11-27-20, 12:16 PM
|
#1779 |
آنثــى من عــالـــم الخيـــال | | | | | | | | الهوايه » السفر بين عالم المعرفه وروائع الطبيعه | | | | | | 💫 آبـــواب ع عـــالـــم & RORO ... الثــالث عشــر 💫 الباب الثالث عشر ... باقه منوعه من خبريات بيـت العـز (。◕‿◕。)
1- آول مره رحت لقسم الشكاوي ...لحتى غير املاء اسمي ...
وكتبت طلب تغير اسمي من TaTyAnna لـــــ Tatyana...
واذا امكن بالخط الجورجي مع البولت والميلان
فجاوبني جابر باشا (وهو من آشهر مراقبي منتدايا الآول) ... طب مابدك عشاء كمان !!
طبعا فطست ضحك ... واستحيت اجاوب المراقب ... وهربت دغري ع بيت العز
وهون سالوني ... شو فيكي ؟!!وانا خبرتن كلشي ...
بعدين اسامه كمان ضحك وقلي :: والله جابر مافي اهضم منو
هوي امير المرح وكتير بيحب المزح ... وتطمني رح بيغيرلك اسمك !! 2- بتولا وندى ولينو وقت كان بدن يطفشو قصي وعز واسامه من بيت العز
كانو بيجيبولن عروسات خرفانات من المتحف (اعمارن تعدت الـــ 150)
أشهرهن ... ام سيكار ، ام بيسكليته ، ام شعور ، ووحده موميا يدوب طالعه من القبر !!
(نشالله بوقت آخر آذا لقيت صورهن بجوجل رح بحطن)
3- آنس كان ناوي يخطب بنت ثريا (قطه لينو)
يلي اسمها (مشمشه) ... وياسلام لينا اديش كانت بتطلوب طلبات ... لان حسب قولها حفيدتا مشمشه خطابا كتار ... وآنس مشالله عليه صيدلاني
ولحتى يحصل عليها ... لازم يدفع اغلى المهور ويجيبلها كلشي
وماكمل آسبوعين الا وانصدمنا بالخبريه العجيبه ... بــ آنو مشمشه ليست مشمشه وانا مشمش !!
ياعيني ع خي المسكين آنس ... آنصدم صدمه عمرو !!
لينا ... مرات كانت بتنزل صور مشمش ... وبتقول لآنس ... تعا سلم ع مشمش اخو خطيبتك المستقبليه !! وآنس كان بيقلا ... مبدي شوف خلقتو بنوب !!
بيكفي يلي صرفتو عليها قصدي يلي صرفتو عليه والوقت يلي ضعتو !! 4- ندى ونسما ولينو من أكبر المدافعات عن قضايا وحقوق المراه ... وعطول كان بيناتن وبين اسامه قصي وعز ... مناقشات ومناوشات
وآحلا شي البنات كانو بيربحو اكتريه المرات !!
5- مره اجا عزالدين باشا (مساحه قلم) ع البيت وحاطط صوره رجال متوشح بالاسود ...
ويالطيف آديش كان بيشوف حالو بهالرمزيه !!
بس الكل اننقزو من شافو الرمزيه... وصرخوه ::
عز ... من ايمتا صرت داعشي ؟؟!!
وعز قال ... داعش مين يادواعش ... سلامه نظركم ...
هاي صوره كتائب القسام !!
ومع هيدا زنينا فوق راسو لحد ما خليناه يغيير الرمزية !! 6- هيثم اول مايطل ع البيت ... كان بيقول : سلامي للشعب ... ازيكم ياشعبي
ونحنا بنجاوبو ... الشعب بيسال عن الملك الهربان !!
وصحرا كمان ... اول ماتطل ياما تقول ؛؛ اين انتم ياقوم ؟!
او طيط طيط ... ووسعو وسعو لادوسكم بالاوتومبيل الحمراء نتاعي !!
آسامه اول مايفوت ... يقول الموجود يرزع لايك
ووبتولا تجاوبو ... طب نزرع خيارايه ولا طمطمايه !!
7- مرة طلت ع البيت وحده اسمها امينه والاسم التاني مابتذكر شو كان
وكل مشاركاتها كانو بهالشكل :::
قثسمشسمسىمسسييسبعحمتفثسؤرتمموىؤءبيسءؤوززطططظزتوليي ييؤغفببييؤلا
وكننا بنرحب فيها ونسألها وهيا بترد وبتحط آيقونات كلو ضرب وشتم
جشصمشيىصلاسيرسفضؤصسكشسجيصكثبفقسؤ شكيجيجيجج
لحد مابتولا اختنقت منها ... وقالتلا
ايه ... مالك ياامينه ؟؟ خير شو صايرلك !!
وبلاخير المراقبين وقفوها ... لانها كانت محل شك ! 8- قصي كان بيجب لالنا مجموعه رائعه من الآختبارات الشخصيه والنفسيه
تقريبا كل آسبوع او آسبوعين كان في اختبار ...
والكل كان عاجبهن نتائج الاختبارات وكمان آحلى شي خناقات قصي وندى
في بيت العز كان عنا شغله كتير رائعه وهي آنو آي فرد من آفراد البيت آذا نزل موضوع كان بيحط رابطو ,, وباقي آفراد البيت كان بيفوتو ع المواضيع ويدعمو ويشجعو , لهيك عطول مواضيعنا كان الآكثر مشاركه والمشاهده وعطول ع رأس مواضيع الصفحه الآولى
مرات الصبايا كانو بيحطو الروابط باليل ,, وآسامه بيمزح وبيقول : ماعنا بنات تطلع بنصاص الليالي ؟؟
ومافيكم كمان تروحو للملاهي والقهاوي (كان بيقصد قسمي الألعاب والقهوه)
عايزين الناس تقولو عنا آيه وعن بنات عيله العز ؟؟
9- الصبايا القمرات (لينو ,, ندى ,, بتولا ,, ونهلا) عملو عصايه ريا وسكينه
وسمو حالن (ريا ,, سكينه ,, عب عال ,, وحسب الله)
وآحلى شي كانو مسمين آقسام المنتدى بــ تسميات خاصه
متلا : داحس والغبراء = قسم الحوار والمناقشه
الموميا = قسم التآريخ
الملاهي = قسم الآلعاب
القهاوي = قسم القهوه 10- آختيار وسيم المنتدى
احدى الأمسيات قررنا ننقي وسيم المنتدى ... وكل صبيه مشاركه نقت نجم مشهور
وباقي الصبايا ( آسيا ... شهرزاد ... روكسي ... لينو ... روزا ) صوتو ... لمين الأوسم
انا ... نقيت عبدالسلام الزايد
روما ... هشام بهلول
صحرا ... مطرب مغربي اسمو حجيب
ندى ... بوراك اوزجيفيت
نسما ... القيصر كاظم الساهر
بتولا ... محمد حماقي
واهضم شي نهلا ... نقت ختيار كحيان ساقطين كل اسنانو الا سن في اليمين وسن في الشمال ... وقال شو بقا... اسمو (وضاح المحيا) ,, ومش بس هيك ؟؟
كان بدها يربح الاستفتاء بالقوه !! بلاخير ربح النجم المغربي (هشام بهلول) ب3 اصوات (وحده منن صوتي انا) وهو بالفعل يستاهل اللقب
لانو اوسمهن واروعهن ( كاريزماتيك وانا كتير معجبه فيه وبادوارو )
وسلومتي اخد صوت 1 ( شهرزادتي )
والختيار الكحيان تبع نهلا ... اخد صوتين هههههه
ونهولتي ... قالت جملتا الشهيره ( آنا بعترض )
لازم تعيدو الانتخاب من آول وجديد ... لحتى يربح وضاح !!
وآنا قلتلا ... نعيد شو ياعسل ... ماالمسيو يلي نقيتيه من زمان كاتبين آسمو بالعالم التاني ...
وهلا يادوب عايش بوقت بدل ضائع مرح يلحق نعيد التصويت !! ✍................................. تـــاتــيـــانــــــا |
|
|
التعديل الأخير تم بواسطة ŢαŢμαŊα ; 11-27-20 الساعة 01:00 PM |