|
نبذة تعريفية الاسم : ................. >> م احب اقول العمر : مواليد 1998 اتوقع شهر مايو يوم 23 او بالهجري 27-محرم-1419 ترتيبي بين اخوتي : الأولى -_-:30: المهنة : طالبه ف جامعه طيبه تخصص رياضيات السنه التالته الميول والمواهب : كتابه خواطر ونثريات واحيانا الرسم او نحت ع خشب لوني المفضل : ازرق -اسود - رمادي اقرب الاشخاص لي : كل حياتي .. نور حياتي . عصيري المفضل : سيزر ليمون ونعناع اكلتي المفضله : ادري صرت طقطقه بس احب ورق العنب ايجابياتي : متعاونة ، لو شفت احد محتاج شي وقدرت عليه م اقصر معاه ، صبوره ، مدري ايش الباقي سلبياتي : متسرعه ف اتخاذ قراراتي . لمن امر ف موقف صعب مستحيل استخدم عقلي ، اتنرفز بسررعه كلمت توأمتي تقولي ايجابياتي وسلبياتي وكان الجواب >> https://a.top4top.net/p_10840l7vc0.jpeg وبس والله اي سؤال حابين تسألوه انا حاضره |
|
الى الذين كانت أحزانهم أكبر من افراحهم الى الذين الآمهم موجعة تقبل الله أحزانكم في موازين الصبر. ﴿ وجزاهم بما صبروا جنة وحريرا ﴾ |
آخر مرحلة من الزعل تكون فيها ساكت، ما تعاتب، ماتلوم وما تهتم، بس تبتعد بدون أي اهتمام |
الشعور الموجع لما ينضغط على قلبك بكلمه او فعل قاسي ما توقعته من شخص ، لما تحاول تكذب على نفسك وتحاول تقتنع إنه والله ما كان يقصد . |
مبسوطه من نفسي لاني صرت أعرف كيف اصبر وأنا مخبيه كلام كبير بقلبي ولا احتاج أحد يسمعني . |
النوم هو الشيء الوحيد الذي يستحق أن نعطيه أكبر من حجمه . - بسيط |
نصمت أحيانًا عندما يصبح الحديث بلا فائدة . - سالي |
رسبت في بعض المواد بالجامعة بينما نجح صديقي في تخطيها هو الان مهندس بشركة مايكروسوفت اما انا املك الشركة - #بيل_جيتس |
ولان ابسط الاشياء تؤثر فيك ، ستتعب كثيرا يا صديقي هذا العالم لا ينفع معه ان تشعر كثيرا ..! |
إذا كنت علي وشك الغرق وكان أحدهم هو قشتك الوحيدة، أغرق ولا تتعلق بأحد..! |
كل العزاء للذين يبتلعون الكلام ساعة وجوبه، فيُخيّل لك أنهم لا مبالين، ألا والله إنهم غارقين في الشعور ولكن لا ينطقـون..! |
حالتي الآن ...! اااخ يانفسي لمتى حتفضلي كده ؟! متى تكوني دوم فرحانة ؟؟ متى تبعدي الحزن عن عيونك ؟ والله م احب النكد..!! بس ليه اتنكد ..؟ ليه أحياناً اصير زعولة.؟؟ كده فجأه معرف ايش يعني أضحك ! معرف أجاامل معرف استهبل. أحس البرود يحتويني ..! مع الكل للأسف حتى مع نفسي اصير قاسية الصمت يلفني الكتمان يتعبني الدموع م تبغا تخرج من عيني أحس بغصة ألم ،، حزن قلبي يآلمني احس الكل يكرهني فجأه والحياة تضيق فيني ..! ااااه ياااارب فيني برود يلف عظامي كمان عيوني من الدمع المحبوس ترجف وكل دا م اعرف ايش السبب؟!! والي يقهرني اكتر .. كلام إلي حولي لي يعني جد يحسسوني كأني متعمدة هالحزن واني اتضايق من اللاشي صراحة أحس إلي فيني من قلبي الي تعب من الكتمااان ...! فيه كلام كتير يتخبط بداخلي لكن م أعرف أبووح..!!! حرفي 5:38 ص |
الجميع يستحق أن يشعُر بأشياء جيّدة، قل لأخيك انهُ نور عينيك ولصديقك انه جزئك الأيسر، قل للرائعين أنهم رائعين وقل لمن تحب انك تحبه.. لن تدوم الأيام الطيّبة، فعِشها بـِحُب♥ |
فيني بداية وقت و نهاية أزمان أشتاق باكر و أعطي أمسي حنيني و أسقي قلوب الناس عشقٍ و ضميان و أهدي حيارَى الدَّرب و احتار ويني - خالد الفيصل احب قصايد هالانسان مرررره |
ي مسااااء الاخبااار الجميييلة الحمدلله الحمدلله الحمدلله توي ادخل الواتس واشوف العالم يتكلموا عن درجات ويقولوا لي بشري م فهمت شي انا دخلت ع الموقع وشفت الحمدلله مادتين نزلت لي عدييتهم يااااارب لك الحمد ياارب |
صبح صبح ي اهل المدونة الحلوة عاد اليوم اثنين وكده وناسه يعني مدري ايش جوي المهم ورايا كرف شوية كده يعني فيني طاقة خفيفه باطلعها ف الشغل وبعدين باسمي بالله وابدا ف ماده نظرية الرسومات صراحة ماده ممتعة وحلوة واحسها متعلقه بالهندسة كتير الحمدلله مدري مره مرتاااحة ويارب تديمها من راحة نفسيه وبس والله |
توي افتكر موقف صارلي تمس قبل لا اروح الاختبار يعني وانا ف البيت المهم كنت جالسه اراجع وباقي لي شابترين بس واختم مراجعتي ومدري ايش جا ف بالي حطيت شيلة شكراً جزيلاً من اعماقي لصالح اليامي المهم وقلت اصور الدفتر فيديو مع الشيلة والله لا يوريكم المنهج بس الزبده جا مقطع والله اني م افتكر كلمات الشيله فلمن جا المقطع جلست اضضحك لانو من جد رااكب صح كان يقول فيه تبي الصراحة أنا الغلطان.. إلي كتبتك ع اوراقي إلي كتبتك ع اوراقي ههههههه وبس والله توي افتكرو وكتبتو |
توي كنت افرفر ف ملاحظات جوالي ولقيتني كاتبه هالنبذة عني نبذه مبسطة عن سمو المجد -اسمي موكا بندق <<لعشقي لدا المشروب -عمري خارج حدود الطعش والطيش -شخصيتي دايما يقولوا لي مزاجية عنوده ومالك رآي بس بالعكس اشوف ان عنادي حلو ومزاجيتي محدودة اما الرآي فلهم حرية التعبير ولي حرية الاختيار -فيني فهآااوة الدنيا كلها - عندي توازن وقت الجد ووقت المزح ، م تليق عليا الجدية "الخبال أحلى" -ي ما قالوا م تحسي وماتفهمي لكن عادي اسمع منا واطلع منا لان مو كل شي ف القلب اقدر اقولوا -قالوا م تدري عن شي ف دنيتك عايشة ف كوكب لحالك وابتسمت لهم -فيني احساس صح بس غالبا يقولوا فيكي تبلد لاني م احب ابينها -كتومة صح ومو بالساهل اقدر اتجاوب مع اي شخص لسبب في نفسي -اكتر شخص يفهمني من دون اتكلم او ابين شي من عيوني يعرف ايش خافيه "امي الله لا يحرمنا وجودها" -الحمدلله صديقاتي لهم معزة ف قلبي صح تفرقنا الايام لكن م بينا عداوة او زعل وربي يديمهم ليا طول العمر -اقرب اخت وصديقه لقلبي "توتي" والله اني احبها اكتر من اخواتي كمان -احب الهدوء بالاخص ف البحر اعشششقوا ، م احب الاسواق ودايما يستغربوا مني -أعششششق اللون الازرق لون قلبي ودمي لون الانتماء للامان بالنسبه ليا -عكس الكل الحلويات ابدددا م اتقبلها ودا شي تاني يستغربوا مني فيه -م اميل للقهوه العربيه ابدا بس احب قهوة تركية بالحليب او قهوة فرنسيه بالبندق -احب ورق العنب احب المأكولات البحرية بالأخص القمبري او الاستكوزا ومن الاكلات الخليجية احب المقلوبة حببتني فيها حبيبتي واختي -اعششق الرويات بشكل خيالي جددا خيالي واحب اكتب نثريات وخواطر -اكرره الناس المنافقه والشكاكه والي م عندها حسن ظن بأحد اببدا ودايما تفكيرهم شين مهما كان الحدث الي قدامهم وغير كده اكره الي يقول للناس شي ويفعل من وراهم العككس -رآي الناس فيني يآثر فيني بشكل بسيط وباتغلب ع هالعاده وميهمني غير رآي نفسي والي احب بسس -احب الاشخاص الصريحين مع نفسهم قبل يكونوا صريحين مع غيرهم احب الي يتعامل مع الغير بعفوية ومو متقلب المزاج -يمكن فيني عيب وهو اني اثق ف الغير بسرعه وبعض الاحيان الاحظ اني اصادق او احب الناس الغلط وف الاخير م غيري يندم -م اؤمن بمقولة فاقد الشيء لا يعطيه ولو اجتمع سكان الكوكب الارضي ع ان يقنعوني م راح اقتنع -كان حلمي اني ادخل تخصص هندسه ولكن قدر الله وماشاء فعل مقتنعه الحمدلله بتخصصي وراضيه كل الرضى -طموحي اتخرج معدل تراكمي 4،95 ومافي شي بعيد عن الله صراحة م راجعت ايش مكتوب فيها والله |
اسألي دمي وسعادتي وهمي اسألي التوفيق والقدر والضيق اسألي الدعاء اللي في صلاتي والدموع اللي في سجودي اسألي دمي عن حبك يا أمي |
هالكلمات كتبتها يوم 2-مارس -2017 مين أنــــآآاا !!!! انا فتاة تحديت الآمي وواجهت أيامي وتخطيت جروحي عانيت وصبرت غامرت وكابرت ومن كأس الهموم تجرعت لكن بإيماني حييت وبيقيني بالله قويت وبدنيتي حبيت وجافيت وفي خطواتي تعثرت وفي دربي من الاشواك تجرحت ونهاية طريقي فرحت |
https://d.top4top.net/p_1088pbln40.jpeg والله مووودي فنان عصير برتقال وليمون فرش ف كوب قهوة واسمي بألوان والورق حق النظرية يفتح النفس صراحة هههههه لاحد يضحك |
والله النوم دق بااااب عيني لكن عيني تأبى ان تغلق وتصارع مدري كيف يدق الباب وهي مفتوحة تبا تقفل م دخل عقلي الكلام هههههههه بديت افصل والله العالم بروح اشوف لي كم وريقه كده وانام شويات عاد الشويات حقتي لمتى الله اعلم ههههههههههههه صار موقف توو ضحكني اخوية طيح لي اوراقي وكم قلم بدون م ينتبه لمن ركز قال اشوى احسب الجوال قلت لو حلال اوراقي تطيح وحرام الجوال؟ قال ايوه رحت فصلت الجوال من الشاحن وحطيتو ف الارض مع اوراقي طالعوا فيني ايش تسوي ؟؟ قلت لهم عشان يكون طاح الجوال بس محد عرف يعلق هههههههههههههه |
https://c.top4top.net/p_10885uz0k0.jpeg ويمين بالله هالانساااانه سعاااااده من جد اول دكتوره كده احبها وقدرت ظروفي وساعدتني وربي يشهد من ججد ادعي لها من كل قلبي والله اذكر ف محاضراتها كانت تقول بكرة لاخلصتوا من مادتي ابغا اكون ذكرى حلوة عندكم مش ذكرى وحشة وفعلاً والله حتبقي ذكرى للابد ي اروووع دكتوره والله القلب يعجز يعبر |
هي فرحة هي سعادة معرف ايش شعورري هاللحظة معرررف نزلت لنا درجات ماده التفاضل اول مااده تخصص اختبرتها وربي اني حاطة يدي ع قلبي من الدكتوره الهندية فتحت الموقع والله معرف اوصف شعووري نجججحت فيييها قمت اسجد سجود شكر لربي والله من الفرحة عيوني تدمع ياااارب يااحبيييبي 😭😭❤ الحمدلله الحمدلله الحمدلله |
|
اللهم لك الحمد حتى ترضى ولك الحمد إذا رضيت ولك الحمد بعد الرضى لك الحمد يارب ع نعمك لا أحصي ثناءً عليك انت كما اثنيت على نفسك وصلّ اللهم وسلم على نبينا محمد ودي اهدي الحياه كل حبي ودي اهديها كل باقات وردي ودي اهديها تقديري وشكري كنت هنا سمو المجد ...! |
|
|
https://a.top4top.net/p_1089homz70.jpeg من القصص الي احبها والقريبه من قلبي مررره قصة نبي الله يوسف عليه السلام سورة يوسف علمتني درووووس كتير ف حياتي اهم شي تعلمتوا منها قد م تكون ثقتك بالله قوية قد مايديك ربي قد ثقتك فيه وازود ويسعدك كمان ايوب عليه السلام رغم مرور السنوات بعد م قالوا له ابناءه ان سيدنا يوسف اكله الذئب إلا انو يوم رسل نبي الله يوسف اخوتو يدو ابوه القميص م كذبهم بالعكس فرح وارتد بصيرا بعد سنوات معاناه ف السجن بسبب ظلم وافتراء امرأه عزيز مصر اصبح في يوم من الأيام عزيز مصر يعني دحين مهما كانت عندك من مصايب من هموم خلي ثقتكم بالله قوية خلي املكم فيه قوي ايمانكم بالله لا يتزعزع بمجرد حدوث مصيبة وحدة تأكدوا مابعد العسر إلا يسر وتوفيق وسعاااده |
|
|
اقتباس:
توي اشوف صحبتي ربي يسعدها منبهتني ع شغله https://d.top4top.net/p_10892hnux0.jpeg |
https://f.top4top.net/p_108910gxj0.png ياليل اليل شاحني 3 ولا فيني اشحن هههههه مرره اشكر الي اخترع بنك الشحن الباور بانك |
|
اكتر شي احب اسويه لمن اكون متضايقه زي دحين يعتبر درس تعلمتو صراحة م اكلم ولا احد مهما كان الموضوع او احيانا ارد بس مدري كيف اوصف ردي كيف يكون يمكن يحتويه برود يعني يكون ملحوظ فرق بين لمن اتكلم عادي وبين لمن اتكلم بالاسلوب عاد دحين مدري ايش صار...؟ |
|
شيء واحِد تتمناه نفسي في هذه اللحظة أن ترتمي لصدرٍ حانِي غريب لاتعرفه وتجهش بالبكاء كَطفلٍ وتعُود بعدها للحياة بإبتسامة ! Me |
|
https://d.top4top.net/p_1090kni2q0.jpeg هههههههههههههههههههههههههههههههههه وسرى الليل وحنا م سرينا 😂😂❤ |
| الساعة الآن 03:07 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا