطوبـــــه... ناظرتها أمل بدهشه ونبضات قلبها بدت تعلى..... سمر:ماشاءالله مبروك رشا:الله يبارك فيك.... سمربلقافه:ومين سعيد الحظ من الأهل...لأني ملاحظه ماشاءالله إنكم تتزوجون من العايله باستثناء أموله زوجة أخوي وإختها العروس... رشا بغرور:صحيح....أنا مخطوبه لولد خالتي فيصـــــــل ال...... تجمدت يديها ودقات قلبها وقفت وكأن الدم تفجر في راسها ... عيونها شخصت بكاس العصير اللي قدامها بصدمـــــــــــه... ناظرت سمر بإختها متفاجأه فيصل ال... تكون هذي زوجته مو معقوله.... قامت رشا بغرور:عن إذنكم.. سمر:أمول صدق هذي خطيبة ولد عمك... أمل دموعها بدت تغرق عيونها ضمت إيديها تتماسك قدامهم وإبتسمت ماتدري إيش تقول هي نفسها صدمتها أكبر بكثير من صدمتهم...وألمها هاللحظه ماحد قادر يتخيله.. إستأذنت منهم وقامت .... شافت ريم واقفه مع البنات وراحت لها... أمل بغصه:مبروك خطبة فيصل ريم تفاجأت والبنات ناظروا بعض متفاجئين... سديم:فيصل خطب... ناظرت أمل في ريم تبغاها تكذب الخبر.. ريم :أيوه.. سميه:مين.. ريم بسخريه:ماراح تصدقوا إذا عرفتوا... لمياء:مين.. ريم بسخريه:رشا البنات بانت الصدمه بعيونهم وسديم ناظرت أمل .. ريم:تخيلوا رشا تصير خطيبة فيصل ... سميه:معقوله.. شدت قبضة يدها وسكين حاده تنغرز في قلبها....يعني خلاص رشا فازت وأخذته...نفذت وعدها...آآه ياربي...مستحيل.. راحت وتركتهم دخلت دورة المياه ودموعها نزلت ع خدها... ** :هاي.. التفتوا البنات وشافوا مرام واقفه مع رنا ودلال.. ريم ولميس ناظروا بعض لما تذكروا تولين... ريم:كيف نسيناها... لميس:أيوه...مو إنتو كنتوا بتزورونها.. ريم:أيوه إنشغلنا ولا رحنا... تتوقعين إيش صارلها.. لميس:موعارفه...بس تصدقين نفسي أشوفها... سكتوا لماشافوا مرام تحاكيهم وأجلوا حكيهم لبعدين... *********** جالس وسطهم ومومعاهم ونظراته ع اللي جالس مع عمه... زوجها...زوج حبيبته وقلبه قدامه للحين مو مصدق إنها ماراح تكون له... بس الواقع قدامه وعيونه مستحيل تكذبه... واقع خيانتها له قدامه .... وبيظل طول عمره قدامه... قطع تفكيره بسام اللي جلس جنبه:خلاص نزل عينك عن الرجال... تنهد بضيق وقال:أنا بسافر... بسام بدهشه:شنو بتسافر... فيصل إنت إيش قاعد تقول... فيصل:اللي سمعته أنا مالي جلسه هنا ... بسام:فيصل مولدرجة إنك تهاجر بهالشكل...الدنيا ماخلصت عند هالحد...فكر زين يافيصل لاتخلي صدمتك وحزنك تسيطر ع حياتك ... فيصل:أنا قررت وماراح أتراجع بسام:ووين بتسافر إن شاءالله فيصل:بسافر فرنسا وبمسك فرع الشركه اللي هناك...بس بنتظر تخلص ملكـــة إختــــي وبعدها بسافر... بسام بصدمه:إختـــــك..بس بس إختك ملكت .. فيصل:عارف..هذي ملكة ريم ع عبدالله ولد خالتي توسعت عيونه بصدمه وإختفى كل شئ حوله...وكلمة فيصل يتردد صداها في راسه... ملكــــــة ريــــــم ع عبداللــــــــــــــــــــــه... نظراته راحت لعبدالله الواقف يسولف مع ريان.. شد قبضة إيده ومسك نفسه لا يذبحه وقلبه زادت دقاته... غمض عيونه بألم وقال:مبروك.. فيصل بسخريه: الله يبارك فيك بسام:شكلك مو موافق.. فيصل بابتسامة إستهزاء:طبعا أجل هالعبدالله يحط راسه في راسي....بس ماباليد حيله محسوب ولد خالتي... اللحيــــــن بس تأكدت شكوكه معقولـــــــــــه ريم كانت تلعب بمشاعره كل هالوقت... حس نفسه مختنق وقام طالع برى يبغى يتنفس.... :لاتنسى تحضر ملكتي الأسبوع الجاي.. التفت وشاف عبدالله واقف خلفه و ع وجهه نظرت الإنتصار والسخريه... مسك أعصابه قبل تنفلت وينقلب العرس عزا لأنه بيذبحه... قال بلامبالاه مزيفه:مبروك.. رفع حاجبه عبدالله وقال:الله يبارك فيك وعقبالك... بس ها لاتنسى تحضر الملكه لازم تشرفنا... ومشى داخل وبسام زفر بقوه يطفي النار اللي داخله لأنها لو ماخمدت بتصير مصيبه... .************** :إيـــــــــــش.. أم رعد:اللي سمعته سفر مافيه وبتتزوج وتجلس عندي... فيصل ماسك أعصابه:يمه إنتي إيش قاعده تقولين تبغيني أتزوج وميـــــــــــن رشـــــــــــا.. أم رعد:أيوه رشا ..إيش فيها رشا بنت خالتك ومافيه أحسن منها... فيصل ويحس نفسه بينجن:يمه إنت من صدقك تبغيني آخذها... مستحيل لوتنطبق السما ع الأرض ماتزوجت ... أم رعد:إذا ماتزوجتها لاإنت ولدي ولاأعرفك...ياولدي حرام عليك اللي قاعد تسويه في نفسك ...إلى متى بتجلس كذا البنت خلاص تزوجت وشافت حياتها....وإنت لازم تشوف حياتك وتعيش زي الناس... فيصل وإيده ع شعره يشده بقهر:يمه قلتلك ماراح أتزوج ورشا هذي شيليها من بالك لأني ماراح آخذها... وطلع من البيت وصوت الباب اللي شوي ينكسر من قوة ضربته خلفه... أم رعد:بتتزوج يعني بتتزوج...أنا مستحيل أشوف ولدي يضيع حياته قدامه وأسكت.... جلست ع الدرج ودموعها ع خدها مومصدقه إن هذي أمها.. غصبتها ع عبدالله واللحين بتغصب فيصل ع رشا... بكت بحزن ع حالها وحال أخوها ... رفعت راسها لماحست بيد رنا ع كتفها وأخذتها معاها لغرفتها... ريم تمسح دموعها:أنا مو مصدقه إن أمي تسوي فينا كذا... رنا:إيش بيدنا نسوي...أمي من رفض رعد دلال وهي تبغى تسوي أي شئ علشان زعل إختها... ريم:بس مو ع حساب حياتنا إحنا رنا:أمي تظن إنها تسوي هذا علشان مصلحتنا بعد... ريم:بس هذا مومن مصلحتنا رنا:إيش نسوي مانقدر نقول شئ هذي أمنا... ريم بكت:وفيصل..يارنا ... رنا تنهدت بضيق هي موراضيه ع هالشئ...مومتخيله رشا زوجة فيصل... ************* ناظرت في أخوها بصدمه مو مصدقه اللي سمعته... ريـــــــــــم بتتزوج ولد خالتها عبداللـــــــــــه.. البندري:كيـــــــــــف.. ناظرت في أخوها اللي جالس ع الكنب وعقله مومعاه ... الحزن كله في عيونه وملامح وجهه الباهته... البندري بعدم تصديق:بس ريم تكرهـــــــــــه كيف قبلت فيه رفع راسه بسام:تكرهه... إبتسم بسخريه أجل لو شافت اللي شافه في المزرعه إيش بتقول....:لوتكرهه ماوافقت عليه ولا..... وسكت بحرقه وقهر.. البندري إنصدمت من أخوها لأنه يظن إن ريم خانته... البندري:أكيد فيه شئ..أكيد إنغصبت عليه...وإلا مستحيل ريم تاخذه ...ريم تكرهه وماتطيقه وأكثر من مره قالت لي عنه....مستحيل ريم تحبك إنت يابسام وعمرها ماحبت عبدالله..أنا عارفتها أكثرمنك... بسام صرخ:كافـــــــــــي.. طلع غرفته وصراعات كثيره داخله...حكي إخته من جهه و اللي شافه من جهه...نفسه يصدق حكي إخته لكن عيونه مستحيل تكذب اللي شافته... أخذت جوالها بتدق ع ريم وتفهم منها كل شئ هي واثقه من ريم ... سكرت جوالها لما مالقت جواب... ************** دخلوا قصر أبو مرام وجلسوا في الصاله... جتهم الخدامه وقالت لهم إن مرام مو موجوده... إبتسمت ريم وقالت:طيب بننتظرها شوي... حطت عندهم عصير وراحت.. لميس:إيش بتسوين... ريم قامت:ماعتقد لو بنسأل الخدم بيجاوبون... لميس قامت:لحظه....تذكرين شكل الخدامه اللي قالت لك عنها... ريم تذكرت:أيوه صح...تعالي.. طلعوا من الصاله وفرحت ريم لماشافتها... ريم:السلام عليكم سووري.. سووري:وأعليكم السلام مدام ريم :إن بغيتي قولي ماما ... ضحكت لميس وقالت ريم:إممم تولين وين... سووري بحزن:هادا بيبي تولين واجد مسكين... ريم:ليه شفيها... سووري:هادا بابا كبير في زواج بيبي تولين.. ريم بصدمه:شنو تزوجــــــت... سووري:أنا أمس في إسمع بابا مرام كلام بيبي تولين إنتي في زواج ...بس هادا زوج أنا في شوف مافيه هلو كبير واجد سمسم بابا مرام... ناظرت ريم لميس بصدمه:بيزوجها رجال كبير... لميس بنفس صدمتها:أبوها كبير في السن يعني بيزوجها واحد كبر أبوها... ريم:طيب وينها تولين... سووري:مسكين فيه إبكي كتير وبابا مرام إهبس هوا في قورفه ريم حزت عليها:طيب متى الزواج سووري:مافيه إعرف بس باب مرام فيه سفر... لميس:يعني ماراح تتزوج إلا لما يرجع أبوها.... ريم:إنتي معاك جوال سووري:أيوه... طلعت ريم جوالها:عطيني رقمك عطتها رقمها وراحت قبل يشوفها أحد.... أخذت ريم عباتها ولبستها... لميس:إيش بنسوي...حرام البنت يصير فيها كذا.... ريم تنهدت بضيق:مادري والله بس إن شاءالله نقدر نساعدها لبست عباتها لميس وطلعوا... ************** ضمتها بقوه وهي تسمع صوت شهقاتها:مبروك سوسو ألف مبروك.. زاد بكاها وتمسكت في بلوزة إختها بقوه وهي مومصدقه إنها خلاص بتكون لراكان.... إبتسمت داليا وسحبت سميه من حضن إختها وضمتها:مبروك ياعروسه... سديم:خلاص سوسو ..وقفي بكى الحمدلله صرتي من نصيبه مسحت داليا ع ظهرها بحنان: خليها هذي دموع فرحه .. :ياسلا ا ا ا ا ا ا ام إيش هالإحتلال الصهيوني... ضحكت سديم لماماجد سحب داليا لحضنه: لوسمحتوا لاتتعدوا ع حقوقي... إنحرجت داليا وبعدت عنه.. ضحك ماجد لماشاف إحمرار وجهها .. باس جبين سميه اللي مسحت وضمها:مبروك ياعروسه.. بعدت عنه سميه وقال ماجد: ماشاءالله هالراكان ماعنده صبر علطول جاب الملاك ومللك إنحرجت سميه وضحكت سديم: أول وحده تخطب وتملك بنفس اليوم... ماجد:والله بصراحه ماتفاجأت لماشفته داخل مع الشيخ..الأخ واثق من الموافقه...والله بغيت أتناذل معاه وأرفض بس خفت يذبحني....عاد مشكله فيه ناس مايقدرون يعيشون من غيري سديم تناظر داليا:أبو الثقه يا شيخ ماجد ببراءه ناظر داليا:صح حبيبتي ...ماقلت شئ غلط إبتسمت داليا وقالت:صح... وليتها ماقالت صح...البنات ماتوا ضحك ع أشكالهم... إنحرجت داليا وماتت من الحيا وعصبت ع ماجد اللي إنحاش لأنه عارف عاقبة اللي سواه... سديم غطت عيونها:قللة أدب لوسمحتوا فيه كائن هنا ماتزوج ضحكت سميه وداليا منحرجه قالت بقهر:إنطمي...وأخوك هذا مايستحي.... ضحكوا البنات ع شكلها المعصب والخجلان.... ****************** دخلت البيت وشافت رعد قدامها .. رعد:وين كنتي... لميس ناظرته:كنت في بيت سامي ال...عند بنته...ولاتخاف إختك كانت معاي روح أسألها... وراحت غرفتها ... إنقهر رعد منها مرره...موقصده شئ بس تفاجأ لماشافها موموجوده...وهي ماقالت له... كلمابغى يقرب منها تصده.... طول الأيام اللي فاتت هو يحاول يعتذر ويحسن علاقته معاها وهي مومعطيته فرصه... هو مايلومها لأن اللي سواه فيها مو شوي ...هوبعد ماكان يسمعها ومومعطيها فرصه تدافع عن نفسها واللحين هي ردتها له.... مايلومها ع صدها بس هومو قادر يصبر....اللحين بس حس فيها.... تنهد بضيق ودخل غرفته وأخذ شنطته لأنه بيسافر فرنسا ... دق عليها باب غرفتها وفتح الباب شافها تمشط شعرها قدام المرايا.. ناظرت في إنعكاس صورته ع المرايا ونزلت عيونها ع شنطته رعد:بسافر فرنسا اللحين .. لفت تناظره وسكتت وماقالت شئ... رعد:ماراح تسلمين... عطتها ظهرها وهي تقول:مع السلامه... حست بإيده ع كتفها ولفها ناحيته وباس جبينها... وأخذ شنطته وطلع... جلست ع الكرسي ودموعها في عيونها .... موقادره تسامحه في هالسهوله .. ************* غمض عيونه بقهر من زن أمه عليه....واللحين أبوه.... فتح عيونه وقال بقهر: خلاص أنا موافق... إنهبلت ريم مستحيل ياخذ رشا إبتسمت أمه بفرحه لكن إختفت إبتسامتها لما كمل حكيه باصرار:لكن رشا لا... أم رعد:وليه لا.... فيصل:يمه قلتلك رشا مابيها ولا راح آخذها.... أم رعد:بس ..... أبورعد قطع حكيها:اللي تشوفه يبه ....أهم شئ إنك وافقت تتزوج.... أم رعد:بس يابورعد.... أبورعد بلهجه لاتقبل النقاش:خلاص يام رعد الولد مايبغى البنت...وأنا أصلا موموافق إن ولدي ياخذها ....بس كنت أظن إنه يبغاها لكن ولدي ماياخذ إلا وحده من مستواه وحده من عايله معروفه ونفس مستواه الإجتماعي مو أي أحد.... إنقهرت أم رعد وسكتت لأنها ماتقدر تقول شئ ولاتبغاه يقلب ع خطبة عبدالله ع ريم.... هي ماصدقت إنه يوافق بعد ما زنت عليه لأنها ماتبغى تخرب علاقتها باختها.... أبورعد:دوري له ع وحده تناسبه و..... قطعت حكيه ريم فجأه:توليـــــــــــن... ******************* تنهد بضيق وقهر:إيش أسوي أبوها مصر يزوجها أبو علي :خلاص تزوجها إنت..... ناظرفيه:ياليت حاولت أحاكيه بس شكله يبغاني لبنته المدلله :يازياد ياخوي إنت حاول روح كلمه يزوجك إياها وخذها وسافر ..... زياد:مستحيل أنا عارف خالي حاط عينه علي يلمح لي إنه يبغاني لبنته مرام .... ولو أقوله إني أبغى تولين ذبحني ويمكن يذبحها معاي.... :بصراحه الوضع مره صعب تنهد زياد من قلبه وصورة تولين قدامه وتفكيره عندها ...لازم يسوي شئ...آآه بس لو يقدر ياخذها ويهرب فيها.... رفع راسه عند هالفكره الله من زمان في راسه ************ :توليــــــــن... أم رعد باستغراب:تولين... فيصل يناظر ريم وعاقد حاجبه .. ريم وقفت:أيوه تولين...بنت أبومرام ال.... فيصل ناظر في ريم بدهشه لما تذكرها... أبورعد باستغراب:تقصدين مرام... ريم:لا هو عنده بنت ثانيه إسمها تولين ... لماشافت أهلها يناظرونها بدهشه وحيره....قالت لهم كل شئ عدا إن أبوها بيزوجها لواحد كبره ... أبورعد مستغرب معقوله أبومرام يكون عنده بنت ماعترف فيها .... حن قلبه عليها وقال:خلاص أنا بخطبها لفيصل...شرايك يبه فيصل بلامبالاه:أي وحده مايهمني أهم شئ ماتكون رشا.. وطلع من الصاله وهو أصلا كاره فكرة زواجه كليا... ريم طارت من الفرحه ..وأخيرا قدرت تساعدها....هي عارفه ومتأكده إن أبومرام مستحيل بيرفض نسبهم...وأهم شئ إن رشا ماراح تاخذ أخوها... وراحت بسرعه تدق ع لميس تخبرها.... **************** دخلت الصاله وجلست جنب أمها:يمه.. أم عبدالله:نعم رشا:يمه متى بيجي زوج خالتي يخطبني من أبوي رسمي لفيصل أم عبدالله:هاو وشو له ..خلاص خالتك حاكتني وإخطبتك ماله داعي يجي... رشا فرحانه:طيب متى تحددوا الملكه... أم عبدالله:بخليهم يحطونها الخميس الجاي..ماراح أخليهم يأخرونها مثل إختك ويصير حظك مثل حظها... :وش فيه حظي أم عبدالله:هذا رعد خطبك وتزوج غيرك وأنا مابي إختك تصير مثلك ..أنا ماصدقت واحد منهم يتحرك ويخطب وحده فيكم.. دلال إنقهرت ودموعها في عيونها :بتشوفين يمه بياخذني يعني بياخذني... وطلعت من الصاله مقهوره... ************** إنقهرت كثير بتموت من القهر لماقالت لها أمها إن خالد يبغى زواجهم في بداية الشهر الجاي .. ليه يحدده ويخليه قريب حتى مايمديها تجهز .... تأففت بضيق ورمت فرشاة الشعر من يدها وجلست ع سريرها... أخذت جوالها مقهوره ودقت ع رقمه وأعصابها بتفلت.... :هلاوالله حبيبتي... إنربط لسانها لماسمعت صوته و خصوصا كلمته...وقلبها يدق بقوه .. :آلو حياتي وينك.. شدت قبضتها ع الجوال وودها تلعن خيره ...إيش فيها موقادره تفتح فمها وتقول الكلام اللي بتكرهه فيها ... وين قهرها وغضبها ...تبخر لماسمعت صوته وكلمات الغزل منه أول مره يتغزل فيها ..أول مره تحس بالإحساس هذا حتى لماكانت تسمع كلمات الغزل من بندر ما كانت تأثر فيها التأثير هذا... إبتسم وهو يعرف حاجبه :قلبي إنتي معاي... بلعت ريقها وقالت:مـ معاك...آ كيفك.. زادت إبتسامته وقال:تمام دامي سمعت هالصوت...إنتي كيفك.. رنا:بخير... خالد:أول مره تدقين علي ..إشتقتي لي.. رنا بسرعه:لا بس كنت بقولك ليه تقرب موعد الزواج.. خالد بابتسامه وهمس:ماقدر أصبر أكثرمن كذا ...الشوق ذبحني ..وإنتي أكيد ماترضين علي أموت وأتركك... كل تبن ياحمااااار...نفسها تخنقه تحس حرارة الغرفه إرتفعت.. أخذت ريموت التكييف ورفعت البروده وهي تقول بعصبيه:مع السلامه.. وسكرت الجوال... ناظر في جواله وضحك... والله لا أخليك تنسين إسمك وغرورك اللي مخليك ماتدرين عني طول هالسنين...وأنا اللي ميت في هواك... باس الجوال ...وأخذ مفاتيحه و طلع من غرفته... ************* مرتميه ع سريرها ودموعها الحاره ع خدها... ليــــــــه مجبوره تعيش طول عمرها في عذاب... ليــــــــه أبوها يسوي فيها كذا ليــــــــه يزوجها لواحد كبره و عنده غيرها ثلاث... ليــــــــه يبيعها لا ليته باعها هــــــــو رماهــــــــا عليه يبغى يتخلص منهــــــــا... طيب ليــــــــه... آآآه نفسها تعرف السبب لقسوة معاملتها معاها... نفسها تعرف السبب اللي حرمها حنانــــــــه وحبــــــــه... تعرف السبب اللي حرمها أبوهــــــــا... آآآه نفسها تحس بحنانه وحبه لها .... لو كان يحبها ويحن عليهاكان ما رماها هالرميه... بكت وبكت قهرها وألمها وحزنها ع حالها.... زيــــــــــــــــــــــــاد... زياد ليه ماعاا ا ا ارض ليــــــــه مايمنــــــــع أبوها .... ليــــــــه ما يسوي شئ ينقذها.... رفعت راسها لماحست بحركه عند باب غرفتها... شافت إختها تدخل ...كان شكلها واضح التعب عليه مع إنها حاطه ميك أب ... ناظرتها بقرف وغرور وقالت: مبروك ياعروسه... وكملت بسخريه:ياحرم أبوعلي الشايب..اللي عنده ثلاث حريم المنتف الفقير الحافي....هههههه مسكتها من بلوزتها بقرف:لأن هذا مستواك ...هذا اللي يليق فيك ... وتركتها باشمئزاز وقالت :ع بالك بتاخذين زياد...ههههه اللي ما درى عنك ...علشان تعرفين بس إن دفاعه عنك مجرد شفقه لا أكثر..مش حب ...لأنك أقذر من إنه يفكر فيك كحبيبه... وكملت باستهتار:عارفه مين اللي ممكن ممكن في الأحلام يفكر فيك حبيبه...أبو علي الشايب اللي رجله والقبر...تدرين متى إذا خرف ...هههههه... يالله بطلع وأتركك تفكرين بفارس أحلامك أبوعلي....أووو أقصد شايب أحلامك ههههههه طلعت من الغرفه وإبتسامتها الشمتانه ع وجهها ... فجأه دخلت دورة المياه ورجعت كل اللي بجوفها وتحس بسكاكين تنغرز في جسمها... غسلت وجهها وجلست ع الصوفا وتحس بدوار ودوخه في راسها.... ناظرت في جوالها وأخذته دقت ع رقمه ... جاها صوته الثقيل:نـ نـ ـ ـ ـعم مرام بقهر:ريان تعال لي اللحين بسرعه ... ريان بثقل:مـ مو ففاضي بـ بعدين ببعدين.. رمت الجوال ع الأرض بعصبيه لماسكر الخط في وجهها.... **************** فتحت الباب وشافته قدامها رفع يده بابتسامه:أوهــــــــايو رفعت حاجبها :ننننعم رفع حاجبه:نعامه ترفسك...هذا إستقبال... طارت عيونها:نعم نعم .. وش تبيني أسويلك يعني أطق وأرقص وأقول عادل عندنا عادل:إحلفي...يالله أشوف كانك تعرفين ترقصين مع إني أشك يا دينــــــــا .. لمياء بغيظ:نعم نعم.. عادل:يعني إنتي مصره أقولها طيييب...نعععامه ترفسك.... قالت بقهر:أقول ماني بزر عندك عادل :يالله يابابا روحي نادي ماما.. لمياء بغيض:مارح أناديها ويالله إنقلع... حط رجله ع الباب يرده لماجت بتسكره وحط إيديه حول فمه ينادي:خاا ا ا ا ا ا لتي ... إنقهرت وقالت:ووجع... عادل:يوجعك...هذا طولك ومتغطيه بعد وتناقرين رجال.. لمياء:والله عاد إحترم نفسك علشان أحترمك... عادل ببراءه:وش سويت لك.. شاف خالته طلعت وقال وهو يدخل مطنش لمياء:ياهلا والله بالغلا كله... ضحكت أم راشد ع ولد إختها:هلا عدول...شلونك.. ضحك عادل وهو يشوف لمياء تدخل البيت معصبه:لوني أبيض ضحكت خالته وهي تدخله المجلس...تحبه هالولد هو اللي يوسع صدرها... عادل:بصراحه ياخاله إنتي جارحه مشاعري...ماكأن عندك ولد إخت مزيون تسألين عنه وتقولين شخباره عايش وإلاميت أم راشد بابتسامه:اللحين مين المفروض يسأل أنا وإلا إنت... عادل:إحم إنتي طبعا... ضحكت:أقول إقعد بس .. ** دخلت الصاله معصبه ..وشافتها دانه باستغراب:شفيك.. لمياء بقهر:عدول الزفت من غيره .. دانه:للحين إنتي وإياه توم وجيري..وش سوى بعد لمياء قالت لها السالفه... دانه ضحكت:والله هالعادل خطير... لمياء بغيض:خطير بعينك... دانه:بصراحه إنتي الغلطانه إنتي اللي إنفجرتي في وجهه... لمياء:لأنك ماتعرفين إيش سوى فيني لماكنا في بيت عمه.... دانه تحمست:إيش سوى... لمياء:لماطلعنا أنا ماعرفت سيارتنا لأن راشد مدخل سيارته الورشه وماخذ سيارة صاحبه جا الزفت عدول أشر لي ع سياره وقالي إن هذي سيارة راشد.... تخيلي ركبت فيها وجلست ساعه أنتظر أمي تجي وإلا راشد وآخر شئ إكتشفت إني راكبه سيارته الدب... دانه ماتت ضحك:ههههههههههههههههههه. لمياء ضربتها بغيض :لاتضحكيين.. دانه مسكت ضحكتها:طيب إنتي غبيه يعني ماتعرفين سيارته.. لمياء كشرت بغيظ: الدب أصلا كل يوم له سياره هو ووجهه دانه:طيب كيف عرفتي إنهاسيارته... لمياء بقهر:شفت صورته بالتعليقه اللي في السياره....وهو قعد يضحك علي الدب...ويتمسخر...وآخرتها أخذت تهزيئه محترمه من رشود... شوي يكفخني كف .. دانه إنفجعت:عرف إنك راكبه سيارة عادل.. لمياء:لا وإلا كان ذبحني وقطع رقبتي... دانه ضحكت:ياحليله عدول والله إنه فلله.. لمياء:نعم فله بعينك يادبه... ضحكت دانه وطلعت جوالها من شنطتها اللي دق وقامت:يالله محمد عند الباب مع السلامه.. لمياء:لا ا ا إجلسي شوي .. دانه:لا ماقدر أتأخر وإحمدي ربك إني جيت...بعد زن وحنه رضوا .. أخذت عباتها ولبستها وتغطت علشان عادل موجود.. وسلمت ع لمياء وطلعت.... *************** دخلت غرفته وشافته جالس ع كرسي مكتبه ومسند راسه ع ورى وعاقد حاجبه وإيده تشد ع يد الكرسي... قربت منه وجلست ع طاولة المكتب قدامه.:فيصل.. فتح عيونه وعدل جلسته:هلا... ريم:شرايك في تولين رفع حاجبه:ليه شايفتني جالس معاها... ريم:أيوه بس إنت شايفها... لماكنا في بيتهم تذكر.. فيصل سند راسه ع ورى:لا ما شفتها.. ريم:طيب إنت موافق عليها.. فيصل تنهد:مايهمني ...الزواج مفروض علي لاغير...وإلا أنا مابيه .. ريم حزنت عليه للحين مو موقادر ينسى أمل.... سكتت لأن شكله يبغى يجلس لوحده... مشت بتطلع...ووقفت لما سمعته يقول:أمل كيفها... لفت تناظره كان يحاكيها وهو معطيها ظهره:بخير.... سمعته يقول بتردد وألم:مـ متى زواجها... ريم:بعد زواج رنا وخالد ...بس مادري أي يوم بالضبط... طلعت بسرعه ودموعها في عيونها....ماتبغى تشوف الحزن والعذاب في عيون أخوها... تنهد بألم وحزن ..غمض عيونه يحبس دموعه بقهر.... ************ دخلت الصاله وشافتها جالسه ع الكنبه وعقلها مو مع التلفزيون .. جلست جنبها وتنهدت:لميس... إنتبهت عليها وقالت:هلا ريم... ريم:أنا خايفه أكون ظلمت تولين بزواجها من فيصل... لميس:ليه... ريم بضيق:أخاف أكون ظلمتها بزواجها من فيصل وهو كاره فكرة الزواج ومانسى أمل... لميس:بالعكس إنتي أنقذتيها من اللي بسويه أبوها وإلا وحده بعمرها تتزوج واحد كبر أبوها ومتزوج ثلاث غيرها.... وإذا ع فيصل ...فيصل طيب ومستحيل بيظلمها ... تنهدت ريم بضيق.... وسرحت في حال أخوها وحالها... رفعت راسها وشافت لميس تناظر جوالها بضيق وسرحانه... ريم:لموس إنتي تنتظري مكالمه... إنتبهت عليها:إممم لا.... ريم:رعد إتصل... لميس:لا ... سكتت ريم وهي تشوف لميس شكلها متضايقه لأن رعد ماإتصل عليها.... ريم:لموس شرايك تجين تنامين عندنا دام رعد موموجود... لميس:أيوه أنا فكرت كذا ... ريم قامت: أجل قومي جهزي أغراضك... قامت لميس ودخلت غرفتها ناظرت جوالها وتنهد بضيق وقهر ورمته ع السرير... *************** طلعت من الصاله معاها جوالها ومقهوره .... وشافته واقف قدامها ...قربت منه وسحبته معاها للمجلس... :أخيرا شرفت.. تسند ع الجدار وقال:خير تبين شئ مرومه... مرام زفرت وقالت:أنا حامل... ناظر فيها بلامبالاة:طيب شتبغين أسوي لك... مرام بقهر:يعني شنو... أقولك حامل...تقولي إيش أسوي لك... رفع حاجبه:شدخلني فيك حامل وإلا موحامل.....موشغلي... توسعت عيونها:ريان لاتجنني.. شنو شدخلك...الولد ولدك.. رفع حاجبه بابتسامه سخريه:وأنا إيش عرفني إنه ولدي مو ولد غيري... إنصدمت:شقصدك... ناظر فيها من فوق لتحت:اللي فهمتيه... مرام بعصبيه وقهر:ماحد لمسني غيرك.... ريان:وأنا إيش يضمن لي...مو إنتي سلمتي نفسك لي موبعيده تكوني سلمتيها لغيري.... مرام مومصدقه:إنت إيش قاعد تقول...إنت جنيت... ريان:خصوصا زياد... إنصدمت:ز زياد... ريان:أيوه زياد حبيب القلب...وإلا فاكرتني مغفل ومو عارف لعبتك وحبك لزياد...عارف إنك تحبينه.. مرام بصراخ:أنا أحبك إنت.. ريان:اللحين تحبيني...لماإكتشفتي إنك حامل حبيتيني علشان تلصقين اللي في بطنك فيني....قلتي هذا مغفل وغبي ليه ما ألصقه فيه... إنتي بغيتيني لما سافر زياد ولما رجع...حنيتي له ولحبه...كنت أشوفك ترمين نفسك عليه وتعرضينها له....الله أعلم إذا قبلها والولد اللي في بطنك ولده لا حبيبتي أنا مو مغفل مرام مصدومه و بغضب:بس إنت تحبني.. ريان باستهزاء:هه أحبك تبغيني أحب وحده مثلك ..ليه جنيت أنا ماخذك تسليه ولعبه... وخلصت منها... مشى بيطلع والتفت ورفع جوازه بإيده:أنا مسافر ياحلوه وجيت أسلم ع حبيبتي باي قلبي.. طلع من عندها ...وهي واقفه مصدومه وماقدرت تفتح فمها بشئ... طاحت ع الأرض تبكي بقوه إيش بتسوي ...إيش بتسوي الحيــــــــوان النــــــــذل..ال#### والله بيذبحها أبوها لو عرف والحيوان سافر وتركها... لازم تسوي شئ.... | |||||||||
| |
|
02-12-11, 04:35 AM
| #71 | |||||||||
| طلعت في الحديقه والفرحه مو واسعتها... أخيــــــــرا تحقق حلمها وتزوجت حبيبها.... أخيــــــــر إنتهت أيام العذاب وبدت الدنيا تبتسم لها من جديد.. فرحتها كبيره وسعادتها ماتوصف... ماحست إلا بدموعها تنزل ... بس هالمره نزلت في هالمكان مو حزن ولا عذاب... نزلت بفرحه وسعاده.... :وأنا ماأشوفك إلا تبكين... تجمدت مكانها بصدمه وجفت دموعها...وبدت دقات قلبها ترتفع...وماقدرت تلف لماسمعت صوته.... قرب منها ولفها ناحيته..:طالعيني رفعت عيونها الدامعه وشافته شافت الحب والشوق في عيونه شافت قلبها ومعذبها... مد يده ومسح دموعها:مابي أشوف دموعك هذي مره ثانيه ومابي أكون السبب فيها... ضمها لمابكت بابتسامه وقال: وأخيــــــــرا ياقلبي...ماني مصدق إنك لي وفي حضني... أقدر أضمك وأمسح دموعك وأبدل حزنك فرح ... ظل ضامها وقلبه يغني في حبها ظل ضامها يطفي نار الشوق اللي ذبحته سنوات... مومصدق إنها في حضنه ..وإنها له...بعد ماكان يظنهاسراب.. مومصدق إنها قبلت فيه وماباعته لماعرفت إنه لقيط...وتمسكت فيه ..وهو اللي تركها ..بعد ما ظن إنها ممكن تتركه..طلعت أحسن منه بمليون مره.... :واللــــــــه لأعلم عليكم.. التفتوا وشافوا شهد مطيره عيونهاعليهم:قلللة أدب ...أعلم عليكم ... بعدت سميه عنه منحرجه وميته قهر من لسان شهد... شهقت لماسحبها راكان ورجعها لحضنه:روحي علمي..وإن بغيتي خبري العالم كله...إن سميه حبيبتي صارت لي..زوجتي.. كشرت شهد وقالت:يعني إني مسويلي فيها رومنسي ياأخو حليب لنا...وبعدين درينا إنها زوجتك بس موب ع كيفك تمسكها وتضمها وأنتو ماسويتوا عرس ياقليل الأدب.. راكان ناظر سميه:هذي من وين جايبه هاللسان .. ضحكت سميه وقال راكان بذوبان:فديت هالضحكه وصاحبتها... شهد صرخت:هــــــــيه أنت خيير ...يالله إطلع برى ياللي ما تستحي....وا ا ا ا ا ا ا ا ا ا ا ا ا ا صرخت لماشافت نفسها طايره في الهوا:يمــــــــاا ا ا ا ا اه .... ضحك وهو رافعها:وإنتي دايم لسانك طويل وتخربين ع الناس أجوائهم.. ضحك راكان:ماجد تكفى شيل هالنتفه من هنا... شهد كشرت:أنا موب نتفه أنا كبيره وأدرس بالمدرسه.. غمز لهم ماجد:خذ راحتك وأنا أخوك ..بس ها مو مرره...إنتبه إنحرجت سميه ونفسها تخنقه وراكان ضحك مع ماجد ع شكلها... *************** دخلت غرفتها وشافتها جالسه تبكي وذابحه نفسها بكي... جلست جنبها تهديها:خلاص ريم إهدي ياقلبي... ضمتها ريم تبكي:حرا ا ا ام ليــــــــه يزوجوني غصب... مابغا ا ا ا ا ا ه والله مابغا ا ا ا ا اه آآآآآآآآآهئ أكرهــــــــه ...مو متخيله نفسي معا اه مابغا ا ا اه آآآآهئ.... حزنت عليها لميس وماتدري إيش تسوي ....ياما تمنت مايصير لريم اللي صار لها...بس القدر محتوم... حاولت تهديها ...خايفه تدخل خالتها وتضيق صدرها زياده... دخلت الخدامه وقالت إن المصففات بيجون بعد شوي... زاد بكى ريم:مابغا ا اهم لا يجوووون...مابي أشوفهم..آآهئ ياربي إيش أسوي...يارب أمووت ولا آخذه... لميس:إستغفرالله ياريم...تعوذي من الشيطان... حاولت تهديها لين جوا المصففات ويالله دخلتهم بعد ماجت خالتها ودخلتهم غصب.. لميس ماحبت تدخل في حكيهم وتخاف من اللي بتسويه خالتها وطلعت من الغرفه... تفاجأت برعد صاعد الدرج وشكله تعبان توها راجع من السفر وزاد تعبه إخته... رعد إبتسم لماشافها:السلام لميس مقهوره لأنه مادق يسأل عنها ... مشت بتنزل الدرج وهي صاده: وعليكم السلام... مسك يدها:شفيك التفت عليه وقالت بسخريه:سلامتك...ولد عمي اللي المفروض زوجي ماكلف ع نفسه يتصل يسأل عني... رعد إنصدم ماكان متوقع إنها مهتمه باتصاله...هو أصلا مادق عليها يبغاها بعيده عنه وتفكر في حياتهم بعيد عن ضغوطاته إبتسم:ماكنت عارف إنه يهمك لميس مقهوره منه ومن نفسها ليه مهتمه المفروض تطنشه مثل ماطنشها... ناظرت فيه بقهر :ماهمني ...و ليه أهتم ..بس أحرجتني عند خواتك وأمك.. ترك يدها وقال ببرود:خواتي عارفين بكل شئ ماعتقد إنك تخبين عنهم شئ... ولف لغرفته وهو يقول:صحيني الساعه سبعه ... ودخل غرفته... تنهدت بقهر ...ونزلت .. **************** طلعت من غرفتها والفكره اللي بتنقذها في راسها ونفذتها.. نزلت تحت وشافته طالع من المجلس وشكله معصب ومتضايق... قالت بدلع:زياد... التفت بقهر يناظرفيها ..هو عارف إن كل شئ من تحت راسها:خير.. قربت منه ومسكت يده بدلع بس هو سحب يدها ودفها بعيد عنه: إبعدي عني يال... مرام بغرور:خطيبي وزوجي عادي.. زياد وهو منقرف منها:إنتي ع بالك إني بوافق آخذك وإلا أتشرف تكوني زوجتي....هه ع بالك موعارف ليه دبرتي الموضوع....تبغيني أستر عليك لأنك حامــــــــل... توسعت عيونها بصدمه...إيش عرفه إنها حامل... زياد:أيوه حامل... ع بالك إني مغفل ...أنا عارف كل شئ عنك وأنا أأنف إني أفكر أو حتى أطالع وحده مثلك.#####..تكون زوجتي.. قالت بثقه:غصب عنك بتاخذني لأنك لوماسويت اللي أبيه... بفضحك وأقول إن الولد منك وإنت عارف إيش بصير ... إنصدم منها ومن خبثها:إنتي ع بالك إذا قلتي هالحكي بوافق .. في شئ إسمه تحليل..حمض نووي... مرام:وإنت ع بالك أبوي بينتظر لين التحاليل...أعتقد إنك عارف أبوي مايحتاج أقولك إيش يسوي هذا غير الفضايح اللي بتصير لك ياحضرة الدكتور... كان منصدم من خبثها وحقارتها هذي مستحيل تكون إنسان أو حتى حيوان...إيش هالجرأه اللي فيها والخباثه والحقاره والشر اللي عايشته... إبتسمت بغرور وقالت:فكر زين ياحلو .. وصعدت فوق تاركته واقف منصدم...تتلاعب فيه...بعد ماتلاعبت في أخوه اللى سوى فعلته وهرب تاركها فوق راسه... ************* كانت تناظر في ريم اللي دموعها مغرقه عيونها وترتجف والمصففات يحاولون يهدونها علشان يقدروا يشتغلوا كويس.....وقلبها متقطع عليها... رن منبه جوالها وراحت غرفة رعد علشان تصحيه.... دخلت الغرفه وكانت ظلا ا ام وبارده... قربت من سريره ووقفت للحظات تناظرفيه ... فتحت الأبجوره وهمست:رعد حطت إيدها ع كتفه وقالت:رعد....رعد عقد حاجبه وفتح عيونه .. إعتدلت في وقفتها وقالت:يالله إصحى الساعه سبعه... قام جالس وأصابعه تتخلل شعره يرجعه ع ورى ...ولميس خاقه ع شكله...حتى وهو توه صاحي من النوم يخبل.... رفع عيونه وشافها تناظر فيه سرحانه... إبتسم:عارف إني حلو توسعت عيونها لما انتبهت ع نفسها... لميس بقهر:لاتصير واثق بنفسك بزياده... ومشت بتطلع..قام رعد من السرير بسرعه خوفتها ووقف قبالها وفتح نور الغرفه وقال:ناظريني زين... رفعت عيونها خايفه ومرتبكه وقلبها بيطلع من مكانه من سرعة دقاته... رعد بابتسامه جذابه:ها حلو وإلا واثق بنفسي بزياده.. إنقهرت هذا وتوه قايم من النوم قالت بسرعه وبعدت عنه:أيوه حلو ..خلاص إبعد... رعد إبتسم:أيوه قولي ولا تعاندين راح للحمام ولميس ماسكه قلبها :لو سمحتي جهزي ملابسي رتبت السرير ودخلت غرفة الملابس.. فتحت دواليبه وإنفجعت لما شافت كثر الملابس اللي فيها هذول اللي هنا ...أجل اللي في بيتهم كيف... جهزت ملابسه ولفت بتطلع وشهقت لماشافته خلفها.. رعد:ماكنت عارف إني أخوف توك قايله إني حلو.. لميس عصبت:إنت ماتعرف تطلع صوت وإنت داخل خرعتني رعد:إنتي اللي شكلك سرحانه ولا إنتبهتي .. زفرت وإنتبهت عليه إنه توه طالع ماخذ شور.. وإنحرجت وطلعت بسرعه.. ورعد ضحك ع شكلها .. ********** دخلت غرفته وشافته واقف عند شباك غرفته... همست بضيق:بسام... التفت لها:نعم... إنصدمت لماشافت شكله التعبان...... البندري:ماراح تحضر اليوم.. بسام عطاها ظهره والقهر والألم يشتعل داخله...:لا حزنت عليه وطلعت من غرفته مقهوره... حتى هي مستحيل تحضر وأخوها هذا حاله....مع إنها كان ودها تروح وتسأل ريم لأنهامو فاهمه شئ .... بس أخوها مستحيل يرضى.... ************ كانوا البنات جالسين حولها فرحانين بس داخلهم حزنانين لأنهم عارفين الوضع... أما رشا ودلال يناظرونها بفرحه وإبتساماتهم ع وجيهم شماته وإنتصار.... جابوا لها الكتاب وهي جالسه لأنها ماقدرت توقف ع رجولها... دموعها مغرقه عيونها وكابته غصاتها وشهقاتها داخله....حتى إنها ماقدرت تمسك القلم... رمت القلم بعد ماوقعــــــــت وطاحت في حضن رعد اللي قلبه تقطع ع إخته كان بكاها زي السكاكين تنغرز في قلبه عمره ماتخيل إنه يكون عاجز قدامها ...أمه مسكته من اليد اللي تآلمه.... حاول يهديها والقهر يغلي داخله ... أخذتها لميس من حضنه تهديها وهي مقهور من رعد اللي قدر يسوي كل شئ لما بغى يتزوجها وماقدر يسوي لأخته شئ.... هي عارفه إن أمه هددته بس غصب عنها تنقهر.... طلع من عندهم وقامت لميس تسكر الباب علشان ماحد يدخل ع ريم في هالحاله.... شافت رنا جالسه جنب ريم وتهديها.... وفضلت تبعد لا تقلب عليها وهي اللي فيها كافيها.. *************** دخل وبارك لأبوه وزوج خالته ناظر في عبدالله بحده وهمس له بحده:مبروك عليك إختي هذي إخت رعد ياعبدالله وإللي يمسها بشئ ...باع عمره فاهم إبتسم عبدالله بسخريه وهو يشوف رعد يمشي.... وعيونه تدور تبحث عن بسام بس إنقهر لماماشافه حاضر كان نفسه يكسر خشمه له...... ************ قربوا دلال ورشا من ريم وقالوابسخريه وإنتصار:مبروك يازوجة أخوي... رشا بمياعه:مبروك يا عروسة أخوي....قريب إن شاءالله بنصير نسايب أكثر..... ريم مالها خلقهم أبدا ونفسها في راس خشمها ....ودموعها للحين ماجفت وهذول يتمسخروا عليها..... أمل مقهوره ونفسها تتوطى في بطنهم وخصوصا رشا...... ** فتح عيونه بوسعها :توليــــــــن أبورعد:أيوه بنتك تولين لولدي فيصل... أبومرام منصدم كيف عرف بوجودها ....حتى إنه ماقدر يقوله شئ لأنه طلبها قدام الكل... صحيح إنبسط لأن أبورعد بيناسبه....وهذي صفقه كبيره بالنسبه له ...لكنه تمنى تكون مرام مو توليــــــــن..... بس مستحيل يضيع هالفرصه من يده.... الشباب ناظروا في فيصل اللي جالس بينهم وساكت وكأن الموضوع مايهمه ... أبومرام: يشرفنا نسبكم يابو رعد ...وماراح نلقى مثل فيصل ...والبنت بنتكم من اللحين شد فيصل قبضته وعيون الشباب المستغربه وبنفس الوقت فرحانين عليه:تسلم يابو مرام... ************** دخلت غرفتها وسكرت عليها الباب وإستسلملت لدموعها... بعد ما رفضت تقابله أو تشوف رقعة وجهه وهذا طبعا زاد قهر عبدالله.... جتهم سميه تركض فرحانه:بنات سمعتوا اللي صار عند الرجال.... البنات يناظرونها بحير:إيش صار سميه تناظر رشا بتقهرها:فيصل ولد عمي خطب بنت أبومرام ال.....قبل شوي .... ****************** الكل ناظر في بعض باستغراب وناظروا رشا اللي تناظر في سميه بصدمه... سديم:إنتي متأكده... سميه:طبعا...روحي شوفيهم فرحانين ويباركون... وقفت رشا مفجوعه:إنتي كذابه سميه رفعت حاجبها باحتقار:لا حبيبتي روحي تأكدي بنفسك طلعت من عند البنات تركض و لحقتها إختها دلال... وقفوا مصدومين لماشافوا أمهم واقفه قدام خالتهم وشكلهم متخانقين وأمها معصبه.. ناظرت فيهم أمهم:يالله لبسوا عباياتكم بنمشي... وأم رعد تحاول تهديها وماتدري إيش تسوي... رشا متجمده مكانها وتحس إنها بحلم مومصدقه اللي يصير... سحبتها دلال سحب وطلعوا... **** أمل إنصدمت لماعرفت إن فيصل خطب تولين بالتحديد... صحيح إنبسطت إن رشا ما أخذته ...بس فكرة إنه لغيرها تأرقها..مع إن هالشئ أكيد بيصير دامها تزوجت بس موقادره تمنع نفسها من الحزن... بس أكيد راح يكون هالشئ إيجابي للمسكينه تولين... إنتبهت ع سديم:بصراحه مومصدقه إن فيصل خطب تولين اللي تقولون عنها... لمياء:ههههه والله ماضحكني إلاشكل رشا لماعرفت ..عيونها كانت بتطب داخل كاس العصير اللي قدامها من الفجعه... رهف:إستغفرالله لاتتشمتين لمياء:والله هذي حوبة اللي سووه في سميه والحكي اللي يرمونه عليها.. رهف:حتى ولو لاتتشمتين... لميس صحيح فرحت لمافيصل ماراح ياخذ رشا وخطب تولين إلا إن عقلها عند ريم اللي حابسه نفسها بغرفتها.... ******* شد قبضة إيده ع الدريكسون بقوه وهويسمع بكا إخته:رشا خلاص إنطمي... رشا ببكا:ليه يخطب وأنا وأنا يمه أم عبدالله:لاحول ولاقوة إلابالله رشا:آآآه ليه ليه...يخطبني ثم يخطب وحده غيري أنامولعبه آآهى حرام يمه مستحيل.. دلال بقهر:أصلا عيال خالتي شايفينا لعبه عندهم يلعبون فينا يخطبوننا ثم يرمونا ويتزوجون غيرنا...رخيصات عندهم...شايفين نفسهم علينا وإذا صاروا أغنياء وعندهم ملايين يعني يلعبون في بنات الناس...أول شئ أنا واللحين رشا...كأن ماعندنا أحد يوقف في وجيههم خلونا مضحكه للكل...الناس قامت تحكي عنا وتقول أكيد فيهم شئ أجل ليه عيال خالتهم عافوهم ....خواتهم مايرضون عليهم بكلمه أما إحنا عادي... إبتسمت بخبث لماشافت عروق يد أخوها برزت وعروق وجهه دليل إنه عصب ويحترق من داخله عليهم...وهذا اللي تبغاه وخصوصا إنه يعذب ريم ويوريها الويل وياخذ حقهم منهم فيها...هي عارفه تفكير أخوها زين... التفت للشباك وهي تسمع بكا رشا المستمر والهستيري... وصراخ عبدالله عليها علشان تسكت.... ************* تنهد بآهه لماعرف إن الملكه تمت وصارت ريم لغيره وملك غير...ومين.. عبداللــــــه... يعني خلاص ماعادت له...ماعادت له...صارت لغيره آآه ...شد شعره بقوه وشوي يتقطع من قوة شده... وسكاكين تنغرز في قلبه وتحوله أشلاء... لمس خده بأصابعه لماحس بشئ حار يسيل عليها... وكانت دموعــــــــــــه... رمى جواله ع الأرض بقوه وتفكك... رمى كل شئ حوله بقهر ... وضم راسه بإيديه ويحس نفسه عاجز عن التنفس.... ** غمضت عيونها بقهر وألم وتحركت بعيد عن باب غرفته لماسمعت الأشياء اللي ترمى وتتكسر... حزن ع حال أخوها وقهر... مشكلتها إنها مومصدقه إن هذا يصير لأخوها ومن مين حبيبته وصاحبتها ريــــــم... اللي كانت تشوف في عيون أخوها السعاده واللهفه لما يسمع إسمها أوصوتها... وكل شئ تبدد وإختفى مثل السراب... موقادره تصدق إن ريم تخون حب أخوها وتوافق ع غيره.. دخلت غرفتها وأخذت جوالها وفتحته ناظرت في رقم ريم بتردد ورمت الجوال..... ************* رفعت راسها بصدمه وقالت: توليــــــن.... جلس وقال:أيوه تولين .... قالت بعدم تصديق:فيصل ال.... خطب هذي ...تولين....مستحيل يبه إنت إنت من صدقك .... كانت صدمتها قويه....تولين ال#### والتافهه والold fashin اللي ماتسوى ظفرها...تاخذ المليونير فيصل ال#### ..مستحيل هذا مو بس مليونير صغير ووسيم أحلى من زياد وريان بكثير....تاخذه هذي... وهي الmodren...الذكيه اللي مستواها عالي..الجميله...يصير فيها كذا ...حامل وريان هرب وزياد رافضها ويكرهها... ليه المفروض هي اللي تعيش مثل الملكات مو تولين... ناظرت في أبوها:بس بس يبه مو إنت بتزوجها لأبو علي ..وخلاص بكره بيملك عليها... وبعدين وبعدين تولين هذا مثل الميته..old fashin بتفشلك قدام الناس وخصوصا لوعرفوا إنها بنت#### ...يبه لاتوافق وزوجها لأبو علي... أبومرام:ماقدر هالزواج هذا بيكون صفقة كبيره...وإذا رفضت بخسر ثروه....هذا غيراللي بسويه فيني أبورعد لأني رفضت ولده بيرميني برى السوق... قام أبوها وصعد فوق..أما مرام جلست بصدمه ومفجوعه.... من اللي يصير...مستحيل تكوون توليــــــن أفضل منها... مستحيل يستمر هالزواج... *************** طول الوقت ساكت ولاتكلم وهي ماتلومه... إخته تنغصب ع الزواج قدامه وهو واقف ماسوى شئ.... ماتنسى نظرة الحزن والألم والقهر في عيونه وهو يشوف ريم تنهار قدامه.... شافته يدخل غرفته ويسكر الباب زفرت ودخلت غرفتها...كان نفسها تشوف ريم لو دقيقه وتتطمن عليها.... لكن ماقدرت حابسه نفسها في غرفتها وموراضيه تشوف أحد.... ************ :إنتي متأكده.. :طبعا متأكده...إنت ع بالك إن دلال ميته فيك...لا حبيبي دلال تلعب عليك ومستخدمتك وسيله تساعدها في رجوعها لحبيبها رعد...وإنت غافل... قال بقهر:ال#### أنا كنت شاك بس كنت أكذب نفسي وهي كانت تبرر نفسها وأنا الغبي صدقتها..حتى إنها تتهرب من مكالماتي ... :شفت كيف...وإنت لازم ماتسكت عنها وهي لعبت في مشاعرك وخدعتك... قال بحقد:طبعا ماراح أفوتها لها وأنا أوريها كيف تلعب فيني.. إما خليتها تبكي دم ع كذبها وخداعها لي... سكرت منه ونار الحقد والإنتقام تشتعل داخلها:أنا أوريك يادلالوه إماضيعتك مثل ماضيعتيني ما أكون هــــــدى... ************ تنهدت بضيق وحزن ودموعها ع خدها وهي واقفه قدام شباك غرفتها المطل ع الحديقه... أحلامها كلها تلاشت...ودفنت نفسها مع واحد وضيع ونذل مثله وبســــــام....آآه...بسام أكيد عرف...أكيد يعتقد إنها خانته وتلعب في مشاعره.... آآه يابسام...سامحني... شهقت وغطت وجهها تبكي تبكي حبها اللي ضاع...أحلامها اللي تلاشت ...حياتها اللي إندفنت مع أكره مخلوق ... رفعت راسها لماسمعت صوت جوالها ...خايفه تكون البندري مالها وجه تحاكيها...إيش تقول لها... رفعت بتردد...ورمته بغضب و حقد لما شافت رقم عبدالله هذا ليه موراضي يفهم إنها تكرهه وماتبغاه ليه مصر إنها ممكن تعطيه وجه ... أخذت الجوال ودموعها تسيل وفكته أخذت الشريحه وكسرتها ورمت الجوال ع الأرض... وداست ع أجزاء الشريحه وشهقاتها تعلى:أكرررهــــــك أكرررهــــــــــــك....إيش تبغى مني ...إبعد عني إبعد عن حياتي أكرهــــــك.... ** دخلت بسرعه لما سمعت صوت أختها وإنفجعت لماشافت منظرها... جالسه ع الأرض تبكي والجوال متكسر حولها .. راحت لها بسرعه وضمتها تهديها وقلبها متقطع عليها... ريم:رنا مابيه خلوه يطلقني ويبعد عن حياتي...أكرهه... رنا تمسح ع ظهرها :خلاص حبيبتي إهدي...لاتسوين في عمرك كذا... رفعت عيونها وإنصدمت لماشافت فيصل واقف ع باب الغرفه وعيونه شاخصه في ريم .. تقدم منهم وسحب ريم من حضنها لحضنه وضمها... زاد بكاها ريم لما حست فيه ... رنا دموعها بدت تنزل لماشافت أخوها جامد وريم منهاره في حضنه... حالتهم قطعت قلبها وماقدرت تتحمل منظرهم... وركضت لغرفتها تبكي... شافت إسم خالد ينور شاشة جوالها وغصب عنها ردت ..تحس نفسها محتاجه له... خالد إنفجع لماسمع صوت بكا رنا:رنا حبيبتي شفيك ... ماقدرت تحكي وبكاها زاد لما حست بنبرة الخوف في صوته.. خالد منهبل وخايف:رنا حبيبتي... إهدي وقولي لي ليه تبكين...فيك شئ....صاير شئ... مسحت دموعها وقالت له كل شئ... خالد إرتاح لما عرف إنها بخير... رق قلبه ع حال عيال عمه.... وإبتسم داخله لما شاف إن رنا تغير فيها شئ وبدت تهتم في غيرها.... خالد:أنا جاي اللحين... رنا بدهشه:ليه... إبتسم:شنو ليه...حبيبتي تبكي وضايق صدرها وماتبغيني أشوفها وأطلع معاها أوسع صدرها... إبتسمت:بس ماقدر أطلع معاك وزواجنا مابقى عليه شئ.. خالد:أوك مولازم نطلع بجي أشوفك ... إبتسمت:أوك... *************** دخل غرفتها ولماشافته بدت دموعها تنزل بخوف وضمت نفسها :الله يخليك لاتزوجني إياه الله يخليك.... :ماراح تاخذين أبوعلي ...بتتزوجين فيصل ال..... الكنز... أول مره وجودك في هالحياة له فايده .... بكت:مـ مابي الله يخليك صرخ:مو ع كيفك...من متى لك رأي ...وياويلك لو فشلتيني قدام الناس وفتحتي فمك بكلمه عند الرجال سامعه....بعد صلاة العشاء ملكتك فاهمه... طلع وبكت ليه يزوجها واحد أكبر منها ليه يرميها هالرميه...حرام ******** طلع من المجلس وراسه بينفجر والقهر ذابحه... مستحيل مومصدق إنه وافق يتزوجها....يتزوج هال##### مستحيل بس غصب عنه إذا ما تزوجها بتجيب له الفضايح وخاله ماراح يسكت...وأكيد بيكون مع بنته....هذا غير مركزه كدكتور ..... طلعت منه آآهه من قلب..... :بسم الله عليك حياتي من الآه التفت وشاف مرام واقفه قدامه مسك نفسه لايقوم يخنقها ويذبحها... :مبروك حبيبي خطوبتنا... غمض عيونه يمسك أعصابه قبل تنفلت من وقاحتها وقوة عينها.... لف بيطلع موطايق يشوف وجهها... :لاتنسى تحضر ملكة تولين الليله جمد مكانه والتفت عليها بصدمه إنقهرت لماشافت الصدمه في عيونه وقالت:لازم تحضر مو إنت زوج إختها..... قالت كلمتها الأخيره باستهزاء وراحت... ************** :الليلــــــه... ريم:أيوه... لميس:موكل شئ صار بسرعه ريم:أنا قلت لأبوي يتمم كل شئ بسرعه ...أحس إن مرام ماراح تسكت وتولين هي اللي بتروح فيها.... لميس:أيوه صح....ومتى الزواج ريم:راح يكون مع زواج خالد ورنا....مع إن أبوي قال بيحطه مع زواج أمل ...بس صعبه ع فيصل ...وأنا أقنعته يكون مع خالد... لميس:حلو....طيب أبوها وافق أقصد يعني بيكون زواجهم بعد بكره الخميس مع خالد ورنا أحس مافي وقت يجهزون... ريم:لا أبوها وافق بسرعه...ولا عارض أصلا بعد هو شكله مستعجل.... لميس:وفيصل.... ريم تنهدت:فيصل موهامه شئ....حتى إنه ماراح يسافر بيجلس هنا....ماراح يطلع من البيت وبيسكن هنا.... لميس:الله يوفقه... ريم:شخبار رعد... لميس تنهدت:ماصرت أشوفه الأيام هذي صار يروح للشركه كثير ريم:أيوه الأيام هذي من السنه يصير الشغل كثير ومضغوط كل سنه كذا بتتعودين بعدين *************** أخذت القلم بيد مرتجفه ودموعها ع خدها ووقعت ... مرام بسخريه:حتى توقيع ماتعرف سكتت وهي تمسح دموعها وتصعد لغرفتها... وعيون مرام الحاقده تلاحقها ... راحت عند الشباك المطل ع الحديقه ...وبعد نص ساعه فتحت عيونها بصدمه لماشافت فيصل طالع من المجلس ومعاه رجال... ناظرت في رعد بصدمه....عارفته من صوره في الجرايد و المجلات...حسدت زوجته من قلب لماشافته... تعلقت عيونها في فيصل...معقوله تولين تاخذ هالرزه هذي كلها والوسامه....مستحيل مانزلت عينها عنه لين طلع..ونار الحقد والغيره شبت داخلها... ناظرت في زياد وعرفت إنه حزنان لأن تولين صارت لغيره وزاد قهرها... *** ركب سيارته وسند راسه ع الدريكسون بقهر.... تولين صارت لغيره ...بس إرتاح لماشاف إنها ماتزوجت أبوعلي صحيح إنصدم لماشاف إن المعرس فيصل ال.... بس ماينكر إنه إرتاح له وتطمن ع تولين معاه.... كان طول الوقت ماسك أعصابه خايف خاله يخليه يملك ع مرام بس الظاهر إن خاله طاير في نسب أبورعد وفرحته ماخلته يركز في موضوعه.... ************* دخلت غرفتها ودموعها ع خدها لما جا أبوها وإخوانها... يعني فيصل ملك ع تولين...صار لغيرها... جلست ع سريرها وقلبها يآلمها صحيح حرام تفكر في غير زوجها ... راحت تغسل وجهها وتحاول تبعده عن بالها... سمعت صوت جوالها وشافت إنه طلال..وردت عليه.... صحيح تحس براحه لماتسمع صوته وحكيه الهادي والرزين يعني إن شاءالله تقدر تنسى فيصل وتعيش حياتها مع طلال ********** أخذت جوالها ودقت ع الخدامه تسأل عن تولين ...خايفه تكون مرام وإلا أبوها سووا فيهاشئ وبنفس الوقت نفسها تحاكيها... سووري:هادا بيبي تولين في إبكي في قورفه...مامامرام في طوقي هي ... ريم إنصدمت:ضربتها... سووري:أيوه هادا مرام وهش في إصروخ وطوقي بيبي...هرام هادا بيبي تولين صقير ... ريم بقهر:تقدرين تروحين لها بحاكيها سووري بخوف:لا مدام بأدين مرام في طوقي أنا... ريم إنقهرت:طيب كيفها تولين سووري:مافي إعرف مرام في قفل باب قورفه.. سكرت منها مقهوره وشافت فيصل واقف قدامها... جا لها وجلس جنبها:مين كنتي تحاكين.. ريم :خدامة بيت أهل زوجتك مرام ضربت تولين وحبستها في غرفتها.. فيصل بدهشه:نعم... ريم:أنا مره خايفه عليها البنت صغيره وماتتحمل الضرب.. فيصل سكت مايقدر يسوي شئ مايقدر يروح لهم وياخذها يصبر لين بكره الزواج ... ريم:فيصل..لاتظلم تولين معاك البنت مالها ذنب ....ومن صغرها متعذبه عايشه عند أب قاسي وإخت أقسى هذول حتى مومعترفين فيها...الله يخليك فيصل لاتظلمها.. فيصل:إنتي عارفه أخوك ياريم ريم إبتسمت وإرتاحت فيصل ماراح يظلمها ويحملها ذنب هالزواج هي عارفه أخوها مستحيل يظلم أحد بس حبت تسمعها منه... *************** دخلت ع إختها ولقتها تبكي وعندها أمها.:صدق اللي سمعته...فيصل ملك وزواجه بكره مع زواج خالد ورنا... زادبكا إختها وقالت أمها:أيوه صحيح... دلال إنقهرت وبدت تهوش وتسب فيهم ...وتتوعد ريم... لأنها زوجة أخوهم وبينتقموا عن طريقها... دلال:وبتحضرون الزواج :لا التفتوا لعبدالله اللي قال:ياويلها اللي أشوفها طالعه من البيت سامعين.... وإنتي يمه ماراح تروحين ... وطلع وسكر الباب بقوه .. تأففت دلال بضيق وطلعت ... ورشا مستمره بكي..مومصدقه إن كل اللي سوته ماجاب نتيجه صحيح إن جزء من خطتها نجح وهو إن أمل ماأخذت فيصل بس إنه مايصير لها حطمها وقهرها....بعد مابنت أحلامها معاه..... ********** ركبت السياره مبسوطه وفرحانه لأن فيصل دخل عليها وقال لها تروح تاخذ تولين من بيت أبوها معاها للمشغل علشان يبعدوها عن إختها.... دخلت للبيت وشافت مرام قدامها:وين تولين... مرام:خيــــــر شتبغين فيها ماعطتها وجه ريم وصعدت فوق ولحقتها مرام تخانقها... مرام:تعالي إنتي وين رايحه ريم:باخذ تولين معاي ...مالها جلسه هنا مرام بقهر:مو ع كيفك...طلعي برى رفعت حاجبها ريم:زوجة أخوي وباخذها معاي ...ومومحتاجه إذن أحد... مرام ناظرت في الخدم اللي تجمعوا:دقوا ع أبوي يجي يشوف المسخره بسرعه ريم بثقه مدت لها جوالها:خذي حبيبتي دقي عليه..ع بالك بيهمني ماحد يقدر يتدخل ...أبوك مالها كلمه عليها الوحيد اللي له كلمه عليهاهو فيصل لأنها زوجته والتفتت للخدامه:وين غرفتها مرام مقهوره لأن مخططها كله فشل واللي ناويه عليه ماتقدر تسويه....ماكانت متوقعه إنهم  من مواضيعي في المنتدي | |||||||||
| |
|
02-12-11, 04:36 AM
| #72 | |||||||||
|
بياخذونها...ولاتقدر تسوي شئ وتمنعها ... سحبت ريم مفتاح الغرفه من الخدامه وفتحتها... دخلت وشافت وحده جالسه في ركن الغرفه وشعرها الأسود الطويل مغطي ملامح وجهها وعليها قميص أسود مثل سواد شعرها ...وجسمها النحيل يرتجف برعب لماشافتها وضمت نفسها بخوف... قربت منها وجلست قدامها ع الأرض والبنت إنكمشت ع نفسها ريم:تولين...أنا ريم إخت زوجك فيصل... لاحظت إن البنت زاد خوفها .. حطت إيدها ع كتفها بحنان وقالت:لاتخافين حبيبتي... أنا جايه باخذك من هنا ... رفعت راسها تولين تناظر في ريم لماحست بالراحه من صوتها ...كانت خايفه تكون من صاحبات مرام اللي ضربوهاقبل ريم إنصدمت لماشافت الجروح اللي ع وجهها البرئ والطفولي حقدت ع مرام من قلب... مسكتها وقومتها:يالله حبيبتي قومي علشان نطلع ... تولين بخوف:وأبوي ريم:أبوك ماراح يقول شئ لأنك اللحين متزوجه مشت معاها بتردد وهي خايفه لبستها ريم عبايه جابتها لها الخدامه سووري لماعرفت إن ما عندها عبايه... لصقت تولين في ريم لماشافت مرام تناظرها بحقد ...وريم طبعا ماستغربت... ركبوا السياره مع السواق وقالت له ياخذهم للبيت... لاحظت إن تولين خايفه وتناظر في كل شئ كأنها أول مره تشوفه وخايفه...رحمتها مره وبدت تسولف معاها علشان تضيع خوفها... وصلوا بيتهم ونزلت معاها كان طول الوقت لاصقه في ريم وريم تطمنها لين بدت تتطمن أخذتها لغرفتها وجلستها... جلست تولين وهي تناظر في كل شئ حولها ومومصدقه إنها طلعت من بيت أبوها وعذابه.. بس خايفه يكون زوجها أشد من أبوها ... ناظرت في ريم اللي إرتاحت لها كثير... أخذت الملابس من ريم اللي قالت لها تاخذ شور ... جلست ريم تنتظرها ودقت ع فيصل تخبره إن تولين عندهم ماقال شئ ... دقت ع المطبخ وطلبت غداء... شافت تولين طالعه من الحمام وإبتسمت لماشافت البيجامه أكمامها طويله شوي ع تولين لأن ريم تعتبر أطول منها... أخذت شباصه وعطتها تولين علشان ترفع شعرها... إبتسمت لماشافت ملامح تولين الجذابه ...بيبي فيس جلست معاها تتغدا وكانت تولين جوعانه مره وأكلت كثير من زمان ماأكلت مثل هالأكل لها يومين ماأكلت شئ... دخلت رنا ووقفت بصدمه لما شافت تولين.. ريم إبتسمت:هذي رنا إختي سلمت عليها رنا وجلست جنب ريم وهي تناظر في تولين... تولين منحرجه منهم وقامت تغسل... رنا:هذي تولين ريم:أيوه... رنا:مره صغيره وإيش الجروح ع وجهها ريم:إختها الحماره ضاربتها والله لوتشوفين شكلها لمارحت أجيبها تقطع القلب رنا :ياعمري ريم إستغربت إن رنا ماعارضت وخانقت ..لأنها مايعجبها شئ بس هي ملاحظه إنها من تزوجت خالد وفيها أشياء تتغير وإن شاءالله تتغيرمعاملتها للميس... قامت رنا وطلعت علشان ترتاح قبل يجوون المصففات... ناظرت في جوالها وإبتسمت لماتذكرت إن خالد أمس ماسكر منها إلا الفجر....وهي تحاول فيه يسكر ورافض ..حتى لماسكر ماقدرت تنام وتفكيرها كله في اليوم وفي خالد اللي تحس نفسها بدت تتعلق فيه ** طلعت من غرفتها فرحانه لما عرفت إن تولين عند ريم... ونفسها تروح لهم .. شافت رعد لابس بنطلون جينز وقميص أبيض وفاتح أزاريره كلها إلا الإثنين الأخيرات و جالس في الصاله وقدامه ملفات كالعاده.. غصب عنها إبتسمت من زمان ماشافته ...الأيام اللي فاتت ماصارت تشوفه كثير لأن معظم وقته في الشركه أو في مكتبه...إشتاقت له كثير... شافته يلمس راسه بإيده وشكله تعبان ... لميس:رعد.. رفع راسه وإبتسم بتعب وحاجبه معقود... قربت منه وقالت :تبغى بنادول مسك يدها وجلسها جنبه وحط راسه ع رجولها وتمدد ع الكنبه وقال بتعب :سويلي مساج مثل اللي سويتيه قبل... لميس تحس نفسها متجمده قربه منها يلخبطها يقلب كيانها... فتح عيونه يناظر فيها لماماتحركت وأخذ يدها وحطها ع شعره....وغمض عيونه... سوت له مساج لين حسته نام كانت أصابع يدها تتخل شعره الناعم وسرحانه في ملامح وجهه الحاده...اللي ماأخفت حدتها وسامته... تحبه وتموت فيه ... وبعده عنها الأيام اللي فاتت أثبت حبها له وشوقها... مع إنه كان مشغول وماكانت تشوفه كثير إلا إنها كانت تحس فيه يدخل غرفتها في الليل لماتكون نايمه ويظل جالس عندها لدقايق وتحس فيه يبوسها ع جبينها... تنهدت وحركت شعره بإيدها ...وماودها تقوم تبغاه قريب منها.. قامت ببطئ وجابت له لحاف ومخده... وع كثر حركتها ماحس فيها من التعب.. غطته زين وأصابعها تلامس شعره... قربت منه بتردد وباست جبينه قامت وعيونها متعلقه فيه.. جمعت الملفات وشالتها ... ركبت الساعه ع أذان المغرب علشان تصحي رعد... ************* صحت وشافت نفسها في مكان غريب... وقامت بخوف إنفتح الباب ودخلت ريم ولماشافتها تذكرت اللي صار ريم بابتسامه:صباح الخير ياعروسه إبتسمت تولين بخوف وتردد يعني خلاص اليوم زواجها... جلست مع ريم قبل يجون المصففات ... وشافت ريم تمد لها صوره:هذا فيصل زوجك أخذت الصوره وطاحت عيونها ع الشخص اللي بالصوره و........ ************** صحت وشافت نفسها في مكان غريب... وقامت بخوف إنفتح الباب ودخلت ريم ولماشافتها تذكرت اللي صار ريم بابتسامه:صباح الخير ياعروسه إبتسمت تولين بخوف وتردد يعني خلاص اليوم زواجها... جلست مع ريم قبل يجون المصففات ... وشافت ريم تمد لها صوره:هذا فيصل زوجك أخذت الصوره وطاحت عيونها ع الشخص اللي بالصوره و........ ************** توسعت عيونها بصدمه لماتعلقت عيونها بعيونه.... رفعت عيونهاتناظر ريم بعدم تصديق... رجعت عيونهاتناظر في صورته معقــــــــــــــــــول... كانت فاكره زوجها كبير في السن مو شاب ... واللي صدمهــــــــــــا أكثر إنه نفس الشاب اللي شافته في الحديقه...عرفته بسرعه من عيونه اللي لاحقتها أوقات...وما قدرت تنساها... ضحكت ريم:لهدرجه أخوي وسيم وعاجبك.. أخذت الصوره من يدها وقالت:أنا حبيت إنك تشوفينه قبل الزواج علشان ماترتعبين وتخف الرهبه مسكت يدها وقومتها:يالله علشان تجهزين.. **************** دخلت الغرفه وشافت إختها جالسه ع طرف السرير ومنزله راسها ...عرفت إنها تبكي.. قربت منها وجلست جنبها:أمل و بعدين... ماردت عليها وهي تحاول تمسح دموعها اللي عفست مكياجها... حطت إيدها ع كتفها:أمل وبعدين...ترا مايجوز اللي تسوينه في نفسك ...إنت متزوجه أمل شهقت:والله غصب عني... تنهدت بضيق وقالت:حتى ولو إنسيه ياأمل إنت متزوجه وبذمت غيره...وهو بعد تزوج ... يالله قومي عدلي مكياجك ونفسك وخلينا ننزل ...تأخرنا قامت أمل تعدل نفسها وتحاول تتماسك... أخذت عباتها بعد ماعدلت شكلها وناظرت في جوالها اللي دق... رفعت وناظرت في المتصل بدهشه...طـــــــــلال... ردت :آلو... طلال:مساءالخير.. أمل :مـ مساءالنور.. طلال:كيفك حالك... أمل:بــخير...وإنت.. طلال:أنا تمام...مبروك زواج خالد أمل:الله يبارك فيك... طلال:إنتي في الفندق.. أمل:لا في البيت اللحين طالعين طلال:أوك أنا جاي آخذك معاي إنصدمت:لـ لا ....آ..أقصد لاتعب نفسك أنا اللحين طالعه.. طلال إبتسم:أنا قريب دقيقه و أكون عند الباب... سكرت منه وإيدها بدت ترتجف يعني كيف أروح معاه....بدأ قلبها يدق بخوف وربكه... رفعت راسها تناظر رهف اللي دخلت ولماشافت شكلها المنقلب إستغربت:شفيك.. أمل:آ طـ..طلال رهف خافت:شفيه.. أمل بلعت ريقها:يقول بجي آخذك .. رهف:ياخذك وين.. أمل وهي تدور ماتدري إيش تسوي.:وين يعني للزواج.. رهف إبتسم:ياحركات.. أمل بضيق:إيش أسوي اللحين.. رهف:إيش تسوين يعني أكيد بتروحين معاه.. أمل:مابي...أستحي وخايفه و و مادري مادري بس مابي رهف ضحكت:أقول إعقلي ويالله إمشي ننزل قبل يجي.. أخذتها معها ونزلوا... دخل رائد ولماشاف أمل إبتسم وقال:عنتر بن شداد برى يبي ياخذ عبله معاه.. أمل منحرجه وخايفه وكل شئ فيها ومالها خلق هباله... أم خالد:مين... رائد:زوج بنتك طلول جاي ياخذها معاه....بصراحه كنت بكرشه مع الباب بس رحمت كشخته... ضحكت رهف وأمل لصقت في أمها:يمه تكفين مابي... أم خالد:لايمه عيب الرجال عند الباب...يالله لبسي عباتك وإطلعي له لاتخلينه ينتظر... رائد:لا تلبسينها أبد..روحي سلمي عليه برى ...خساره هالكشخه مايشوفها طلول... ماأمداها تعترض لأنه سحبها من يدها معاه وتركها لماشافت نفسها في وسط الحديقه .. رفعت راسها وتعلقت بالشاب الواقف مع أبوها... هذا طـــــــــلال..... كانت أول مره تشوفه ...طويل وأسمر وملامحه هاديه وجذابه .. نزلت راسها باحراج وداخلها تتوعد في رائد اللي يناظرها مبسوط.... إبتسم طلال ومد يده يصافحها ... مامدت يدها وهي منحرجه موت ... سحبها رائد وقربها من طلال مرره وهو يسحب يدها وحطها بيد طلال وهويقول:سلمي ع زوجك...لاتستحين... حمـــــــــا ا ا ا ا ا ار ...دو و وب.. والله ماأخلييك ... سحبت يدها وراحت بسرعه أخذت عباتها معصبه ع رائد و لبستها ... دخل رائد وقال بضحكه:يالله طلال برى ينتظرك... ضربت بقوه ع كتفه وهو يضحك... طلعت وشافت طلال واقف و فتح لها باب السياره.. ركبت وركب هو وحرك السياره.. كانت لاصقه في باب السياره وضامه يديها ...وتحس نفسها يالله تسحب أنفاسها.... كان يسولف معاها بهدوء و هي من الخوف والربكه ماتدري إيش يقول.... ************* واقفه قدام المرايا وتناظر في شكلها بدون تصديق... هذي أنــــــــــــــــــا... إبتسمت ريم بإعجاب :ماشاءالله ياتولين قمر.. ريم كانت عارفه إن تولين جميله من أول مره شافتها... وفرحت لما الفستان طلع مقاسها ... عيونها السود الواسعه المزينه بشادو درجات الوردي ولمسات فوشيه...وروجها الوردي اللامع كان شكلها مرره نعوم ومناسب لبرائة ملامحها... ريم بابتسامه:مبروك ياأحلى عروسه... إبتسمت تولين بخوف :الله يبارك فيك... إبتسمت ريم لماشافت خوف تولين وإيديها المرتجفه...ومسكت يدها تهديها وتطمنها حمدت ربها إنها أقنعت أمها ما يحطوا لها زفه ويزفونها..لأنها أكيد بترتعب أكثر من كذا خصوصا إنها توها تطلع ع الناس... التفتت للباب وشافت أمها دخلت... أم رعد ناظرت في تولين بصدمه...ماكانت متوقعه أبدا إن تولين صغيره ...مع إن عجبها شكلها ..بس لاحظت نظرة تولين الخايفه.. ريم بابتسامه:هذي أمي.. أم ريم يعني أم زوجها بعد... هذا اللي جا في تفكيرها... قربت من تولين وسلمت عليها ..:كيفك تولين.. تولين:بـ بخير.. أم رعد:بسم الله ماشاءالله مبروك ... ريم كانت خايفه تكون معاملة أمها لتولين سيئه مثل لميس... وإرتاحت لماشافت أمها متقبلتها... ماكانت عارفه إن أم رعد كان ممكن تعامل لميس بطيبه قبل تشوه سمعتها لها أم هدى...وتحريض بنتها رنا عليها.... *********** جالس ع سريره عليه ثوبه الأبيض وجزمه السود... ومسند راسه ع إيديه ... اليـــــــــوم زواجـــــــــه.... تنهد بألم عمره ماتخيل إن هاليوم يكون هذا حاله... كان يتمنى هاليوم يكون أسعد يوم في حياته...يعيش هالليله بفرحه مع حبيبته وزوجته..أمـــــــــل... لكن الواقع مختلف...حبيبته متزوجه ...وهو بيتزوج غيرها... آآآه ياليته يقدر ماوافق يتزوج ياليته يقدر يختفي ويهرب... شد شعره بقهر وتنهد ويحس نفسه مكبوت... سمع دق ع الباب وصوت عادل يناديه... قام بثقل ولبس غترته وعادل يدخل:ها ياعريس جهزت.. أبعد يدين فيصل وعدل غترته بنفسه وهو يقول بفرحه:ألف مبروك فصول... إبتسم فيصل وضمه عادل... أخذ البشت(المشلح)ولبسه إياه:اليوم عاد إستانس..عدول يدلعك ويلبسك بنفسه... فيصل إبتسم:عقبالك...وأدلعك أنا .. ضحك عادل وهو ياخذ العطر ويتعطر منه ثم يعطر فيصل اللي ضحك.... ************* كانت جالسه وتناظر الناس من طرف خشمها وبغرور... وتناظر البنات اللي واضحه فرحتهم ع وجيههم... سميه :شفيها هذي جالسه كأنها ضيفه مو زواج إختها... سديم:مين.. سميه:مرام.. سديم:أيوه صح حتى ماشفتها تروح تشوف إختها..من جات وهي جالسه في مكانها... داليا:إنتو شفتوا تولين.. سميه:لا..لسى...ماراح ندخل عندها يكفي الحريم..مانبغى البنت تخاف.... داليا:أيوه صادقه مع إني متحمسه بشوفها... *** واقف بين أبوه وخالد ومشاعره جامده ويغتصب إبتسامه مومن قلبه... التفت وإختفت إبتسامته لماشاف عدوه وزوج حبيبته قدامه وع وجهه إبتسامه... سلم عليه ...صافحه وشد ع قبضة يده وهو يسمعه يبارك له... كانت عيونه متعلقه فيه بقهر وألم... التفت وشاف خالد والفرحه واضحه بعيونه وإبتسامته... اللي يشوفهم يقول خالد هو العريس لوحده..أماهو لا.. شاف بسام يبتسم له ورد له الإبتسامه... ناظر في عبدالله اللي توه داخل وتنهد بضيق...عمره ماراح يتغير والله يعين إخته... **** ضمتها بحب:ألف ألف مبرووك رنو... رنا إبتسمت:الله يبارك فيك... ريم:طالعه قمر ع إختك... دخلت بتردد وخايفه من ردة فعلها... شافت إبتسامتها تختفي وتلف وجهها عنها... قربت منها وسلمت عليها:ألف مبروك رنا... ناظرتها ورافعه حاجبها ببرود:الله يبارك فيك... ماطولت عندها لأنها تحس إنها تضايقت من وجودها وطلعت تشوف تولين... دخلت عليها:مرحبا... شافتها جالسه وتشد ع مسكتها بقوه وعرفت إنها خايفه .. عدلت طرحتها بابتسامه:ألف مبروك ياأحلى عروسه... تولين بخوف:لميس... لميس:هلاحبيبتي... تولين بخوف:فـ فيصل بيدخل اللحين الله يخليك مابي... إبتسمت لميس وجلست جنبها: إهدي حبيبتي...ولاتخافين ...فيصل طيب وبتحبينه... جلست تهديها وتحاكيها علشان تهدى.... دخلت ريم معاها كاميرا.:يالله نصور... صوروا معاها وهم يسولفوا ويضحكوا علشان يخففوا توترها... دخلت أم رعد وقالت إن فيصل بيدخل.... ناظرت لميس في تولين اللي إرتعبت وهي تسمي عليها.... بعدت لميس ووقفت بعيد وتغطت... وقربت ريم من تولين وساعدتها توقف وهي تحس بإرتجافها... رفعت راسها ريم وشافت فيصل داخل لوحده...فضلوا إن أبورعد مايدخل علشان البنت ماترتعب كفايه دخلت فيصل... ... دخل وشاف أمه قدامه...سلم عليها وباس راسها وهي تدعي له... طاحت عيونه عليها كانت واقفه ومنزله راسها وماسكه يد ريم بقوه... كان نفسه تكون حبيبته أمل كان نفسه يكون كل شئ ماصار وحلم وتكون هي عروسه... بس الحقيقه غير...والواقع حطمه وحطم قلبه...وكره نفسه وكره كل شئ... حس بيد أمه ع كتفه تبغاه يسلم مد يده ومسك يدها وهو يبوسها ع جبينها...بس صدمته ردة فعلها المرعوبه...سحبت يدها بخوف و لصقت في ريم ... إبتسمت ريم لأخوها وقربت منه وسلمت عليه وتولين لسى متمسكه بيدها... رفع حاجبه وماله خلق شئ وجلس وجلست تولين بعد مافكت يدها ريم... رفع راسه لماسمع صوت لميس المرتجف:مـ مبروك فيصل إبتسم وقال:الله يبارك فيك... كانت دموعها تنزل وحابسه شهقاتها بقوه وعيونها ع فيصل رامــــــــــــــــــي.....هو ولاهي قاعده تتخيله في فيصل ياما كان ودها تزفه بنفسها ليلة زواجه....ياما كان نفسها تفرح فيه وتشوف فرحته....قلبها يآلمها بقوه كلماتخيلت هذا زواجه وهو اللي واقف قدامها مو فيصل....يشبه له كثير وكأنهاتشوف أخوها قدامها... ماقدرت تتحمل وتمسك نفسها وطلعت من الغرفه...وعيون ريم تلاحقها...كانت حاسه فيها وعارفه إنها تذكرت أخوها...بس ماتقدر تترك تولين وتروح لها.... ساعدت تولين توقف علشان تصور مع فيصل... بس ما كانت تساعد لأنها موراضيه ترفع راسها وخوفها وربكتها مو مساعدين... حتى فيصل بعد شكله وده تقضي هالليله بسرعه....وماله خلق شئ... طلع فيصل علشان يسلم ع رنا ... **** دخل وشاف إخته بفستانها الأبيض واقفه وعيونها تناظرفيه برجا.... للحين قلبه شايل عليها قهر ع اللي سوته ... سلم عليها ببرود وعطاه ظهره بيطلع... مسكت يده وعيونها غرقانه دموع...للحين ماسامحها ..حتى سلامه كأنه مغصوب ... رنا:فيصل......سامحني...أنا عارفه إني غلطت وندمانه...سامحني... ناظر فيها وقلبه ضعف لماشاف دموعها .... قسى قلبه ..موسهل اللي سوته ..خانت ثقتهم ...ونزلت روسهم للأرض عند اللي مايسوى....يبيها تحس بحجم غلطتها باللي سوته... تركها وطلع.... نزلت دموعها لماعرفت إنه مستحيل يسامحها...توها تحس بغلطتها لما فقدتهم بعد اللي صار ماصاروا يطالعون فيها أوحتى يحاكونها متجاهلينها..وكأنها مو إختهم ومتبرين منها.. وخصوصا فيصل لأنه معاها في البيت.... ** لبست عباتها ريم وراحت مع تولين وفيصل لين توصلها وتطمنها..... ** جالسه بين البنات ومومعاهم غصب عنها تحس بالقهر والحزن لأن فيصل اللحين مع غيرها... أكيد فرحان ومبسوط وماجاب خبرها... وليه يفكر فيها...وهي اللي خانته وصدقت كل شئ عنه...و مو بس كذا تزوجت غيره.... غمضت عيونها بألم وحابسه دموعها...هاللحظه تمنت ألف مره إنها ماسوت اللي سوته... فتحتها لماحست بيد داليا ع يدها ناظرت في داليا وإبتسمت وهي تحاول تمسك نفسها وتسيطر ع مشاعرها... قامت وأخذت شنطتها معاها لدورات المياه ولحقتها داليا... دخلت وحطت شنطتها وغسلت يدها وهي تتنهد... شافت داليا واقفه جنبه وتعدل شعرها وهي تقول:إنسيه يا أمل إنسيه... سكتت وهي تناظر في المويه... مو في إيدي.... داليا:إنتي متزوجه وهو اللحين تزوج....إدعيله ...وإدعيلي لنفسك إن الله يوفقكم في إختياركم وصدقيني لو الله كاتب لكم نصيب في بعض مافيه شئ بيمنع مشيئته سبحانه...بس الله ماشاء إنكم تكونوا لبعض.. إبتسمت أمل بشكروقالت داليا وهي تاخذها معاها:يالله نرجع عند البنات... مشت معاها أمل وهي تقول :شخبارك مع ماجد... إبتسمت داليا:الحمدلله سمنه ع عسل... ضحكت أمل:دووم يارب....وما فيه شئ بالطريق... ضحكت داليا: لا بس إن شاءالله قريب ...مع إن ماجد يقول مايبغى اللحين يقول مايبغى أحد يشاركني فيك.... ضحكت أمل:الله يخليكم لبعض دوم... داليا:آمين... | |||||||||
| |
