آنثــى من عــالـــم الخيـــال | | | | | | | | الهوايه » السفر بين عالم المعرفه وروائع الطبيعه | | | | | | 💫 آبـــواب ع عـــالـــم & ALGHALA ... الثــانــي 💫 البــاب السـابــع عشــر ... جســر بيــن عـالمــي رورو والمسـك
طوال فتره وجودي في رورو (6 سنين) من اوكتوبر 2014 لحد توقف المنتدى اوكتوبر 2020 ...
كان المنتدى نشيط وعامر بلأعضاء في السنوات {2015 , 2016 , ونصف 2017} وبعد منتصف
2017 آصبح المنتدى راكد وشبه مهجور لحد سنه 2018 وزاد الوضع سوء لبينما صار للأسف متل بيت الآشباح ويوميا في عضو واحد او عضوين موجوين مع 280 زوار , لحد ماتم اغلاقو !! طبعا كل الحق ع صاحب المنتديا الآول ونائبو يلي أهملو حال المنتدى , بحجه انن بزنسمان وكانو مهتمين بأشغالن ومشاريعن , مكان عندن وقت ولا أهتمام بالمنتدى , نحنا من بدايه مابلشت رورو بالتراجع والركود بلغناهم بس هني ضربو بالحائط كل ندائاتنا ومبادراتنا لأحياء المنتدى , طوال بقائي برورو ماشفت صاحب المنتدى يشارك الا مره 1 بموضوع 1 ,,, ونائبو كان يضهر بأوقات قليله ومتباعده , أخر شي عملوه انن قامو بترقيه الأعضاء القلال يلي ضلو بالمنتدى
وبعدو طاقم الرقابي غابو بالتدريج والمشرفين كمان , بقينا فيه مجموعه قليله وأنا من ضمنن وكنت بتابع مواضيع أقسامي الـــ 5 وبثبت المواضيع المميزه وبعطيهن أختام (منتديات آقسام حواء)
لحد سنه 2020 بسبب زياده مسؤلياتي بهالمنتدى بجانب الرقابه العامه صرت مسؤوله مسابقات , هيدا غير الفعاليات والمواضيع التفاعليه الجماعيه يلي آخدو وبعدن عم ياخدو كل وقتي
لهيك أنا كمان قلت مشاركاتي برورو مع بدايه السنه , ووقت بفوت كنت بشارك بقسمي الجسور والالعاب وبشكل أكبر بفوت لمدونتي الرائعه الساحره يلي للأسف أنجمدت هونيك وراحو آدراج الرياح كل الأشيا الحلوين فيه مع اغلاق المنتدى , ع فكره كان عنوانو :- ღ ... آטּـثـى من ξـآلم آلخيـــــــآل ... ღ ونقيتلو هيدا الآسم مخصوص لأنو رواد رورو كانو بيقلولي : ماألك مثيل ومميزه وفريده الواحد مبقا يتصور أنك تكوني حقيقيه وكأنك من عالم الخيال !!
وللأمانه هون بهيدا المنتدى كمان مره قالولي نفس الكلام بعباره آخرى : معقوله تكوني بشر متلنا وعايشه معنا ع نفس الكوكب !! ,,, وطبعا مافي حدا كامل مكمل الا الله سبحانه وتعالى ,, ومع هيدا كتير فرحت بكلام رواد رورو والمسك كمان كتير حلو الأحساس بأنك تركتي بصمه جميله وخالده بقلوب وبنظر الناس يلي ضاينتي معن كل هولي السنين وهني مقدرين جهودك وأعمالك وأفكارك ,, برورو 6 سنين وهلأ صرلي سنتين بالمسك ربي يديمها !! بـدايــه تسجيلــي بمنتدى مســك الغــلا
قبل ماقرر أسجل بهالمنتدى الرائع , كنت مقرره مااترك رورو الا بعد مايتم أغلاقه نهائيا (وكتر خير الله أني سجلت هون من سنتين قبل مايغلق) لكان هلأ هول الصدمه عليي أضعاف الأضعاف !!
كتر خير الله أني عملت وطن 2 لحالي (منتدى مسك الغلا) ومملكه تانيه (مدونتي الجميله تراتيل مخمليه) طبعا بشكر الله وبشكر أخواتي الجميلات (عطر الندى وحنين النوارس) يلي كتير دعوني لهالمنتدى الرائع وأصرو ع تسجيلي بوقت كنت رافضه أشارك ب أي موقع 2 غير رورو , وفعلا أثرو عليا وشجعوني اسجل بالمسك قبل ماينتهي أمر رورو للأبد
وصراحتا سمعت كلامن وانا نص مقتنعه (من كتر وفائي وولائي لمنتدايا الآول كنت مفكره أذا سجلت بمنتدى غيرو معناتو أني خنتا ), كان عيني ع رورو وبذات الوقت خيفانه أذا أختفت منتدايا الآول رح أخسر كل اخواتي وصديقاتي العزيزات يلي اتعرفت عليهن بالمنتدى , خاصتا وأنا معندي أي وسيله تواصل اخر يربطني فيهن غير منتدايا الآول لهيك قررت بقا أسجل الحادي عشر من نوفمبر سنه 2018 وبتذكر وقت مافتت كان كل همي أفوت بأسمي وحط رمزيه ع السريع لشبيهتي الموديلز الفارسيه (نهال سلطاني) يلي صورتها تحت
وفتت قبل منتصف الليل بشوي بــــ أسم ( ❣ŢαŢμαŊα❣ ) ولما لقيت حالي موجوده بالمنتدى , رحت اشوف أسامي المتواجدين وع حظي شفت الغاليه نورس موجوده , ف رحت ع بروفايلها كان بدي أبلغها عبر الزوار او الخاص أني سجلت بالمنتدى وهيدي الجديده يلي حاطه صوره نهال هيا أنا !!
وأستغربت أنو مبقا فيي ابعتلا شي , لاحظت خانه التقييم تحت الصوره , رحت اعمللا تقييم كمان مامشي الحال , لأن بعد مشاركاتي ماوصلو ل2 , ف فكرت أروح لقسم موجود فيه نورس وأكتبلا بشي موضوع , وكتبت باحدى مواضيع الملتقى أني جديده بالمنتدى , وبعد شوي شفت النجمه الصفرا تبع التقييم ع طرف اليسار من أعلى , ولما دستا شفت مسج قصير مندون قسم عم يبارك تسجيلي ويقول : اذا انتي تاتيانا أجمل ماخلق ربي سأرقص مواهات !!
ورجعت لقسم الملتقى وخبرتا بنفس الموضوع أنا فعلا تاتيانا ,, ونفس المسا طلو عزيزاتي (عطر الندى وقيثاره) ورحبو بتسجيلي في المنتدى
وشرحولي قصه التقييمات ولازم عدد مشاركاتي يوصلو لــــ 50 مشاركه يلا بقدر شوف إسامي الإعضاء يلي قيموني وإقدر ارد عليهن وابعتلن تقييم أنا كمان وبعد 5 آيام فتحت مدونتي الجميله هيدي(🎼 تۜــرٱتــٻۧــڵ مـخمــڵــٻۧــۭــۃ🎼 ) ونقيتلا آسم تراتيل مخمليه
لأنها فعلا هيك ,, وبتشبهني لآبعد مدى وهيا نسخه مصغره من تاتيانا وبصمتي الخالده بالمنتدى ✍............................... تـــاتــيـــانــــــا |
|