صبــاح الصفــاء والنقــاء على آصحــاب الآرواح النقيـــه

ونـعـــم بــالله سبحــانــه وتعـالــى

قائمـه آفلامـي المفضلـه / الجــــزء الثانــي ... سينمــــا هوليــــود

e~ فئـه آفـلام الرعب والغموض والتراجيديا

32- اِخــرُج ... Get Out



بطوله :
دانيال كالويا ,,, أليسون ويليامز ,,, برادلي ويتفورد ,,, كاثرين كينر ,,,
كيليب جونز ,,, لاكيث ستاينفيلد ,,, واريكا الكسندر

من زغري وأنا معوده تابع أفلام الرعب ،،، وهون قصدي الرعب الحقيقي مش أفلام التخبيصات تبع الدراكيولا والوحوش والخرافات !! ,,, وآنما الرعب يلي بيخلي قلبك يطبل وكل حواسك غاطسه مع الأحداث وعيونك مبقا تفارق الشاشه !!

لهيك من فتره طويله كنت بدور ع فيلم رعب مختلف ومميز وبيحكي عن معاناه حقيقيه،،، لبينما حضرت فيلم ( Get Out ) للمبدع دانيال كاللويا ,,, ولقيت بأنو عنجد فيلم مميز وغير شكل وبرائي ابداع حقيقي من المخرج والكاتب ( جوردان بيل) للنمط الرعب الجديد يلي مابيبني محاورو ع الوحوش والعفاريت والفامبايرز ، وانما ع بشر عاديين في الشكل ولكن جلادين وطواغيت من الداخل ,,, وبيعالج ظاهره العنصريه بشكل معاصر ودرامي وآهم نقطه آكتريه آحداث الفيلم مشوقه وغير متوقعه !!
(وهون الجدير بالذكر انو الحبكه الدراميه للفيلم آستاهلت جائزه الآوسكار يلي آخدتها عن جداره)

قصه الفيلم بيحكي عن مصور شب ذو بشرة سوداء (كريس) بيجمعو علاقه مع صبيه بيضاء (روز) ولما بيسافرو ليتعرفو ع عائله روز يلي متكونه من اب وام واخ وتلاتتن يمتهنون الطب ومن عائله عريقه وثريه جدا ... وهم يرحبون بحفاوه بكريس وايضا يعاملون المدبره وموظفيى المنزل معامله كريمه للغايه !!

ومما يثير استغراب كريس انو (مش بس اهل روز البرجوازيين ) وانما ضيوف واصدقاءهم يلي بيزورو البيت ايضا يعاملون العمال والخدم بلطف بالغ ويتصافحون معن ,,, وفي نفس الوقت يلفت انتباهه لغرابه تصرفات البستاني ومدبره المنزل يلي هني من البشره السوداء ايضا !!

ويتصاعد احداث الفيلم مع وتيره الرعب ومع حبس الأنفاس لما ينكشف الأسرار وحقيقه عائله روز يلي يبحثون عن تحقيق الخلود ,,, ويصطادون الضحايا (بشرط ان يكونو شباب وصبايا ومن البشره السوداء فقط)
بواسطه ابنتهم روز يلي تمثل عليهن دور العاشقه ,,, وتقوم الام بتنويم المغناطيسي للضحيه ,,, حتى بلاخير الاب والاخ يقومو بنقل دماغ الناس البيض الى جسم الضحايا السود ,,, لكي يحققو الخلود للعائلتهم العريقه !! وبهالطريقه مدبره المنزل بتطلع جده روز والبستاني جدها .

والافظع من هيك انن يبيعو باقي الضحايا في مزاد علني للأثرياء البيض المحتاجين لنقل الأعضاء ...
(ويختارون الآشخاص السود لانن آقوى جسمانيا وآكثر جاذبيتآ !!!!)
ولما بيجي الدور ع كريس بيدافع عن نفسو ويتقاتل معهم بشراسه حتى يقدر التخلص من الاطباء ال3 اهل روز وقبل مايهروب , يطلب من روز انو ترافقو ظنا منو انها تورطت , بس هيا بتخبرو الحقيقه وخلال العراك بتنقتل روز واخيرا كريس يهرب ويتخلص من لعنه هالعائله بأعجوبه وبمساعده صديقو الشرطي رود , الذي يخبر كريس بآختفاء مجموعه من الضحايا السود ومن ضمنهم (آنديه) صديق كريس , الذي ينخطف من قبل عائله روز اثناء محاولته الهروب منهم


رؤيتي الخاصه //
بنضري انو فائده ألعاب وآفلام الرعب أنن كتير بيقوو من شخصيه الفرد وبيساعدوه ع أتخاذ القرارات بلاوقات الحاسمه ,,, وعلميا ثبت أنو البشر وقت بيتعرض للخطر رح ينشط جهازو المناعي ،،، اما قوه تركيزو والطريقه خروجو من المأزق بيتضاعف بمقدار 5 اضعاف
هيدا غير أنو بيكسب الفرد خبره لمواجهه بعض خبايا الحياه والاسرار المرعبه , وبيحصل ع قلب كتير قوي , ويستطيع التأقلم مع المصاعب وبيلاقي طريقه سهله للخروج منها .

فصــــول مــن مــدرســــه الحيــــاه !!

آحب وآقرب الآلوان لالي هيا : الآرجواني المشع