‏لاصرت تبغى السعد والخير والفلّه
‏خل اتكالك على الله وازهل الباقي

‏وابعد عن العيب والمنقود والزلّه
‏مثل ابتعاد الترف عن لقمة الشاقي

‏اخلاق الإنسان دين وطبع وجبلّه
‏وحنا بالأخلاق ذا نازل ،، وذا راقي

‏لاتربط اخلاق خلق الله ، بخلق الله
‏الله خلقني وانا اللي كاسب اخلاقي



‏⁧نايف ابا العون⁩

‏بطن الردي ما يمتلي بالمعاريف
‏مهما تسوي فيه من طيب ضايع

‏ما كنه ألا من غروب المغاريف
‏اللي من الشقان ماها ثوايع

‏ماهو كما الطيب زبون التكاليف
‏اللي لمعروفك بقلبه وقايع

‏لو إن معروفك كبر شذرة السيف
‏يشوفه اكبر من جبال الشرايع

‏هذا الذي طيبك معه له تخاليف
‏اللي يرد الطيب لو كان جايع

‏⁧ محمد سالم الطريسي⁩