مانكتمل بأحد .. ومانضيع بدون احد

نسعد من بقى .. وننسى من نسى

احدهم وجوده ليس


كالبقيه

حاتعيش مره

لاتخليها مره

كان ياماكان

ومابقى احد مثل

ماكان

عبارتين _ أعجبتني ♡
الأولى :
" إن خسِرت شيئًا لم تتوقع يومًا أن تخسره، فإن الله سيرزقك شيئًا لم تتوقع يومًا أن تملكه "

الثانية :
" تفاءل عندما تصعب عليك الأمور ،فإن الله تعالى اقسم مرتين ' فإنّ مع العُسر يُسرا ، إنّ مع العُسر يُسرا "

🌺☀🌸صباااح التفاؤل🌸☀🌺

خروفي خروفي

رحت لمستشفى بحدد موعد لعمليه لي
المهم قابلت واحد من زمان عنه موظف بالمستشفى

المهم سلام وكيف الحال .. وشفته متشفق الرجال وهو يسال عني
المهم .. قال ضروري ابي اقابلك .. واصر بشكل كبير على بكره

واعطيته رقمي .. وقلتله والله عندك بقعا ولا ماتصر هالاصرار

قال لاقابلتك بعلمك

المهم .. رحت البيت ويدق علي لاتنسى موعدنا بكره .. قلت ابشر

المهم تواعدنا بمحل معزول عن الناس

وجاب القهوه والشاي وايش الحلى الي يفتح النفس

قلتله والله ياعلمك كبير
قال الحين اعطيك العلوم

المهم وهو يتربع وقال العلم وسلامتك

تعرفت على بنت بالثلاثين .. وهي عرضت علي تتزوجني مسيار
وبتعطيني خمسه ملايين .. ويصقع بفخوذه مبسووووط
ويقول الدنيا انفتحتلي .. ويقول رصيدها بالبنك فوق الخمسين مليون

قلتله ياولد هد شوي شوي على عمرك لايطقبك عرق

قلت طيب المطلوب مني وش .. انا الحين ضايع بالسالفه

قالي ابيك تزبطني وتخليني اخليها تعشقني مو تحبني وبس
قلتله والله اني الحين ماعرف شي .. قال تكفى ويمسك شنبه
ويقول والله لك مليون ونص
قلت دامها فيها ملايين .. ابشر بعزك

وانا اخذ وضعية الاستعداد .. واشمر الثوب

الرجال بيموووووووت من الفرحه

قلتله طيب بشرط .. قال سو الي تبيه

قلت الي اشور لك فيه تسويه

قال ابشر

قلت هي الحين بتتزوجك .. قال ايه .. قلت متى قال لسى ماتفقنى

قلت ارسلت صورتك قال ايه .. قلت وش قالت قال انهبلت

انا هنا شكيت ولعب في عبي الفار ..

وهو يقرقر علي .. قلتله دقيقه فيه شغله بوزنها براسي

جالس افكر بشكله وانها انهبلت عليه .. لان الرجال عادي ومو ذيك الوسامه

تقريبا شبه ركبتي

قلتله طيب .. فيه شي لازم اسويه
قال وش .. قلت بسمع صوتها

وهو يفرصع عيونه فيني .. قال انت مهبول معصي .. قلت ايه

واعطيه كاش .. قلتله ارسلتلها صورتك وانهبلت ماتجي والله ماتجي

قلتله بشيك لايكون واحد يسحب فيك يالهطف .. وهو يجحش شوي

قال لا والله انها بنت .. قلت ادري بس بتاكد لمصلحتك

المهم بالقوه اقنعته

دق وفك السبكر

هلا حياتي كيفك ووش تسويين ومن هالكلام

المهم الصوت يذبح .. بس بحكم اني خليت عيال الحاره كلهم يحبوني
وانا اقلد عليهم .. اكتشفت شي

قلت لخويي بذنه قولها دقايق واكلمك

وانهى المكالمه .. قال .. هاه وش فيه

طبعا بدى التدقيق بكل شي بالحاجات الاساسيه

قلتله عمرها ضحكت معك ضحكه طويله
صنف شوي وقال لا

قلت هيا الحين .. دق واستهبل ابيها تضحك ضحكه طويله

المهم اقنعته ودق

وهو جالس يتكلم تقريبا ربع ساعه .. تركته ووشبيت سجاره وطنشته
وقلتله بصوت عالي كمل ياحب .. وهو ياشرلي رخ صوتك قلت ابشر

المهم قفل الخط وجاني قالي شفيك

قلت جيب اي حجه ابي اكلمها وابارك لها وامدحك شويتين

وزعل علي وقالي والله لو واحد غيرك لاتوطى ببطنه

قلته انا الي بتوطى ببطنك .. وقلتله دق عليها بسرعه

قالي شفيه بالله .. قلتله والله وانا ماعرف شي .. انه شنب
لعب فيك لعب .. تعابير وجهه قتلتني .. خلتني اشرق من الضحك

المهم ويقعد ينفض قالي يعني جالس يسحب فيني وملاين وكذا

قلتله ايون .. بس بتاكد

المهم دق
واعطاني الجوال

وقمت اسلم وابارك وامدحه
واقول انا بجي اشهد معاه

وتراه معطيني مليون ونص

وخويي مدنق وحاط يده على راسه ويصب عرق

هذي زواجة العمر

المهم وانا اجرله صوت ناعم .. قالت ماشاء الله تعرف تقلد صوت بنت
قلت افا عليك .. مثل مانت مسحب بالهطف هذا وتسحب فيه

قلت ياخي سحب فيه خذ بطايق جوالات لكن تصدمه صدمة عمره والله حرام

سكتت شوي

بعدين قالت تدري والله العظيم اني بنت
قلت انا ماعرف شي بحياتي اذا مانت جندي بالحرس تضيع عليه استلامك

وينفرط ضحك ..يوم انفرط ضحك وانا قمت اناقز وافك السبكر
ويقول عزوز كيفك

ومسك الجوال وهو يصب عرق

قال من انت .. قال تخبر يوم سحبت فيني وخليتني احبك
قال فلان والله لاقتلك يا الي فيك ومايخطيك .. انا من قوة الضحك
جالس اضحك بدون صوت
صرت اقوله مباع مباع

اخذ مفاتيح سيارته ويدق سلف ويروح
ترك ثلاجات القهوه والشاي والحلا

انا منصرع من الضحك عمري بحياتي ماضحكت مثل كذا

احس اني طولت بختصر

وادق على خويي قلتله تعال مزبط العلوم
ويجي وانتقهوى ونعين من الله خير


المهم وادق عليه اسبوع مايرد


تعبت وانا اكتب

اكمل بعدين