| آنثــى من عــالـــم الخيـــال | | | | | | | | | | | | | | | | الهوايه » السفر بين عالم المعرفه وروائع الطبيعه | | | | | | | | | | 
d تـــراتـيــــل مخمـليــــه ≃ التــرتيلـــه الــــ 35 ≃ مغـــامــرات الفضــــاء c
مع انو مسلسل غراندايزر قديم (من زمن مامتي وبيي) بس كتير تعلقت فيه من زغري ،،، مراهقتي ،،، ولحديت هلا
ولما شي مره بالصدفه بشوف مقطع من حلقاتو ,,, رح بفوت بنفس الجو وبيغمرني تيار قوي من الشوق والحنين ... طب لشو ؟!!!
لانو دراما كرتونيه (رغم قدمو وبساطتو ) من آروع مايمكن ...
من حيث { القصه ، الحوار ، الرسومات ، المؤثرات الصوتيه ، المشاعر الآنسانيه ، الموسيقى التصويريه ، واهم شي الدبلجه اللبنانيه الممتازه بحيث كل الأصوات كانو مطابقين مع الشخصيات وكانن آشخاص حقيقين مش مجرد كرتون ,,, وفعلا كانت آنمي ع شكل كارتون }
ولانو من زغري كنت معجبه بــــ ❤دوق فليد ❤كـــــ بطل ،،، وفي مراهقتي كـــــــ فارس احلام
وبصراحه لحديت هلاء هوى الشخصيه الكرتونيه الرجاليه الوحيده يلي بعشقو
بتذكر وقت كنت طفله ،،، ع قد اعجابي بكارتون غراندايزر ،،، كنت دونت اسامي جميع ابطال السلسله ،،، واسامي قاده وقائدات فيغا ،،، حتا اسامي وحوش فيغا دونتن في اجندتي الورديه الزغيره
(((هلا لما بكتوب و بتذكر هالذكريات عم اضحك بقا ع هيدي الاوقات !!)))
وآطرف شي وقت كنا زغار ,,, آنا عشقانه دايسكي آختي الزغيره كانت معجبه بـــــــ كوجي ,,, ولحديت هلاء عم نضحك مع بعض آذا حضرنا الكارتون :-
هيا بتقلي ::: دايسكي دونجوان ومفي صبيه الا وطلعت حبيبتو !!
وآنا بقلا ::: كوجي مراهق فاشل و طائش ... وعطول بيحط الدوق بمآزق
وهلاء اكيد بعرف انو ماي هيرو دايسكي مجرد كرتون  ... بس الاحساس بالامان والانبهار يلي عطانياه هالكراكتير من طفولتي بعدو موجوديين في !!
يجوز لانو كان البطل يلي بيحمي اهل الارض وبيسحق الاشرار وبيهتم بلاطفال والنساء ... طبع في عقلي صوره مذهله لالو ،،، واكيد بهاء طلتو ،،، وسامتو ،،، رومنسيتو الن اثر بليغ ... والغموض يلي محوطين شخصيتو كان يجذبك لالو بقوه 
بس اكتر شي : روعه صوتو ،،، نبرات وقوه صوتو ،،، لحن ورومنسية يلي موجودين بصوتو (هون بقصد الدبلجه العربيه بصوت الممثل اللبناني جهاد الاطرش )
وهيدا بيثبت المقوله يلي بتقول : الرجل يعشق من العين والنساء من الآذن !!
والشغلتين يلي ماعجبوني فيه :-
1_كان معجب باكتريه قائدات فيكا والمسكينه هيكارو بتتآلم
2_مع اعجابه الكبير وحبه لهيكارو ،،، بس بلاخير رحل .... وتركها وحيده
مواقف مضحكه :-
~ غيره (دامبي) وخوفه ع (هيكارو) وكلمره يلاحقهن ,,, بوقت (هيكارو) هيا يلي لزقانه بــ (دايسكي)
~ آتصالاتو الفكاهيه مع رجال الفضاء واليوفو وعطول بيوقع من برج المراقبه ويسقط آسنانو
~ الشبه الكبير بين (باندا) جار دامبي ,,, وبين الــ (بوس) رئيس كوجي !!
~ قلب (دايسكي) متل قلب بعض الرجال ,,, بيسع لكل نساء الآرض وكل الكواكب
~ في حلقه (كريكا) متت من الضحك ,, (دوق فليد) بيصفعها وبيقول : آنا آتعامل معك بآحترام !!
~ (كوجي) في البدايه كان معجب بـــ (هيكارو) ,,, وكان كتير بيغار من (دايسكي) ,,, بس آجت (ماريا) آعجب فيها ونسى هيكارو ,,, ومع هيدا (ماريا) كانت بتغار من (هيكارو)
~ نسبتآ لبشاعه قاده فيغا (فيغا الكبير ,,, سيد جاندال ,,, بلاكي وباقي قادات يلي من كوكب فيغا) ... للآمانه زوريل كان آوسمهن !!
والجدير بالذكر .... النسخه العربيه لهالكارتون نجحت نجاح باهر ...
بوقت النسخه الاصليه (اليابانيه ) فشلت ....لانو بنضر اليابانيين كان افشل من سلسلات (المازنجر يلي كوجي كبوتو كان بطلو) الي سبقو (مغامرات الفضاء) ...
واليابانيون رفضو أن يكون عندن بطل آخر بعد كوجي !!
وكمان بدي قول آنو بوقتا هوليود آديش حاولو يقلدو آو يعملو كارتون بمستوى (غراندايزر) فشلو ,,, لآنو خلص الناس مبهوره بمغامرات الفضاء وبتعتبرا النسخه الآصليه والباقي تقليد ونسخ ثانويه
في كتير حلقات وقصص وجعوني بوقت كنت طفله وهلأ شوي ... بذكر منن :
{ الآميره روبينا خطيبه الدوق ,,, موروس صديق طفوله الدوق ,,, المغوار هاروكعاشق الحمام ,,, القائد جوس رجل الذئب الشجاع ,,, زوريل الصغير الآبن البار بـــ آبيه}
واكثر قصه آلمتني .... هيا قصه البارونه ( نايـــدا )
حبيبه الدوق .... وصديقه طفولتو .... وكمان صوت الترجمه العربيه الرائعه للمثله (عايده هلال )
اديش كانت نايدا رائعه ومذهله ... واديش كانت بتحب الدوق وضحت كرمالو !!
بس للاسف نهايتها كانت حزينه ودراماتيكيه .... ودايقني آديش تعذب الدوق كرمالا ...
وضهرت في الحلقه رقم ال25 بعنوان (زهره حب اينعت في العلاء)
✍....... a تـــاتــيـــانــــــا b  |
|
8712Likes
06-09-20, 02:10 PM
