هو اللون البرتقالي اتغير و لا انا اللي نظري ضعف و شايفة لون تاني 😂

عودة اللون البرتقالي مرة تانية 😂


المهم
كان اليوم اجازة عيد العمال

و في عيدنا بنحب نقول لهم

ربنا يهديكم و يبعد أذاكم عننا

و بالمرة
حسبي الله ونعم الوكيل

بجد احساس انك مظلوم بيبقى سيء جدا

يعني لما حد تاني يغلط و يكون سبب بمشكلة و اللي معاه هما اللي يقعوا بنتايج المشكلة دي اللي حصلت و مكانش ليهم دخل و لا كانوا موجودين من أصله
أما بقى اللي يضحك في الموضوع اللي اتسبب بالمشكلة هربت من الموضوع و خدت اجازة و سابتنا نتحمل أفعالها

يلا ما علينا احنا داخلين خلاص على الشهر الكريم
اللهم بلغنا رمضان

و ربنا يتقبل دعواتنا على الظالمين

مضطر ساعات إنك تضحك ......... و تلون بـ الضحكه مرارك
و تمثل و تصدق نفسك ........... و تصقف آخر مشوارك
مضطر تخاف من جواك ..
لكن كل اللى يشوفك .. يحس بإنك متطمن
مضطر تضحك من براك ..
لكن من جواك .. لا بأس فـ إنك تتألم
محدش هيحس بيك غيرك
فـ بلاش مشاعرك .. تتسمم

منقوووووووووووووووووووول

تقييم من عضوة جميلة من الناس اللي بعزهم هنا

لا الظاهر نظرك ضعيف فعلاً و جداً كمان ���� ، مدري مش شايفة تغيير . . مسائك جميل


بس انا متأكدة من تغيير اللون اكتر من مرة و عودته تاني للبرتقالي
شوفت بعيني محدش قاللي ههههههه

رمضان كريم للجميع و ان قل دخولنا المنتدى لكن اكيد بتمنى للجميع الفرح و تحقيق اللي بيتمنوه

المنظر جميل في الشهر الفضيل بجد
الشوارع المساجد الانوار الزينة الفوانيس كل شيء

صحيح احساسنا مش زي كل مرة مش عارفة ليه
بس ميمنعش سعادتنا و فرحتنا بيه

كان اليوم اول صلاة تراويح
و كمان كام ساعة اول سحور


صراحة أنا ناوية أغيب اول يومين برمضان من الشغل يعني بكرة و بعده

ربنا يقدرنا على الصيام و القيام و رمضان كريم للجميع



بالنسبة لرسائل الزوار
شكر للارسال و التهنئة يا طيبين

قيثارة
سمو المجد
صحورة

و التقييم
شكرا لكل اللي بينورني بالمدونة و بيقيمني بكلام طيب

مش قادرة افتح عيني
غالبا منمتش من امبارح

انام للسحور بقى ان شاء الله
و لو ان ساعتين ميكفوش نوم