🎼 تۜــرٱتــٻۧــڵ مـخمــڵــٻۧــۭــۃ🎼 - الصفحة 152 - منتديات مسك الغلا

**ŢαŢμαŊα** · 01-12-20, 05:35 PM

ﺃﺷﺒــﺎﻫــــﻚ ﺍﻷﺭﺑـﻌــــــﻮﻥ
ﻟﻴــﺲ ﺑﺎﻟﻀــﺮﻭﺭﺓ ﺃﻥ ﻳﻜﻮﻧــﻮﺍ ﻣﻦ ﺍﻟﺒـﺸـــــﺮ !!
ﺭﺑﻤــﺎ ﻗﺼﻴــــﺪﺓً ;;; ﺃﻭ ﺃﻏﻨﻴــﺔً ﺃﻭ ﻧـﺼــــــﺎً ;;;
ﺃﻭ ﺍﻗﺘﺒــﺎﺳـــــﺎً ;;; ﺃﻭ ﻭﺭﺩﺓً ﻓﻲ ﺭﺑﻴـــﻊ ﻫـﺬﺍ ﺍﻟﻌــﻤــــــﺮ !!!!

**ŢαŢμαŊα** · 01-12-20, 09:14 PM

What Feelings Are Hidden Inside
Their Souls

**ŢαŢμαŊα** · 01-12-20, 09:51 PM

d تـــراتـيــــل مخمـليــــه ≃ التــرتيلـــه الـــــ 24 ــــ ≃ بيـــت الاشبــاح c

بعد سنتين من تخرجي وبآحد الآيام ,, كان عننا مشروع تبليط كامل لشوارع منطقه راقيه ,,, انا وزميلتي المهندسه ومهندس معنا بالمشروع
وقت كنا عم نتمشى بالشارع الرئيسي كرمال نفحص نوعيه التبليط والحدل ، لفتني من بعيد بيت كبير ( دغري تذكرتو ) آآه هيدا البيت المشهور بـــ بيـت الاشبــاح !!

ولانو بطبيعتي انا مغامره وبعشق الآكتشاف ومعرفه اسرار وخبابا القصص والآشيا
((لدرجه مرات بقول لحالي كان لازم صير مفتشه آو مكتشفه !!))
{وللتوضيح بقا المغامره نوعيين ,,, نوع مشوق من باب المعرفه
وفي نوع مؤذي من باب التهور وخطر ع الحياه ,,, وانا بعشق اول نوع وبكره الــ2}

فضولي وحب الإكتشاف دفعوني اني اقرب ع البيت لحتى شوف بقا شو قصتو وشو اسرارو يلي قريت عنن من قبل
ولانو كنا 3 شاورتن بلاول (لآني بطبعي ديمقراطيه وبحب آخد رائي الكل) ،، زميلتي قالت : اي اوك أنا جايه معك
بس المهندس (ضهر عليه الارتباك وحسيت انو مرعوب وخيفان من الاشباح والجن ) قال : انتو روحو بقا واذا صار معكن شي او خفتو دغري دقولي ع موبايلي
هههههههه {وانا قلت في نفسي : بالناقص من هيك مسانده ، آصلا وجودك مآلو عازه !!}

ولما قربنا من البيت ،،، كان قديم وكبير ومجوي ، شبابيكو كلن مكسوره ، الاشجار متشابكه ومخيفه والسواد مخيم ع البيت , بزبط متل الافلام الرعب ,,, ومع كل هيدول المناظر المرعبه مكنت بخاف {بشكر الله يلي عاطيني ثقه كبيره وقلب قوي وشجاع مابخاف الا من خالقي }

وقبل ما دق الباب برمت صوب زميلتي لقيتا حايصه ومصرصعه وخبرتا : هلاء آنتي آكيد جاهزه للمغامره ؟؟!! ولا بتخافي متل البايبيز !!
قالت بتردد : آي آي جاهزه بس انتي فوتي بلاول لمابيفتحو الباب !!
وانا قلتلا بلا ماتقولي : اكيد بدي فوت آول شخص !!

ورنيت الجرس محدا رد ؟؟ لاحظت انو الباب الرئيسي مسكر بقفل كبير ... لمست القفل وسلاسلو دغري طلع صوت عالي ؛؛ سبب نقزه لزميلتي وصرخت وي بسم الله !!
ف انا هون بقا ضحكت وقلتلا : هيدي من آولتا انتي آنقزتي ؟؟! لكان كيف بدك تكملي المشوار وتفوتي معي اذا فتحولنا الباب من جوا ؟ وهي قالت : طالما انتي معي مرح خاف !! ... ورنيت مرتين و3 و4 ومفي رد !!

بعدو لمحنا رجال واقف بالميله ال2 من الشارع وعم يآشر بايدو لآلنا
ف قطع الطريق وعرف عن حالو انو من جيران هالبيت !!
وقال لالنا : اي خدمه ؟!! مين آنتو؟؟ وشو بدكن بهالبيت ؟!!
طبعآ زميلتي وقفت متل الصنم لا صوت ولا حركه ,,, وانا خبرتو : نحنا جايين نزور هالبيت المشهور بانو الجن ساكنينو ,, الرجال بقا انصدم وقال : عنجد انتو عم تحكو ؟!! طب كيف مابتخافو ؟!!

قلتلو : آنو من شو بدنا نخاف ؟!!
الجن مذكور في القرآن الكريم ومنعرف انن موجودين ؟!!
بس بكل صراحه مابضن هالبيت يكون مسكون !! لهيك بدنا نفوت لحتى نتأكد بقا
هوى قال : والله اذا بتفوتو رح تموتو من الرعب !! لان بيقولو كلحدا زار هالبيت ،،، رجع وهوى شبه مجنون !!
وكمل وقال: مرات عم يفتحو البيبان والشبابيك لحالن وبيتسكرو لحالن
مرات وقت بتحظر التيليفيزيون ،،، وفجاتا بيتغيير القناه مندون كونترول ؟!!
ومرات بتشوف الجن جايين بجماعه وفي حدا منن مات والبقيه بيشيلوه

وانا ضحكت ::: وهوى قال يعني مابدك تسدقي هالقصص ؟!!
قلتلو : طب ياعمي حضرتك شفت كل هولى الاشياء بعيونك ؟!! ولا كلو حكاوي الناس
خبرنا : آذا بدكن الحقيقه ,,, ماشفت شي ،،، بس كل الناس هيك بيحكو
وانا قلت لحديت مابشوف بعيوني يلا رح سدق !!
الرجل قال ؛؛؛ بحياتي ماشفت صبايا شجاعات وقوايا متلكن خاصتآ آنتي !!

وبعدو كمان دقينا الجرس بدون رد ,,, والرجال قال: انو مدام محطوط قفل معناتو يلي بيسكن البيت منو موجود ، هوى رجال عندو محل احذيه ، اذا بدكن نطروه ليرجع
وآكيد لان ماضل معنا وقت لننطر ، ف هون نحنا استآذننا منو وشكرناه ع المعلومات

ولانو هيدي القصه كانت علقانه براسي , ((وآنا من النوع يلي عم نبش ع الشي ومابتركو لبينما آعرف كلشي عنو ,,, لآني مولعه بالمعرفه والآحداث والآماكن))
,,, لهيك بقا مكتفيت بهالزياره ، ولقيت حالي لا اراديا تحولت لمتحريه ودورت ع قصه وآسرار هالبيت !!

وبالنهايى بقا عرفت كلشي .... وبزبط متل مابيقول المثل اذا عرف السبب بطل العجب !!
اصحاب البيت الاصليين عايشين باوروبا ، ونزلو اعلان لحتى يبيعو البيت بسعر باهض لانو مساحتو كبيره وواقع بمنطقه كتير راقيه
ف حدا من الورثه بقيان بالبيت هوى واختو وتنيناتن كبار بالعمر ، وتعلقو بالبيت ومكان بدن يتركوه

لهيك طلعو هالخرافه انو في جن ساكن البيت ، وهني عمدا مابيرتبو الحديقه والاشجار ، وكمان مكسرين الآزاز ,,, وبهالطريقه قدرو يطفشو اهم الزبائن يلي كان بدن يشترو البيت
وآغرب شي بالقصه انو لحد زمن طويل ضل البيت بقيان ع حالو ومن فتره قريبه آنباع وآسدلت الستاره ع قصه البيت الغامض والمهجور !!

وتعلمت بقا من هالقصه آنو آذا بدك تتآكد من صحه او كذب اي قصه ... اقوى طريقه انك تواجه هالشي بنفسك مندون ماتعرض حياتك للخطر
وطبعآ هيدي مهمه آصحاب القلوب الشجاعه والواثقين من حالن ، وبيعرفو انو ربنا عطول بحميهن وبيحرسن ,,, بزبط (المغامر) الشخص المناسب يلي بيقدر يلاقي الحلقه المفقوده بالقصه وبيكتشف الحقيقه بنفسو !!

✍....... a تـــاتــيـــانــــــا b

**ŢαŢμαŊα** · 01-13-20, 07:34 PM

**ŢαŢμαŊα** · 01-13-20, 10:24 PM

تـمــنيـات مسـتحيـلــه !!

**ŢαŢμαŊα** · 01-13-20, 11:41 PM

آآميـــــن ,,, يـــــارب العـــالميــــن

\| أصدقاء منتدى مسك الغلا \|
مدونة مسك الغلا	مدونات	خطوط عربية	تحميل خطوط	صور سكرابز	خطوط انجليزية
شات الرياض	شات الرياض الصوتي للجوال		شات حسبتك لي	شات تعب قلبي الصوتي	شات تعب قلبي الكتابي
شات فلة الخليج	شات فلة	شات السعودية	شات جوال	شات جفى	شات قلوب
شات القصيم	شات الغلا	شات الود	شات السعودية للجوال	شات الخليج
شات كتابي	شات سعودي للجوال		شات القروب	شات بنات السعودية	شات حب السعودية
شات شقى	شات جوال	شات للجوال	شات عربي للجوال		شات كرم الشام
شات احساس	شات بنت	شات سعودي		شات تعب قلبي	شات حبي
شات الخليج	شات مملكة الحب	شات بنت السعودية		شات السعودية	شات دلع السعودية
شات سعودي كام	شات فلة الخليج