أبشركم طلت 3 سم :dance9bh:
اي ازددت طولاً



كيف مدري

اليوم رحت اكشف على أذني ، اسمع فيها صوت زي ألهوا
قبل لا اروح الدكتور جلست انظف أذني ساعه

المهم رحت و كشف على أذني و خلص قال ما فيها شي سليمه

فجأة انتقل لخشمي <- ما اتفقنا على كذا ي دكتور
بغيت اقوله دقيقه بتأكد هو نظيف و الا لا خخخخ

و طلعت الحساسيه بخشمي مو أذني
يعني انا اروح عشان شي و يطلع لي شي ،،
المشكله مو هنا ، المشكله ما كنت احس بشي بس قالي حسيت ان خشمي يعورني


مدري وش النهايه معي

تجي نهرب سوى ،

و ننسى من نكون ،

تجي ننسى واقعنا شوي ،

و نرقى للخيال هناك ،

هناك عشنا ،

هناك عشنا احلى الايام ،

و نسينا من نكون ،

مدري وش جابك ي انا القديمه ، كنت مرتاحه من دونك راحة ما تتوقعينها
فجأة اقتحمتي اجوائي و خربتيها ، منك لله ،،

لازم هوشه جديدة عشان نتزاعل ،،
:8:

ستغيب من جديد ،
و تهدأ روحي ، و يكف قلبي عن الخفقان

صباحكم سُكر ،،

قد ايش احنا في نعمة عظيمه ، و قد ايش نغفل نشكر الله عليها ،،

حب الناس لك من اكبر النِعم ، و فرحتهم لك لا تُقدَّر ب ثمن ،،
انهالت على الاتصالات تبارك ، من اعرفه معرفه لصيقه ، و من اعرفهم من بعيد لبعيد
مباركين لي بالمنصب الجديد ،،
و حملت على عاتقي مسؤوليه كبيرة بأن اكون على مقدار الثقه
" تستاهلين هالمكان و بجدارة " تدفعني للأمام و تقديم الافضل


يالله قد ايش كنت مبسوطه ،
مبسوطه بسبب الناس اللي حولي
مبسوطه بالسمعة الطيبه و الذكر الجميل اللي كونته عن نفسي
شكراً يالله على عظيم كرمك


الناس وش تبي من الحياة الا الذكر الطيب ،،
لك و لها نصيحة : اجتهدوا في انفسكم ، عاملوا الناس بحب و عطاء
عاملوهم ب اخلاقكم الطيبة ، عاملوهم بحسن نية و صفاء ،،

و كل هذا بيرجع لكم ، الله ما يضيع تعب احد و لا مجهود احد

لكم مني اصدق اخلاص و عطاء ،، حبيت هالمكان و اكيد انه يحبني
يالله معليش المشاعر جيّاشه اليوم خخخ