( صدقني ) مهما يطول البعد وغيابك
......................ما غابت ( طيوفك ) ولاغابت الذكرى !

أتذكرك وأذكر اللي صار بـ ( أسبابك )
......................وأقول عزالله إنّه ( عيشتي قشرى ) :-

وإن كان ودّك تعرف شصار فـ أحبابك
......................تعال ( ركني ) وشاهد حالتي وأقرى !

( جرحك ) مع الأيام لو طال يشفى
.................ومشكور ولا يزعلك قسوة حركته

ماجاه من وقته من الوقت أكفى :-
.................إلين ضاعت هقوته في ( بركته )

معاك سوّا خير يوم أنّه ( أقفى ) ,
.................وأنتِ بعد سويت خير ( وتركته ) !

( تركت ) لي من بعدك اشياءِ جميله !
واصبر لو إن الصبر ما عاد ( ينطاق )

بس البلا شلت ( الحمول الثقيله )
على كثر ما أصبر :-
................ على كثر ما أشتاق !

يا كيف صدَّقتك ويا كيف ( آمنت ) ؟
...................( وفيت ) لكن خوَّنت بي سنيني

كنت بيديني بسْ يا لـ لأسف كنت !
...................جور الزمن خلاك منت ( بيديني )

وشلون رحت بلا ( موادع ) ولا بنت ؟
...................وفي غيبتك فجَّرْت ينبوع عيني :-

في راسي أستفهام لـ الحين مـ أيقن
...................( وش سبَّة غيابك وزفرة أنيني ) ؟

( ودي ) مجرد يوم واحد أكون أنت ,
...................( وآعرف تفكيرك ونظرتك فيني ) !

بـ تبقى معي بـ تروح فكر وقل لي
....................قل لي عشان اعرف اواجه مصيري ,

ما ودي اعوّد على ( طير يا اللي )
....................واقول لـ ظنوني ( مع الريح طيري ) !

( اللِّيل والأحزان والدمع والـ Note ) ؟
..............كل يوم نبكي قلب في البُعد أسرف :-

( تعبت ) أنادي بس ما فادني الصُّوت
..............الطير طار وفي سما ( الغير ) رفرف !

( أحتاجك ) وتعبان من كثر السكوت
..............وحزني ( تمرَّد ) في الغياب , وتعجرف

من قال بـ غيابك مضيِّفني الموت ؟
..............مامتِّ بَعدك بس ( لوميِّت أشرف ) !