يحيا المرور ألي كما البدر لاطل
معه المطر والعود الأزرق بخوره
حل الحلا والزين من وين ماحل
غصن الربيع ايميل بأجمل زهوره
مكحول من خلقة وهو ما تكحل
مثل البدر يضوي على الحي نوره

الوسم

كانها بالمجامل خاطري ما يضيق*
وكانها بالحقايق فيني الصدر ضايق
كلما ضاق صدري وسعته الطريق
أتلقّى هبوب العصر و أصير رايق
من عيون الفرح وأنسام وردٍ رقيق
آخذ الباقة بيمناي و أغلا الوثايق

الوسم

أشره على شعري ألي ما نظم لك قصيد
و الجملة ألي تجي ما أنت بمضمونها
و طول المسافة ليا قالت ديارك بعيد
ما تدري إنك وسط روحي و مكنونها
ولي تجاهل غلاك بخاطري و الرصيد
تفداك نظرة هل النظرات و عيونها

الوسم

عطوها مع طريق الورد وردٌ
وغنوا في القدوم و كرّموها
و أنا بأهدي لها وردٌ بكفي
من الغالي و بالغالي شروها
كفوف الورد ما احلا ملتقاها
و حلاوتها من ألي . قدّموها
و أنا حبي لها ماهو قليل
و هي تدري و لكن ذكّروها
أحب البيت كله و القرايب
و كل الحي و ألي جاوروها
سيبقى بيننا ودٌ و محبة
محبة بُعد للي .. جرّبوها

الوسم

طابت النفس من كثر الزعل التراضي
و أنت تقدر تراضيها و منّك زعلها
كان عندك على الخطة نقد واعتراضي
أعلن الإنسحاب و خل شقراء لهلها

الوسم

فمان الله يا وقت الطرب و الغياب المحشوم
فمان الله يا حيٍ يغيب الشعر باغيابه
مادام إن الشعور يموت أنا بقول يا مرحوم
عسى من يحيي ألي مات يلقى الخير في بابه

الوسم