السسسلام عليكم ورحمة الله وبركااته.


يسسعد أوقاتكم بكل خير يارب

الثلاثاء
11:11 ص
17-6-1441هـ

جيت بعد غطسه << حمدلله ماغرقت
رجعت سماجتي مليون

صراحة دوامي خفايف هالترم بس هو الاثنين الي منجلدة صدق



<< وغيروا لي كمان فيه يعني الاحد حطوا لي محاضرة من الاربعاء
والاربعاء يصير محاضرة وحدة
يعني ثلاثا اربعا خميس دوام ملوك

المهم والله مشواري طويل

لي فترة افكر اقولكم ع مواقف صراحة عجزت اصنفها
<< اقصد من كتر م تجلط يعني

طيب اقولكم ايام كان عمري 13 اولى متوسط كنت "ش ي ط ا ن ة"
بالذات ف السمستر الاول صراحة بعدها عقلت بس مو داك العقل مازال فيني خبال ليومكم وانتو شاهدين ع هالشي

المهم فوق هالخبال كنت خوافة بشكل مو طبيعي
تخيلو كل شويتين ابكي وقسسم بالله ودي ادبحني ع عباطتي
يعني مرة مجموعة من بنات تالت تعرفوا الكبار يتقووا ع الصغار
<< ياحليلي كنت خبيلة
المهم وحددود 4 بنات كانوا ويلحقوا ورايا بطريقة ملفتة للانتباه واختكم ف الله بدل م تستفسر راحت فصلها وجلست ورى اخر الكراسي وقعدت تبكي
<< ماقولكم مدلعة
صحباتي الله يذكرهم بالخير كانو 2 بس
شافوني وانا اهرب ولحقوني وانصدموا ليه تبكي وو
قلتلهم باختصار قاموا فطسوا ضحك
ههههههههههههههههههههههه ويمين بالله مالومهم
المهم يوم عرفت السالفه من بنات تالت مع المرشدة
قالت وحده منهم ي ابله صحباتي قالوا فيه وحده ف اولى تشبهك وحبيت اشوف شبيهتي
...!
ااخ بسس ليتني اقدر اشوفهم تاني لافقع وجيههم والله

المهم اجيكم وعمري 15 يعني اخر المتوسط
كنت خلاص مكونة صحبة مع كل طاقم التعليم
مديرة مرشدة ومعلمات وصحبات << ماعرفتني اجتماعيه صراحة
المهم غبت ف يوم بسبب ارتفاع درجة حرارتي
وداك اليوم صارلي موقف
ولمن داومت اليوم الي بعدوا رحت مكتب الملعمات اكلم معلمة التفسير
وقالت لي سلامات ليه غايبة ؟
<< ع ماعتقد كان عندنا اختبار يوم غبت
المهم واقولها السالفه // وانا احكيها اشوف مكتب المعلمات صار هادي ويوم خلصت اسمع ضحك بعضهم
يااااااااووويلي يالاحراج

تخيلوا اقولها والله ي ابله قمت وجهزت وكنت ناوية اداوم لكن الحرارة لاعبة ف حسبتي
والي خلا امي تكتشف وتمنعني
قالت لي صبي شاهي لاخوانك
طبعا نصب الشاهي والكوب مفتوح ع وجهوا صح .؟
انا الي سويتوا ان الكوب كان جاهز اصب فيه لكني قلبتو وصبيت والله لايوريكم الحوسة
ههههههههههههههههههه
قايلة لكم من يومي فهاوة ..

<< فوق فهاوتي دي اخدت طالبة مثالية ع المتوسطة

احسني طولت تصدقوا ..؟

بس خلني احكيكم كمان شغلة لليوم منجلطة منها
هي تخص تخصص الرياضيات صراحة شويتين مو داك الزود

الزبدة ف اولى ثانوي كنت ف نظام المقررات
الي هو خطتين فيه وكل ترم اخد خطة
ف الترم الاول اخدت خطة الكيميا والترم التاني الفيزيا
<< دا الي افرق فيه صراحة
المهم ايام النهائي او قبل النهائي باسببوع يحددولنا مواعيد الاختبارات وكده
المهم سوو مقترح اول للجدول وكانو حاطين اول يوم اختبار كيميا
والاحد من الاسبوع التاني اختبار رياضيات حلو..؟
اختكم ف الله م كانت تتواصل مع احد خير بشر
وخلاص الوالد قال دام اخدتي الجدول مالوا داعي تداوميي
هنا سكتت انا لان الاعتراض لايجدي نفعاْ.
عدا الاسبوع الميت ع قولهم وانا خلاص ختمت مواد الاسبوع الاول الي هي 3 مواد
احد وثلاثا وخميس

جا يوم الاحد وانا خلاص معتمدة ع الكيميا
ودخلت المدرسة واسلم ع صحباتي وكيفك وكيف الدراسة كلو حلو ..
اجي اقولهم بنات ها كيف الكيميا معاكم ..؟
اشوفهم يبحلقوا فيني كده<< طبعا مو كده بس اقرب تعبير
وبعدين اطالع ف اياديهم القى الكل ماسك " رياضيات"
هنا انا وجهي الي انقلب
حقيقي حقيقي قمت اضحك واضحك اقول لاتمزحوا بالله
يقولوا من جدك زاكرتي كيميا ..؟
والرياضيات .؟
قلتلهم والله مااافتحتوا ابببد قلت الويكند الجي امسكوا
قالت لي صحبتي روحي للابلة قوليلها طيب
قلت ايش باستفيد..؟
قالت جربي او روحي للوكيله ع الاقل
المهم ويدق الجرس وانا اجري لغرففة المعلمات
اصبح ع ابلتي واقولها كده كده كده
قالت بالله من جدك..؟
قلتلها والله دا الصدق
قالت ولا فتحتي راجعتي ملخص شي منا منا ابد
قلت الكتاب ماخرج من الشنطة
طالعت فيني شوي وقالت طيب كلمي الوكيلة او ادخلي القاعه وسمي باللهه
قلت ف نفسي دام الدعوة كده ي بنت مالك غير تدرعمي وتختبري

وفعلا والله دخلت القاعه وسميت بالله ووزعوا الورق
كتبت اسمي وجيت باقلب الورقة الا واسمع اسمي
ارفع راسي الا معلمة الرياضيات هي صاحبة الصوت
قالت لي تعالي
قمت خرجت من القاعة
قالت لي شوفي والله لو ماعرفك وانك مميزة عندي ومن هالكلام م كنت بسوي الي سويتو
قلت لها ايش صار .؟
قالت شوفي كتاب اي وحدة من صحباتك او دفتر وخي وقتك ذاكري المدة مفتوحة لك
وبعدها ادخلي اختبري
والله واروح جهة قروبي واخد بس كتاب
فتحت القوانين بس والنظريات قريتها
والله ربع ساعة او 10 دقايق وانا ف القاعة
المعلمة شافتني انصدمت
جاتني تقول ي بنت زاكرتي شي .؟
قلت اي ماعليكي << دا وانا مندمجة بالحل طبعا
قالت امانه لو عندك سؤال ناديني
قلت ابشري
والله ماناديتها ولا مرة
هي جاتني قريب 5 او 6 مرات تششوف ايش مسوية
ساعدتني ف شي الي هو يخص الانعكاس << رسم يعني
وبس والله
خرجت متأخر شوية واكل لي ديك الهزيئة المحترمة من الوالد عشان التاخير
ولا الجلدة شي تاني
المهم وارجع البيت ابكي وانام
<< كان يوم اكشن صراحة

ف نفس الاسبوع قابلت معلمة الرياضيات سملت عليا وكده
قلتلها ها ي ابله بشري شخبصت انا .؟
قالت انتي لاتتكلمي ابد
صحباتي قاموا يضححكوا عليا
<< مهو تم قصف الجبهه مباشرة ..
قلتلها ليه طيب ماسويت شي
قالت وليه ماتتأكدي من جدولك ولا تسألي
هنا انا حسيت اني جبت العيد يعني اقل شي حاملة المادة
قالت لمن شافت وجهي انقلب
ماشاءالله عليكي بس وسكتت
تخيلوا كم جبت من 50 ..؟
جبت 48 ..

حقيقي الحمدلله يعني بس موقف لا احسد عليه ابد
والكيميا رجعت زاكرتوا الاحد التاني
وجبت 78
ههههههههههههههههههههههههههههههههههه

وبس والله

اما التحضيري انجلطت لمن اكلت المادة
يعني حملتها وبعدها تخصصت رياضيات
<<< من أيي كوكب انا معرف...!


وبس صراحة هالمواصف الي جات ف بالي
لو تبوا جزء تاني علموني ...!

ثم ماذا ؟
- ثُمَّ يُرضيكَ الله
ويرضيكَ ويرضيكَ ،
ويملأك بالرِضى
حتى تَظُن انكَ لم تَحزَن يوماً "â‌¤ï¸ڈ

والله ان ودي ادعي ع نفسي
لكن فيه شي مانعني ماعرف ايش هو...!

عشان قمت اعامل كل شخصية بالي هي تستحقوا صرت بوجهين

كيف أخبرهم أن عمري نصه
أريد أن أمحيه
أن ذكرياتي ليست سوى
تنهيدات مؤلمة..!

سمو

..


أنا لم أعد أقوى ع المواجهه
لم أعد تلك الهشه
لم أعد أملك ثقة تجاه أحد

أرغب ف الاختفاء عن الدنيا فقط..