سلااااام 🙋

اليوم تمنيت ان المخلوقات الثانيه غير الا نسان تتكلم

مثل النخله اللي بيتنا صراحه ودي انها تتكلم عشان اسولف معاها

زمان موجوده من عرفت الدنيا وانا اعرفها. ودي انها تتكلم عشان اخذ علومها

وياليت الانسان بعد يقدر ياخذ ويلمس المخلوقات الثانيه

كان أول مخلوق ملكته واخذه .هو..( القمر ).. اخذه إذا اكتمل وصار بدر ياسلاااام
اخذه واحطه بحضني

🤓

وحده لقت زوجها يقرأ كتاب اسمه

( كيف تصبح الأمر الناهي با البيت )


قالت له : 👩

ماشاء الله الحلو صاير يقرأ قصص خيالية

(( ياويله ))

صورة آخر علكة مضغها السير اليكس فيرغسون كمدرب لمانشستر يونايتد، والتي تم بيعها في مزاد بحوالي 515 الف دولار أمريكي ..

(( هذي علكته هو أجل أنا علكتي ماراح تنزل عن مليون دولار ))

بس انا افكر اللي اشترها وش يحس فيه😶 وش شعوره وهو محنطها عنده 😶

الله يكملنا بعقولنا بس

نفسي ادخل مدونتي واكتب اللي يشاهدون الموضوع الأعضاء 500 والزوار 1000 😶
ولا مره دخلت لقيت عضو واحد ولا زاير 😔

المهم عندي قصه 🌝
فيه بنت راحت لخواتها من ابوها .
قالت لهم حطووا علي روج 😗
قالوا لااا نحط بس بشرط 👹
قالت وشو الشرط !!
قالن روحي احذفي امك بالبير ونحط لك روج 💔
راحت البنت قالت لأمها يمه ابغى مااء .
قالت لها امها خذي من الثلاجه قالت البنت مابي ؟!
قالت امها طيب خذي من الحنفيه قالت البنت بعد مابي ؟!
قالت طيب خذي من البراده قالت البنت بعد مابي !!
قالت امها لها من وين تبين قالت ابغى من البير 👺
قالت خلاص وراحت امها تبي تأخذ ماء من البير وحذفتها بنتها وطاحت فيه وماتت 😢

راحت لخواتها قالت يلااا حذفت امي حطوا علي روج 💄
قالن بصوت عالي انقلععععععي انقلعععععي يلي حذفت امها بالبير وطردوها ولا حطوا عليها روج 💔😢
وراحت البنت وحيده بعد امها بالصحراء واكلها الذيب والحقت امها وماتت 💔😢

(هذي من القصص اللي كنا نسمعها صغار 😶))
مدري وش الهدف منها

اللي فهمت لا يضحكن عليك البنات وتسمعين كلامهن

وفيها شن حرب على الخوات من الأبو

المهم آني وقتها حزنت على الأم اللي طاحت بالبير 😭
وحزنت بعد على البنت الخبله 😢

كل هذا عشان روج

وبعدين ماشاء الله الماء متوفر عندهم بالثلاجه والبراده كل مكان فيه ماء

المهم حبيت اسولف بس

إن فــي روحــي حقــولاً ڪثيــرة وأنــتَ يــا اللـه رب المطــر ...