05-29-20, 09:59 PM
|
#1239 |
| آنثــى من عــالـــم الخيـــال | | | | | | | | | | | | | | | | الهوايه » السفر بين عالم المعرفه وروائع الطبيعه | | | | | | | | | | 
d تـــراتـيــــل مخمـليــــه ≃ الــــــــ 33 ≃ high heels c
متلي متل اكتريه الصبايا بعشق الكعوب العاليه  !!
وباستثناء الاحذيه المخصصه للاشراف ع مشاريعي ... كتير قلال تـــ البوس حذاء رياضي او ربع كعب !!
وبهالخصوص صارو معي كتير قصص بس هلاء رح احكي عن حادثتين طريفتين :::
آول حادثــــه ,,,
كنا برحله انا واهلي لاسطنبول وقبل ما يخلص سفريتنا 
رحنا ع مطعم كتير حلو ( هلاء مبتذكر بقا شو كان اسمو ) هوي كان مطعم بسيط من حيث الديكور ،
بس موقعو كان ستراتيجي وبيطل ع الشارع العام ،وايضا كان داخل حديقه واشجار وجو خرافي
... مو معقول شو بياخدو العقل  !!
وبعد ماخلصنا الاكل واخدنا صور بيعقدو , بيى دفع الفاتوره وقمنا نمشي
حسيت فجاتا شي بيدفشني لورا ... وكأني برج بيزا 
آتاري كعب البوت طار وانا قربت اوقع لورا  ههههه
خبرت اهلي ... دغري بيى ومامتي فطسو ضحك ،،، وقلولي ...بتستاهلي
من بدايه رحلتنا وانتي عم تلبوسي كعب عالي ،،، شفتي كيف بلاخير نزع الجو منك !!
في غارسون اجا وسالني دي مواسيل شو واقع منك  ؟؟ !!
وانا وسط ضحك اهلي وضحكتي قلتلو مفي شي وقع ،،، بس كعب بوتي طار
وسالني عن شكلو ؛؛؛ وانا برمت ع ميله ٢ لحتى اقدر جاوبو
لان ضحك بي ومامتي واخواتي ، مكانو بيخلوني اوقف ضحك واجاوب !!
وقلتلو كعب جلد اسود رفيع طولو 10سم بس منو ضروري ، متعذب حالك ؟!!
قللي ؛ مبيصير هيك رح توقعي
واهلي كانو بيقولو للغارسون بالكوردي ،،، تركها توقع ... تا تبطل تلبوس كعب عالي !!
فجاتا لقينا الغارسون وغارسونين اخريين بيدورو لحديت مالقو الكعب الطاير ، وطلعنا
وحياه الله معرفت بقا كيف وصلت للسياره وانا ماشيه متل الباليرينا 
ودغري رحنا لمول واشتريت بوت جديد كمان جلد اسود وكعب عالي !!
واهلي قالولي ؛ هههههه بعدك ماتبتي ,,, وآنا قلتلن ولا بلاحلام ... مرح آستغني عن high heels  !!
وتاني حادثــــه ،،،
في احد الايام من فصل الربيع كان الجو كتير كتير حلو ،،، وكان عندي موعد بالكوافير يلي منو بعيد عن بيتنا
تقريبا مشوار شي ربع ساعه ،،، فقررت بقا روح للصالون مشيا ...
كنت لابسه فستان اسود دييق وطويل و( متل العاده ) حذاء كعب عالي
ميك اب سيمبل وشعراتي سارحين وطوال .
وكنت عم اتمشي برقة ودلال وانا مبسوطه بالجو والمناظر الحلوه والاشجار والورود ، وناس كتار ع الشارع
و( متل عوايدي ) عطول الابتسامه ع وشي 
وقبل مااوصل صوب محل كبير تبع خبز و باستري ع الميله ال٢ من الشارع
سمعت حدا من المحل بيهتف باعلى صوتو وعم يقول ...{ ياارض احفظي ماعليكي !!}
وحياه الله بعد هالعباره ... دغري وقعت من طولي هههههه
(معرفت بقا هالزلمه دعي لحتى الارض يحفظني ولا يوقعني  !! )
ولما وقعت حسيت باحراج كبير ومتل البايبي حسيت كان بدي ابكي
،،، بس بعدين آستحيت , ومسكت حالي وقلت في نفسي
هلاء صبيه طول بعرض مبيصير تبكي متل الاطفال 
طبعا صوت الوقعه كانت متل القنبله لاني طويله وضخمه (وهديك الوقت كنت 65كيلو هلا 63)
فــــ الناس يلي بالشارع اكتريتن بقا التفتو لحتى يشوفو شو صار !!
ولما جربت اقوم حسيت بوجع في ركبتي اليسرى ,,, فـــ حاولت شوف بقا شو صاير معي لقيت فستاني الجميل مخزق من طرف ركبتي ، وركبتي فيه جرح ودم
رفعت طرف فستاني ت شوف اذا سامح الله عندي كسر بالرجل ولا بس الركبه مجروحه ؟!!
ياطيف !! ... لقيت 20عيون مبحلقين طالعيين من المحل  !!
عصبت وقلت بصوت خفيف ،،، مبيكفي بقا وقعتوني ؟!! هلا كمان عم تبصو  ؟
ف انحرجو من عرفو اني كمشتن وهني عم يبصو  ,,, تنين منن استحو ع دمن واجو ليساعدوني وقالو : خلينا نساعدك تاتقومي ؟؟
قلتلن ، بقدر اقوم لحالي 
قالو ؛ مبدك اي شي
{بقلبي كنت بقول ؛ مبدي غير تحلو عني  ، و فرقوني بريحه طيبه }
وقلت ،،، بدي كاسه مي
والشب ال3 يلي جابلي الماي قال : ياحرام وقعتي ؟!!
رمقتو بنضره غضب واخدت الماي ؛؛؛ وكنت بقول في نفسي :: مش ناقصه الا تنظيرك  ؟!!!
ورجعت بقا للبيت ,,, اختي الطبيبه ضمدتلي الجرح ,,, وتاجل موعد كوافيري للآسبوع يلي بعدو 
ومن هديك الوقت لحديت هلاء ,, بطلت آلبس كعب عالي وقت بيكون عندي مشاوير بالسوق آو بمرق بالشارع ... خلص تبت وبطلت والقصه بلاساس مش حرزان !!
✍............ a تـــاتــيـــانــــــا b 
|
|
|
|
 |
8624Likes
