لما تكون قرأت حاجة حلوة جدا سواء رواية او كتاب و مش قادر تخرج منها

حصلتلي زي ماقلت قبل كده بسلسة مملكة البلاغة
(ايكادوللي -أوبال- أمانوس)
و منتظرة الجزء الرابع منها ان شاء الله

و كالمعتاد
بنحقق انجازات حلوة في ألعاب غير كرة القدم و مع ذلك ألعاب كتير مش واخدة حقها و لا بيجهزوا ليها التجهيزات اللازمة
مع ان اللاعبين و اللاعبات دووول تعبوا جدا و بذلوا مجهود كبير رغم قلة الموارد و الفلوس و الامكانيات و رغم كل ده هما اللي بيجيبوا الميداليات و بيرفعوا علم مصر في الخارج و في اهم اابطولات

يلا يعني هى جت على دي
خلينا ساكتين احسن
ادخل انام بدل هلوسة ما قبل النوم

على قد ما كنت مضغوطة اليوم في الشغل و مرهقة من كتره و شوية مشاكل بقالها فترة و شكلها مستمرة
بس الوقت مبسوطة جدا بوجود حبيب قلبي ابن اخويا

وجوده بيعطي للحياة طعم تاني
😍😍😍😍😍😍

جمعة مباركة ع الجميع

اجازة سعيدة
كمان بكرة هيكون اجازة رسمية بمناسبة رأس السنة الهجرية
كل عام و الجميع بخير

طبعا مبسوطة بالاجازة😂
و الحمد لله انهم معملوش زي قبل كده و لما تكون فيه اجازة السبت كانوا بيخلوها الاحد عشان الناس اللي عندها اجازة السبت
يا سلام هههه يعني ياخدوا اجازة السبت و الاحد ده غير الجمعة و احنا ناخد الاحد مكان السبت عشان خاطرهم 😏
بس كويس معملوش كده المرة دي

الصيف طول معانا اوي
شهر 8 كمان طول اوي 😂 رغم انه كان فيه اجازة العيد بس حسيته طويل زيادة عن اللزوم

اعتقد اصعب شهرين مروا عليا لغاية الوقت السنة دي كانوا 7 و 8

فعلا