‏يا بقـايا الـراحلين اللي رحلتوا عنّا
دمعة الأشواق ما عنها ملاذ وعازل
ㅤ
لو دريتوا وش خذيتوا يا حبايب منّا
ما تركتوا محجر الأعيان دمعِه نازل

وين المرافي .. يابحر .. راح ماراح
_____________ خذ من جروحي .. دام للجرح مينا

عشت الأمرّ ... وعشت سواح سواح
_____________ والجرح يقرانا .... ولو ماقرينا

لا لا .. تقول ... العمر / بيدين فلاح
_____________ الأرض بارت ... والمطر همّ فينا

غربه / تشق الصدر تصنع بالارواح
_____________ سفين .. في بحرك .. ولا تحتوينا

علقتني .. مسباح / مسباح / مسباح
_____________ في كفّ صحرا ... همّها ترتوينا

إما تعال ... وعطّر العمر ... بافراح
_____________ ولا تعال ... نموت من دون مينا....!!