08-21-10, 09:17 AM
| #37 | |||||||||||||
  
|  لوجين سكرت من نواره التلفون وراحت تتجهز للبارتي لانها ماحسبت حسابه ودقت على ابوها تخبره انها بالسعوديه لوجين بهدوء: هالو دادي راشد بدون نفس: هلا لوجين: انا بالسعوديه ... راشد: وش اسوي لك يعني اتحزم وارقص لوجين وهي كارهه حياتها انها تكلمه : وش صار على البنك ساهمت فيه راشد: ايوه انتي هاللحين تنوبين عني ..مع اني ماحب شغلات البنوك وراها خساير بس علشانك لوجين باستهزاء: مشكور باي راشد من غير لايرد سكر السماعه .. لوجين كان ودها ابوها يقول انت بالسعوديه اترك اللي بيدي واجيك ودها يقولها الحمدلله على السلامه .. نورت الرياض ********************** البندري تمشي مع اخوها محمد متاففه مالها خلق تختار .. ومحمد يتفاهم مع البايع انتبهت بمسفر متشخص وجالس وراء مكتب قدامه اوراق البندري شهقت بصوت واطي : مسفر ( واضح انه يشتغل هنا .. يالله اخرت لتفوق والدراسه يبيع بمحل اثاث والله قهر .. ) ****************** ((0طلال)) طلال جالس بالديوانيه يفكر بنواره ومكالمته لها مع انها صدفه بس خلت يومه حلو وله طعم ومعنى ..هذي البنت الوحيده اللي حبها بحياته ويخاف يقرب منها ومايبغى يستخدم اللعيبه علشان يجيب راسها ..يخاف انه ياذيها اوو يزعلها منه ... مع انها قالت له واطي وهو منقهر منها بس سمع صوتها اليوم نسى كل شي ... بدر: وين سرحان طلال: معكم بدر: ماقلتلك وش صار مع الجوري اليوم وحكى لطلال الراس المدبر كل شي طلال تذكر ان وحده من خوات نواره بتتزوج بالاجازه .. طلال: ماتذكر قالوا حفلت توديع العزوبيه لمين بدر وهوو يحاول يتذكر : لا والله مادري كانهم قالوا نوف ......نوال ..... نوره ..والله ماذكر بس اسمها مثل اسماء الرسوم المتحركه ...ايوه تذكرت نواره طلال تاكد انها نواره بدر: نواره ... سكت فجاءه ..وبعد دقايق بدر بخبث : آها فهمت كل شي هاللحين طلال: وشفيك ...؟؟ بدر وابتسامه شيطانيه على وجهه: عرفت هاللحين وش فيه حالك متخربط من اول مارجعت من بريطانيا وحالك مو على بعضه ..ودايم سرحان ومهموم .. طلال وداري عن ذكاء خويه سرعة بديهته : ليه يا فيلسوف بدر : انت تحب نواره طلال: اي نواره بدر: هههههه لاتحاول معي والله بتتعب ..انت تحب البنت اللي مسجل صوتها.. .. بسيدي واللي اليوم حفلة اختها .. طلال يتنهد لانه صار مكشوف عند خويه ومهما حاول مايقدر عليه : آه يابدر آه .لعبت فيني ..خلتني اهوجس باسمها بدر : ههههههههه افا والله ..طلول ... طلول ولد بو صالح يحب طلال بقهر: اه يابدور ( ياشر على قلبه ) محد دخل هذا غيرها بدر: نواره وطلال تصدق راكبين مع بعض طلال: والله انك فاضي بدر: احكي لي كيف وليه ومتى حبيتها طلال: انا ماكنت اظن اني احبها بس اذا ماصارت معي افتقدها واشتاق لضحكتها وابتسامتها بدر: حلوه طلال: احلف وتظن بقولك ..؟؟ بدر:هههههههه يغار طلال : الود ودي اخطفها بدر: خاويها طلال: كل تبن ...هذي نواره تحذفني بالجزم بدر:هههههههههه تخاف منها طلال: لا اخاف عليها بدر: انا ماقدر على العاشق طلال: عاشق ومتيم بعد اموت فيها وعلى الاررض اللي تمشي عليها ..نفسي مافارقها ثانيه بدر :اوه الحاله صعبه ... اخطبها طلال بجديه: نفسي بس انت عارف الوالد والده .... المشكله البنت على قد حالها مو مره على قد حالها بس مو ممثل مصانعنا ولا شركاتنا .. والوالده والوالد اهم شي عندهم الواجهه الاجتماعيه .... وانا خايف انها تتعذب معي خواتي شايفات نفسهم وبيعاملونها بتكبر وانها اقل منهم وامي بتبهدها وبتحن على راسي اطلقها مثل ماعملت مع خالي يوسف .... وانا بصراحه مابغاه تحس بالنقص او تتعذب بدر يناظر خويه مو مصدق ... طلال معذب قلوب العذاراء تلعب فيه بنت وتعذب قلبه كذا ...طلال اللي لاعب بنات خلق الله يقول هذا الكلام ... ولا يدور مصلحتها قبل مصلحته ومشاعرها اهم عنده من مشاعره بدر : تبغى الجد ماني عارف وش اقولك طلال بضيق : لاتقول شي لان نواره نجمه عاليه ... بعد فتره: بدر طلبتك بدر: سم... آمر طلال: ابغاك ترسل اختك تشوف نواره وتعرف اخر اخبارها بدر: واختي باي صفه تدخل طلال: لاتعقدها وعلشان تجيب لك اخبار الحماره على قولتك طلال: لاياعم خل اختي بعيده انا اعررف اجيب قرارها ******************* الساعه 9 بالليل الفندق صار زحمه ومليان تقريبا ونواره مبسوطه مره الفرحه واضحه بعيونها .../ لجو شوفي كيف الحفله حلوه لانو بس حنا لوجين اللي كان التعب مخفي جمالها : ايوه واختك طالعه حلوه بسم الله عليها نواره تناظر مروه بحنان : تصدقي بفقدها لوجين: تعالي نروح نطفشها ذوق: حرام عليكم اكيد خايفه مروه تحب لوجين لانها متعوده عليها تنام عندهم بالشهور لوجين: هلا والله بالعروس مابغيتي تعرسين مروه وصوتها مبسوط ومن الفرحه تصارخ: هههههههه معك حق لوجين : تعالي ارقصي معي مروه :لا فشيله ذوق تسحبها: تعالي مافيه احد ماكان بالحفله الاام نواره و مروه وصديقاتها و نواره وصديقاتها واختهم صفاء وولدها وبنات عم نواره وبنات خالتها وصديقاتهم .. مروه كانت ترقص وتتمايل بالفستان الابيض وتتمايل .. كانوا مسوين حركه ان العروس تلبس اييض واليوم السابق للعرس البندري والجوري وهم داخلات كانهم توم لان البندري حطت عدسات نفس لون الجوري ولابين نفس الفستان وعاملين نفس الشعر يستمتعون لما الناس يناظرونهم خوات وتوم بعد الجوري: شوفي العروس ترقص مروه واقفه مع ذوق ولوجين يرقصون .. دانا خوية بدر اللي ارسلها جالسه متفرجه و تدور على نواره والجوري من تحت لتحت .....ورنا اخت مسفر كانت موجوده مع هنادي بنت عم مروه رنا :شوفي بنت الكاسر ترقص مع بنت عمك هنادي: ايوه مع وجهم يحبونها اكثر مننا ... اصلا هي دايم ببيت عمي رنا: مشاء الله ملكة جمال هنادي بغيره : لا ولابسه فوشي ومكياجها قليل بس حلوه رنا : وينك يالعنود انت والريم تجوا تشوفوها ... هنادي: تراها خفيفة دم وحبوبه رنا: وشرايك نخلي نواره تعرفنا عليها هنادي: لا هاللحين تصدق نفسها رنا سكتت مع ان ودها تتعرف عليه بعد سوالف مسفر عنها.. يمكن حبوبه وطيبه مثل مايقول الجوري ترقص على دقه مصريه .. مع البندري ...نفس الحركات نواره: الملاعين طالين احلى البنات ذوق: الخايسات غطوا علينا لوجين : يعرفون مصري اموت وتعلمه نواره: انتي خليك تخصص انجليزي البنات:ههههههههههه دانا خوية بدر ماتعرف تفرق بين الجوري والبندري مع ان الجوري ابيض واقصر ... والبندري اطول واخف بياض من الجوري ذوق: من هذي المزيونه اللي معا هنادي بنت عمك نواره: ايوه هذي رنا عمر ( شهقت ) هذي اخت مسفر لوجين بس سمعت مسفر زادت دقات قلبها ...: مسفر نواره بخبث: ايوه مسفر عمر اللي كان يدرس معنا ببريطانيا ذوق : دارين نعرفه شكرا على التوضيح نواره: لا اوضح لناس ههه ذوق:ههههه ياخبيثه لوجين صارت خدودها حمراء: وجع انت معها البندري وهي تاخذ نفسهابعد الرقص : ليه كل هذا الضحك ذوق : شفتي اللي ترقص مع هنادي بنت عم نواره البندري: ايوه المملوحه وش فيها نواره: اخت مسفر الجوري والبندري على طول ناظروا لوجين لانها اخر يوم قابلوا بعض كل وحده اعترفت تحب مين ولوجين بطلاقه قالت عن حبها لمسفر لوجين: الله ياخذني يوم قتلكم البنات:هههههههههههه ********** | |||||||||||||
| |
|
08-21-10, 09:22 AM
| #38 | |||||||||||||
| البندري: على طاري مسفر اليوم شفته لوجين: شفتيه ..وين ..؟؟ البندري: يشتغل تصوروا اخر الشهاده يشتغل بياع بمحل اثاث لوجين:ههههه هذا محلهم اسمه (محلات الوضاح لللاثاث ) صح..؟؟ قبل يحكي عنه البندري : اي والله هو ذوق: حركات حافظه المحل لوجين استحت : احم احم نواره : روحي تعرفي عليها لوجين : انقلعي الجوري: والله من جد روحي خلي نواره تعرفك فيهم ... علشان تعرفي اخر اخبار القلب لوجين عجبتها الفكره : ايوه ليه لا ... نواره ولوجين مشوا لعند رنا وهنادي اللي جلسوا بعد الرقص نواره : هلا هنادي كيفك هنادي : كويسه وانتي نواره مدت ايدها لرنا: هلا شخبارك رنا وعيونها على لوجين اللي شكلها احلى من قريب : الحمدلله وانتي كيفك بعد بريطانيا نواره:ههههه شوفت عينك ادور المناسبات بدال الزهق رنا : هههههههه يعني ماتنصيحيني اتخرج نواره: لا بتطفشين رنا : ماعرفتينا نواره : لوجين راشد الكاسر صديقتي الروح بالروح رنا : هلا والله لوجين : هلا فيك ..؟؟كيفك .. رنا : كويسه لوجين: هنادي كيفك ..؟؟ هنادي ماتحب لوجين: الحمدلله ..وانتي كيفك لوجين: كويسه بس فيني النوم رنا:ههههه النوم لوجين: ايوه من امس مانمت عدل لان الاخت نواره ماخبرتنا عن هذي الحفله الا الصباح هنادري: ايه والله توهقنا نواره : اجلسي لوجين معهم انا بروح لمروه تبغاني لوجين : ممكن هنادي ورنا : ايوه تفضلي لوجين وهي تجلس الثنتين يراقبون تصرفات بنت المليونير رنا: انتي درستي مع نواره ببريطانيا لوجين: ايوه انا عايشه هناك هنادي: حتى مسفر اخو رنا درس هناك لوجين وجهها صار احمر وقلبها يدق بسرعه بس حاولت تكون طبيعيه : ايوه اذكر ان واحد اسمه مسفر عمر هو نفسه رنا: ايوه اخوي لوجين: خساره ياليتني مدققه فيه علشان اطلع الفروقات السبعه رنا: لا ماشبهه هو احلى ...العنود اختي تشبه له لوجين:وينها اختك علشان نطلع الشبه هنادي: متزوجه ماتقدر تجي لوجين:ههههههههه ليه شمعهنا رنا: بس لان عبدالله ولد عمي مزاجي لوجين:اها يعني كيف ..منعها هنادي: لا بس عازمها على العشاء لوجين وماتحب ان حد يمنعها من شي : ايوه اختارت زوجها بدال الحفله رنا : انا اذ تزوجت غصب عنه بحضر لوجين: لا احيانا تشترين خاطره وماتحضرين رنا ولسانها مفلوت قالت بلقافه : يعني احمد كان يقولك لاتروحين لوجين تغير وجهه مسفر حكى لها عن احمد بس ماتحكي عنه كثير مع مسفر هنادي ترقعها: سمعنا انك مخطوبه ومات خطيبك ..الله يرحمه لوجين: ايوه الله يرحمه رنا وهي متفشله من تسرعها : سوري كنت ا لوجين: لا عادي والله عادي ...اصلا عندنا ببريطانيا الرجال ماله كلمه على المراه وتسوي اللي تبغاه رنا : ياحظكم مو حنا الاب والاخ يتحكم فينا هنادي بحقد: ليه انتي امك بريطانيا لوجين: لا بس عايشه طول حياتي هناك رنا : اكيد ماتعجبك العيشه هنا لوجين: لا هنا احلى هنا دادي وصحباتي وهنا مكه والقران هنادي وموعاجبها: صدقيني تقولي كذا لانك موعايشه فيذا لو تعيشي سنه ماتقدري لوجين: يالله شكلكم متاذيات رنا: لا بالعكس عندنا هنا احلى من اي دوله ثانيه ... ..بس لانك متعوده على حياه عكس هذي لوجين: لاتفكروا اني عايشه مثل البريطانين لا عندي دادا موضي سعوديه مره واعرف كل شي منها قضوها سوالف ولوجين تبغى تعرف اخبار مسفر من رنا بس ماتعرف تسحب كلام ..( لو ان نواره هنا كان قدرت ) | |||||||||||||
| |
|
08-21-10, 09:23 AM
| #39 | |||||||||||||
| الفصل التاسع عشر ركبت دانا السياره هلطانه طولت وهي هناك كا مادقت على بدر تطلع يقولها اصبري دقايق بدر: ها بشري دانا : وش اللي ابشر بدر : صورتي دانا : اللي قدرت عليه بدر: اخلصي علي صورتي والا دانا تطلع جوالها : مثل ماتفقنا ما تنشرهم ولا تفضحها بدر يسحب الجوال معصب : عطيني فاضي لك انا دانا: مشاء الله مثقفه واسلوبها راقي بدر وهو يناظر الصور سكت وفتح فمه .. حلوه قليله فيها جد ملكة جمال : هذي الجوري دانا:ههههه سكر فمك ..ايوه الجوري بدر: يقول طلال ان هذا لون عيونها جد دانا : لا ماتوقع اكيد عدسات بدر سكت يناظر تصوير الفيديو ويسمع صوتها وهي تقول بدلع رباني : الجوري: الكعب يالم ..هههههههه المهم بالنسبه اني اشتغل واتزوج هذي صعب صاحب بالين كذاب ...اكيد اني يابقصر على زوجي او على شغلي دانا : ها وشرايك ..؟ بدر: تسلمين لي ياحلى خويه .. وحبيبه دانا : احم احم مد المصاري بدر: من الالف للمليون على الكنز اللي عطيتيني اياه دانا : ولو حنا بالخدمه ... بدر: وشخباار حبيبة طلال دانا : مين نواره قمر يابدر قمر حول عليها بدر: مين القمر نواره دانا :ايوه هذي نواره عليها جمال مميز .. غير البنات الموجودات ..فيها شي يجذب ..اذا ابتسمت ماودك تناظر عينها بدر: ايوه من كذا طلال عاشقها دانا : مشاء الله عليها شعرها يذبح بدر تحمس : ليه ماصورتيها دانا: ماقلتلي بدر: وهذي يبغالها ذكاء ... دانا كانت تمدح نواره كثير علشان تبعد الجوري من بال بدر: ها وش قلت بتحول عليها بدر : اه يابن الكلب ياطلال طحت وانت واقف يناظر صوره الجوري: يعني احلى من هذي كيف بتصير.... اجل دانا بكذب : هذي معها عذر امها بريطانيا اكيد حلوه بس هاذيك قمر يمشي بدر بتفكير : خساره ان طلال يحبها دانا : وانت وش عليك من طلال خذ البنت السنعه مو يضحك عليك بوحده بس عيونها زرقاء بدر: يعني رايك احول عليها بس طلال خويي دانا : تكفى ياخويي نسيت لما قطع رخصتك وتبهذلت على ماجددتها بدر والحقد انشعل بقلبه : وهي تنسي .... بس انا قاسم لاوريها قدرها دانا : هذيك ذلها وهذي خاويها بدر: ايوه معك حق .. والله انك سنافيه يادانا دانا: هههههههه اعجبك **************** ((نواره)) نواره ومروه متمددات على سريرهم بيناموا نواره: مرو ... مروه واصابها متوتره تبغى تنام بس مجافيها النوم خايفه من بكره : امممم نواره: مرو ... بوحشك والا فهد ينسيك نواره مروه:زههههه اكيد بتوحشيني نواره وعدلت جلستها بالظلام : صحيح ان حنا ماكنا مره مع بعض وكنا ديم نختلف (( نزلت دموعها)) بس انا احبك مروه والعبره خانقتها: نواره ليه تبكين نواره : بشتاقلك ..موت مروه راحت لعند سرير اختها الصغيره والعنيده : وانت بعد بشتاقلك بكوا ... نواره: سامحيني ياما ضايقتك وزعلتك وقلت كلام مفروض ماينقال .. وياما صارخت علي واخذت اغراضك من غير اذن بس عند جد ب مروه: لا تكملين انا مازعل من قلبي وحياتي نوري نواره بين دموعها تبتسم : كم مره قتلك ماحب هذي نوري ..نونو قولي نونو مروه:هههههه الله يقطع شيطانك ضلوا يسولفون ويتذكرون لحد ماذن الفجر ... ساعه يبكون وساعه يضحكون ... وساعه يتريقون على امهم ورقصها وعلى ابوهم وعصبيته ... **************** ((مسفر)) مسفر يستجوب رنا من غير ماتحس ..... بعد مادرى ان لوجين بالحفله مسفر : ايوه نواره ...هذي البنت هبله رنا: هبله وبس حتى صاحبتها لوجين خفيفة دم وحبوبه بعكس شكلها مسفر توتر بس جاء طاريها : صح انا اول ماشفتها كرهتها وكنت اعصب على الشباب اذا حكوا عنها لكن مع الوقت شفت انها حبيبه وماكانها بنت فلوس رنا: اي ماكانها بنت فلوس انت ماشفت طريقتها الاكل والامشيتها تقل عارضه مسفر: مالاحضت جد حلوه مشيتها رنا قامت متحمسه تقلدها ...مسكينه رنا بعد زواج العنود صارت تطفش ماعندها احد ..وماصدقت ان حد معطيها وجه مثل مسفر يسولف معها رنا: لاحظ كيف تحرك سيقانها رنا تمشي بهدوء رافعه راسها وصوت الكعب واضح رنا بحماس: لاواذا جئت تجلس ماتحط رجل على رجل ..لا تميل رجلينها الثنتين على جنب جلست رنا بعد مالصقت رجلينها وميلتهم على جنب مسفر حس انه يشوف لوجين قدامه جد نفس حركاتها : مشاء الله عليك يارنا مناظرتها كويس رنا: افا عليك طول وقتي وعيني عليها مسفر : شعرها رافعته رنا: لا فاتحته وهو على ماظن لنص ظهرها مسفر( يالله شهر طول فيه شعرها كثير ) رنا : شعرها حيوي كانه دعاية شامبو مسفر ضحك على عفوية اخته وبرائتها:ههههههه رنا تتثاوب تصدق انها تشتغل بنك ابوها مساهم فيه مسفر وعنده فضول: جد اي بنك رنا توقف بكسل: وانا وش دراني ( تتثاوب) خلني انام وراي زواج بكره مسفر متحسف انه ماخذ اخبار كثير : تصبحين على خير رنا : وانت من اهله طلعت الدرج ..ظل مسفر يناظرها وهي تطلع وهو يفكر بحبيبته لوجين ( ياترى يالوجين تفكرين فيني ..او تذكريني ... لحد هاللحين تحبيني والا هذا الشهر تغيرت فيه اشياء كثير ... **************** طلال على اعصابه يدق على بدر ..اللي سافهه وحالف مايرد عليه لبكره ...لان ماله وجه يكلمه وهو ناوي يخونه بحبه لنواره .. ***************** (( فيصل)) نروح لمكان ثاني التوقيت عندهم 6 المغرب بتوقيت جرينش ..ببريطانيا ... فيصل جالس يناظر الحديقه اللي له فيها ذكريات كثير مع ذوق كانت مثل الفراشه تزيد الحديقه جمال واللوان حلوه بحجابها الابيض كانت مثل الملاكاللي منور له حياته لمياء بدلع ونعومه مصطنعين : فصفص وين سارح فيصل انتبه للمياء اللي جالسه بجنبه ببنطلون ضيق وبلوزه فاصخه : معك لمياء : معي طيب انا وش قلت فيصل بالفتره الاخيره مايطيق البنات وبالذات لمياء: مادري نسيت لمياء: حبيببي فصول وش بلاك فيصل ضايقه فيه الدنيا : مافيني شي بس ابغى انا م احس اني تعبان من الجامعه وقف .. لمياء وهي جالسه : اوكيه بيبي تصبح على خير اجل انا بحكي مع سعاد تجي معي فيصل يتامل لمياء ويقارن بينها وبين ذوق ... لو انه قايل لذوق كان وقفت له وكان شاف نظرة الخوف والحنان بعيونها .. وماكان ارتاحت الا لما توصله لشته وتعمله شي يشرب دامه تعبان ..( آه ياذوق جيت اباذيك حبيتك ..فرق بينك وبين هذي السطحيه ..سبحان الله حتى شكلها وزينتها تافهه ) قطعت عليه افكاره لمياء: فوفو ليه تناظرني كذا هههههههه فيصل: ها سلامتك تركها ومشى وهو حاس بفراغ كبير بحياته وضيقه كاتمه على تنفسه حتى بشار صديقه ماصار يجلس معه مثل قبل *************************** (( البندري )) البندري جالسه بغرفتها مقهوره متقدر تحضر زواج مروى علشان امها بكره بترجع للبيت .. ( وهذي مالقت تطلع الا بهذا ليوم حتى فرحتي باخت صديقتي بتحرمني منها .. اكرها خذت مني بابا وهاللحين تبغى تاخذ مني الفرحه بس والله رايحه رايحه .. واوريك يا سميره ) ناظرت الساعه بجوالها كانت 4 الفجر قامت صلت وقراءة وردها اليومي ... ودقت على ذوق علشان تخليها تمرها بكره لان محمد حالف مايوصلها الزواج ..دقت دقت على الجوال ماترد قررت تدق على البيت ( بس الوقت ماينفع .. المشكله ضروري اكلمها اخاف تروح للمشغل قبل لاتمرني ..آف بكلم واللي فيها فيها ..يارب يرد عمي عبدالعزيز وماترد امها القشره ) ترن ترن رائد جالس يناظر الفلم مندمج معه : الله يلعن اللي يتصل بهالوقت ...( بزمره) اللللو البندري خافت من الصوت : الو رائد سمع صوت ناعم : في احد يغازل الساعه 4 لفجر البندري عصبت ( اغازل جد قليل الادب ) : لو سمحت ممكن ذوق رائد يستوعب : ذوق ... من اقولها على الفجر البندري وماسه اعصابها وحبت تلعب فيه شوي : قولها سهام او سحر رائد عرف انها اخت الخكري : والله ياخت بدران اختي نايمه ومافي احد عاقل يدق بهذا الوقت البندري ماسكه ضحكتها لانه معصب لانها اخت بدران : انت تعرف اخوي بدران رائد: مع الاسف حصلي الشرف البندري ( هههههه شكله قرفان حياته) : والله يارائد ..رائد مو .. ذوق تحكي عنك كثير رائدد يصوت واطي سمعته : شكل العايله كلها رايحه فيها البندري بعدت السماعه تضحك رجعتها وبجديه : هلا رائود قلت شي ماسمعتك رائد: رائود بوجهك ..اسمعي الكلام اللي مايعجبك ..اذا شفتك او سمعتك مره ثانيه تحكين مع اختي ماتلومي الا حالك البندري: حالي والا حالك هههههههه اموت على الشديد والحمش رائد وصلت معه : جد ناس ماتستحي سكر بوجهها السماعه البندري:هههههههههههه ضلت تضحك حتى وهي ترسل لذوق رساله تمرها بكره ...ونامت وهي مبتسمه ************ وراء غضبان واسوار ضخمه ..وداخل غرفه صغيره فيها حول 12 سجينه ... كانت جالسه ام محمد (( ام البندري )) جالسه على سجادتها تصلي تبكي شكر لله وتدعوا للملك عبدالله بدمعة سجين ودمعة مظلوم .. كانت تقراء ايات من الذكر الحكيم تقراهم وتتمعن فيهم ..14 سنه وهي مصادقه هذي السجاده وهذا المصحف ..14 سنه تدعوا لبنتينها وولدها بالهدايه والصلاح والذريه الصالحه .. 14 سنه تستغفر ربها وتدعوا لابوهم بالرحمه ... 14 سنه ماحضنت بنتها الصغيره البندري ..مشتاقه لها مشتاقه لحضنها لابتسامتها لشخبطتها على الجدار ... مشتاقه لركضها حول الاكل وللعبها بالطين ولاسئلتها البريئه .... (( يارب يارب ادعوك ودمعتي تحرق جفوني ..يارب اجمعني بالبندري قبل لااموت .. يارب واحفظها من كل شر وزله .. يارب وحبب خير خلفك فيها ...يارب تدري اني احبها وله معزه خاصه من بين عيالي ..يارب لاتاخذ روحي قبل لاضمها وابكي بحضنها ... يارب ووفق ولدي محمد واحفظ مريم ومشاري .. وحفظ غاده وزوجها وبنتها ..يارب ياكريم... يارب انا عبدك جيت اطرق بابك لاتردني .. يارب انت عالم بمافي نفسي فلا تخيبني .. يارب انت داري اني ماقتلته الا دفاع عن نفسي ... ياجواد ياكريم )) وضلت ام البندري تنتظر الدقايق اللي تجمعها ببنتها البندري اللي نقطعت عنها زياراتها من 7 سنوات .. ************************** | |||||||||||||
| |
|
08-21-10, 09:25 AM
| #40 | |||||||||||||
| (( الجوري)) الساعه 3 بالسياره اول شي وصلوا الجوري لبيتهم الجوري وهي ملاحظه نفس السياره اللي صار لها يومين تلحقهم وتوقف عند بيتهم : باي بنات ذوقو والبندري الهلكانات : باااااي الجوري:هههههههه انتبه يا صندار لاتنام معهم البندري: والله انك فاضيه حرك يا صندار مشت السياره وظلت الجوري تناظر بالسياره الجمس وهي معصبه ..بدر يشوفها وهو مبتسم ... كان ودها تروح لسياره وتغسل شراع صاحبها بس راجعت لما تذكرت ان الساعه 3 وان نوره ممكن تشوفها من النافذه دخلت للبيت عمها كان بستقبالها هو وزوجته عمها: بدري كان مارجعتي الجوري:آف انا قلتل ان الزواج بيطول عمها: لساعه 3 الفجر انتي صاحيه الجوري : اسمع ترى انا معي الجنسيه البريطانيا واذا كنت تحس اني عار عليك ارجع لبلادي اريحك انت وزوجتك زوجت عمها خافت انها جد تسويها وتطالب بفلوسها وتروح عليهم : ياحبيبتي عمو ماكلمك الا خايف عليك عمها: اسمعي لاتجلين تقولين كل دقيقه برجع بريطانيا كانك خدامه هذا بيت عمك وغصب عن انفك بتجلسين فيه ... سمعتي واذا شفتك مره ثانيه راجعه الفجر وريتك شغلك الجوري توها بتتكلم الا زوجة عمها سبقتها : خلاص انتي روحي غرفتك ارتاحي وان شاء الله مراح تتكرر مره ثانيه الجوري وعارفه ان الزفت نوره هي اللي محشره عمها بس سكتت لان راسها يعورها مالها خلق صراخ ومشاكل .. **************************************** ( البندري ) البندري رفعت جوالها شافت الساعه 3 الفجر .. تحس بمشاعر متضاربه قلبها يدق بسرعه كلها كم دقيقه وامها تصير حره وبين ايديها ..تقدر تقولها ماما بدون قبضان ..تبرمي بحضنها لساعات قبل لاتجي السجانه وتسحبها منها ... كلها دقايق وتشوف امها حست برجفه بجسمها وقلبها بيطلع من مكانه ... جالسه بالسياره متوتره واول ماوقفت عند بيتهم قلبها انقبض ماتبغى تنزل ذوق: يله بنو وصلنا البندري: وصلنا ..اها زين ذوق: وشفيك مو على بعضك البندري: مادري خايفه اكيد امي ووصلت من زمان ذوق تبتسم: ادخلي وارتمي بحضنها اكيد هاللحين هي محتاجه حضنك البندري تبلع ريقها : باي **************************** ( البندري) البندري دخلت البيت كان ظلام وفي صوت بالمطبخ ... ماتدري ليه راحت بسرعه لدرج الا صوت محمد اخوها يوقفها : البندري تشتغل الانوار ..لفت على صراخه اللي واضح انه معصب : نعم محمد: مو انا قلتلك مافي طلعه البندري مانتبهت للعجوز اللي طلعت من المطبخ مع مريم وغاده البندري: انا قلت اب ماحست الا وكف قوي على وجهها محمد: مو انا قايلك لا تتاخري امي بتجي ركضت ام البندري للبندري تبغى تضمها: ليه يامحمد .. محمد اول مره يعصب على اخته كذا اقهرته ماستقبلت امه علشان تروح زواج اخت صديقتها البندري تبعد امها ودموعها على وجهها : ابعدي عني .. عاجبك كذا اول يوم تجي فيه محمد يضربني محمد زاد صراخه: البندري ام البندري وقفت مصدومه شبه مشلوله البندري: هذي اول مره تعاملني كذا وتضربني ..لانها جئت وجابت الشر معها .. مريم : البندري وش هالحكي هذي امك البندري : انا امي ماتت يوم انها يتمتني وقتلت ابوي ام البندري ضاعت بدوامه هذا اللي ماحسبت احسابها اغلى عيالها دلوعتها البندري اخر العنقود سكر معقود تلومها على قتلها لابوها كانت تتوقعه من محمد من غاده لكن من البندري لا وليه محمد: اسكتي سود الله وجهك ... راحت لعند امه : يمه لا البندري ناظرت امها : اكرهك طلعت فوق بسرعه للكل سكت ماعرفوا شيقولون ماتوقعوا البندري كذا .. البندري رمت نفسها على السرير تبكي .. راحت كل زينتها من دموعها تبكي قساوها على امها تحس ان قلبها قاسي غصب عنها .. قلبها مايطيق امها اللي على وجهها علامات السماحه والطيبه .. الوجه الملايكي اللي قتل ابوها قدام عينها قبل 14 سنه وهي طفله تلعب بعروسته 6 سنوات تشوف هذا المشهد لاجرامي تشوف امها تجر بالسلاسل وهي تقولها: ليه ياماما طلعتي الدم من بابا انا احبك بس انتي جرحتي بابامن هنا ( تاشر على صدرها وقلبها ) ام البندري بهد ماجلسوها عيالها وشربوها المويه ..تحس بضيقه ماحستها وهي بالسجن.. دخلت سجن ثاني وسجن اكبر محمد: يمه ماعليك منها مراهقه بكره تكبر وتعرف ام البندري: مالومها ياوليدي انا حرمتها من ابوها غاده: يمه لا وش هالحكي ..ترى البندري بس مقهوره لان محمد ضربها كف ام البندري تناظر مريم زوجة ولدها واللي محمد يحكيلها وشكثر تحبها البندري : يمه مريم روحي شوفيها لاتسوي بنفسها شي مريم: ان شاء الله يمه ام البندري : واذا نمت قولي لي ******************* (( لوجين )) لوجين رجعت للبيت تفكر بمسفر حبيب قلبها اللي ماشافته الا لحضات .. شافته وحفظت شكلها ..اكيد ان الريم حبيبته كانت معه بالسياره ابعد عينه علشان مايضايقها .. آه يامسفر لو تعرف معزتك بقلبي ولو تعرف اني اموت بدونك .. فتحت شنطته وطلعت بوكها اللي في صورته اللي كانت البوم الصور يوم عيد ميلادها باست الصوره وسكرت بوكها دخلت تتروش ************** ((البندري)) دخلت مريم الغرفه على البندري اللي مقطعه نفسها بكي مريم: البندري البندري : مريم تكفين ابغى اجلس لوحدي مريم وتعرف طبع البندري: طيب بس تروشي وبدلي ملابسك الندري: مريوم بلييييييز مريم: ان شاء الله طلعت وتركتها ************************** (( لوجين )) بعد ماتروشت اخذت من الكومدينه الدفتر اللي فيه اشعار حامد زيد حفظتهم من كثر ماتقراهم بالفتره الاخيره كانت قصيدة .. الاسطوره والحبيب اللي صـدوده مثـل مداتـه جزيلـه صد عني واعرفه لو صد عن حاجـه هجرهـا كن روحي يوم حست في جفاه وصعـب نيلـه بشرتنـي بالضيـاع وشـدة العـزم لسفرهـا & من حفر بضلوع قلبـه حفـرةٍ تكفـي قتيلـه ليه ما يدفن قتيله بالضلـوع اللـي حفرهـا؟ اشتكيتـه للرفـوف وللبـراويـز الهزيـلـه وانذعرت من النياح اللي سمعته في صورهـا قراتها وهي تحس انها تتكلم عنها ودموعها تنزل ..قطع عليخا اندماجها صوت الجوال ..( نوري غطى لى لفاتوره يتصل بك ) لوجين بعد ماتنحنحت تعدل صوتها: الو نواره تبكي : يالله يالجو فقدتها لوجين:ههههههههه ماصارلك ساعتين من تركتيها نواره: حرام عليك 6 سساعات من تركتها ..تخيلي سريرها فاضي والله قهر ************* ا(( بعد ساعتين اذن الفجر)) صلت ام البندري ودعت لبندري ان الله يهديها .. وقلبها ماطاوعها الا تطمن عليها .. دخلت غرفة البندري بهدوء وشافتها نايمه بملابسها ومو متغطيه تذكرتها وهي بزر غطتها وفصختها عبايتها وجزمها وخفضت من برودة التكيف ..وجلست بجنبها تناظرها وتتاملها ** | |||||||||||||
| |
|
08-21-10, 09:27 AM
| #41 | |||||||||||||
| الفصل العشرين ((طلال)) جالس باالكافي مع خويه بدر طلال: صار لي يومين ادق عليك ماترد بدر : انشغلت طلال: لاياشيخ احلف بدر : والله كنت مشغول مع الجوري طلال: اوه تطورات بدر: نعم طال عمرك عندي صور لها وتصوير طلال: والنعم والله عرفت اربي هههههه بدر: هههههه لاتخاف جبتلك اخبارها طلال بلهفه : انطق بسرعه بدر : تقول دانا انها طول الزواج تبكي وانها ملكة جمال طلال: مالك دخل فيها خلك على جور بدر: لاتخاف هذي الجوري دخلت مزاجي والله لاجيب راسها طلال: كمل وبعد شقالته بدر: بس طال عمرك وماعندها اخبار الا انها تشتغل ببنك الفرنسي ... طلال: ايوه اي فرع بدر: وانا وش دراني المهم ان خويتها بنت الكاسر لابوها مساهمات فيه طلال: والله لالف البنوك عليها بدر: لا حالتك صعبه طلال: آه ياخويي العشق بلوى بدر بتانيب الضمير: ههههههههه الله لايبلانا ... ايوه قبل لانسى هي ابوها مطلق امها طلال : لا توني ادري وبعد بدر: بس وامها فري وسمعتها لك عليه طلال: كيف يعني ... ؟؟ سمعتها وش مسويه ..؟؟ بدر: يعني ..لبنان وجنيف ..ومعسل وسجاير ... شاليهات .. وغيره طلال كان حد صاب عليه مويه بارده يعني نواره صارت حلم مستحيل بالنسبه له ... ابعد من قبل هاللحين وش يقنع اهله فيه .. بدر: بس يقولون هم عايشين عند ابوهم وزوجاته الكثير اللي يغيرهم اكثر من اسيارات وهو هاللحين يدور على زوجه .. مثلك عارف تقدر الشرب والقمار طلال: كذاب اول مره احد يقول كذا بدر: دانا ..سمعت ام المعرس تتكلم مع وحده من عمات نواره وغير كذا بنت الكاسر اللي مادري من وين طلغت توني ادري ان عنده بنت ... اللي ماخذه الدنيا عباطه طلال استوعب شوي وحس باليائس مستحيل جد يقدر يخطبها ودامه مايقدر ياخذها بالشرع بياخذها غصب بدر: انت عارف ان.. طلال: خلاص كفايه واللي يرحم والديك مابغى اسمع اللي سمعته يكفي بدر : اوكيه اويه انت لاتعصب تراك غالي طلال: الله يلعن ويلعن دانا حقتك هذي *************** ((لوجين )) لوجين جالسه بالبنك هذا ثاني يوم لها دوام ..جالسه تفكر بطريقه تشوف فيها مسفر ونواره تخلص معاملات عميل نواره:آف انا مانفع بهذا الشغل لوجين: ليه نواره: انا ينفع لي اشتغل بمشغل الجوري او مشغل تغليف الهدايه مع ذوق ..مو هنا لا واللي يشتغل معنا رائد التافه اخ ذوق لوجين: حرام عليك والله انه حبيب نواره: ايوه يصير خير هو وخشته شكلي ببادل مع البندري لوجين: لا وش هذا ..سخافه نواره: لاتحاولين بكلمها وببادل لوجين وعارفه كسل نواره وكرهها لشغل : اوكيه اذا وافقت اكلم المساهمين رائد: السلام عليكم لوجين ونواره : وعليكم السلامه رائد: ياخت نواره في عميله مهمه رو نواره: لاحول لوجين بسرعه وبرزه : خلاص انا بتفاهم مع العميله شكرا يا اخ رائد رائد: اذا كنتي مو قد الشغل ليه اشتغلتي اجل نواره: والله بكيفي اصلا انا طالعه ومخليته لك شالت شنطتها ووقفت رائد؟؟؟؟؟؟؟؟؟؟؟؟ لوجين: اجلسي وبلا شغل هبال نواره طلعت من البنك وهي تكلم الجوري والبندري اللي مفروض ان طيارتهم للبنان بكره الساعه 9 نواره: اقولك اذا على بنو انا اتفاهم معها الجوري: اذا رضت اوكيه مافي مشاكل انا عندي انتي او هي خواتي نواره: تسلمين بس بسكر هاللحين احكي مع الحلوه البندري بهدوء:الو هلا نونو نواره: هلا فيك ..سلامات وشفيه صوتك كانك بعزاء البندري: ياليتها ماتت ولاجاءت نواره: من ..؟؟ البندري : ماقدر اتكلم انتي مشغوله هاللحين نواره: لا البندري: اقابلك بجلفريز نواره خافت من صوت البندري المهموم : اوكيه مسافة الطريق البندري: اوكيه مع السلامه نواره رجعت لداخل البنك وعطت لوجين خبر واعلنت انسحابها : لو بملايين الدنيا ماجلس هنا هذا يومين دوام وبهذلونا كذا ... لا انا مانفع هنا لوجين: اوكيه روحي ولاتشيلي هم نواره: سوري لجو كان بودي اكون معك لكن ماقدر والله صعبه لوجين:لاوالله عادي دام بنو بتجي لهنا اصلا انت وجودك مثل عدموا نواره: مالت عليك ... ***** ((البندري)) البندري لابسه عبايتها بتطلع بس شافت امها مع مريم يتقهوا بالصاله ... بعد هذيك السالفه كانت طول الوقت بغرفتها حتى اخوها محمد ماشافها البندري بدون نفس : هاي مريم : هاي ام البندري: وعليكم السلام البندري طنشت امها : مريوم انا يمكن بكره بسافر مع الجور للبنان عطي محمد خبر لاني ماحكي معه مريم : اوكيه بحاكيه وبشوف ام البندري بحنان: وليه انتي ماتحاكينه البندري بعصبيه :من بركاتك ماكلمه لي يومين مريم: بنو وبعدين معك ام البندري بصبر وحلم: ومع من بتروحي للبنان .. مع محمد البندري: ههههه ومحمد وشيبغى معنا ..انا والجوري صاحبتي ام البندري ظربت صدرها : لوحدكم البندري: انتبهي على نفسك لاتشغلين الحسينيه من ربعك الشيعيات بالسجن .... ايوه مع صاحبتي ويمكن تروح معنا نونو ... وبعدين تعالي ( كتفت يدينها ) ليه في شي اوعندك اعتراض ام البندري صدمها الكلام بس اضغطت على نفسها لان مستحيل بنتها تسامحها بيوم وليله .. مريم توها بتحكي الا اسبقتها ام البنري : بدون محرم البندري : محرم وانتي عايشه فيه ...الناس تطوروا ..وب ام البندري عقدت حواجبها : ومن هذي الجوري محرم لك البندري ناظرت امها من فوق لتحت : الجوري ..ليه انتي تعرفين من هذي الجوري ... اوه تذكرت ان اخر خبرك فيني 6 سنوات ...انا طول 14 سنه ماعرف عنك شي ولا انتي تعرفين عني شي فبليز لاتدخلين بحياتي ... مريم: البندري ..اسكتي ام البندري: يابنتي انا مو عدوتك انا امك البندري تطنشها : مالي خلق درامى ... مريومه انا طالعه لجلفريز مع نونو طلعت .. لفت ام البندري على مريم : ليه خليتيها تروح .. ومن هذي نواره اللي بتروح معها مريم: ياخاله لاتخافي نواره ثقه ام البندري بنرفزه : على اي اساس ثقه .. وش هالعبايه المزينه اللي لابستها فستان مو عباءه ..كيف ساكتين لها مريم ومن زمان مو عاجبتها الحريه اللي فيها نواره بس سكتت ام البندري بنفسها تقول بتحدي : انا اللي بريبيها على ايدي من جديد *************** ((ذوق)) ذوق واقفه بالبيت الصغير اللي قررت تسسويه مشغل تغليف هدايا وتصميم كوشات خلصت كل شي وكل الاجراءت والديكور والادوات بس بقى تختار الاسم ..احتارت وش تختار ... دقت على الجوري مشغول ...تذكرت انها اكيد تجهز لسفر لبنان بكره وفكرت انها تختار مثل اسم مشغل الجوري والبندري ( مشغل توينز) هما اختاروا هذا الاسم علشان البندري والجوري انهم توم ...بس هي وش دخلها بتوينز ... دقت على المنقذ حبيبة قلبها لوجين ذوق: السلام عليكم لوجين: هلا والله وعليكم السلام كيفك .. ذوق : كويسه ..وينك اختفيتي بعد زواج مروه لوجين : مشغوله والله مع البنك .. المهم انتي كيفك ..؟؟وكيف مشغلك ..؟؟ ذوق : يالله لجو محتاره وش اسميه لوجين : مايبغالها ..لوجين لتغليف الهدايه ذوق:ههههههههه بايخه ..اخاف مايجوا زباين لوجين:هههه لا اضمنلك مليون بالميه .. ذوق: اوكيه واذ خسرت عليك التعويض لوجين:هههههه لا اجل اختار اسم ثاني احسن ... وشرايك ب ذوق ذوق: لا بايخه ..انا افكر بامواج لوجين: لا وع وش ذا امواج .. انا اقول دلع بنات لتغليف الهدايا والكوشات ..وشرايك ..؟؟ ذوق: والله انك فضيعه جنان خلاص بسميه دلع بنات وبنفس الوقت صاروا يغنوا ..((اتغير عليك ولااسال وجيك.. وقولك ماحبك وانا بموت فيك .. ترى طبع البنات تهوى الاهتمام .. ويحيوا الدلع والحب والغزل والغرام ..... على ذكر الكلام غروري اللي كان ترى كل هذا ياروحي ..... دلللللللللع بنات ... ذوق ولوجين:هههههههههه ذوق: اوكيه باي اشوفك قريب لوجين: اوكيه باي ****************** فيصل قرر ينزل لسعوديه يشرح لذوق كل شي واسبابه بعد كل اللي صار .. ************** ((نواره والبندري)) بالمطعم .. نواره بحماس وهي حاطه رجل على رجل بعربجيه : قررت اصير مدرسه اطفال البندري : كيف ...؟ نواره : ايوه اطفال اموت على البزارين وابغى ادخل عالمهم ودرس حظانه ( وبحركات مسرحيه وهي توقف ) ابغى اكون لهم المربيه .. البندري: اجلسي فشلتينا نواره تناظر اللي بالمقهى يناظرونها : اوه هههههههههههه اندمجت البندري:هههههه اجلسي خلصينا نواره بصوت عالي : سوري تحمست شوي لاني بصير مدرسه .. مدرسة بزارين اخس مدرسه هههههه البندري غطت وجهها بالمنيو (القائمه) من الفشيله ... اللي بالمقهى شباب ضحكوا وبعض العوايل حتقروها واللي ابتسم على هبال المزيونه المتحمسه .. البندري :ههههههه ... اجلسي فشلتينا نواره جلست :ههههههه مشكله الحماس االبندري تعالي نطلع الناس تناظرنا نواره : وناسه اجلسي يمكن تجينا باقة ورد البندري:ههههه ماتوقع نواره: اصبري وبتشوفين .. الا ماقلتيلي متى طيارتكم ..؟؟ البندري: ليه مانتي بجايه معنا يله غيري رايك ..؟؟ نواره : امم مادري انتي عارفه البيت صار فاضي بس انا وبابا ... وبابا مشغول يدور عروس شكلي بقنعه يروح يدور له من لبنان البندري : انا خايفه ان الزفت اللي عندي تغير راي محمد مث ماخلته يضؤبني نواره: لا حرام علي لاتظلميها عندي احساس ان مالها دخل البندري: انتي ماشفتيها والا كان ماقلتي كذا هذي خريجة سجون نواره تذكرت امها وحركاتها المشبوهه واتوقعت ان ام البندري مثلها : صح يمكن لاكن انتبهي لاتعطيها مجال البندري: من قالك حتى اني موافقه اشتغل بالبنك علشان اقهرها اعرفها متخلفه نواره: لا عاد مو تقولين متخلفه صدق تكرهينها بس على الاقل احترمي البندري : مادري انتي من اي مذهب نواره:هههههه لاتخافي السني الجرسون اللبناني : ازا بتريدي لفوا عليه الجرسون اللبناني : هاي كابتشينو على حساب الشباب يلي هونيك اشر على طاولة الشباب اللي ضحكوا قبل شوي على نواره .... اما نواره والبندري لفوا على الشباب اللي مبسوطين بنفسهم ... وياشرون نواره رفعت ايدها : ثانكس الشباب : هلا والله .. البندري: شوفي الرقم بالمنديل ..؟ نواره: عطيني اياه اذا ماوريتك فيهم البندري: وش راح تسوي ..؟؟ نواره : بخليهم يعشونا البندري:ههههههه عن جد انتي هبله .. البندري رفعت جوالها لجهة يعني شغلوا البلوتوث ....انبسطوا الشباب ..وشغلوا البلوتوث بسرعه البندري: ههههههههههه ماصدقوا بغير نكي وكتبت نكها (بنوته كيوت وشفايف توت ) نواره: وانا وش اختار ( ارسل لاكفخك ) البندري:ههههههههه مالت عليك يالعربجيه اختاري نك سنع نواره :آف عجبهم والا بالطقاق البندري: لا جد اختاري .. ضايعه بحضن حبيبها ...او .. كا نواره تقاطعها : لا مو لهذي الدرجه انا ماحب الاسماء الرومنسيه بختار همر 2007 البندري: لاحول يالبدويه انت على بالك واحد من الشباب اكتبي ضايعه بحضن خويها نواره: توك حبيبها وش غيرها خويها ... اسمعي بكتب "ارسل لاكفخك "عجبك والا كيف البندري بقلة حيله : كيفك ..؟ نواره : يلعن النك.. مهرب بودره البندري: وع .. اسمعي تركي 2000 على باله شاعر المليون نواره: صحيح من تتوقعين الشاعر البندر: انا مع الشمري مزيون نواره: وانتي صادقه بس العتيبي قصايده بعد حلوه البندري: شوفي وش رسل مع وجهه نواره : وش اكيد يقول عني حلوه البندري: لا ههههههه يقول ليه جالسه مع اخوك ...يقصدك انتي نواره: والله مع وجهه ...( تصارخ ) انت هيه مع وجهك البندري: الله يفضحك رفعت شنطتها نواره: اجلسي عشانا عليهم ... ارسلت لهم (( اعزمونا على العشاء ونسجل ارقامكم عندنا وندق الساعه 5 الفجر)) البندري بعد مارجعت جلست :هههههه والله انك ملعونه نواره: اعجبك ... جئها بلوتوث فتحته ... (( اوكيه انتم امروا اي مطعم .. )) البندري ونواره :هههههههههه جد خلوا الشباب يعشونهم وبعدها سحبوا عليهم السيفون ... ******************************* | |||||||||||||
| |
|
08-21-10, 09:28 AM
| #42 | |||||||||||||
| ((لوجين)) بعد ماطلعت من البيت دقت على الجوري ووعدتها تمرها لبيت عمها لوجين بالسياره تفكر تبغى طريقه تشوف فيها مسفر وتبين له حبها يمكن يحس فيها... عند بيت الجوري وبالتحديد داخل سيارة بدر شاف وحده شعرها احمر مره احمر ناري ووجهها ملائكي وعبائيتها ضيقه ومفتوحه ورجولها البيضاء مبينه من تنورتها القصيره ..فتح فمها يحس انه عايش بره السعوديه ... طلعت الجوري من عند المدخل على بالها محد يشوفها : لجو ..لجو لوجين : هاي الجوري: بلبس عبايتي وبجيك لوجين: لا مايحتاج انا بدخل ... اشرت لسايق السعودي يروح بدر لما شاف ان الجوري بالطبيعه احلى من الصور والتصور صمم على اللي بباله اكثر .. بعد ماسلموا على بعض انتبهت الجوري لسيارة بدر ورفت انه هو حست باعصابه تثور ودها تروح له تكفخه وهذا اللي قررت تسويه لو شافته بكره .. اول مادخلوه نوره زوجة عمها ناظرت لوجين من فوق لتحت بانبهار واحتقار واعجاب ..عجبها شكل البنت مره وفكرتها بريطانيا : من هذي الجوري: صاحبتي ..تعالي لوجين الغرفه نوره: لوجين غريبه مسلمه ...وبعدين من قالك دخلي هذي الاشكال من بنات ديرة امك بيتي ... لوجين: هاي .. نوره واللي ثقافتها الانجليزيه على قدها : من هذي الجوري: هذي لوجين راشد الكاسر صاحبتي نوره فتحت عيونها على الاخير : راشد الكاسر بنت المليونير السعودي نواره: ايوه تعالي لجو ماعليك منها نواره وتغيرت ملامح وجهها لطيبه والتسامح : سامحيني يابنتي اللي مايعرفك مايقدر وانا تعرفين مادخل بيتي كفار وفكرتك بريطانيا لوجين: لا اصلا انا مو شايفتك ...يله جور وين غرفتك زوجة عمها انقهرت وحست بنار بجوفها بس هي مو قد الكاسر ... بعد مادخلوا الغرفه :هههههههههههههههههه الجوري: ههههه انتي كذا لوجين : ههههه وشرايك ادبتها اللي ماتربت الجوري تقلد نوره: سامحيني يابنيتي اللي مايعرفك مايثمنك ههههههه بس سمعت الكاسر بلعت حلقها لوجين:ههههههه الخايسه تغيرت ملامحها بسرعه الجوري: المهم ماعليك منها انتي كيفك لوجين: تمام تناظر الشنطه اللي على الارض: متى طيارتك ..؟؟ الجوري: بعد ساعتين لوجين: ونونو بتروح معكم الجوري: البندري قاسمه تقنعها دق جوال الجوري بنغمة هالعيون شلون املها .. سحر ذوبني بغزلها .. بوسه من عندك حبيبي... (( اماني يتصل بك )) لوجين: اسمعي هذي اماني ماحبيتها الجوري: بلعكس حبوبه لوجين مو عاجبها : ردي عليها ردي الجوري: هاي ...انا كويسه وانتي .. لا مالك حق هههههههه تسلمين ياقلبي لا والله مشغوله بكره طيارتي للبنان .. ايوه للمشغل وبتروح معي نواره والبندري اوكيه فرصه سعيده ..مره ثانيه باي بعد ماسكرت ..لوجين بكره: وش كانت تبغي فيك الجوري: كانت عازمتني على بارتي لوجين: انتبهي منها احسها خبيثه الجوري: يالله كانك البندري مسوسوه ..مادري وش فيكم عليها لوجين : المهم جور .. ابغى اشوفه الجور ي بدلاخه : من ...؟؟ لوجين : يعني من (بدلع) مسموسي الجوري : ماقدر انا على مسموسي ..روحي شوفيه لوجين: كيف ..؟؟ الجوري: البندري تقول انه يشتغل بمحل ابوه لللاثاث روحي له لوجين بحماس: والله انك خطيره جبتيها .. الجوري: انتظري بتروحي كذا وهو ماشافك من زمان لوجين : يعني وش اسوي الجوري: تعالي اسنعك بمكياج برتغالي مع لون شعرك اناري لوجين : بس خليه خفيف انها صدفه الجوري: انا الجور والاقر على الله ......... لاتخافي .... وبعدين احمدي ربك الناس تتمنى بس تمر عند توينز وانتي صاحبته بتحطلك لوجين بغرور مصطنع : اوه شكلك نسيتيي اني لافه العالم عند احدث المصففين ************* ((بدر)) بدر: انتي متاكده دانا: ايوه يادوبني مسكره من عندها بدر: بذبحك اذ قصيت تذكره على الفاضي .. دانا : وبشر خويك ان نواره بتروح معها بدر: حلو تذكرتي عليه ..بسكر هاللحين واخر التطورات دقي علي دانا بنفسها : ايوه انا للمصالح والسوالف وهي لها الركض مثل الكلب ... بدر: ياحلوه وين رحتي يله باي مستعجل سكر ودق على طول على طلال طلال: خير ... بدر: افا تكلمني كذا وانا جايب لك خبر بمليون ريال طلال: منك انت خبر حلو ماضن بدر: : والله انه خبر ليطيرك فوق طلال: اوكيه وش عندك بدر: لا ... لازم توعدني قبل ان تذكرت طيارتي طلال: تذكره ليه وين ناوي تهاجر بدر: لبنان طلال: هاللحين كل هالدول السنعه تاركهم ورايح للبنان السعوديه الثانيه من كثر السعوديين والكويتين ... بدر: بعد شسوي الجوري ناويه تروحلها لازم نتبها طلال: الجوري..؟؟ وهذي ماصرلها شهر واسبوعين من رجعت من بريطانيا علشان تهج مره ثانيه ... بدر: حتى خويتك نونو اوه سوري نواره .. معهم طلال: نواره ..؟انت متاكد بدر: مثل اسمي طلال: يابعدي والله بدور ابشر التذكره والفندق بدر: حلو ..كلام رجال طلال والفرحه مو سايعته : كلام رجال سكر طلال من عند بدر يفكر بحبيبته نواره بلبنان يعني في مجال يشوفها يحكي معها ياثقل هالشهر والاسبوع عليه .. ياترى فقدتيني مثل مانا فقدتك يانونو ... ************* ((لوجين)) طلعت لوجين لعند محل مسفر وقفت سيارتها بعيد علشان ماتلفت انتباهه ودورت من بين المحلات لافته باسم ..(( محلات الوضاح لللاثاث المنزلي والمكتبي )) وقفت تناظر الافته وقلبها يدق بسرعه خايفه من مسفر ومن ردة فعله ومن قلبها اللي ممكن يخونها ويعترف بحبها له وقفت شافت مسفر مشمر اكمامه ولابس ثوب.......... وشماغه مرفوع نصه لفوق بطريقه عربجيه ... (( يالله بالثوب شكله عذاب ياحلوه .. قلبي بيوقف منه..اول مره اشوفه بالثوب)) مسفر كان معصب ويصارخ على العمال ينزلون الموكيت بشويش ... لوجين تشجعت ودخلت المحل بعد ماعطاها مسفر ظهره لانه لحد هاللحين مانتبه فيها .. دخلت بهدوء ورزانه و تحس صوت دقات قلبها من قوتهم ان كل المحل سمعهم ... اشرت بايدها بكل نعومه لمصري اللي واقف يستقبل الزباين .. - : اهلا وسهلا تفدلي لوجين وتمثل انها ماتدري ان مسفر هنا : انا جايه ابغى اشتري المحل - مصدوم: ايه المحل بس المحل مش معرود للبيع حدرتك لوجين: كيف مو للبيع بس انا ابغاه - : لحضه حدرتك حند هلك صاحب الميحل لوجين وقلبها زادت دقاته: اوكيه راح المصري لمسفر: هو في ست عايزه تشتري المحل مسفر معصب : اي محل المصري: دا .. انا اولتلها انوا مش للبيع بس هي مصره تشتريه مسفر: يالله انا ناقص بعد .. من وين طالعه هذي..؟ خلاص انت روح وانا بشوفها دق جوال مسفر : الو هلا والله بهالصوت العنود: هلا فيك المصري : هي دي اشر على مكان واقفه فيه لوجين ومعطتهم ظهرها ..مسفر دق قلبه بسرعه ( يالله تشبه لها كثير من كثر ماحبها صرت اتخيلها) العنود: الو وين رحت مسفر وعينه على شبيهة لوجين: اكلمك بعدين سكر بوجه اخته العنود .. ومشى بخطوات بطيئه يتمنى انها تكون هي ..تكون من شغلت باله وحرمته النوم والاكل .. تمنى تكون هي ويملي عيونه بجمالها ... لوجين حست بخطواته تقرب نفس الصوت اللي كان يطلعه ببريطانياصوت مشيته بالجزم المميز نفسه هنا .. بالسعوديه حست بايدها بارده وجسمها يرتجف مسفر بتردد وهدوء: لوسمحتي لفت لوجين ولا كانها تعرف : نعم ..؟ سكتت انها مصدومه مسفر: لوجين....؟؟ لوجين: مسفر.....؟؟ سكتوا اثنينهم وعيونهم تحكي ..الشوق فضاح ..الشوق بعيونهم واضح ... الحب واللهفه واضحه على اشكالهم الصامته ...نبهم صوت المصري: هي دي تال عمرك مسفر ولف وجهه عنها بسرعه وبعدها مالتقت عيونهم : ايوه مصطفى جيب شي تشربه لوجين ... لوجين تناظر بعيد : لا مايحتاج .. انا طالعه بس جيت اشتري ل مشغل الجوري والبندري كم شغله وما مسفر ابتسم و هو يناظر اللي مر بالشارع ويرفع له ايده : حياك الله ..؟ ومانتي طالعه الا تشربين شي .. وطلبك دقايق ويصير جاهز .. (( انا ماصدقت شفتك تبغي تروحي )) لوجين انبسطت بس ثقلت نفسها وهي ترفع شنطتها : لا شكلك مشغول ..( ناظرته من فوق لتحت ) مسفر:هههههه ( انحرج) لزوم الشغل يعدل شماغه وينزل اكمامه لوجين بسرعه: لالالالالا كذا احلى ...( انتبهت لنفسها) اقصد مو لازم ....... اللي يريحك .. مسفر : تعالي .. اجلسي لازم نضيفك ونخلص لك امورك لوجين تستهبل بس طلعتها ببراءه : انتم مين ..؟؟ مسفر ماكان يبغى يفرد نفسه كان يتكلم بصيغة الجمع علشان يغطي على مشاعره اللي فاضحته عيونه : اوه اقصد انا .. لوجين ارفعت عيونها وناظرت بعيونه وقالت بهدوء : مسفر .. مسفر طول الوقت يشغل عينه عنها .. ويتحاشى يناظرها ليه تناديه كذا ليه.. هي عارفه انه مايقوى دلعها او نبرة رجاء منها : ايوه مدت ايدها : ممكن خمس دقايق من وقتك ... مسفر: ايوه تفضلي وهو يطنش ايدها | |||||||||||||
| |
