الحمدلله على كل شيء صار بحياتي ، دايماً احمده و اشكره و لا عمري تحلطمت
لاني مؤمنة انه ماراح يصيبنا الا اللي كاتبه ربي ،، و لو تأملت ف حياتي القاها من احسن ما يكون

الله يحبنا ، و لازم نحبه اكثر ، نخلص له اكثر ،،
ممكن اكون اكثر ذنوب من غيري ، و ممكن اكون افضل من غيري ،،
لكن راضيه ، و كل ما رضيت زادني الله رضا ،،




صباحكم رضا ،،

اففف ما بغت الاجازه تخلص
اشتقت للمدرسه اكثر من بنتي ،، و انا اللي اروح اتقضي لها و هي جالسه ف البيت منفّسه خخ
الحمدلله ، اخذوا اجازه طوووووووويله جددددااااً ،، عدت على خير

حتى انا اول مرره ف حياتي اشتاق للدوام ،، مدري ليه


المهم ،،

بكره ان شاءالله ،، راح نرجع للعبة الاختلافات العشرة
http://www.al2la.com/vb/t76201.html


هاه تبونها الساعه ٨ او ١٠ ؟
انتظر رايكم ف التقييم ،،

من مقولات الدكتور ابراهيم الفقي " الله يرحمه"

عيش كل لحظه كأنها آخر لحظه في حياتك ، عيش بحبك لله سبحانه و تعالى
عيش بالحب و قدّر قيمة الحياة


https://www.************/watch?v=s4NlridZsbc


الفيديو جداً رائع ،، كلامه جداً مريح ،

هالفتره انا مدمنه محاضرات الدكتور ابراهيم الفقي " الله يرحمه "
انسان عجيب ، كلامه عقلاني و منطقي ،،

انا قررت بدل ما اسمع شيلات و شعر و فديوهات مالها هدف ،،
اني اخصص في اليوم ساعه او ساعتين اسمع محاضرات عن تطوير الذات و كلام تحفيزي ،،
منها اطور في نفسي و اغيرها ،، عشان احبني اكثر


اليوم ازعجتني بنتي و كنت بضربها ،، بس قلت الضرب ماراح يفيد ،،
عطيتها دفتر صغير اكتب فيه ملاحظاتي و اهدافي اليوميه ،، قلت يالله هذا دفترنا نكتب فيه اللي نبي ،،
و هذي صفحتك اجلسي مع نفسك و اكتبي الاشياء اللي ما تحبينها في نفسك و تبين تغيرينها ،،
بهدوء فكري مع نفسك ،،
المهم جلست تكتب تكتب ،، و عشانها دايم عجوله كل شوي تقول خلصت و انا اقولها كملي ،،
الين وصلت الي ١٢ نقطه ،، كلها سلبيات ،،

قلت لها يالله الحين عرفنا الاخطاء ، لازم نطلع لها حل ، عشان نغيرها ،،
و كتبت لها في الصفحه المقابله ١٢ سطر و رقمتها ،،
قلت كل خطأ اكتبي بسطر واحد كيف تصححين هذا الخطأ ،،
و الصراحه ابهرتني بالحلول ،،
بكذا عرفت الخطأ و عرفت الحل بكل بساطه ،،

و هذي الطريقه تقدرون تطبقونها مع انفسكم ، راح تنبهرون
كل شي مكتوب يرسخ في مخكم اكثر من الكلام في الهوا ،، يعني خلو معكم دايم نوت صغير
و اكتبوا فيه ملاحظاتكم ، اهدافكم و خططكم ،، و بعد انجازاتكم

مو شرط الكل يشوف تصرفاتك غلط ، بس المهم انت تكون مقتنع باللي تسويه ،،
لو كان في حياتك ٧٠٪ مقتنعين و مؤمنين فيك ، هذا يعتبر انجاز ،،
و انا اعتبر نفسي انجزت الـ ٧٠٪ ،، و زياده شويه ،،

و ماراح اسوي نفسي مثاليه ، و اقول ان كل شي فيني تمام ،
لا فيني اخطاء ما تعجبني و لا تعجب احد ، و احاول اني اصحح منها ،،

افكر بـ اشياء كثير بالوقت الحالي ، و احاول ارتبها و اكتبها ع الورق ، عشان اقدر انجز ،
و بنجزها ان شاءالله ،،

احب نفسي ، و احب اللي حولي ، و احتاج اتغير و اغيرهم للافضل طبعاً

http://www.al2la.com/vb/t76115.html

اقتنعت بهذا الموضوع ميه بالميه ،، و حبيت اجرب ،،
من بكره ان شاءالله ، ببتعد عن كل وسائل التواصل و الانترنت بشكل عام ،،
اكثر شيء يعز علي ابتعد عنه هذا المنتدى ،، ما ابالغ اني نص يومي او اكثر في المنتدى ،،

بس لازم اجرب و متحمسه للتجربه ،،

165 .. انتظر مني نتايج هالتجربه ،،

يالله اشوفكم على خير