09-03-15, 09:17 PM
| #7 | |||||||||||
   
|  مساء الخير  معي أخت الله يصلحها .. والله بقول كل شي عنهآ متآكده بتجي تقرا بس ابغاهأ تشوف ردودكم .. أهلكتنآ الله يزوجها بولد الحلآل .. آختي الكبيره بس (مصدر قلق في البيت)  أنت لو أختي لـ جعلتك عبــرة لـغيرك ، لم أرى من قبــل أخت تتحدث عن أختها الكبــرى بهذا الأسلوب الفض مثلك. أختك ينقصها أهتمام و لا تريد الأهتمام من والدتها لأن على حسب ما ورد منك أن والدتكم حفظها الله شخصيتها ليس لها ( تأثير عليكم ), والدتك عليها أن تدعي و تستمر في الدعاء لها و لكم لأن دعاء الوالدين مستجاب. انا اصغر منها ومتزوجه وزوجي فهمني ان فيه وهم ووسوسه تخليك سلبيه وكل شي عندك عين وحسد .. ما شاء الله و زوجك لم يفهمك أيضاً بأن لا تتحدثي عن أمور أسرتك الخاصة و عليك أن تحافظي على أسرارها . ما علينا .. ــــــــــــــــــــ أكثر من يصاب بالأمراض أصحاب الوساوس .. وهذا أبتلاء من الله عز وجل .. على أختك أن تتاكد بأن الله بيده كل شئ . و عليها أن تتوكل على الله وحده .. و تعلم هذا الأمر بيقين ( قل لن يصيبنا الا ما كتب الله لنا .. هو مولانا و على الله فليتوكل المؤمنون.) الواضح أن أختك شخصيتها قوية .. و قوية جدا و الدليل أنها مصدر قلق لديكم .. لكن أظهري لها أهتمامك الصادق من قلب .. ومن المؤكد أنك لم تقصري .. ( و لكن أعطيها قدرها .. ) أسال الله أن يهديها و يصلح شأنها و يرزقها الزوج الصالح .. وأن يبعد عنها كل وسواس .. تحيتي لكم .. و برعاية الرحمن ./ | |||||||||||
| |
|
09-03-15, 09:40 PM
| #8 | |||||||||||
  
|
انا مع تسكعات فكريه يمكن تأخر النصيب او مش لاقيه شيء يشغلها مااحب اطيل بالسرد لكن اعرف وحده كدا موسوسه وصار متل المرض بها بالاخير الكل تحاشاها لدرجه ماتشرب القهوه الا صاحبة البيت تشرب منها واذا مدحها احد مجامله تاخذ من فضلته قدامه صارت فضيحه  ... الله يرحم الوالد ..ترا الوالدين هم ابواب الرحمه بالدنيا دام تقفل باب لاتخسري الثاني وثقي ان رضى ربنا من رضى والديك دعواتي بالغيب لأختك تحياتي | |||||||||||
| |
|
09-03-15, 11:52 PM
| #9 | ||||||||||
  
|
حكايت انها تتقوى وترفع صوتها على امك هذي يبيلها صقعه بقدر ضغط على راسها عشان تتفوق  وتتذكر قول الله عز وجل ( ولاتقل لهما اف ولا تنهرهرهما اما حكاية العين والحسد هذي فيها وسوسه وبالذات من البنات امكن تكون اعراض قولون عصبي لان اعراض القولون العصبي واسالوني انا ببدايتي طلعلي قروووون يوعمك انك فيك سبعه وسبعين جني .. ونهايتها طلع قولون خليها تراجع دكتور كرشه ( باطنه  واحتمال كبير مافيها الا العافيه .. بس القولون اعراضه للي مايعرفها تخليه يتوهم بالعين والحسد والمس مثل ماصارلي اذكر اول ماصابني القولون جبت شيخ يقرى علي انتظر انصرع اقول الحين طولت وانا مانتفضت قالي وش تحس قلت ولا شي اعطاني اسم دكتور ورحتله قلي قولون فخليها تروح دكتور يكشف على كرشتها والله الله بمك .. بكره بيصير فيك مثل ماسويتي فيها | ||||||||||
| |
|
09-04-15, 10:17 AM
| #10 | ||||||||||||||
  
|
اختي انتِ ذكرتي فيها مشكلتين الاولى تعاملها مع امك انصحيها ارسلي لها رسائل عن بر الوالدين ولازم اخت وغيرها انه من اسباب التوفيق في الحياة بر الوالدين ...! اذا انحلت هذة المشكلة بتنصلح اكثر احوالها ! المشكلة الثانية وانا اعرف واحدة مثل حالة اخت واكتشفت في الاخير ان مشكلتها موب عين وحسد فقط لا ! مشكلتها داخلية بس موب لدرجة طبيب نفسي كانت هذة الي اعرفها اذا مرت بظروف عائلية تجي للجامعة وتبكي وضايقة وترقي نفسها وماتخلي اي احد قدامها ماتخبره انه فيها عين ! اذا زانت ظروفها العائلية تتغير شخصيتها ! عزيزتي اختك محتاجة للاحتواء وبالعكس موب قوية بل ضعيفة جدا جدا ياليتك ذاكرة لنا العمر بعد ، يمكنها متاخرة كثير عن الزواج وهذا ياثر عليها نفسياً ! كل الي فيها يحولها فعلاً لطاقة سلبية ! انصيحها او ابحثي عن احد اسلوبه زين يتكلم لها عن حسن الظن بالله وعن الحياة انها ماتتوقف على اشياء اذا فيه اشياء سيئة في حياتك طالعي الجانب الثاني تلاقينه جميل احد يحدثها عن النعم المحاطة بها يحدثها عن السعادة انها تنبع من ذاتك موب من الي حولك ! ثالثاً حتى اخوانك لازم تتكلمين معاهم ويحاولون يتحملونها هذة يتيمة وينظرون انه ممكن بناتهم في يوم يكونون مكانها ! يحاولون يحتونها سفر طلعات عائلية ويتحملونها مزاجها ويحتسبونه ! الله يرزقها بالزوج الصالح الذي يحتويها ويتفهمها ! ودمت بكل خير | ||||||||||||||
| |
