ترى القدر باقي ما نقص م الغلاء معيار
أحافظ على حجم المحبة و أكبرها
وأقيس المحبة* في عيار الزمن وش صار
و أحافظ عليها لا تغير و أشبّرها
تطير الطيور و طيرك ألي وقع ما طار
يشيل المحبة مثل يوم أنت خابرها

الوسم

يا طيري المرسول ياطير السلام
ود العلوم أللي ينومس زينها
لعيون صافي الخد معسول الكلام
ألي تنقش بالخضاب ايدينها
نكتب عمود الشعر و بيوت الغرام
و نشكّل الوردة مع تلوينها
إن شفتها بالعين وديها السلام
و قبّل لي الراحة مع كفّيينها
و عطها جميلات المعاني والمرام
واختر لها الجزلات و اترك شينها
*أنا خبير و خبرتي فيها* كلام
أخطي وأتوب و توبتي في حينها
و النفس تهوى و الهواوى ما يلام
ناس تلوم أهل الهوى وش دينها
يا نجم يا ألي بالسماء عال المقام
بسألك عن نجم الثريا .. وينها
معشوقةٍ تثير فيّ الأهتمام
تكرم عن التهمة و تسلم عينها

الوسم

رسالة شوق وإعجاب ومحبة
تحررها الهجوس ألي تمنى
تمنى ما توقف دون بابه*
و عند الباب ترتاح و تهنى
تهنى مع هواها ألي تريدة
تريدة حولها منا و منا
تجي منا وروده بالسعادة
وعبير الورد يمشي و يتثنى

الوسم

عطوها مع طريق الورد وردٌ
وغنوا في القدوم و كرّموها
و أنا بأهدي لها بالورد كفي
و تبسطها كفوفي كل أبوها
مادام إنهاملت عمقي محبة
و أنا من حبها حبيت أبوها
و أحب البيت كله والقرايب
و كل الحي و ألي جاوروها
و أنا حبي لها ماهو قليل
و هي تدري و لكن عملّوها
سيبقى بيننا ودٌ و محبة
محبة بُعد للي جربوها

الوسم

رحلت ولا بقى غيرك حكيمٍ يكسب المعروف
رحلت ولا بقى للنفس بعدك من يسليها
يا ليتك من بعد طول الغياب اتمرنا و تشوف
أمانينا على حد السماء والناس ترميها
طموحٍ تجذبه شقر السحاب ألي على المردوف
مع ضوء القمر في ليلة القمرا يحليها

الوسم

لو سألت الليل عنه وش يقول
ما يطيب الليل من دون القمر
ولو سألت الصبح من باب الفضول
قال باقة ورد بأغصان الشجر
ولو سألت الوقت هذا كم يطول
قال بالتخمين يكفيكم شهر
قلت يا وقت العنا لالا تقول
خلنا مع بعضنا طول الدهر

الوسم