جمعة مباركة ع الجميع

يوم جميل مفيش اجمل من تواجد طفل معاك تلعب معاه و تنسى اي هموم

💗💗💗💗💗💗

كمان الجو انهاردة جميل جدا يمكن قبل صلاة الجمعة كان حر شوية بس بعد كده اتحسن و الوقت لا هو حر و لا هو برد
يا سلام على جمال الخريف

في ناس بسيطة أوي في تصرفاتها وكلامها مهما كان مستوى تعليمها ومستواها المادي، ناس مبتعرفش تداري ولا تخبي حاجة في وسط كلامها
واخدين الأمور ببساطة و تلقائية و بيكرهوا التعقيد و الكلام المتداري اللي أصلا مش بيفهموه.
و ميعرفوش حاجة عن نظريات المؤامرة و الحقد المستخبي في الكلام و ملهومش دعوة بحد و لا مين عمل و لا مين سوى ، بيسامحوا بسرعة وببساطة شديدة.
دوول بتفرق معاهم أوي الكلمة الحلوة ، تفرق معاهم ابتسامتك و انت بتسمع كلامهم ، جبر خاطرهم بكلمتين يطلعهم سابع سما.

الناس دي حبها صافي اوي ، مش بيستنوا حاجة غير الرضا و الضحكة و الكلمة الحلوة
لو قابلتوا في حياتكم حد منهم بلاش تظلموهم بسوء ظن لأن ده بيموتهم.


منقووول
مما اعجبني

ضعيف هو الإنسان وهو أكثر ضعفا حين يتظاهر بالقوة

عودة لفيلم الممر

قبل ما اتفرج عليه كنت فاكراه عن حرب اكتوبر لكن كانت احداثه عن عملية من عمليات حرب الاستنزاف

الفيلم حلو لكن حسيته كان المفروض يكون افضل من كده و اقوى على اساس كان معمول له ميزانية ضخمة و على اساس من زمان عن افلام اللي من النوعية دي اللي بتتكلم عن فترة حرب الاستنزاف اللي بين هزيمة 1967 و نصر اكتوبر



على اساس ان البطل هو احمد عز
بس والله كتمثيل عجبني تمثيل إياد نصار جدا كان متقمص دور الظابط الاسرائيلي بشكل كبير و كمان شبهه خالص😂
اصلا بحب تمثيل إياد نصار و كمان بحب اسمه 💗

اما احمد عز اعتقد كان الدور محتاج حد اقوى منه بالتمثيل في دور زي ده
كان تمثيل الممثلين اللي جايين بدور الجنود اقوى منه

احمد فلوكس كان دوره برضه رائع





اما عن الجنود
كان كتير منهم رائعين



عجبني اكتر محمد فراج كممثل صراحة رائع
و دور اللي عمله كان رائع و فيه رسايل جميلة

اقوى تعبير اتقال منه هو:

يا فندم مش المهم اني اوقع طيارة ولا اتنين المهم ان اللي في الطيارة يكون شافني وانا واقف قدامه مخايفشي وهيروح يبلغ زمايله إن المصريين مش جُبنا واقفين مستنينا ومش هايبينا وده سلونا في الصعيد سعادتك تقف لغريمك عينك في عينه ويبقي عارف انك هتاخد بتارك منه مهما عدت الايام


بصرف النظر يعني عن حالنا بالوقت الحاضر؟؟؟؟!!!!!!



فرحانة اللي قامت بتمثيل دورها الممثلة اسماء ابو اليزيد
حقيقة شخصية الفتاة البدوية الشجاعة التي ظهرت في فيلم “الممر” وهل هي شخص حقيقية أم نسج خيال


هي فرحانة حسين سلامه الهشة.. فدائيه سيناويه تدربت علي الاعمال الفدائيه من قبل المخابرات وفجرت قطار بضائع للإحتلال في اول عمليه لها .

فرحانة حسين، إحدى السيدات البدويات اللاتي شاركن في تنفيذ عمليات ضد قوات جيش الاحتلال الإسرائيلي، أثناء فترة احتلال سيناء.

كرم الرئيس الراحل أنور السادات السيدة فرحانة بعد انتهاء حرب أكتوبر وأعطاها وسام الشجاعة من الدرجة الأولي ونوط الجمهورية

We do not remember days
We remember moments