من كتر الحوادث اللي بتحصل عندنا معاتش بتكلم و لا بكتب عنها

عن حادث انفجار سيارة أمام معهد الأورام

الغريبة ان الناس سابت المأساة بتاع الانفجار و بيرموا اتهامات على بعض اقصد كجماعات سياسية
المهم ربنا يرحم شهدائنا في كل مكان و زمان
اللهم نستودعك انفسنا و اهلنا و بلادنا

المهم

اسبوع العيد و الحمد لله هيتاخد كله اجازة


كان قبل كده بناخد اجازة العيد يوم الوقفة و 3 أيام بس من عيد الاضحى اما رابع يوم فكان المفروض فيه شغل..لكن انا طبعا كنت بغيبه و اخد اجازة
كنت ناوية اعمل كده اسبوع العيد الجاي ده

لكن الحمد لله جت من عندهم و ده شيء نادر انه يجي من ناحيتهم حاجة كويسة 😂
و عطونا رابع يوم العيد اجازة من عندهم
اما الخميس عطوهولنا اجازة كمان بس ده بقى هيخصموه من اجازتنا احنا
المهم انه اسبوع كامل اجازة ان شاء الله.. و الحمد لله 😏

معبرة جدا
فعلا كتير بنضحك و نتفاعل و نتكلم في محيط شغلنا و مع الاقارب لكن جوانا ربنا هو اللي عالم بيه
بنحارب فعلا اننا نداري اوجاعنا و مشاكلنا فنظهر قدام الناس مبسوطين و حياتنا تمام و في الحقيقة شيء تاني
المشكلة بقى الناس الغريبة اللي رغم اللي فينا يحسدونا على الضحكة اللي من ورا القلب

جمعة مباركة ع الجميع

عيد اضحى مبارك
ان شاء الله يكون اسبوع خير و اجازة سعيدة للجميع

جميلة تكبيرات العيد و جو العيد رغم أي شيء

لبيك ربي وإن لم أكن بين الزحام ملبيا
لبيك ربي وإن لم أكن بين الحجيج ساعيا
لبيك وإن لم أكن بين عبادك داعيا
لبيك وإن لم أكن بين الصفوف مصليا

عيد اضحى مبارك و سعيد على الجميع