صبـــاح القـهـــوة والمـطـــر والدعـــوات المستجــابـــه

وتبقــى الصداقــه من آروع معــانــي الحيـــاه

قائمـه آفلامـي المفضلـه / الجــــزء الثانــي ... سينمــــا هوليــــود

f~ فئـه آفـلام الآنيميشن والكارتون

37- فيرديناند ... FERDINAND



فيرديناند هو فيلم دراما-كوميديا ومغامرة أنتج سنة 2017 من إخراج كارلوس سالدانا ومن إنتاج شركات استديوهات بلو سكاي، و20 سينجري فوكس دافيس إنترتايمنت، ويعتبر هذا الفيلم من أعمال المصارع الشهير جون سينا والحكاية مؤلفة من القصة أو الرواية قصة فيرديناند (The Story of Ferdinand)‏ ويعتبر أيضا من الفيلم السابق فيرديناند الثور ( Ferdinand the Bull)‏.
وقصة الفيلم تشبه تقريبًا مصارعة الثيران ولكن لم يعرض لحظات المصارعة سوى في اللحظات الأخيرة.

القصَّة :-
فِي إسبانيا، كان هناك ثور يدعى فِيردِينَانْد ولد بين الثيران والقوة و لكنه كان رحيماً وطيب القلب ولم يكن يشبههم فقرر الهرب وذهب لمزرعة صغيرة وربته ابنة الفلاح، إلى أن أتى يوم كبر فيه هذا الثور وأصبح ضخمًا، ثم تركوه ليذهبوا إلى السوق لكن عدم صبره أداه إلى المتَاعِب والالتقاء بثيران مصارعة ويصبحوا أصدقاءُهُ ثمَّ يهرب من الحضيرة معهم وبعد مغامرة شيقة، يصلون إلى مزرعة وهكذا عادو ليعيشوا بسلام، فيرديناند هو ثور أسود لطيف، له شعر قليل في رأسه ويمتلك دائرتان بيضوتان تحومان بعينيه، يحب عائلته كثيرا.

طاقم التمثيل :-
جون سينا بدور فيرديناند، الثور
كيت مكينون بدور لوبي
بوبي كانفال بدور فاليينتي
أنتوني أندرسن بدور بونز
بيتون مانينغ بدور غوابو


مقدمتي ورؤيتي الخاصه عن الفيلم :-
عالم الآنيميشن عالم جميل معمول للكبار قبل الزغار ،،، يعرض قدامك حقائق يجوز مخبايه عنك ،،، او واقع بدك تهرب منو ،،، بطريقه رائعه بدون مايأذي مشاعرك ويوصلك لجوهر القصه بأعمق وأبهى المعاني !!
هالمقدمه بشكل عام قصدت بيه فن وعالم الانيميشن ،،، وبشكل خاص قصدت بيه الانيميشن الوجداني الرائع FERDINAND

رحله ثور زغير (فيرديناند) كيف يهروب من مزرعه الثيران casa del toro بعد مايتم قتل والدو من قبل الماتادور ،،، ويصل إلى مزرعه ورود بيملكو الاب (خوان) والابنه (نينا) ،،، وكيف (نينا) بتعتني بـــ (فيرديناند) لحتى يصير ثور عملاق جدا وآديش بيحب يشارك في فيستيفال الورود يلي كل سنه بيشارك فيه مع (خوان ونينا) ،،، وكيف الناس يقبضو ع (فيرديناند) ومابيقتنعو بقا بآنو هالثور الوديع الضخم مختلف ومابيحب القتال ,,, ويرجعوه لمزرعتو السابقه casa del toro ،،، لحتى يواجه البريميرو المتعجرف وهوى مابيعرف اي شي عن القتال ... ومن زغرو ربيان بمزارع الورود ،،، وبيسموه الثور عاشق الورود ،،، وبلاخير يرجع للمزرعه الورود ولصديقتو نينا ،بعد ماينقذ جميع آصدقائه الثيران في casa del toro !!

وبرائي هالأنيميشن بيسلط الضوء ع عده محاور وقصص هامه :-
أولا ... وأهمن (شغله كتير بكرهها في اسبانيا) وهي مصارعه الثيران ،،، ومتل ماانذكر في الفيلم بمدينتي مدريد وسيفيليا ... يعني شو الأستفاده من هالمسخرة أو الحكمه منو ... وهيدول الناس الحمقى بيحرقو مصاريهن ؟ ووقتن كرمال يشوفو كيف يتم تعذيب وقتل هالثيران المساكين ع أيدي الماتادور المجرمين !!
وين الضمير ,,, وين الآنسانية ,,,طب وين بقا رابطه الدفاع عن الحيوانات ؟!! بس شاطرين يهجمو ع المسلمين وقت يذبحو قرابين عيد الاضحى ،،، بس صارو عميانين ومابقا بيشوفو هولى الماتادور شو بيعمولو بهالثيران !!
ليش مابيمنعو هاللعبه السخيفه وليش مابينفذو هالثيران من وحشيه هالمصارعين !!

تانيا ... عندما ينجح الحيوان بتعليم الأنسان كيف يكون أنسانا ؟!!
متلما (فيرديناند) عطى درس للبريميرو ... ومتلما الثور الجريح يلي بسببو بكى الماتادور الاسباني المعتزل (ألفارو مونيرا) وقرر انو يترك هالرياضه المقرفه .
تالتا ... مفي حدا بينولد شرير ،،، البيئة والناس والمجتمع بيدفعو الأكتريه لحتى يكونو وحوش ... بوقت اخطر الأشرار يتخبو تحت عبائة القديسين !!

رابعا ... يعني لو كلياتنا قضينا اوقاتنا في محاربات وخناقات ومعارك مابيخلصو ... طب ايمتا رح نلقى الوقت للمحبه والسلام ؟!! هيدول أيام عمرنا يلي بيطيرو ورا بعض لشو بقا نصرفهن في المنافسات والحروب .
خامسا ... أهميه التعاون والاتفاق بين الأفراد ،،، وتضحيه الفرد كرمال الجماعه او العكس
One for all ... All for one
سادسا ... اذا انسكر كل الابواب بوشك والعتمه طغى ع سماك ،،، ف مابقا تفقد الامل ،،، لانو النور يلي بقلبك رح يضويلك العتمه ،،، ودور حواليك رح تلاقي المخرج حتا لو كان من الشباك !!
والأهم من كلو : آنو فوق في رب كريم حنون عم يرعاك ويحميك

صــوره وحكـايــه :-
ممر أخضر في سنغافورة ، مخصص للحيوانات لتعبر الطريق بأمان !!
((يا هيك العقليه والآبتكار يا بلا !! والآهم حماية الحيوان ))

لآصحــــــاب العقــــول الوضـــــاءة والآفكــــــار البـنـــــــاءة

موضوعي الجديد هيدا سبيشال وغير شكل وخص نص لعيون آعضائنا الكرام :-

آمثلـه كورديـه مع الترجمـه والمقصـود
https://www.al2la.com/vb/t115935.html

حصري ومن ترجمتي وتعبيراتي الخاصه
من خلالها قمت بـــ آستعراض آجمل وآشهر 25 آمثله كورديه
وترجمتن للعربيه ,, وآضفتلن المقصود حسب فهمي ورؤيتي الخاصه
بتمنى ينال آعجاب وآستفاده روادنا وزوارنا الكرام