04-11-19, 09:06 PM
|
#297 |
| آنثــى من عــالـــم الخيـــال | | | | | | | | | | | | | | | | الهوايه » السفر بين عالم المعرفه وروائع الطبيعه | | | | | | | | | | 
d تـــراتـيــــل مخمـليــــه ≃ التـرتيـله الســـادســــه ≃ COCO c
الانيميشن المكسيكي السوبر رائع COCO يلي ربحت جائزتيى أوسكــــار السنه الماضيه
بكل صراحه انيميشن تحفه وربحت جائزتي آفضل فيلم آنيمي وآفضل آغنيه عن جداره .
أحداث الفيلم بيحكي عن حلم الصبي (ميگويل) بأن يصبح ميوزسيان ،،، والعائله بتوقف بوشو ... لانن بيكرهو الموسيقى ... وميگويل مابيعرف شو السبب ؟!! لهيك مابيقتنع بقا بكلام أسرتو وبعد هروبو من البيت ومحاوله مشاركتو في المسابقه الموسيقيه ،،، بيزور مزار المطرب المشهور الراحل (ايرنيستو دي لاكروز) يلي هوى مفكر انو جدو الأكبر لحتى ياخد غيتارو الأبيض ... ومع أول لمسه للغيتار رح ينتقل للعالم الأخر !!
ورح يلتقي ب(أسلافو) أفراد اسرتو القدامى الراحليين ... جدتو الكبرى (جده جدتو)ايميلدا وجدو الأكبر (جد جدتو)هيكتور وخالات واخوال والدو مع جد والدو(خوليو) ... وهني رح يساعدوه ليرجع للعالم الأول (حياه الدنيا) بس في البدايه بيتشرطو عليه ب أن يترك الموسيقى , بعدين يسحبو الشرط .
ولكن بتصاعد الأحداث وأكتشاف الحقائق ،،، (ميگويل) رح يكتشف بآنو جدو الآكبر هوى (هيكتور) مش (آيرنيستو) لهيك ورث عشق الموسيقى ,,, ورح يخبر جدتو الكبرى (ايميلدا)يلي كانت مطربه مشهوره بأن جدو الأكبر الموسيقار(هيكتور) مش تركها هيا وبنتن (كوكو) ،ولكن تم تسميمو من قبل صديقه (ايرنيستو دي لاكروز) ،،، وايرنيستو يسرق كل الحان واغاني هيكتور وكمان غيتارو الابيض وتيابو ،،، ورح يشتهر ع حساب هيكتور المسكين .
ومن ميله تانيه ايميلدا بتفكر انو هيكتور تركها ،،، لهيك بتكره الموسيقى وتزرع هالكره جوات قلوب كل أفراد أسرتها يلي بيجو بعدين ...!!
والجدير بالذكر أنو بطله الفيلم (كوكو) هيا والده جده ميگويل (ايلينا) ، وبنت ايميلدا وهيكتور الوحيده ،،، المسنه يلي بتنسى كلشي ،وبأخر وأهم احداث الفيلم لما ميگويل بيغنيلها اغنيه قديمه
(remember me) يلي قبل كان والد كوكو هيكتور بيغنيلها رح تتذكر كوكو والدها ... ورح تعطي صوره والدها لميگويل لحتى يعلقو ع مزار الموتى و يقدر هيكتور يعبر جسر السكينه يلي الاموات من خلالها بيقدرو يزورو اهاليهن الاحياء.
أكتر الأشيا يلي بهروني بهيدي الانيميشـــن هنــــي :-
1 العائله عطول بتجي في المرتبه الاولى ، وضرورى كل فرد يدافع ويضحى كرمال يضل هالأسره مجتمعين ومتماسكين .
2 التمسك بالحلم والطموحات حتا لو كان زغير أو شغله تافهه وسطحيه بنظر الأخرين .
3 طريقه سرد مقدمه الفيلم المبهره على مناديل ورقيه ,,, والآغنيات الرائعه جدا وكلماتن والحانن المؤثره ( خاصتآ غنيتي ريميبر مي و يــورونـــا) .
4 الحياه الأخرى أو عالم الأخره يلي بيكون هاجس الجميع كيف بيكون تفاصيلو وكيف أشكال الناس هونيك؟!
5 الأشخاص الراحلون أذا أفراد اسرهن الأحياء مابيذكروهن ، ومابيعلقو صورهن ع المزارات ،،، ف الموتى ماراح يقدرو يعبرو جسر السكينه ... ويلي يتم نسيانو بعالمنا رح يتلاشى بالعالم التاني متل حبات الرمل !!
✍....... a تـــاتــيـــانــــــا b  |
|
|
|
 |
8556Likes
