صراحة الرجوع للشغل بعد اجازة العيد اللي هى يومين اصلا لأن يوم الجمعة كده كده اجازة 😂
امبارح روحت الشغل و كان يوم متعب جدا لأن مكنتش نايمة غير ساعتين بس قبل الشغل على طول
و انهاردة نفس الحكاية بس يعني نمت 4 ساعات و يمكن اقل

لسة متعودين على نظام و مواعيد رمضان و لسة معرفتش ابرمج نفسي على النظام الجديد ما بعد رمضان و العيد

لكن اللي مرتاحاله فعلا و محسسني بفرق كبير بين قبل رمضان و بعده بصرف النظر عن المواعيد و تعب الشغل.....ان خلاص معاتش فيه تعب المسافة و المواصلات

‏تذكّر دوماً أن تلك المسافة الشاسعة بين واقعك وأمنياتك ، يطويها الله لك بُدعاء .

اللهم أجرنا من حر جهنم

انهاردة الجو كان حر جدا لدرجة حسيت و كأني اخدت ضربة شمس مع اني متحركتش كتير في الشمس و كان معظم تواجدي في الشغل بعيد عن الشمس

الحمد لله على نعمه و رحمته الواسعة و ستره
صراحة مش لاقية كلام غير اني اقول
الحمد لله

و بس

و اشتقنا لهناك و روحنا نتفقد المكان و الذكريات
اخدت جولة هناك بمدونتي و بمشاركات قديمة هناك فيها
و كل مشاركة و ليها ذكرى
بجد اتأثرت و انا بقرأها و خاصة المشاركات اللي مذكور فيها ناس عزيزة عليا غايبين من زمان و افتكرت كتير من الذكريات الحلوة و المواقف اللي متتنسيش معاهم

يارب يكونوا بألف خير

وبس

اه و لقيت الصورة دي كنت حاطاها رمزية قبل كده و لما شوفتها اتمنيت اروح و اقف كده

يوم السبت 😂
انهاردة غيبت من الشغل و قضيت فترة تلصبح للظهر كلها نوم من التعب

كان نفسي يبقى عندنا يوم السبت اجازة رسمية زي باقي الاماكن
كانت هتفرق معايا كتير