‌‎رباهُ إن الروح ترجو رحمةً
تاهَ الطريقُ فيا إلهي دُلّها

ضاقَت بها الدُنيا وبابُك مشرعٌ
إن لم تكن أنتَ المغيثُ فمَن لها؟

لاضاق دربن فيك وش لك بممشاه
جنب طريقه والفيافي عريضه

دربن يوردك المذلة بلاياه
شمس الخيار ولا ظلال الفريضه

الحر لامن ابرق الريش قزاه
عاف الديار وعاف عشه وبيضه

والناس كلن يجذبه ساس مجناه
مثل الشجر لامن تجدد بريضه

رجل اليا زلت بك الرجل تلقاه
حبل النجاة اللي بتوته غليظه

ورجل اللي قلة محايلك تنصاه
عزك يعزه وأنكسارك يغيضه

ورجل بساعات الرخاء جاه ووجاه
لكن بوقت الضيق ماتستعيضه

مثل الغدير اللي حفظ ماه بشتاه
وأهلك ورود في لواهيب قيضه

وللي زعل من خاطره لاترضاه
لاصار ماسويت شين يغيضه

والعفن لاتزعل علي شان فرقاه
تر الردي فرقاه ماهي غميضه

ومادام رزق العبد بيدين مولاه
وش حاجته لأهل القلوب المريضه

الشاعر : يوسف المزيني