مسالورد وجمعه معطره لعيون كل حبايبي
بتمنى الجميع يكونو بالف خير وصحه
خاصتا ضيوف وزوار مدونتي الرائعيين

هالمره عندي كوكتيل آخبار وقصص مختلفين
خبريه رياضيه حلوه ,,,آضافه جديده للمنتدى,,, عملي الحصري العملاق الخاص بـــ قسم السياحه
وبذات الوقت حزينه ع شهداء مسجد النور في نيوزيلاندا (الله يسكنهم فسيح جناته ويينتقم من المسبب)
وبكرا كمان عننا ذكرى آليمه جدا ... الحمدلله على كل حال !

يالا رح بلش بالخبريه الرياضيه الحلوه وهيا
فوز ناديى المفضلين (البرشلونه واليوفنتوس ) على عملاقين آوروبيين
وصعودهم لدور ال8 من بطوله آبطال آوروبا
ونشالله بيقدمو ماتشات رائعه ومستوى عالي ويصعدو لباقي الآدوار
وعقبال مايلتقو سوا بالفينال :eh_s(21):

وآكيد الفوز كان مجهود جماعي للناديين بس آصحاب الفوز الحقيقيين كانو :-
الآسطوره ليونيل ميسي ,,, والدون كريستيانو رونالدو

~ عملي الجديد هيا حصريه عملاقه في قسم السياحه ... من القلب الى القلب
وآذا الله راد رح بنزل المقدمه و ال part الآول منو مع قدوم الربيع
مع آني (مبحب آمدح شغلي ,,, بس للآمانه مابتصور تلاقو موضوع كامل متكامل متلو ع جوجل) ونشالله بعد مابتشوفو عملي والمجهود والطاقه الكبيرين يلي صرفتن عليه رح تتآكدو بقا من سدق كلامي

~ آما بخصوص الآضافه الجديده ,,, هي آمكانيه منح الختم للمواضيع الحصريه
( قبل كان هالختم حصري بالمنتدى المبدعيين)
بس هلاء بفضل الله وفضل مديرنا , وآجتماعنا وطلبنا نحنا كمراقبين ... قررنا آنو جميع آقسام المنتدى ,,, يلي بيقدمو حصريات ومواضيع مميزه جدا ... رح نقدملن الختم
بس في شرطين ( الختم للمواضيع الجداد ,,, ولمده 3 آيام فقط)

وهلآء آنا مسؤوله عن 10 آقسام ,,, بآذن الله بتابعن وبرد عليهن وبختم المواضيع الحصريه فيهن ,,, وهني :-
جميع آقسام المنتدى الآجتماعي ال6
{ الصحه ,,, مطبخ ,,, ديكور ,,, طفل ,,, آدم ,,, وحواء } + { عالم الحيوانات + قسم الصور}
وقسميى { التآريخ والسياحه}
بتمنى يكون هيدا تحفيز ودعم قوي لكل روادنا المميزيين حتى يقدمو الآفضل

همسه // روادنا الاعزاء رح بخبركن سر .... شخصيا (غير مواضيعي في قسم النقاش)
آنا مآستفدت من هالختم ,,, لآنو وقت قدمت مواضيعي كجهد خاص وحصرياتي حتا مسابقاتي لآقسام المنتدى هالختم مكان موجود لهيك آنتو فيكن تستفيدو بقا من هالفرصه الحلوه .

مسالورد ع الجميع
حابه آحكي عن 3 قصص :-

1- الهديتين الآستثنائيتين
طبعا كنت غنوجه هالمنتدى من 1 مارس لحديت هلآء لآني صاحبه (الرمزيه الوحيده المتحركه) بهالصرح

وكمان شهاده الشكر والتقدير الرائع يلي موجوده بتوقيعي

كانو هديتين كتير سبيشالين لالي آنا وبس ,,, وكنوع من (مكافئه آستثنائيه) لالي وقت مديرنا قام بترقيتي كــــ مراقبه خاصه ع (منصب نجوم المنتدى) نظرا جهودي وخدماتي لاقسام المنتدى كـــ كل وقسم الصحه كــ خاص
ومابخبي عليكن كنت وبعدني كتير فخوره وفرحانه بهالتمييز والحصريه .

وهلاء مع جوايز مسابقاتنا الجديده ,,, الفائزين كمان رح يربحو متل هديتيى السبيشالين
(الف مبروك لالن ,,, آكيد بيستاهلو )

2- مسابقتي الآولي (حواء في عالم نوبل)
هيدي كانت مسابقتي الآولى وكلشي فيه من شغلي وجهدي الخاص ,,, وكنت متآمله انو يلاقي الاهتمام المستحق والمشاركه المرجوه ,,, بس توقعي طلع غلط !!
وهلاء بس باقي 10 آيام ع آنتهائها ,,, آنا مابفكر ابدا بآسباب قله التفاعل لآنو هيدا شي مابيخصني بالمره ,,, آنا يلي عليى آني قدمت شي سبيشال مسابقه معرفيه وفكره راقيه وحصريه جدا لهالمنتدى ,,, وعمولتلا ريكلام كتير مرتب ودعوه خاصه للجميع ,,, مع كل شروحاتي وتوضيحاتي المتقنه في موضوع الاعلان الرسمي ,,, وآديت واجبي ع آكمل وجه ,,, آما القبول وعدمو راجع لرواد هالصرح ,,, وناطره مرور هال10 لآغلق هالباب للآبد .

وهون من واجبي اني اشكر كل عزيزاتي المشتركات فردا فردا ,,,
والشكر الاكبر لصديقاتي من الكوكب الاول (منتدايا السابق) يلي رافقوني من البروكرام الطبي ولحد هالمسابقه ,,, وعطول بيدعمو مواضيعي وحصرياتي بهالمنتدى ,,, وعنجد بيقدرو
المواضيع والفعاليات يلي قدمتن من جهدي الخاص ومن كل قلبي ....
وبدي قلن ::::: كلكن ذوق ربي عطول يوفقكن ويسعدكن ومنتحرم من وجودكن حبيباتي

3- مشاويري الجديده بالمنتدى
وقت صرت مراقبه خاصه ,,, حبيت آقدم آعمال حصريه (وشغل من القلب) لهالمنتدى ولروادو
لهيك فكرت بباقه منوعه من الفعاليات المميزه الابداعيه والمسابقات الحصريه لآكتريه آقسام المنتدى ,,, خاصتا آقسام المنتديات الاجتماعيه ال6 ,,, لآني (كنت وبعدني مشرفه عامه لآقسام منتديات حواء في منتدايا الاول) و already عندي خبره بهالاقسام

,,, وكمان كنت محضره آفكار بخصوص آقسام ( الصور ,,, الحيوانات ,,, التاريخ ,,, والحضاره)
لآني حاليا بشرف ع هالاقسام بشكل خاص ,,, وبشكل عام عندي الرقابه ع المنتدى بالكامل .

بس تآكدت آني آحسن شي ,,, آصرف نظر بالكامل عن فكره مسابقاتي وفعالياتي الجداد ,,,
يلي كنت مجهزه لالن حتا يزينو آقسام المنتدى ,,, وللآمانه ضيعان كلهالجهود والمواهب والحصريات هون ... لآنو آنا وآختياراتي وحصرياتي بوادي ,,, ورواد هالمنتدى وآذواقن في وادي آخر وع كوكب آخر!!
وآنا شخصيا ماآلي لا بالمسابقات الترفيهيه ولا بالشعر والتصاميم ... ,آكيد مرح آقدم شي
مني مقتنعه فيه 1000000%

لهيك رح بحتفظ (فقط لــــ نفسي) بهالآفكار المتبلوره يلي حولت فيهن آفكار آلى مسابقات حقيقيه وفعاليات ملموسه ... ورح بكتفي بمهمه المراقبه والاشراف ع آقسامي الـــ 10
و(متل عوايدي رح بحاول بآذن الله كفي مشاويري الابداعيه ) وبين فتره وفتره آني بمدد آقسام هالصرح بحصريات خاصه ومواضيع عملاقه لالي بيعبرو عن تـتـيــانــا وذوقا وآبداعاتا ولمساتا بهالصرح ,,, ع الاقل مرح يضيعو تعبي وجهودي سدى وآقل شي الزوار رح ينصفوني وهيك رح تزيد نسب مشاهدات المنتدى
وآكيد التوفيق من عند الله وهوى مرح يخذلني آبدا .

.

آنا من الاشخاص يلي عندي جانب فلسفي قوي بشخصيتي ,,, وعندي نظرتي ورؤيتي الخاصه لكل آمور الحياه ,, مش شرط آكون مع رائي الاكتريه ,,, وعطول بعبر بقا عن رائي بكل حريه وقوه ومابخاف من النقد واللوم ,,, فـــ بالنهايه ارائي وآفكاري عم يمثلوني لالي ومش بالضروره يشبهو حدا !!

وهلاء الفلسفه يلي بدي آحكي عنها هيا ... مش شرط آنو النجاح يكون فقط بلانطلاقه للامام !!
مرات النجاح يكون بالطيران للسما ,,, ومرات 2 بالرجوع خطوه لــــ ورا حتى تنطلق من جديد
بكل حماس وقوه (وبزبط متل السهم ) آو (متل آحجار الشطرنج بترجع لورا 1- لتحمي حالك
2- لتطبق خطه جديده لمصلحتك ولازدهارك 3- يمكن تراجعك يكون لدهس الحواجز والعوائق يلي ضروري تتخلص منن لتوصل بقا لــــ آهدافك وطموحاتك )

وبرائي الآهم من النجاح هوى المحافظه ع هالنجاح ,,, صحيح طريق الوصول للمجد والنجاح
مليانه بـــ الاشواك والعوائق وبدن صبر وتخطيط مسبق وآراده فولاذيه ,,,
بس البقاء في الاعالي والقمم بدن مجهودات آضعاف مضاعفه ,,, وبصيره نيره ,,, والاهم
القلب الكبير ورحابه الصدر ,,, يلي بيهونو عليك مراره القدر ومحاربه البشر ,,, وبيخلوك تزغر السلبيات والتدخل والحشور , وتطنش توافه الامور ,,, لتكمل بقا مشاوير حياتك نحو المجد
,,, والمرور عبر المحطات المشعشعه وترك بصمات خالده !!