أشوفك هنا .. بيني وبيني

أشوفك همّ .. أحسك دم ..

أشوفك حزن ...طاف الحزن .. واغتال الحنين ..

أشوفك كلمه وكلمه .. أشوفك دمعتين ..

وأدري تعبتي منك .. قصدي تعبتي مـ السنين ..

وش عاد باقي .. في فضا صدرك ..

وصدري .. من قساوة وقتي الأقشر ... يلين ..

ويتهادى مطر .. مدري ضجر ..

ولا خيوط من السحر .. وأحلام تين ..

تعالي .. وش بعدّ باقي ..على النبض المهيّل بالأنين ..

أجسادنا ماهي .. مادام هلأجساد هي .. فزعات طين ..

تعالي هنا .. بين الكفوف ..أصافح دموعك .. وأغني كلمتين ..
/
\
أيييييه .. انا احبك .. وبس ..!!

‏حي الرفـيق اللي له الـطيـب منهاج
الـلـي لـيا جـيتـه يـضـوي سـراجــه
.
لو ماقضى حاجتك لاصرت محتاج
على الاقل تكـفيك ضحكـة حجـاجه

انتي غيمه فالسما ولا ورده فالتراب
ولا حاجه في سمانا تجي وقت المطر

عقب بطى :-
‏
‏من باب الاعجاب لا تسأل عن اعجابي
‏اسألني تحب ؟ .. بجاوبك : حبيتك
‏
‏اي والله اني عشقتك يا آخر احبابي
‏وصديت عن مجمل الترفات من جيتك
‏
‏في وجه غيرك مسكر عيني وبابي
‏غالي وزاد الغلا يوم اني اغليتك
‏
‏شفني ليا مر طيفك فزت اهدابي
‏وشلون لامن ندهت اسمي ولبيتك ؟

رضاك ..!


الله وش يعني رضاك ..؟


رضاك تفتيت الصخر دمع واشجان
رضاك تمشيط الرمل بيد شايب


رضاك بيع الذات ومسامح اوطان
رضاك طعنة صبر لاصرت غايب


رضاك صمت البحر ومرايةاحزان
رضاك صوت الليل بعيون تايب


رضاك طير وكل مارفَ فرحان
يرجع كسير جروح بيد الهبايب


رضاك غربة والتفاصيل انسان
في دنيته تسوى جميع الحبايب ..!!

‏يازين ما في العيون نعاس ..
‏والقلب مشغول بهمومه
‏.
‏اما معي نطرد الهوجاس ..
‏والا لك النوم وحلومه
‏.
‏هذي نجوم السما جلّاس ..
‏وعيبٍ على العاشق القومه
‏.
‏لاجل الهوى عذبونا الناس ..
‏ومن بيّح السد ما الومه
‏.
‏انفاسنا ما غدت انفاس ..
‏من حرّها دوم مكتومه