11-30-20, 01:38 AM
|
#1797 |
| آنثــى من عــالـــم الخيـــال | | | | | | | | | | | | | | | | الهوايه » السفر بين عالم المعرفه وروائع الطبيعه | | | | | | | | | | 
💫 آبـــواب ع عـــالـــم & RORO ... الرابــع عشــر 💫 البـــاب الرابـــع عـشـــر ... العـضـــو المجهـــول بمنتدايا الأول 3 مرات صادفت أكون العضو المجهول
آول مره لما مثلت حالي ,, دوخت كل الأعضاء وتوهتن ببراعه وقربت آخد وسام العضو المجهول يلي كان تصميمو بيعقد !! بس بأخر زمن الحلقه آجت سارا وقدرت بقا تكشفني ,, وهيا يلي ربحت وسام مكتشف العضو المجهول
طبعآ أحلى وأهضم شي بسارونا العسل كانت بتفوت بكل حلقه من حلقات العضو المجهول وبتقول : العضو المجهول هي بانه , تقريبا مرقو اكتر من شي 10 حلقات وهيا بس بتجاوب : بانه , بس بحلقتي أجت أخر واحد ودغري جاوبت وقالت : العضوه المجهوله هيا : تاتيانا
وأنا كنت بشارك بعضويتي الآصليه كمان وحاولت أشوش عليها وأتوهها
وقلتلا : تاتيانا شو ?!! ليكني هون قدامك !!
وفعلا الأعضاء آستغربو من كلام سارونا لأن محدا اتوقع أني كون أنا المجهوله , لأني غيرت طريقتي بالرد والأجابه , وكمان الأعضاء مكانو بيعرفو أشياء خاصه عني , متلا أني بتابع الفوتبول وأفلام الرعب وقياس رجلي 36 (قالو لأنك طويله القامه ماشكينا فيكي آبدا)
تاني مره مثلت في مسابقه (عضو مجهول يمثل نجم مشهور) , آخترت النجمه آليسا ومحدا قدر يكتشفني
كـــ تاتيانا ,, قد ماكان تمويهي بارع ,, مش بس هيك أكتريه الأعضاء فكروني بقا أني (سارا حبيبتي)
خاصتا وقت جاوبت ع أحد أسئلات الأخ (غيث الربيع) وقلت بنهايتو : استنوني رايحه اطعمي الولاد وارجع
وهو قال : هيدي هيا سارا آنا بعرفها رايحه جايه ومشغوله بولادا
بس طبعا كشفو آليسا لأنها النجمه اللبنانيه المشهوره الوحيده يلي ضلت عزبا
وآستمتعت كتير بتالت مره وقت جسدت الملكه العظيمه (كليو باترا)
طبعا جاوبت ع كل آسئلات الأعضاء باللغه الأنجليزيه طوال حلقه المسابقه
بعض الأعضاء آستغربو وكان بيقولو لأسامه (بصفتو أنو منظم ومقدم المسابقه وكان بيعرف هويتي وهويه العضوه المشهوره يلي كنت بمثلها)
أيه يا أسامه أنت جايب وحده خواجايه !! او عضوه من منتدى آخر !! هيا أكيد من منتدانا ?!!
بأحد الأسئله سألني قصي : طب أنتي ليش مابتحكي عربي ?!
وأنا جاوبتو : آذا مكنت عربيه كيف بقدر أحكي باللغه العربيه ?!
فوقتا الأعضاء اتشوشو وقالو : كيف هيك أنتي مش عايشه ببلد عربي !!
جاوبتن وقلت : لأنو مش كل يلي عايشين ببلدان عربيه هم عرب وانا أصولي مش عربيه !!
وقتا فاتت شهرزاد ع الحلقه (وللأمانه هيا معروفه بسرعه ملاحظتها وذكائها الحاد)
وسالتني : أنتي من الزمن ماقبل الأسلام ,, جاوبت نعم
سألت : أنتي من زمن الفراعنه ,, وقلت نعم
وقالت : كنتي أيقونه الجمال والقوه بزمنك ?!
صراحتا خجلت من سؤالها وقلت : بصراحه سؤالك شعرني بخجل شديد بس هيك عم يقولو ?!!
وقتا حزرتني وقالت عرفت أنتي مين ياقمر ؟؟ انتي الملكه الرائعه كليو باترا
وأنا جاوبتا وشكرتا ,,, بعدين مابتذكر مين بقا سآلني سؤال وقال كليوباترا مصريه وآنتي بتحكي آنجلش
وآنا جاوبت وقلت :
I am always proud that I was Egyptian
وآسامه فات وقالي : ونحنا كتير فخورين فيكي ياملكتنا الجميله
وكان بيقصد الملكه كليوباترا ويمكن قصدني أنا كمان لأني ربحت مسابقه ملكه المنتدى !!
للآمانه خلال هالحلقات ال3 أستمتعت كتير بتجسيد الشخصيات الثلاثه وأستمتعت أكتر بحضور ومشاركه أكبر عدد من الأعضاء يلي نورو حلقاتي ال3 يارب يكونو بخير وصحه وين مكانو ✍.............................. تـــاتــيـــانــــــا  |
|
|
|
 |
8616Likes
