سبحان الله
و لا حول و لا قوة إلا بالله العلي العظيم



من رواية
أوبال

الظلم
حاجه بتتكرر حوالينا في كل بيت وفي كل مكان ويفضل سؤال بييجي ف بالنا حتى لو مقولناهوش
هو ازاي الشخص الظالم ده ربنا سايبه كده فين الانتقام اللي دايما بيكلمونا عليه ليه كده عمال يظلم ده وياكل حق ده وعايش حياته وغالبا بيكون حاله زي الفل كمان فبيتسرسب كده للمظلوم احساس ان ربنا مرجعلناش حقنا وغيره وغيره من الظنون




القرآن بيحكيلك عن قصص الاقوام السابقه اللي كانت مدتها مئات الأعوام حصلهم ايه

مثلا قوم عاد جالهم سيدنا هود
يقولهم انتو ازاي رجعتو تعبدوا الاصنام تاني مشوفتوش حصل ايه لقوم نوح!!! وفضل يسايسهم ويفهمهم
هل استجابوا؟؟؟؟؟
اطلاقا زادوا عند وطغيان وكبر وفساد ف الارض
طب ايه علاقه ده بالظلم تعالوا نطبقها على حالنا:
شخص ظالم يجيله ال يقوله ده غلط ميرضيش ربك ازاي تعمل كده حرام بيسمع ؟؟؟؟
لااااا اطلاقا بيزيد عند و تكبر

فتوصل لخطوة 2
اصبناهم بالباساء والضراء يعني ايه
البأساء : كل مايصيب الانسان خارج نفسه بيته يقع فوق دماغه يخسر شغله فلوسه مشروعه يخسر بلاء في ولاده
الضراء : كل مايصيبه في نفسه مرض بقى اكتئاب اي شئ
اللي هو فقر مرض بلاء لعله يفوق ويرجع لربنا
ال بيفوق يبقى اراد الله به خيرا وفهم رسالة ربنا ليه من البلاء يقوم يرجع المظالم لاصحابها ويتوب لله وساعتها اللي بقى يامظلوم حقك رجعلك في الدنيا واراد الله لك التعجيل برد المظالم في الدنيا
طب ولو مفااااقش بقى واعتبرها سنه كونيه بتحصل لكل الناس عادي ومش معناها اي حاجه زي ماعملوا قوم هووود!!!!

الخطوة3
فتحنا عليهم ابواب كل شئ فلوس بقى وصحة وجواز وعربيات واولاد وكل متع الدنيا بتجيله تحت رجليه طب ليه؟
الاجابه: حتى اذا فرحوا بما اوتوا اخذناهم بغتة
طب وده معناه ايه
معناه انه خلاص ربنا عرف انه قلبه اسود ومفيش منه رجا فحب بقى يزودله السيئات ويشغله اوي ويغرقوا في ملذات الدنيا ويحس بقى انه زي الفل و بعدها
ربنا ياخذه اخذ عزيز مقتدر وهو محمل ومطوق في رقبته بحقوق عباد ومظالم وبلاوي وورينا بقى هتعمل ايه
قال فيهم الله سبحانه
فاليوم ننساهم كما نسوا لقاء يومهم هذا
عارف يعني ارحم الراحمين ينساه!!!!

فيا كل مظلوم شايف الدنيا مزهزهه مع اللي ظلمك وشايف نفسك فقير ولا مسجون ولا فشلت في اي شئ اصبرر
مش انت مؤمن بالله وكتابه ابشر حقك في رقبة اللي ظلمك وهتشوفه بعينك وتقتص منه على قنطرة الحقوق هيتمنى انه حتى يدخل النار بس ينتهي من وقفته البشعة المذلة عليها وهو بيتفضح ويتحاسب على مظلمتك

اما والله ان الظلم شؤم ..... ومازال الظلوم هو الملوم
إلى ديان يوم الدين نمضي... وعند الله تجتمع الخصوم
ستعلم في المعاد اذا التقينا .... غدا عند المليك من الظلوم


منقوول
مما اعجبني و راق لي

اللهم لا تجعلنا من الظالمين

هههههههه
عمري ما قريت له حاجة كاملة
بس يمكن شوية اقتباسات بسيطة

ايه تعب الاعصاب ده 😂😂😂😂

من رواية
امانوس

المهم ان فيه اجازة
😂😂😂😂😂