08-21-10, 03:54 AM
| #31 | |||||||||||||
  
|  حسن: ها بشر علي عطيتها الورد علي: ايه يامعود وكل شي تمام حسن : والمخدرات حطيتهم فيها علي: ايه بس ماجثرت حسن: زين جي ريحتني علي: والله لااراويج يالوجين اذا ماخليتج تبوسين رجليني ماكون علوي ********************* نواره : يبه بونواره: نعم نواره: انا بروح مع البنات للشقه لوجين مسويه حفلة وداع قبل لانروح بونواره: اوكيه على الساعه 5 بجي اخذك علشان الطياره نواره: تسلملي والله راحت لعند ذوق نواره: ذوق وشفيك جالسه يله نروح مع لوجين والبنات البارتي بيبداء ذوق ومالها نفس بس علشان صاحبتها لوجين يمكن ماتشوفها بعد كذا ذوق تناظر ابوها : ماقدر لان بوذوق بكي بنته كسر خاطره : يابابا ماعليتس مني روحي معهن ذوق: لا بابا عادي اجلس معك بوذوق: وانا ابوتس انتي روحي معهن وقبل موعد السياره انا وخوتس نمرتس ذوق بابتسامه صفراء: تسلملي بابا .. نواره : يله بسرعه ( انتبهت في طلال ياكل عند البوفيه .. توها ماصار لها دقايق من تركته ..راحت له بسرعه ) اسمعي ذوذو انت اسبقيني وانا لاحقتك ذوق برود: اوكيه نواره حست ان بصديقتها شي بس اسكتت وقررت تسالها بالحفله نواره: الاخ مشغول بالاكل طلال: بسم الله انتي من وين طلعتي نواره: من بطن امي .. طلال: ماتوقع انك شتقتيلي بهذي الثواني نواره: دايم اقول عليك ذكي محد يصدقني طلال:ههههه اخلص علينا وش تبغي نواره: انا بروح هاللحين مع ذوق لشقتنا لشان حفل توديع لجو ..وحبيت اسلم عليك للمره الاخيره واقولك عاد مو تنساني خلاص تروح لسعوديه وماتعزمني لى زواجك طلال: زواجي اي زواج نواره :علي اي زواج واضح عليك انك تحب ..( بتهدتد) لاتنكر طلال ابتسم بقهر : وماغرفتي مين احب نواره ترفع انفها بغرور: اكيد بنت عمك او بنت خالك طلال يائس منها مافي امل تحس وجايه تباركله لانها حست انه يحب نواره: بنت عمك صح طلال: تقريبا واره: حركااااااات ...كنت حاسه ..يله مبروك مقدما طلال باستهزاء: الله يبارك فيك نواره تمد ايدها : وين هديتي طلال: اي هديه ..؟؟ نواره: هاللحين انا بسافر وماعطيتني هديه طلال:ههههههه قولي كذا جايه علشان الهديه نواره تحك خدها بفشيله: تقريبا طلال طلع علبه صغير كان متررد يعطيها اياه والا لا حتى انه ماكتب لها شي في كرت ... ( كويس اللي جات منها علشان ماتحس اني رامي نفسي عليها ) عطاها الهديه : خذي ولو انك ماتستاهلين نواره فتحتها بسرعه : ماقول لا هههه يبغى يشوف ردت فعلها ...تغير وجه نواره واضح ان الحلق الصغار اللي بداخل العلبه الماس نواره وهي فاتحه فمها: هذا لي انا ..؟؟ طلال يبتسم: وشرايك نواره بعفويه : انا حد يهديني الماس ... ( ناظرته )تدري ان هذي اغلى هديه وصلتني طلال انبسط من ردة فعلها ولانها بنت على قد مستواها مامثلت الثقل بالعكس كانت عفويه نواره: مادري وش اقول ... مشكور ياحياتي (حياتي ) كلمه عاديه تقولها نواره دايما قالتها ورجعت تناظر الهديه .. ماتدري عن تاثيرها على طلال طلال: العفو حياك الله تعالي كل يوم نواره: ههههه والله ودي .طلال:هههههه .. وين هديتي ..؟؟ نواره ترددت تعطيه والا لا ...حست ان هديتها ماتسوى عند هديته ... طلال حس بترددها : يله انتظر نواره: ها .. ان طلال بحنان ابتسم لها : نواره عادي كل شي منك حلو نواره مدت بوزها وصارت تحركه يمين وشمال وبعد تفكير ..فتحت شنطتها الكبيره اللي دايم تحطها على الجنب : وين راحت هذي بعد كانت تحاول تتاخر مع ان السيدي " قرص متحرك" قدامها بس كذا علشان ماتعطيه طلال زعل بداخله ( لهذي الدرجه مو مهتمه ماتدري وين حطتها...وانا من امس احط وارجع في الهديه ) نواره باستسلام: هذا هو ومدت له سيدي " قرص متحرك" طلال استغرب الهديه بس اخذها برحابة صدر : شكرا نواره : العفو ...يله باي تاخرت عليهم راحت بسرعه متفشل من هديتها اللي اقل من بسيطه بالنسبه لهديته طلال: سيدي ..غريبه ماحصلت قلم بو ربع ريال اكشخ فيه مع الثوب احسن من هذا السيدي "قرص متحرك" طلال مقهور مو لانها رخيصه لا مقهور لان واضح انها مو مهتمه بالهديه ************ مسفر مستغرب هديه...... ليه ..... ومن مين ؟ من لوجين لي انا ...يعني لوجين تحبني ..آه لو اني ماملكت على الريم ليه طلعتيلي يالوجين وش اللي جابك على آخر سنه .. ماطلعتي الا هاللحين كنت اظن اني بنساك اذا شفت الريم لكن مع الاسف حطيتك مجال مقارنه بينك وبينها بشار وهو يرفع باقة الورود و : اوه من مين هذا الورد مسفر: اي ورد ... ايوه هذا للوجين وعلى ماظن انها من احمد بشار: احمد من احمد مسفر غلط بدال مايقول علي قال احمد : ها اقصد علي بشار : ايوه ولد السفير الكويتي مسفر: ماري والله بس علي هذاك الزفت بشار: وجين طلعت مع الجوري والبندري كيف بنوصل لها الورد مسفر: والله مادري ...مو لازم هي ماهتمت {سبحان الله ..الله يحب لوجين انها نست الورد بس تتوقعون هذا بيمنع علي وحسن من تكملت خططهم الشريره ** *********** لوجين متضايقه مره ان اللكل بيسافر حتى البنات اللي بقوا للساعه 8 بيسهرون مع اباهم بالفندق ... حست ان نوبة الربو بتجيها خذت الدواء قبل بوقت علشان ماتضايق صديقاتها قبل لايروحون الجوري خانقتها العبره : يوه بتوحشني الشقه لوجين : الشقه بس البندري: تصدقين لوجين انتي احلى شي بحياتي لوجين شفابفها ترتجف ماسكه دموعها: وانت بعد...انتم كل حياتي بكت وبكوا معها البندريي والجوري *********** فيصل : ذوق ذوق ذوق لفت كانت تبغى تطنشه بس قلبها مايفهم فز لصوته فيصل وقف عندها : ذوق خليني اشرح لك ذوق تناظره بدموعها : انت احقر انسان قابلته بحياتي كلها فيصل: لا لاتظلميني انا م ذوق تحط ايدينها على اذنها ماتبغى تسمع : مابغى اسمع شي انت ماضي واليوم بس انمحاء من حياتي ..( شالت ايدينها ولفت عليه) تطمن مابغى منك السياره ولافلوسي اذا كان هذا اللي جاي تركض علشانه جرحته بكلامها وسكت ذوق: بليز فيصل لاتحاول تكمل تمثيلك لاني خلاص كاشفتك ( انهارت بالبكي) ليه سويت كذا ..؟؟ ليه خليتني احبك ليه ..؟؟ فيصل: انا كنت غ ذوق اركضت عنه متبغاه يشوفها ضعيفه فيصل : انا نت بقولك اني احبك اوه اكتشف فيصل حبه متاخر .. متاخره بالمره ***************** ****** | |||||||||||||
| |
|
08-21-10, 03:54 AM
| #32 | |||||||||||||
| داخل السياره نواره معصبه : يعني تبغي تقنعيني ان مافيك بلاء كذابه ذوق نزلت دموعها اللي مسكتها من زمان : فيصل نواره: فيصل وش فيه حكت ذوق لنواره كل اللي صار معها وفيصل ومع طلال نواره راس صار يلف (معقوله طلال نذل كذا ) حست بمغص في بطنها ..كانت صدمتها كبيره بالكلام اللي سمعهت عن طلال وفيصل نواره : جد انهم حقيرين اخر شي توقعته انهم .. وضغطت على اسنانها بقهر ماحصلت تعبير ثاني يوصف صدمتها فيهم ... ******** دخلوا الشقه وكانت لوجين واقفه على الطاوله ترقص نواره وذوق:ههههههههههههههههه لوجين مندمجه مع في الرقص تتمايل مع انغام الموسيقى البندري ماسكه الكاميرا تصور : تعالوا ارقصوا ذوق كانت تبغى تطلع شحنات القهر اللي فيها سحبت الطاوله الثانيه وصارت ترقص فوقها نواره والجوري مسوين نفسهم سكاره وجالسين على الارض عند الطاوله يصفقون لهم البندري ذايبه ضحك عليهم بعد الرقص جلسوا يسولفون عن مشاعرهم بما ان اليوم تخرجهم وعن مخطاطاتهم للمستقبل ويتعاهدون ماينقطعون عن بعض حتى لو بعد التخرج ... وتبادلوا الهدايه مع بعض كل وحد صار لها اربع هدايه هذي الشقه فيها احلى ذكرياتهم بكوا كثير وضحكوا فيها كثير ..ناموا وزعلوا و تدلعوا وكلوا ورقصوا فيها ...كل جدار وكل نلفذه لهم فيها ذكراء هنا طاحت ذوق اول مادرت ان ابوها وصل من السفر ...وهناك عصبت البندري وزعلت من الجوي ... وهناك نواره رقصت بع ماسمعت بولادة صديقتها...وهنا مرضة لوجين وطاحت عليهم ... وهناك الجوري شربت او سيجاره .... ذكريات كثير جلسوا يستجمعون بدموع وبابتسامات الساعه وحده بالمطار جئت لحضه الوداع .. الساعه اللي اللكل شايل همها من اربع سنوات ذوق : يله بنات باي اشوفكم على خير لوجين وصوتها رايح وهي تضم ذوق : باي ياقلبي البندري تضمها من قلب: لاتنسينا ذوق وهي تبكي : وهذي يبغالها حتسي ضحكوا البنات على ذوق اللي تتكلم قصيمي الجوري : والله بتوحشيني كان فيصل بالمطار يناظرهم من بعيد والعبره خانقته كان وده يودعها رائد: يله انتم خلصونا .. الطياره بتطير بوذوق : يله بابا ذوق سرينا ذوق تبتسم لصديقتها ابتسامة : مراح اقول وداعا بقول الا للقاء نواره: حركاااات يالفصحى شهقت ذوق بالبكي بتفقد نواره الخبله بو ذوق يضم بنته : يله يابابا ذوق : طيب بس لحضه وركضت تضم لوجين لانها الوحيده اللي بتجلس ببريطانيا لوجين تضم صاحبتها وقلبها معها وجهها كله دموع : ياحياتي بفقدك .. فيصل ماقدر يستحمل وقف بمكان قريب تقدر تشوفه فيها بعد مابعد عن لوجين مشت خطوتين قدام ولفت تودعهم بايدها ..انتبهت بفيصل اللي واقف ياشر لها باي بكت اكثر ولفت بسرعه تتجه للطياره وصورت فيصل محفوره بذهنها وهو ياشر باي ... وصلها مسج فتحته كان من حياتي كلها بيدك ( امانتك الله ... سامحيني ) مسحت المسج ومعه الرقم اللي حافظته عن ظهر قلب البنات وهم يرجعون شافوا طلال للي عينه على نواره ...نواره تذكرت كلام ذوق عنه وعن فيصل حست بحقد بداخلها نواره : بنات اسبقوني بلحقكم وقهر مشت بسرعه لعنده من غير لاتهتم بابوه او صالح اخوه طلال تغير ووجهه وش بيقول ابوه ... حس انه مبسوط لانها بتودعه نواره طلعت العلبه لانها كانت متوقعه انه بيكون بالمطار على رحلة الساعه وحده .. طلعت العلبه الحلق الصفيره من شنطتها الكبيره نواره بنظره كلها عتاب مدت العلبه : خذ يا واطي مشت وتركته مصدوم ... جاني وسلم وانحرف ماتكلم@ الابنظرات العيون الحزينه@ اول اليامنه نظرلي تبسم@ واليوم اشوف الحزن برموش عينه@ واحسرتي كان خلي تندم@ وانا سبب في جرح صافي جبينه@ حاولت اعرف ماجرى فيه وافهم@ لاشك حالو الناس بيني وبينه لوجين شافت مسفر مع وليد ويصل وبشار يودعون طلال ماتحملت راحت بسرعه لسياره ********** بعدها صاروا البنات يروحون وحده ورى الثانيه وبقت لوجين لوحدها م نواره اللي رحلتها بعد ساعه نواره وهي بالمطار هلكانه فيها النوم بس تبغى تجلس اطول وقت ممكن مع لوجين اللي من راحوا صديقتها وكانها بعزاء تنزل دموعها وبسرعه تمسحهم .. نواره:ههههههههه شكلي برابط بالمطار لوجين وهي تتثاوب: ابغى انننننننننننننننام نواره: اوه شوفي مسفر معنا بنفس الرحله لوجين فز قلبها : يابعدي والله نواره: هههههههههههه من السهر صرتي بايعتها لوجين اللي ماتخبي شي على نواره : يجنن شوفيه نواره: شكله مانتبه فينا لوجين والعبره خانقتها : واضح بعد الترجمه ( اعزائي المسافرين على ...الخ ) لوجين مسكت ايد نواره بقوه : جئت اللحضه نواره نزلت دموعها غصب عنها : لجو ضموا بعض بقوه ...كانهم مراح يشوفوا بعض بعدها وصاروا يبكون بونواره : هههههه خلاص نواره بعد مابعدت وهي تبكي : انتبهي على نفسك ولاتعطين علي الزفت وجه ..وقفلي على نفسك الباب وتغطي عدل ..وخذي الدواء بوقته لوجين وهي ترتجف : اوكيه ماما لوجين حست ان كلمة ماما تنفع وطالعه من قلب لنواره لانها جد كانت لها الام والاخت والصديقه والجده والعمه بونواره صافح لوجين ودعها .. راحو نواره وابوها وهم يلوحون لها الوداع ..وختفوا بين الناس فجاءه .. وقفت بالمطار وحيده هي ودموعها رفعت شنطتها الصغيره وحست باحد يناظرها رفعت راسها وهي تبع شعرها شافت مسفر يتاملها من بعيد يناظرها وهو بعيد عنها بين اهله مسفر شاف لوجين لوحده وشكلها يكسر الخاطر ويقطع القلب تبكي من قلبها ( يابعد هلي كلهم ودي فيك ياحياتي بس العين بصيره والايد قصيره ) لف على ابوه المريض بالقلب والكبير ابوه اللي لودرى انه يحب غير الريم كان مات ... وقف يتاملها وهي تناظره وحس ان عيونها تقوله لحضه وداعك ...آه ..يالحضة وداع ... ياهي صعبه... بالحيل صعبه ... ......... وانا اللي ابي قربك .. وابي قلبك ... .......... وابيك بدنيتي.... تيقى معي تبقى ... مسفر خنقته العبره وتوه بيروح لعندها الا بيد اخووه سامي على كتفه لف على اخوه سامي : يله مسفر بدت الرحله مسفر: ايوه جاي مسفر رجع يناظر وين ماكانت واقفه لوجين شافها تمشي منزله راسها واضح عليها الانكسار قال لاخوه بذهن مشتت وهو يرفع شنطته: يله مشينا لوجين وهي تبكي كانت تردد كلامات الجسمي بنفسها رحلتوا من بقى وياي يحس بضحكتي وبكائي ********* | |||||||||||||
| |
|
08-21-10, 03:55 AM
| #33 | |||||||||||||
| الفصل السابع عشر بعد شهر بالسعوديه البندري كانت بالمطبخ تجهز العشاء لان زوجة اخوها محمد من اسبوع مقرره تعلمها الطبخ على قولتها بنات مد للات ... صدق انهم عايشين بخير بس زوجة اخوها ماتخلت عن عاداتهم القديمه .. البندري جالسه وطبعا نص الشغل على الخدامه هي بس اشراف .. مطبخ بيتهم كان تصميمه مفتوح على الصاله .. يعني جالسه على الكرسي اللي بالمطبخ بس عيونها على التلفزيون اللي بالصاله .. وهي تناظر انتهى المسلسل ..غيرت المحطات لحد ماستقرت على قناة السعوديه كانوا ناقلين مسلسل يعجبها بعنوان ( دمعة عمر) كان جد معبر وماساوي مع انها تابعته مليون مرره قبل كذا بس متاثره مره معه ..حتى انها شافته قبل لاتسافر بريطانيا .. (وهي كارهة مشاعل بطلت المسلسل لانها تعذب ام زوجها..الخ) .. فتحت الثلاجه وسكبت لها عصير ورجعت جلست ..مانتبهت لنهاية المسلسل الا بعد ماسمعت موسيقة الاخبار ..توها بتفر شد انتباهه ..صوت المذيع السعودي المميز اللي تسمع صوته من وهي طفله نفسه ماتغير ... المذيع : اعلن مرسوم ملكي باسم الملك عبدالله بن عبدالعزيز آل سعود حفظه الله .. بالعفو عن المساجين ويشمل العفو المحكوم عليهم بالاعدام والحبس الابدي البندري ماسمعت كلمه ثانيه طاح الكاس من ايدها وتوزع القزاز الممزوج بعصير الفراوله بالارض ..وارتخفت ايدها .. يعني امها بتطلع من السجن ركضت لها الخدامه بسرعه : البوناداري ..البوناداري البندري حطت ايدينها على صدرها وقالت بشفايف مرتجفه : يمه الخدامه: ماما البوندري ايش فيه ..ماما مريم ماما مريم تال شوف ماما البوندري جئت مريم زوجة اخوها بسرعه : البندري.. بسم الله عليك وشفيك ..؟؟ البندري تاشر على التلفزيون : امي يامريم امي مريم: امك ... وش فيها البندري جلست على لكرسي تبكي وتاشر لى التلفزيون : امي يامريم امي ****************** وقفت ذوق بعصبيه عند دولاب ملابسها على كثرهم ماهي عارفه وش تختار .. قالت بعصبيه : يالله يبغالي اطلع للسوق ..المشكله مابقالي وقت ..نادبه نادبه دخلت العجوز الحبشيه .. نادبه مربية ذوق من صغرها : نعم ذوق: ابغى اطلع للسوق تتوقعين به وقت لحد مايجوا صحباتي نادبه: ماداريه عن الساعه اللي بيجوا يها صحباتك ذوق تبتسم : مادري يانادبه مادري...وش ذي ماداريه نادبه: ههههههه ذوق : المهم (بعد تفكير) شكله مايمدي... خلاص بلبس اي شي ..يادوب اتجهز نادبه: خزي راحتك وخلي الباقي علي ..كل التجهيزات خلصتها ذوق : والبوفيه ؟؟ نادبه: وصيت عليه ذوق: والورد ؟؟ نادبه: على وصول ذوق: والثوب ؟؟ نادبه : حتى الشماغ جاهز ذوق : يابعد قلبي طلعت نادبه تخلي ذوق تتجهز ********************** الجوري ..واقفه تنتظر السايق يجيها .. لعب السله اتعبها واجهدها تبغى تاكل شي وتنام .. علشان تجهز للحفله مرت قدامها سيارة مزحومه شباب فوق الخمسه محشورين بكامري صغير..وصوت الاغاني العالي ...طالع منها قال واحد من الشباب ومن لهجته يبين انه من اهل مكه او الغربيه : اشبو الحلو زعلان لفت وجهها للجهه الثانيه عنهم قال واحد ثاني وصوته فيه هيبه وشكله من الرياض : لا يامروان هذي مب طريقه نكلم فيها الورد المكاوي مروان : ياحسام سيبني براحتي ...( ولف يكلم الجوري ) اموت على اللياقه وتلعبي سله كمان عصبت وصارت تهز رجلها ...وطلعت الجوال من شنطتها ... ودقت على السايق تكلم واحد واضح عليه من اهل نجد وكان املح الشباب اللي بالسياره : يحليلك ومجهزه البلوتوث بعد..وش نكك خلاص هنا انفجرت الجوري : كل تبن انت معه وفارقوا من هنا قبل لادق على الشرطه ضحكوا الشباب .... المكاوي مروان : ههههههههههه ياورد من علمك تجرح حسام: هههههههههه احسها تدلدغني وش قالت يا بدر النجدي بدر : قالت الشورته ...ياقلبي رقم الشرطه ..999 ..والدفاع المدني اذا تحبين الجوري : انتم ماعندكم خوات .. النجدي بدر : ياحياتي تهزأ ... عندنا خوات بس مب مثل حلاك ياقمر لفت عليهم معصبه : وبعدين معكم .. مشت قدام شوي لحقوها بالسياره وهم مخففين السرعه حسام : وبعدين معك يابدر بدر : يلعن ابو جسمك يالغزال مشت الجوري معصبه ونزلت من الرصيف لعند الشرع وقفت عند النافذه ..كل الشباب اسكتوا من جراتها النجدي بدر مد لها كرت : تعجبني المتفهمه ( غمز للي وراه المكاوي ) تفضلي الرقم وقفت سياره قدام سيارة الشباب كشفت الجوري وجهها ...... الشباب ذابو.... فتحوا فمهم على عيونها الزرقاء ... فيها حلى ماينوصف ... تفلت الجوري بوجهه النجدي بدر ومشت ركبت سيارتها الشباب ....؟؟؟؟؟ لثواني ماستوعبوا بعدها غرقت السياره ضحك ..اما بدر حس بالاهانه وانقهر..اشر لخويه اللي يسوق: الحقهم الجوري ارتاحت .. انها اكلت النجدي تبن هو وربعه قليلين الادب ...مانتيهت لسياره اللي تلحقها لبيت عمها .. صدق انها كانت ببريطانيا بس كانوا محترمين اكثر من هذولا اللي كلامهم سوقي وهمجي بدر معصب: كل تبن انت معه ..اذا ماوريتها هذي الحشره ..علشان تعرف على مين تتفل المكاوي مروان: رجمتوا المسكين ..ههههههههههههه بدر وهو مقهور: اذا ماعلمتها من بدر ماكون ولد بو تركي عرف بدر مكان بيت عمها ..لان الجوري نزلت من سيارتها بغنج ومشت وهي تتمخطر *************** نواره ... جالسه تدرس ولد اختها رياضيات نواره: 4+ 8 = كم ولد اختها "طلق " : 6 نواره : ههههههه 6 يالظالم لي ساعه اشرح لك وبالاخير 6 .. صفاء اخت نواره بعصبيه : بشويش على وليدي تعقدينه رمت الكتاب في وجه اختها صفاء : مالت عليك وعلى ولدك الغبي ............... بدل ماتقولين مشكوره ه ياخويتي عطلتي نفسك وماتجهزتي للحفله علشان ولدي تقولين بشويش عليه يتعقد ... خذي ولدك شبعي فيه طلعت للغرفه تصطنع العصبيه فتحت الباب بهدوء لان اختها مروه نايمه والغرفه بارده من المكيف وفي ضوء بسيط من النافذه ..لون الغرفه كان احمر لان الستاره عنابيه ومع قوة الشمس صار لون الغرفه احمر...سبحان الله عكس بين نواره و اختها مروه مع انهم بنفس البيت وبنفس الغرفه لكن الاختلاف واضح مو بس بالشكل حتى بالتفكير وطريقه الكلام وتعاملهم مع المواقف نواره متحرره وعايشه حياته بدون حساب بس بحدود بحكم سفرها لبريطانيا دراسه.. اما مروه فاللكل شي حدود وقبل لاتسوي اي شي لازم تفكر...وتحسب حساب العواقب ... بمجرد ماينفتح درج الكومدينه اللي بين السريرين يبين الفرق بين الاختين...بالدرج الاول مصحف مروه وكتيبات اذكار ..الخ والدرج الثاني ..اشرطة نواره الاغاني... و صور ومجلات لمطربين ولمطربات .....الخ فتحت مروه عيونها بعصبيه : نواره سكري الباب نواره: بسم الله كيف حسيتي اني دخلت مروه بنفاذ صبر: مايبغالها ذكاء صوت شبشبك ورجاجتك نواره: والله مانتي ببشر صرصور ...... عندك قرون استشعار مروه: خلصيني خذي ملابسك وانقلعي نواره: هاللحين مابقالك الا يومين وتنقلعين لبيت رجلك بدال ماتصيري حبوبه ..تقولي انقلعي مروه : لاحول..خلصينا نواره : هذا وانا توني جايه من بريطانيا مروه: صارلك شهر ذالتنا على رجعتك خذت ملابسها ومكياجها واكسسواراته وقبل لاتطلع قالت / بعد يومين يتصير هذي غرفتي لوحدي ..وارتاح مروه : نويييييييييييييييييييييييييييييييييييييييييييييييي ييييييييييييييييير نواره طلعت بسرعه : الله يعين "فهد" عليك ***************** الجوري كانت اول الواصلين لبيت ذوق ذوق: هلا والله بالجوري الجوري:...هلا فيك ذوق: وينك ماتسالين من اول مارجعنا ماشفتك ولاسمعت صوتك الجوري: وش احكيلك وش اخلى ..زوجة عمي عبدالرحمن اللي كنت اظن انها حبيبه وتخاف ربها طلعت ملعونه وحقيره ذوق: لا كيف الجوري: تصوري تشكك عمي فيني وتقول عني كلام ماينقال لان امي بريطانيا ذوق: الحقيره الجوري: وياليت على كذا وبس مجلستني بغرفه الله وكيلك ماتنفع لخدامه ذوق: ياحياتي يالجوري وليه ساكته الجوري: وش اسوي عمي مو راضي يتنازل عني علشان ورث بابا ومسوي نفسه مايدري عن اللي تسويه زوجته .. تخيلي تبغى تمنعني من الطلعه ومن زيارت البندري لان امها بالسجن ذوق: هذي كيف تفكر الجوري: على باللك سكت لها ...عاد كل شي ولا طلعاتي كلمت عمي وهوشها وهددها ماتفتح معي موضوع طلعاتي مره ثانيه الا اذا مسكت علي جد ذوق وهي تمسح على ظهر صديقتها اللي واضح عليها الضيق والهم : ماعليك منها ازمه وتعدي الجوري تتنهد : يارب تكون ازمه جد .. الا انتي مع وجهك وشخبارك ذوق: شوفت عينك طفشانه مره واحس مال خلق نفسي ودايم بغرفتي فيصل صدمي حتى بابا لاحظ تغيري وحاول يعرف مني السبب بس انا اضيعه باني زهقانه وغيرها الجوري: اسمعي انا كلمت عمي يفتح لي انا والبندري مشغل نسائي وهو طبعا وافق بالموت لانها من فلوسي وشرايك تصيري معي ذوق: لا مالي خلق الجوري: لا ياذوق لاتخلي سالفة فيصل تاثر عليك ذوق تضيع الموضوع : ها ماسالتك وش تشربي الجوري: عصير تفاح ذوق بعد ماقالت لميري طلب الجوري ذوق : ياني مجهزه شغلات لليوم الجوري وهي تبتسم : جد ...وش مجهزه ذوق: لا اذا جائوا البنات الجوري:..يالماصخه ..قولي ذوق : مصره لما يجوا البنات ..الا وش اخبار قلبك الجوري حطت ايدها على قلبها وغنت عراقي / يمه قلبي شبيه قلبي ..آها ..يوووه يوه يوه يوه وذوق ترقص عراقي مثل البرتقاله الجوري وذوق: هههههههههه الجوري: مع الاسف لحد هاللحين مادق ... ذوق: احسن لك الجوري تذكرت فجاءه : ماقلتلك وش صار معي اليومي .. وانا طالعه من تدريب كرة الس وقالت لذوق كل اللي صار ذوق :هههههههههههههه ... والله انك زاحفه ....وكشفتي قدامهم ياقليلة الادب على بالك بريطانيا هههههههه الجوري: قهروني راسي يعورني وهم يستخفون دمهم ..بس وريتك فيهم هههههههههههههه ( بغرور ) تصوري بس فتح غطاي فتحوا فمهم ذوق: هههههه ماشافوا خير دخلوا البندري و نواره نواره: وشفيهم البنات يهذرون قبل لانجي ذوق:ههههههههههههه تاخرتوا البندري بضيق : انا معي عذر تصوروا اليوم قالوا ان امي بتطلع من السجن وحكت لهم كل اللي صار الجوري: قرت عينك فيها ذوق: ترجع لكم بالسلامه نواره: الله يبلغك فيها وعلى البركه اللكل فرحان ومبسوط برجعت امها الا هي ماتدري ليه تضايقة حاولت تغير الموضو ع : مو ناقصنا بهذي اللمه الا لجونه نواره: لاتخافي بنحكي معها تلفون بعد شوي .. وهي بعد بكره بتجي السعوديه البنات: جد واره: ايوه علشان زواج مروه اختي والا نسيتوا ذوق: صحيح نواره ليه ماجاءت معك مروه نواره: يعني ماتعرفيها ماتحب تسهر بره البيت ..وبعدين هذا موجوها ..واساسا هذي بارتي شلة الجامعه وبس الجوري: وانتي صادقه مانبغى احد غيرنا ذوق تغير الموضوع : ياني مجهزه لكم حركات نواره : اموت على الحركات الجوري: صار لك ساعه حركات وحركات ( باستهزاء ) احكي لنا وش هالحركات ذوق: اول شي جايبه معي سجاير البنات يصارخون : واووووووووووو نواره : من زمان ماستهبلنا الجوري:..كم علبه ذوق: الخير كثير ..سجارتين البندري: اموت على الاستهبال شفطتين ياحلو البنات :ههههههههههههه ذوق طلعت الجارتين وشغلتهم .. ومثل كل مره نواره الجريئه اللي تبدأ سحبت لها نفس .. نواره: هههههه وناسه وبعدها جربوا كل البنات ..وهم يضحكون ضحك هستيري ... الجوري : ياحلوكم ذوق: هههههه متاثره من اللي غازلوها اليوم البندري: حركات رقموك ... ذوق : ههههههههه وعطتهم هديه البندري: جد.. الجوري: تفله بوجه النجدي ..هههههههههه تفله محترمه البندري: ياليتني كنت معك نواره: هههههه الجايات اكثر البنات استهبلوا وارقصوا ذوق: اسمعوا بنات عندي فكره جنان بس ابغى وحده قلبها جامد اللكل لف على نواره نواره : اوكيه وش هي ذوق : تلبسن ثوب وشماغ وتطلهي بره بعدين تدخلي عند اخوي رائد بالمجلس | |||||||||||||
| |
|
08-21-10, 03:55 AM
| #34 | |||||||||||||
| نواره: لا اللكل: لا نواره: مو.. مو لهذي الدرجه ذوق: يالبايخات البندري فيها طاقة لعانه شيطانيه : اوكيه ماعندي مانع الجوري: يله وين الثوووب والشماغ اغسلت البندري وجهها عدل من المكياج ..ولبست الثوب وعكفة الشماغ مثل اهل الامارات وطلعت شوي من شعرها ..لانه قصير ذوق : صار شكلك مره خطير.... كانك ولد بس مزيون وخكري البندري اسحبت السجاره الثانيه اللي كانت هلى الطاوله: ولايهمك .. ..هاللحين اوريك مشت البندري كانها ولد وخشنت صوتها قد ماتقدر البنات :ههههههههههههههههه نواره :هههههه انا ماقدر على شيخ الشباب البندري : ها تمام الجوري : .مفروض نسميك بندر مب البندري اللكل : هههههههههههههههههه ذوق: يله اطلعي من الباب اللي وراء ودقي الجرس البندري : اوكيه طلعت البندري ودقت الجرس والبنات يناظرون من النافذه وهم يصورونها ..ويصورون رائد اللي يمشي بكسل ماله خلق الضيف ..فتح الباب اول مافتح الباب حست البندري بقلبها يدق بقوه ..خافت راحت كل الشجاعه والجراءه رائد انبهر من شكل الشاب الوسيم مره قال بخاطلره: سبحان الله كانه بنت... شكله خكري : نعم البندري ارتبكت ماعرفت وش تقول بس استجمعت كل شجاعتها وحاولت ان صوتها يكون فخم:هذا بيت بو رائدعبدالعزيز الباقي رائد : ايوه وصلت خير البندري جتها جراءه مب طبيعيه ومدت يدها : معك بدران ال.... رائد مد ايده : تشرفنا لما مسك ايد البندري كانت بارده من الخوف وناعمه ..شمائز رائد منه : خير اخوي وش بغيت ..؟ البندري : سلامتك اختي جايه لاختك رائد: اوه من ضيوف اختي حياك تفضل على ماتطلع دخلت البندري بسرعه لانها تضايقت وهي بالشارع : اوكيه بعد ماجلسوا ..بالبدايه البندري حطت رجل على رجل بعدها تذكرت وعدلت جلستها ..ورائد على باله خكري طول الوقت يحتقرها .. يحس نظرات هذا الولد مب طبيعيه ..( اكيد لانها بنت وجالسه مع شاب مزيون يتناظره غير خخخ ) البندري دورت شي تهذر فيه : والله ياخي البنات عله .. رائد: كيف؟؟ البندري اسلوب رائد الهادي طيح قلبها حسته يدري انها بنت: عندك مثلا اختي سحر رفع رائد حواجبه مستغرب هذا مب صاحي يهذر عن اخته عند رجال غريب والبندري ماسكه ضحكتها وتكمل : ماعندها احترام للوقت جالسه عندكم لحد هاللحين ... رائد: عادي كل البنات هذا الايام كذا طلعت البندري سيجاره من جيبها : اوه نسيت الولاعه بالسياره رائد : غريبه تدخن البندري: ليه؟؟ رائد: لاسلامتك ..بس اللي مثلك مايدخنون يقصد الخكاريه .. البندري ماقدرت تسكت ضحكت .بالبدايه كانت ناعمه بعددين خشنتها : شكللك تحب تنكت رائد وده يدوس ببطن البندري..صار يحك لحيته بعصبيه : شكلك مليت تحب استعجل لك اختك البندري وتبغى تشيب راسه لان نظرات الاحتقار واضحه من عينه : لا مايحتاج الجلسه معك ماتنمل ...خلها ياخي تفكني من شرها بعدين ننضرب بالبيت رائد فتح عيونه لاخر حد كانه يقول خلاص مصختها البندري : انت عارف ان ابوي مايرضى على سهام ..لتوضيح سهام اختي . رائد: مو من قبل شوي قلتلي سحر البندري ارتبكت : لها اسمين هي اسمها الحقيقي سهام بس تعرف شغلات البنات عاجبها سحر وتبغى تسمي نفسها فيه..المهم مالك بالطويله سهام اختي دلوعه الوالد يضريني احيانا علشانه ..ايه هذي الدنيا مسكين رائد وقف بعصبيه : معليه يالاخو... "بدران " بكره عندي جامعه فرصه سعيده البندري : وانا الاسعد .( وقفت ).يله عن اذنك رائد؟؟؟: واختك البندري: ماعليك منها ترجع مع صاحباتها ..انا بنضرب بنضرب رائد انفجر: مع السلامه .. طلعت البندري من الباب ولفت بسرعه لورى البيت وقلبها لحد هاللحين يدق بقوه من الخوف ذوق: ها وش صار البندري:هههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههه نواره : شكلها بيضت الوجه الجوري : ها تكلمي وش صار البندري بعد ربع ساعه اسكتت من الضحك : مسكين اخوك ههههه ذوق: من ساعه وانتي مسكين... وتتكركرين وش صار ؟؟ البندري : تصوروا من القرف قلتله اسمي بدران البنات:ههههههههههه نواره : بدران مره وحده البندري : اصبروا صرت اسولف له عن اختي سهام الموجوده مع اخته وهوعصب كيف ماعندي مروه على اختي ههههههه البنات:ههههههههههههه البندري: وغلطت قلت سحر بعدين سهام وتوهقت البنات :ههههههههههههههههه البندري : ونسيت جلست رجل على رجل بعدين تسنعت البنات:هههههههههههههه البندري: طلعت السجاره قال لي غريبه اللي مثلك مايدخنون يقصد الخكاره البنات:ههههههههههههههه ذوق: قالها بالوجه نواره: هههههههههههه ...حسيت وده يقتلني البنات: ههههههههههههههههههههه البندري: يااااااااي ياذوق اخوك مزيون وكشخه وجنتل .. ذوق: مالت عليك وين كشخه هذا نسونجي بعد العشاء الجوري: ها بنات وش مقررين تسون مه ذا الزهق البندري: احم احم طبعا كلكم عارفين اني مع الجوري بنفتح مشغل نواره: قديمممممممه وصلنا الخبر ذوق: والله انا مادري افكر افتح لي مشغل لتغليف الهدايه وتصميم الكوشات البنات:واااااااااووووووووو حلو نواره : انا قدمت اوراقي واوراق لوجين على بنك وان شاء الله يقبلونا البندري: لوجين ليه لوجين بتعيش هنا نواره حطت ايدها على فمها : انا فضيحه خساره خربت المفاجاءه ...ايوه بتعيش هنا البنات يصارخون ويصفرون مبسوطين لان حال صديقتهم بالغربه لوحدها مو حلو الجوري: وبتسكن معك نواره: طبعا لا ... نسيتوا بيتهم اللي بالعليا بتسكن فيه ودادا موضي يمكن تنتقل معها ذوق: ياااااااااااي وناسه لجونه بتصير قريبه مننا البندري: اجل اضمني يانواره انك بتتوضفين بالبنك ....اسم الكاسر لوحده واسطه نواره: ابعدي والله بنت الكاسر طول عمرها شقرديه كل وحده رجعت بيتها وهي مبسوطه وحانه لايام بريطانيا كل وحده تتمنى تقوم بكره تشوف الشله بالجامعه ..بس الاماني ماتحقق دايم ... ذوق وزعت على البنات قبل لايطلعون باقة ورد كبيره لكل ووحده.. البندري نست همها بعد هالمه الحلوه ********************************* مسفر جالس يرتب ملابسه اللي يبغالهم غسيل ..طلع عباية التخرج وجلس يناظرها يتذكر لوجين ونواره وذوق وطلال والبندري ووليد والجوري من زمان عنهم مشتاق لايام بريطانيا ....ولايام لوجين اللي من شهر مايدري عن هواء دارها صدق عنده ايميلها بس مايبغى يتواصل معاها ويعذبها اكثر ويعذب نفسه لازم ينساها ويحب الريم... طاحت ورقه من العبايه .. ورقه عليها دعست جزمه تذكر الورقه اللي طاحت من لوجين مع الهديه من احمد فتحها بفضول سريع كان مكتوب فيها بخط فنان اليوم القمر بيتخرج وبيصير له نص كيانه .. وياليت ياقمر اكون انا نص كيانك الثاني لجو انا عارف اني اخطيت كثير بحقك انا عارف اني استقليت طيبتك وحبك لي واني عشت على حسابك ... بالبدايه كنت اظن انك كذا لعبه او بنك اخذ منه الفلوس بس مع الايام والعشره حبيتك وحسيت ان حياتي من دونك ماتسوى ... ويوم جمعنا الله مع بعض وتوجنا حبنا بالخطبه ابوك عصب ووهددني حاول يستفزني بس انا لاتخافين علي جبل مايهزه ريح ... وان شاء الله دوم نكون احباب ...ومايفرقنا الا الموت لاتنسيني واذا ذكرتيني اذكريني بالخير ... حيبك : احمد مسفر عفس الورقه بعصبيه ... حبيبك احمد مسفر: وش فيه هذا يبغى يعذبها وهو ميت وهو حي ,, لف على الكيسه المتوسطه اللي داخلها هدية لوجين العطر اللي مصنوع مخصوص باسر مسفر ..فتحها للمره المليون من رجعتهم يقراء الورقه (احترت وش اجيب لك هديه لان باين عليك من النوع المثقف بعد ماجبتلي كتاب شعر لحامد زين ) مسفر:هههههههههه حامد زين ...هههههههههههههههه جديد هذا حامد زيد كمل قرايه .. (صدق اني مافهمت منه كثير بس احس اذا قريت بعض الاشياء منه ودي ابكي ... مسفر انت كنت مثل اخو غالي اتمنى انك ماتشيل بخاطرك علي وتنسى السخافات اللي سويتها وتحللني يمكن بعدها ماتشوفني ) مسفر للمره المليون يقول: بسم الله عليك ياجعله فيني ولا فيك اختك وزميلتك : لوجين راشد الكاسر L ………………[email protected] ملاحضه :يمكن هذا الاسم مايعنيلك كثير بس اسم ..مسفر عمر الضحام ... يعنيلي كثير سكر الورقه وجلس يفكر بالكلام المكتوب فيها .. الملاحضه هذي كانت مسج لمسفر ..... ************ | |||||||||||||
| |
|
08-21-10, 08:57 AM
| #35 | |||||||||||||
| طلال جالس بالسياره يكلم وحده من خويتاه لانه بعد رد نواره له وحركتها اللي مستحيل ينساها لانه مستحيل ينسى حبه لها كانت مثل ظله ببريطانيا طلال: ياحبيبتي ياحياتي لاتضايقين نفسك سيوره مافي شي يستاهل ....: ........................ طلال: لا مامعها حق اكيد انتي الصح .......:............................ بدر خوي طلال جالس بجنبه طفشان ماله خلق يكلم بنات بعد حركة الجوري السخيفه طلال:ايوه مثل ماقولك طنشيها ..........:......................... طلال:لالالالالالالا هذي زودتها ........:......................... بدر يدور له شي يشغله بدل ماهو طفشان حصل سيدي " قرص متحرك " مكتوب عليه نواره ....فكرها طقاقه جديده حب يحرج طلال ويشغله وهو يكلم خويته... اول ماشغل "السيدي " طلع صوت وحده تغني صوت ناعم ورومنسي .. ((انا الهايم وانا المغرم وانا الساهر مع النجمات سمع طلال الصوت سكت وتذكر حبيبته نواره ...نسى ساره اللي يكلمها وبدر اللي بجنبه بس عاش مع صوت افقتقده من اسابيع كانها قرون ...تذكر حبه الضايع وكرامته المنداسه ..تذكر ضحكت حياته نواره ..اللي قربها ينسيه همه ((وانا اللي قسم اوقاته حنين وصبر واخلاص الا ياصاحب الذكرى لجلك كم كتبنا لك ابيات سكر المسجل بسرعه)) بدر اللي مندمج مع الصوت عصب : ياخي وشفيك انت سكرته طلال سكر السماعه بوجه ساره : من قالك تشغله بدر: من وين لك ياخطير طلال ويعرف نذالة صاحبه انه بينشر الصوت هداء اعصابه علشان مايشك فيه: هاللحين تشوفني اكلم تشغل هذا بدر:هههههههه مواثرات طلال: لاياشيخ اسكت بكلمها بدر: لاحول وبعدين معك......... دبر لي حل مع الحقيره طلال وهو متخربط بعد ماسمع صوت نواره بعد شهر, تذكرالول مره شغله وكيف عجبته الهديه حس فيها شي خاص ...لهذي الدرجه واثقه فيه تعطيه صوتها بس ليه رجعت هديته وقالت واطي اكيد فاهمه غلط بدر طلع من السياره : انا الغلطان اللي جالس معك طلال: بدور بدر تعال وين رايح بدر: صار لي ساعه احكي معك وانت ولامعي طلال: والله اني فيذا بدر: اوكيه صدقتك دخل مره ثانيه السياره: عطني حل طلال: خلاص طنشها بدر: وانا ولد امي وابووي اطنشها انت وش جالس تقول طلال: صدقني الانتقام ماينفع لاتصير مثل خوينا فيصل بدر: ماعليك منه ...فيصل خكري ... جابت راسه بدال مايجيب طلال: عطنا ياعمي اسمها وقصتها بدر تحمس لان عقل صديقه داهيه بهذي السوالف ياما طيح بنات تحت رجله : اسمها الجوري سعد المرخ طلال: الجوري سعد المرخ بدر : ايوه ليه تعرفها طلال رفع حواجبه وابتسم بخبث: وصلت خير ..بس كم تدفع ******************* الساعه 6 بتوقيت المملكه .. المطر توقف بعد ساعات طويله من نزوله مروى : نواره نواري ...قومي افطري معي فتحت نواره عيونها بثقل: اممممممم مروى: قومي هذا اخر يوم تفطرين فيه معي نواره تتثاوب : فكرت عندك سالفه مروى: النوري قومي والله انك سخيفه ... نواره: وخير ياطير اخر يوم افطر معك فيه ...طول عمري ببريطانيا وما مروى تعرف ان اختها قلبها طيب بس تسوي نفسها مو مهتمه ومعصبه : انتي عارفه اني مسافره لشارقه على طول ...طول العمر نواره وحست انها بتفقد اختها: يوه لازم تنكدين علي من الصباح مروى : اجل قومي افطري معي نواره تتامل اختها وعيونها المنفخه : ههههههههه لو شافك فهد كذا هون مروى ترمي عليها المخده : وجع ان شاء الله اهبل نواره : واضح عليك مانمتي من امس عدل كل هذا مشتاقه للمعرس مروى وهي بتطلع : ارجعي نامي نوم الظالم عباده نواره:ههههههههههههههه اوعدنا يارب ...تعالي تعالي مروى : هلا نواره: ليه ماتسوين حفله توديع العزوبيه مروى: لا وش هالخرابيط هذا حتى بهذا بتقلدون الكفار نواره: عادي حفله مو عيد مروى : ولو نواره : مالت عليك قلت لشله امس ماصدقوني مروى: انا شلتك هذا كلها على بعضها ماحبها نواره برواقه : مشكلتك ....وبعدين ياقلبي هذولا ناس عايشين ماشفتي امس بيت ذوق كيف مالت علينا مروى: احمدي ربك بيتنا وشفيه من اكبر البيوت نواره: مو على الكبر ... ذوق راقي لامسات فنيه بكل مكان مو حنا عندنا كم ريال بالاسهم مبسوطين فيه وقالك تجار مروى : انتي تغيرتي يانواره كيف وصل تفكيرك لهذي لسطحيه وم قاطعتها : خلاص خلي نصايحك لفهد خطيبك .. وخليني اذكرك بالخير مروى: والله انا خايفه عليك كيف بتركك وبروح نواره: لاتخافين علي انا قدها وقدود **************** نوره زوجة عبدالرحمن عم الجوري: وين من صباح الله لابسه عبايتك وطالعه الجوري : بفطر نوره: ومن مين استاذنتي الجوري تتريق: كلمت ماما من بريطانيا وستاذنت ...يعني من وين ..؟؟ من عمي نوره: اها ... ومع مين بتفطرين الجوري: عاد عطيتك وجهك بزياده ...مالك دخل طلعت من البيت وهي بكامل زينتها ومتلثمه ولابسه النظاره الشمسيه بدر طفشان بالسياره ينتظرها ..خلاص حطها بباله ..وتوعد فيها وقرر يرعبها ويلعن خيرها... انتبه فيها تعدل بجلسته علشان يلحقها الجوري اركبت السياره بهدوء الجوري : عبدالكريم حرك عبدالكريم السايق : حازر مدام ..بس انت مافي يقول وين يبي يروه الجوري ومالها خلق كلام عبدالكريم الكثير: على بيت البندري عبدالكريم : اوكيه اوكيه في معلوم بيت البونداري هذا انت كلوا في روه الجوري: وانت وش دخل اذا انا في روح سق وانت ساكت بدر يلحقهم بالسياره .. انتبهت في سيارته بس ماعرفت مين الجوري: عبدالكريم من اول ماطلعنا وهذي السياره تلحقنا شالسالفه عبدالكريم : مافي يلهق هذا اكيد سيم سيم تريق الجوري شكت لانه واضح يلحقهم بس قالت يمكن عبدالكريم صادق ******************* مريم زوجة محمد اخو البندري: البندري البندري قومي البندري اول مافتحت عينها طرى على بالها شكل رائد وهو يفتح الباب معصب ابتسمت غصب عنها : صباح الخير مريم: ماقدر على الرايق البندري تاخذ نفس عميق .. : آه على احلى صباح وعلى احلى ناس مريم: تسلمين ...قومي الجوري بالصاله تنتظرك البندري: وش عندها اكيد تبغى نفطر بالفيصليه دخلت الجوري: لحد هاللحين بالسرير يله قومي لانتاخر البندري: اول قولي السلام الجوري: يله مابه وقت مريم: يله اخليكم بس لاتتاخرون علشان ترجعين وتروحين مع محمد تختاروا اثاث لغرفة امك وتنظفي معي الغرفه البندري: انا مو مهتمه لجيت امي اصلا الجوري: البندري وش هالحكي مريم عصبت من البندري وهي من امس تكرر هذا الكلام : وبعدين البندري بتافف : طيب خلاص طلعت مريم وهي تدعي لها بالهدايه الجوري: بنو وش هالحكي الي قلتيه هذي امك البندري: تكفين في احد يتشرف ان امه بتطلع من السجن الجوري: اعقلي وبلا حكي فاضي ونرجع بدري وانا بروح اختار معك البندري: تسوين خير لو تروحي مكاني مع محمد لاني جد مابغاها تطلع الجوري : البندري لاتخليني احتقرك البندري: جور لاتسوين نفسك حتى انتي امك ماتبغيها والا وش جلسك عند زوجة عمك الملعونه الجوري حست ان البندري معها حق يمكن هي زعلانه من امها شوي واذا شافتها بتنسى الجوري: يا فيلسوفه يله تجهزي طلعت لها شنطه كشخه وحطت مناكير وكحلت عينها وعطرت عبايتها..واختارت غطاء مزينه ...لازم بيفطروا بره لزوم الكشخه ... ************* | |||||||||||||
| |
|
08-21-10, 09:03 AM
| #36 | |||||||||||||
| الفصل الثامن عشر لوجين وقفت بالمطار وماعلمت احد عن جيتها وفقت .. وتغيرت كثير عن الشهر اللي فات صارت اضعف بكثير حتى عظام خدها برزت وعظمتين ظهره برزو ..عينها حمراء وتحت عينها اسود كانها مومياء لونها شاحب اصفر جمالها اختفى ناصر: اهلا طال عمرك تو مانورت الرياض لوجين وهي تناظر المطار اللي مافيه حد يستقبلها : وين السياره ناصر: بره طال عمرك لوجين: يله فتح لها ناصر باب السياره وخذها للعلياء ..اول مادخلت الفيلاء حست بدموعها تنزل عضب عنها لا ام ولا اخت ولااخ ولاعم ولاخال ولااب يستقبلونها ... : هلا والله هلا لوجين لفت لصوت: دادا موضي ركضت لها وضمتها : وحشتيني دادا موضي : كذابه لو وحشتك من زمان جيتيني .. لوجين:ههههههه وهذا انا جيت دادا موضي: حياك الله بالسعوديه وحياك بحضني مره ثانيه لوجين كانت مشتاقه لموضي كثير ....: بتسكنين معي دادا موضي: والله ودي بس انتي عارفه العيال حالفين علي ومتوعديني لوجين بحزن: فاهمه فاهمه ...المهم انتي وشخبارك وشخبار بناتك شيخه وفاطمه *************************** نواره: الزفته لجو ادق عليها ماترد مروه : اكيد نايمه نواره: الخايسه ماقالت لي متى طيارتها مروه: وانتي لازم تعرفين متى بتجي خلاص مو ابوي قالك بيستقبلها نواره: لا انا بروح معه مروه وهي تدخل المطبخ : رزة الفيس من طبايع التيس نواره بدل ماتدق على طال عمرها اللي هي لوجين دقت على طلول طلال في سابع نومه ..الا يدق جواله نغمه بصوت نواره سجلتها بنفسها ببريطانيا وحطتها نغمه لاسمها ( لاتضايق وتزعل ماجرحني خطاك لا...... ) طلال استغرب من زمان ماسمع هذي النغمه رفع جواله "ضحكة حياتي يتصل بك " دقات قلبه زادت يفكر انه لحد هاللحين نايم رد على الجوال نواره: يالزفته لجون ولا كلمه ... صار لي ساعه ادق عليك ..متى موعد طيارتك اليوم .. احكي بسرعه .....واذا تبغين اروح لفلتكم بالعليا قبل لاتوصلين عطيني المفتاح طلال وقلبه بيطلع من مكاانه تاكد انه مو حلم (بهدوء) : الو نواره استغربت الصوت الخشن ناظرت الشاشه "طلول " ظربت خدها بيدها : طلال ..؟؟ طلال: ايوه طلال هلا نواره نواره ارتبكت من زمان ماسمعت صوته يلعن بو الفشيله هاللحين وش تقوله : هلا طلال كيفك ..؟ طلال بلهفه : كويس وانتي كيفك ..؟ نواره: انا تمام دخلت بسرعه غرفتها قبل لاحد يحس انها تكلم .. والله لو دروا اهلها انها تكلم واحد ذبحوها هي بالسعوديه مو ببريطانيا طلال ماعرف وش يقولها مشتاق لها موت حس ان مافي كلام يوصف مشاعره نواره متفشله : سوري طلال شكلي صحيتك من النوم ... طلال : لا عادي اصلا انا مفروض اقوم لشركه نواره :امممم سكتوا طلال: انتي وش اخبارك ..؟؟ نواره: كويسه ...هههههههه اضحكت حس انه مشتاق لسوالفها وضحكها فز قلبه نواره تكمل: كنت بدق عى لوجين ودقيت عليك هههههههه والله اني مفهيه طلال ( يعني مامسحتي رقمي يابعد قلبي والله ) : لا عادي سويتي فيني خير اقوم لشركه.. نواره: اخليك تر طلال ومايبغى يسكر معها : قولي لي وش مسويه بعد بريطانيا توظفتي نواره: لاانتظر العريس على قولت يمه موزه ..هههههههه لا الجد قدمت اوراقي على بنك انا و لوجين ت سكتت لانها ماتبغاه يعرف عنها شي طلال بهدوء: الو .. نواره وينك نواره: ها معك ...( بسرعه قالت )اوكيه طلال باي اختي تناديني ماقدر اكلمك ...باي طلال مقهور : اوكيه انتبهي على نفسك ...باي نواره سكرت وحطت التلفون على قلبها خايفه وتحمد ربها ان محد شافها ... ادخلت مروى : وينك وش جالسه تسوين نواره: احاول اكلمها ماترد مروى: يمكن مشغوله نواره وهي تغطي نفسها بالبطانيه كانها تهرب من شي: انا بنام واذا اذن الظهر صحيني مروى: نونو شفيك مو على بعضك نواره: ها ولاشي مروى : لا علي اخلصي وشفيك نواره ترفع البطانيه عنها: تكفين مور سوي حفلة توديع العزوبيه انا مجهزه كل شي لا تكسيفيني مروى عصبت بس ارحمت شكل اختها اللي تبغى تفرح فيها والمتحمسه تجهز لتوديع العزوبيه من اول مارجعت : اوكيه نواره اقفزت من السرير : جد ..اجل بكلم صحباتي ********************** الجوري والبندري بعد مامروا على ذوق جالسين يفطرون كاشفات ..وبدر جالس بالطاوله اللي بجنبهم ويدق على الجوري الجوري وهي عاقده حواجبها: غريبه رقم غريب البندري: ردي يمكن احد غلطان ذوق: او احد من اهلك يبغاك الجوري: الو بدر: الو الجوري: ايوه من معي سكر السماعه ذوق : مين ..؟؟ الجوري: مادري واحد غلطان ... الا تعالي هذا اللي جالس على الطاوله بجنبنا لا لاتلتفتون ... نفسه اللي تفلت عليه البندري بحماس وهي تناظر بدر: جد ههههههههههههه الجوري من وراء اسنانها: يالفاهيه لاتلتفتي البندري:ههههههه والله لو يدري ان انتي داس ببطنك الجوري:ههههههههه ماعليك منه بيخاف ذوق: وش عندها الواثقه دق جوال البندري البندري: هلا والله هلا بالحبايب نواره:هههههههه هلا بدران كيفك البندري:هههههههههه حلو بس لاتعيدينها نواره بسرعه : اسمعي انا اليوم حفله توديع العزوبيه لمروى تعالوا البندري: جد واخيرا رضت اختك نواره: هههههههه بعد ماطلعت روحي واسمعوا عندي لكم مفاجاءه ..تعالوا لفندق ال.... البندري: اوكيه صار سكرت البندري من نواره وقالت للبنات عن الحفله وعن المفاجاءه ذوق: يوه مامعي ملابس كشخه تعالوا نختار البندري: ايوه وانا بعد الجوري: انا وانتي "بنو" نفس الفستان وشرايك البندري والحركه هذي تعجبها مع الجوري: اوكيه بدر كان يسمعهم لان صوت عالي من الحماس قاموا يتمشون لحقهم الجوري : لاحول معه هذا مطول يلحقنا البندري: طنشيه ذوق بتفكير: ليكون عرفك الجوري وخافت : لا ماتوقع البندري: ليكون اول ماجاء ببالها انه عرفها وممكن ياذيها تذكرت نوره زوجة عمها عبالرحمن : لا بنات لاتخوفوني ذوق: لا ماتوقع انه عرفك والا كان قالك كلام او تحرش فيك *********************** طلال ملعون يدري ان مسفر يحب لوجين دق عليه مسفر وهو جالس بمحل الاثاث اللي ملك ابوه : هلا والله هلا بطلال طلال: هلا والله مسفر وينك وين ايامك مسفر : بالدنيا والله ... انت طمني عن احوالك خبري فيك اخر يوم ببريطانيا طلال: ايه والله على طاري بريطانيا توقع من جاي عندنا من بريطانيا مسفر: مين بلير هههههههه طلال:ههههههههههه لا بنت الكاسر اليوم بتوصل لسعوديه مسفر وقفت عروقه وزادت دقات قلبه : لوجين طلال بخبث: ايوه عليك نور لوجين .. اليوم كلمتني نواره قالت انها جئت لسعوديه وانها مقدمه اورقها تتوظف ببنك مسفر: تتوظف ليه هي بتعيش هنا طلال: والله مادري بس الظاهر انها مطوله لانها بتسكن بفيلتهم اللي بالعلياء مسفر وحس انه مشتاق للوجين: العلياء ... طلال : ايوه خبرك بنات الفلوس لهم بيوت وفلل مسفر وهو سرحان بلوجين : ايوه سكر طلال وهو مبسوط ومرتاح انه شغال بال مسفر ( هاللحين يامتفوق ورنا وش بتسوي في حياتك الاجتماعيه بتتفوق هههههههههه) مسفر يحس بمشاعره القديمه ارجعت ..اليوم بتكون لوجين معه بنفس المنطقه اليوم حبيبته بتوصل لسعوديه ماعرف وش يسوي وقف ورجع جلس متخربط .. مسفر :بدق عليها اقابلها ... لاوش اقابلها وين جالس انا ... اممم بستقبلها بالمطارالا هي متى بتوصل .. بكلم نواره اسالها .. لا ماينفع وش السواااااااات اجل ... مسفر ضل يفكر متوتر ومشاعره مضطربه طول الشهر كان مهموم وفاقد شي وهاللحين حس بفرحه مو طبيعيه ... (( من قال من قال لك اني بالبعد مرتاح كذاب خذ مني العلوم الاكيده ... مهموم وطول الوقت والحال ياصاح )) ****************** العصر مريم : يا البندري لاتعاندي وروحي مع اخوك البندري: مابغى ...قولي له نايمه مريم: بيقول صحيها البندري: قولي ماقدر لان عندها حفله بالليل مريم : اذا قلت كذا بيقول امك اهم واجلسي بدون حفلات البندري: آف مريم والله مالي خلق وبعدين هذي من وين جايه يعني من السجن ... مايحتاج ندللها بزياده مريم عصبت : البندري احترمي نفسك هذي امك البندري: امي ( تقلد المصريين ) يا عومر اومي ..دي خريقة سقون مريم زعلت من كلام البندري: ماتوقعتك كذا طلعت زعلانه.. البندري تموت على مريم وماتحبها تزعل منها هي اللي ربتها تقريبا ولان الله مارزق مريم عيال الا بعد 14 سنه علاج كانت طول هذي السنوات مثل بنتها البندري: مريم مريم مريم كملت طريقها البندري: مريم تكفين لاتزعلين هذا انا بروح مع محمد علشان خاطرك مريم انبسطت بس لحد هاللحين زعلانه من الكلام اللي قالته عن امها : نشوف اخرتها معك البندري: هذا انا بتجهز بسرعه وبروح بس انتي ماتزعلين يالغاليه ************** الجوري جالسه تتقهوى مع عمها وزوجته عبدالرحمن : اذا تبغي المشغل تراه صار جاهز الجوري ببرود: اوكيه عمو بعد بكره انا بروح مع بنو نشوف الشقه عبدالرحمن : خلصت الاجرائات ومابقى الا انك توقعين لي كفاله الجوري ماودها تخلي عمها يكفلها بس مالها غيره: حاضر ولاتخاف الفلوس بحولها لرصيدك عمها لما قالت فلوس ارتاح هو ماخلص هذي الاجراءت ولا تعذب الا علشانهم ... زوجته بس سمعت فلوس رضت على الجوري نوره : ومتى بتروحي للبنان علشان اغراض المشغل الجوري: والله مادري مابعد قررنا انا وبنو نوره وزوجها توه محصل فلوس : قولي لي قبل بوقت بروح معك الجوري متاففه شتبغى هذي على بالها بنت بنوت حاطه راسها براسي الجوري: اوكيه بقولك **************************** | |||||||||||||
| |
