حصل معاي موقف قبل أيام

بصراحة ما عرفت اقيّم الحدث و هل اخطأت أو لأ

كنت مع اختي بمشوار و مرينا على كافيه من اللي عندهم وجبات جاهزة مغلفة تختار و تروح للمحاسب

و عادة يكون مزدحم و الناس توقف طابور و الأمور تمام

ذاك اليوم على حظنا ما كان في غيرنا

اخترنا الوجبات و العصير و رحنا المحاسب

بهاللحظة يات بنت و بايدها وجبتين و وقفت وراي لانه اختي ابتعدت

المهم الثلاجه بجنب المحاسب مو بعيدة

انا اشتبهت باسم الوجبه المكتوب ع الرف فرجعت خطوة جهة الثلاجة

رجعت الا البنت ماخذة دوري مع انه اغراضنا حاطينهم على طاولة الكاشير

قلت ما عليه تحاسب و تمشي

أثاري عندها طلبات ثانيه واقفة و بتختارهم من الموقع و تسأل و تستفسر المهم طولت

علّقت عليها : كنتي خايفة نعطلك انتي الحين عطلتينا و ابتسمت .. يعني اتغشمر

طلعت الاخت منفسة و قالت : مو مشكلتي انتي اللي تركتي دورك !!

قلتلها : امبله مشكلتك لانه اغراضنا محطوطه و انا ما رحت بعيد !

قالت لا مو مشكلتي قلت امبله مشكلتك و تركتها و طبعا خذت زيادة كم دقيقة على ما خلصت

صار دوري و حاسبت و رحت لاختي على الطاولة اللي اختارتها

و انا اضحك اقولها هالبنية شكلها مو نايمه عدل نفسها خايسه

قالت ليش ؟ قلتلها صار كذا و كذا

و ردت اختي علي : ترى آنا اللي أشرت لها تاخذ الدور :MonTaseR_127:

نععععم !! انا اللي واقفة شكو انتي من بعيد تأشرين

و ليش لماعلقت عليها ما قالت انه هاذي قالت اخذ دورك

و ليش النفسيه الخايسة ترد بهالأسلوب

بعدين قمت افكر

هل انا غلطت و استعجلت بالتعليق

او البنت حساسه بزيادة مع اني علقت و انا مبتسمة ! مع انها صج عطلتني

بس الله وكيلكم ظليت يومين أناشب اختى و قلتلها هالمرة لا تتصرفين من كيفك

و بس


ما عندي سالفة :MonTaseR_59:

الذين يشاهدون محتوى الموضوع الآن : 7 ( الأعضاء 2 والزوار 5)
‏eve, ‏وَتَر


مبارك عليك الشهر يا وتر

ملاحظة شي


بس مادري يتهيأ لي !!!


مو كأنه مساحة الكتابة بالتقييم زادت ؟


صح مديرنا لو يتراوالي :reading:

https://www.raed.net/img?id=688806

عدد مشاهدات لطيف
https://www.raed.net/img?id=688807

و كم لقطة لعدد إعجابات مميز
https://www.raed.net/img?id=688802

https://www.raed.net/img?id=688804

https://www.raed.net/img?id=688805

طبعا الشكر لكم على المتابعة و الإعجاب

و أنتم بخير و صحة و سلامة

تقبل الله صيامكم و طاهتكم :81:

عندما تفهم اللعبة


ستخرج بأقل الخسائر