|
انا مثل السماء محدن عرف عني أي شيّ لو بان مني الغيم ..! فـ الخافي أعظم |
https://b.top4top.net/m_1109cp5gw2.mov صباحكم بندق ي زين البرد البرد يجنن يجنن يجنن لي عودة ان شاءالله :ah11: مشغولة حالياً ف الدوام |
السسلام عليييكم يسعد صباحاتكم حبايبي 9:55 ص من الصبح ابغا انزل لكم بس ماش مره مشغولة وقروشة اول شي الدكتورة الهندية سحبت علينا اول محاضرة ومحاضرتي التانيه بعد ساعتين ودحين الساعه 2:05 م خرجت الساعه 6:45 ص والجو غييييم لدرجة الدنيا ظلام للساعه 7:10 تقريبا دي بعض الي قدرت اصورو دا أول فيديو https://c.top4top.net/m_1109s6ms40.mov هنا اللون رهيب والله سبحان الخالق https://d.top4top.net/p_11095yww91.jpeg هنا لمن بابا نزل الدوام كانت الشجره فوق بالتمام يعني اقدر امسكها << اخدت فيديو بس مو حلو https://e.top4top.net/s_1109no6qo2.jpeg وبعدين اول م دخلت الجامعه م قدرت م اصور منظر الشروق <<< وربي جوالي يشتكي مني https://f.top4top.net/p_1109t0d9q0.jpeg 7:46ص https://a.top4top.net/m_1109zboqr1.mov وبعدين فرفرت لين الساعه 8 وطبعا الهندية جات واخدت حضور وسحبت مالت بس يارب يطيروها المهم اخدت لي موكا بندق https://b.top4top.net/p_1109hxz812.jpeg ورحنا قاعه فاضية انا وصحباتي بنرفع خطاب للاداره عشان يغيروا لنا الدكتورة الهنديه لكن بعد التوقيع ماشاءالله فوق 80 وحدة بغمضة عين انكب كوب نسكافيه ع الورق كامل وراح كل شي رجعنا نعيد الورقة من جديد استغفر الله بس شغله تزوير ههههههههههه .. اخدت لي بريك ورحت اصور تاني << احد يضربني بالله 8:20 ص https://c.top4top.net/p_1109hochw3.jpeg صحباتي عندهم محاضره وسحبوا علي << نذاله هههع سحبت عليهم ورحت لكلية الحاسبات 10:05 ص https://d.top4top.net/p_11092onqx4.jpeg المهم بعد م خلصوا مسكت صحبتي منال ورحنا تاني للحاسبات ولمن رجعنا فتحت قروبنا .>> https://e.top4top.net/p_11090rhzv5.jpeg وبعد دا طلع ان دفتري انا الي غرق قهوة :( الحمدلله م لحق تضرر وطبعا اكيد اختكم ف الله لمن خرجت من الدوام صورت غيوم 12:05 https://e.top4top.net/m_1109k8kdm0.mov وبس والله كنتم في رحلة معي ادري كتير احداث سحبت عليها لكنها بالنسبه لي ثانويه ايوووه صح انا معروفة بين صحباتي مررره م احب اجلس لمن يكون عندي بريك طبعاً غير لمن اكون تعبانه او زعلانه يعني احب افرفر بالذات لو بريكي طويل اليوم من جد مشيت وتعبت ف قلت لصحبتي باجلس تعبت انصدمت مني تقولي انتتتي تقولي بتجلسي ؟ مستحيله تصير ههههههههههههه بس احس خطواتي قليل صراحة https://b.top4top.net/p_1109rl0il0.png 4000 انا العاده 6000 ماشاءالله والجري يكون 4 كيلومتر وبس والله احسني مره كترت كلام صراحة ^_^ |
للي يتابعوا مووضووع المحكمة السلام عليكم ورحمة الله #تنويه اختيار الاعضاء ف المحكمة كان عن طريق التصويت لكن دحين باغير الطريقه بعد م حسيتها أنسب ع كل عضو ف آخر يوم محكمة يقرر يختار عضو بعدو لكن ....! م راح تقولوا لي اسم العضو هنا ..! اتمنى يكون اختيار الاسماء سري محد يعرفوا غيري انا والعضو الي اختار يعني الي كان ف المحكمة << يارب وضحت يعني نوع من المفاجأه ...:.) دمتم بسعادة |
ھھھھھھھھھھھھھھھھھھھھھھھھھھھھھھھھھھھھھھھهه🤤😂♥ وربي انا اليوم مره مره فاصله تخيلوا كده معايا الضهر لمن خرجت من الجامعه ودخلت السيارة جوالي كان ف الشنطه طلعتو صورت ورجعتوا تاني بس كان عندي اشعارات ان بابا متصل عليا مرتين مع اني تاخرت 5 دقايق بس المهم بعد نص ساعه وصلنا مدرسه اختي واخدناها وبعدها للي ف الابتدائي << هنا القصه لمن دخلت قالت السلام عليكم م لحقت انا واختي الي ف الثانوي نرد يعني توها مسلمه المهم بابا عصب وهزأنا انو م نسلم والسلام ردو واجب وكده ف اختي قالت لو كنت مسرحة بعدها اتصل جوال بابا ولمن طالع قال لي ليه متصله عليا؟؟؟ قلت لو انا ؟ كيف اتصلت جوالي ف الشنطة؟؟؟؟ قال اجل جوالك مسرح كمان ھھھھھھھھھھھھھھھھھھھھھھھھھھھھھھھھھھھھھھھهه🤤😂♥ وربي مت ضحك من جد كيف جوالي اتصل رغم انو جوة الشنطة وكمان مقفوووله المهم في مسابقه مسويتها اختي قيثارة وموعدها الساعه 12 الليل عاد انا مره انسى الوقت بسبب ي اني نايمة او مشغولة شوفوا ايش سويت توي هههههههههههههههه https://e.top4top.net/p_11096vwol0.png <<< يااارب تنفع بس معايا:67: |
السسسلام عليكم يسعد مساءكم بكل خيييير اليوم م عندي فعاليات للاسف توي افتكرت حاجة دي الفترة مره طايحة ع الشطه بشكل جنوني المهم امس دخلت ماركت الجامعه عندنا وشفت الفشفاش الاحمر << اكيد تفتكروه قلت خساره مافي شطه ههههههههه وطنشت وخرجت المهم مو قلت اني رجعت للماركت تاني مع صحبتي؟ بالصدفه شفت شطة كريستال الصغيره موجوده ف الزاوية قلتلها مناااال شوووفي في شطه ابغا مع الفشفااااش :( ادتني نظره خلتني ابلع لساني واخرج ھھھھھھھھھھھھھھھھھھھھھھھھھھھھھھھھھھھھھھھهه🤤😂♥ء ————————— عاد اليوم قمت من 4 الفجر وزعلانه ليه م صحوني 3 ؟ وبعد م صليت الفجر الساعه 6 وشويه لانو يأدن عندنا 5:55 تقريبباً بابا ناداني وقال عندك محاضرتين وخمسة ساعات بريك مره مو متقبل موضوع الساعات الطويله دي تقعدي فاضيه ف الجامعه << من هالناحية انا صح اوافق الرأي بس في حلول اتوقع المهم المحاضره الاولى عندي لها وحدة بس يعني عندي الغياب بعد 3 اخد حرمان واليوم اخدت اول غياب فيها المحاضره التانيه مع الهندية الي سحبت علينا امس صراحة لو م غيروها باحدف الماده لانها الترم الي فات لعبت ف درجات البنات لعب << م بتكلم من كلام سمعتو باتكلم من تجربه جربتها ف دكاترتنا الهنود خصيصاً المهم بابا قال مو موديكي اليوم خلي صحباتك يشوفوا الوضع ويمكن يقدروا يخلوهم يعدلوا الجدول وفعلا غبت اول شي صبحت ع الغيوم .💙 7:15 ص https://b.top4top.net/p_1110335jm0.jpeg https://c.top4top.net/p_1110kv1sf1.jpeg بعدها قمت رتبت وخلصت شغلي وروقت ايوه صح افتكرت مدري ايش طلبتني ماما من الفريزر ولمن جبت لها الي طلبتو جبت صحن شريحة اللحم داك معرف كيف اسمو بس يسوو فيه ستيك لحم المهم سويتو الصبح كمان << فطور هههههههه و على الساعه 10 سويت لي قهوة فرنسيه بالبندق << تجنن https://d.top4top.net/p_11102yxp02.jpeg اختي لو كانت مو ف الدوام كان قتلتني ههههههههههههههههههههههههههههه مسكت تي شيرتها وخليتو فرشة طاوله هههههع وبعد م طفشت قلت باحل واجب التحليل للخميس 11:45 ص https://e.top4top.net/p_1110o5y083.jpeg واخر صورة مدري كيف صورتها ابغا دروس خصوصية ف التصوير هههههههههه 12:56 م << المفروض هالوقت محاضرتي بعد 4 دقايق هههههههههههههههههههههههههه https://f.top4top.net/p_11100i2km4.jpeg شاحني دحين 2 ان شاءالله تنزل ف الوقت المناسب ومايقفل عليا |
https://a.top4top.net/p_1110mhi2z3.jpeg https://c.top4top.net/p_1110s7eew0.jpeg عجبتني العبارة قبل فترة وكتبتها ايت صورة احلى؟ انا عندي الصورة الاصل احسها احلى بس غطيت ع اسمي وحطيت بدالو سمو :67: |
عندي سؤال ليه لمن اشوف الغيوم انخبل؟ توي جالسه ألون واشوف الغيم كده من بعيد << من الشباك وقمت اصور والله الي يفتح ألبوم الصور ف جوالي كلها غيم دي الي توها 5:15 م https://a.top4top.net/p_11107ejn02.jpeg |
السسلام علييكم كيفكم ي حبايب عساكم طيبين...^_^ قبل شويات قلت اني بالون صح؟ اشتقت ارجع لذكريات الثانوي بالذات ثالث كنت اتفنن ف دفتري الرياضيات خصيصاً والدليل>> https://a.top4top.net/p_1110kba5j0.png عاد رافعة عندي دافتري زي دفتر اولى ثانوي بس الترم التاني وتالت ثانوي الترم الاول والثاني ان شاءالله اخصص وقت واوريكم كيف كانت :.) ودحين شوفوا ايش سويت ف دفتر المحاضرات حق هالترم https://c.top4top.net/p_1110v47hy1.jpeg << دي بفلتر الأصل >> https://f.top4top.net/p_1110psgck1.jpeg صراحة من دخلت الجامعه مره م سويت كده صح اكتب محاضراتي كنت بس مقربعه مره احس رغم ان صحباتي يقولوا لي فايقه ترتبي ...! المهم قبل شويات رحت تويتر باشوف كلام تحفيزي وشفت هالصورتين عجبوني وحبيت اشارككم فيها مره احتاج هالشي دي الفترة وبقوووة https://f.top4top.net/p_1110np48d0.jpeg https://f.top4top.net/p_1110gwe2z1.jpeg وبس والله زي م قلت لكم ان شاءالله اوريكم دفاتري الرياضيات ايام الثانوي << كونوا بالقرب |
https://a.top4top.net/p_1110p6rst0.png والله والله والله ان هالانساده سعاده بالنسبه لي ام واخت قبل م تكون لي معلمة << درستني رياضيات ايام الثانوي وربي م عشقت الرياضيات غير منها ولمن عرفت ان تخصصي رياضيات اول شخص كلمتوا وبشرتوا هيا نصحتني والله ولا قصرت معايا وربي جميلك م انساه م حييت حتى ف أولى ثانوي صار لي مووقف مره مره صعب << اقولوا بعدين ان شاءالله وهي وقفت جنبي وساعدتني احبك والله :بكى: :نبض: |
أعلي التقاييم ياسمينه. 113423 جرافيتي 92465 سمو المجد 76156 سهاد 70980 بنت عدنان 64310 ي جماعه انا انصدمت ههههههههههه وربي م توقعت ابد ومدري اصلا كيف ركزت عليها:نبض: يسعد قلوبكم كلكم |
السسسسسلاام عليكم كيييفكم وحشتوووووووني وربي فيني كمية مدري ايش بالزبط بس كده ابغا انقز واضارب والعب وازاكر واضحك << مجنونه صح ھھھھھھھھھھھھھھھھھھھھھھھھھھھھھھھھھھھھھھھهه🤤😂♥ء ياخي احبكم والله احلى صدفه ف حياتي يوم سجلت هنا يومتها افتكر كنت جدا جدا جدا طفشانه ومدري ايش كتبت ف قوقل وشفت العنوان ودخلت كان ايامتها لونوا بني او اورنج وبعد م سجلت بيومين بالزبط تغير اللوك وصار رمادي حتى ايامتها كنت مواصله يومين لا ومسنتره هنا ف قسم الالعااب هالايام عقلت شويه بس م خففت اجرامي ههههههههههههه المهم عندي لكم حصرية واتمنى تعجبكم احد اعمالي الكتابيه باشارككم فيها خلوكم بالقرب :0741: احبكم |
:MonTaseR_205: اللهُم جبراً يتعجب لهُ أهل الأرض وأهل السماء ، اللهُم أرنا الفرح في كُل مانريد ، يارب العوض الجميل بعد الصبر الطويل ، اللهُم درباً لا تضيق به الحياة وقلباً لا يزول منهُ الامل ، يارب إزرع في قلوبنا راحة دائمة وأمل لا يخيب ، اللهُم طمأنينة وثبات لا سُقوط ولا تعثر. |
أشعر بالانتماء جداً لمن يُحبون الغيوم والنّجوُم ، هدوء الليل وبداية الفجر ، السماء وقت الغروب ، البحر والمطر ، العُزلة والسلام ، الرسائل المكتوبة بخط اليد ، الحِرف اليدويّة والرَّسم والاشياء الغير مألوفة. :نبض: :نبض: |
.......... |
أخوي☹❤ عندي غلاك يسوى جميع المخاليق يالله عساني من عزوتي ما انحرم قد م حوصف لك وربي حاتعب من بين اخواني كلهم اعزك اكثرهم واغليك اشتاقلك حتى وانت قدام عيني انت ضحكتي ..انت فرحتي .. انت راحتي لو الكل صار ضدي 🙁❤ معرف ايش اعبر لان جميع الحروف ال28 تتنافس في تكوين الكلمات اتمنى من كل قلبي نعوض الايام الي راحت واحنا بعيدين عن بعض 🙁🙁 |
صباحكم راحة بال عجبتني هالعباره توي قريتها أسامح ﻷرتاح وأتناسى ﻷبتسم ، وأصمت ﻷني ﻻ أريد أن أجادل ، وأتغاضى لأن ﻻ شيء يستحق وأصبر ﻷن ثقتي بالله ليس لها حدود |
اليوم إيييش؟؟؟ سألت هالسؤال ماما واختي قالوا جمعة قلت لهم سبحان الله ليه انا م احس انو جمعه؟ قالوا كيف؟ قلت احس ان اليوم سبت وبكرة جمعه تعرفوا ايش سووا ؟؟؟! طردوني من الغرفه قالوا انتي فين عايشه؟ رجعت لهم وقلت معاكم ترى بس احساسي يختلف ھھھھھھھھھھھھھھھھھھھھھھھھھھھھھھھھھھھھھھھهه🤤😂♥ء والله عجزوا يردوا علي ولا طنشوني انا مدري ^^. ^^. المهم شي تاني اختي تباني اسوي حلى قلتلها مع نفسك سوي انتي قالت شايفه ي ماما ماعندنا رابط اخوة قلتلها اكيد مو موجود الرابط يكون كده >>> www.———-.com انضربت ضربة لايمكن انساها ھھھھھھھھھھھھھھھھھھھھھھھھھھھھھھھھھھھھھھھهه🤤😂♥ء :SnipeR94: ياخي م سويت شي انا ليه العنف دا :بكى: مساااءكم ابتساااامه تشبهني :81: |
جبتلكم كم صورة صورتها امس الصباح ان شاءالله تكون حلوة 1- https://d.top4top.net/p_1113411ej0.jpeg 2- https://e.top4top.net/p_11138kotd1.jpeg 3- https://f.top4top.net/p_1113o2d7m2.jpeg 4- https://a.top4top.net/p_1113wcxd83.jpeg Just :81: |
أَعْرِفُ مَوَاطِن ضَعْفِي بقدر ما أَعْرِف مَوَاطِن قُوَّتي |
https://a.top4top.net/p_11141zwr02.png تعذبت معاه ناكر الجميل ليه يصير 2 ليه دايماً اقول لو لا تنزل عن 60 بس م يسمع كلامي :بكى: |
السسسلام عليكم ورحمة الله ربي يسعد مساااءاااتكم كلكم اليوم الاحد 14-5-1440 هـ طبعاً الاحد معروف عند الاغلب يوم بطيء واتقل من النستله صراحة ههههههههههههههههه دوامي بدأ من 9:20 ص دخلت الجامعه 8:45 دا اول شي https://c.top4top.net/p_1115zjhbe2.jpeg << فطور متاخر ههع 8:54 ^ الكوب fresh برتقال وكانت اول محاضره عاديه وسريعه اهم شي الحمدلله https://b.top4top.net/p_111549up82.jpeg صح قابلت وحدة من صحباتي كمان وبالصصدفه لقيت معاها روايه "بلا هويه" لعلياء الكاظمي سبحاان الله امس في شخص كلمني عنها وقالي اقريها واليوم شفتها بس قلت اقراها بعدين ان شاءالله :نبض: https://b.top4top.net/p_1115bh3pa0.jpeg هنا كان تصويري سريع عشان الدكتوره https://e.top4top.net/p_1115mtmt60.jpeg وبس والله انتهى دوامي 11:55 عاد اخواني استلموني يقولوا لي رايحة اخر وحدة وترجعي اول وحدة ايش دا الغش ههههههههههههههههههههه قلتلهم لا تخافوا ملطوعه بكرة والله يعييين بس وفي الاخير اقولكم "تصبحوان ع ما تحبون:نبض:" |
ي لببى قلوب الناس الي تسعدنا بكلمة فتحت الواتس توي لقيت وحدة من البنات راسله لي دي https://a.top4top.net/p_1115zpjyl0.jpeg والله كمية ايجابيه جاتني :نبض: ربي يسعد قلبها :ah11: |
عجزت اناااااام لي تلات ساعات قريت روايه ولسه م خلصتها قلت يمكن اطفش وانام بس الظاهر شكلي حروح مواصله بس والله حاتضرر ف اخر محاضرتين لانهم نفس المحاضرة جبر مجرد ونفس الدكتوره يارب اقدر اواصل للعصر ع الاقل ———————- لا تنسوني من دعواتكم الحلوة :نبض: —————————— |
بما اني فايقه كده باكتب موقف حصل معايا ايام الاختبارات النهائية ف الترم الاول ف أولى ثانوي طبعاً كنت م اتواصل مع بنات ابد وفيه اسباب تانيه بس احتفظ فيها ... المهم قالوا لنا الجدول بيكون اول يوم الاحد // كيمياء وباقي الاسبوع يوم وايوه ويوم لا وتاني اسبوع اول يوم رياضيات والاثنين اوف والثلاثاء اخر يوم حلو...! المهم اعتمدت انا ونظمت نفسي ع اساس ابدا ف مواد اول اسبوع وفعلا بديت....! بحكم ان عندي اسبوع ازاكر فيه خليت خميس وجمعه وسبت قبل ليلة الاختبار يعني للكيمياء والباقي قبل يصير ليلة الاختبار اسوي مراجعه سريعه الموقف هنا يبدأ دخلت المدرسة وشفت قروبي وبعد السلام قلت: ها بنات بشروا كيف الكيميا؟؟؟ شفتهم كلهم طالعوا فيني متنحين << طبعاً لين دحين م انتبهت للي ف يدهم انا قلت لهم وانا ااشر بالكتاب لهم: فين رحتوا اقولكم الكيميا مو اليوم اختبار؟؟؟ قالوا : من جدك انتي ولا تمزحي...! قلتلهم والله جد زاكرت كيميا انا قالوا ي مجنووووونه اليوم رياضيات تعرفوا ف هاللحظة احس انقفل كل شي ف وجهي والله توترت بشكل مووو طبييييييعي ابدا ابدا قلت لصحبتي ايش اسوووي م فتحت الرياضيات ولا طالعت فييييه؟؟؟ متخيلين 5 وحدات معانا ف النهائي واغلبها رسم وزوابا وو قالت روحي بسرعه قبل لاندخل القاعات للابلة وفهميها ايش صار وفعلا اجري جري لدرجة اترك درجتين وانا طالعه المهم دخلت واضح وجهي مخطوف ابلتي قامت وقلت لها اكده وكده وكده قالت يعني من جدك م فتحتي الرياضيات ابد؟؟ قلت لا لا والله ولا فكككرت حتى ع بالي انو الاسبوع الجااي قالت والله ماني عارفة ايش اسوي لك ...! وبعد ثواني قالت ادخلي القاعه وسمي بالله ولا روحي قبل للوكيلة وكلميها المهم انا م رحت للوكيلة ودخلت القاعه وقلت يارب توكلت عليك اخدت الورقة مقلوبة << مقلوبة ولا مصقعه هع المهم فتحتها ع اساس باكتب اسمي وابدأ << كنت عند الجدر تحت المكيف بالضبط إلا شفت ابلتي << معلمة المادة اقصد جات ونادتني خرجت معاها قالت لي اسمعي شوفي كتاب وحدة من صحباتك وزاكري وخدي الوقت الي تبغييييه وبعدين ادخلي القاعه والله ي جامعه تعرفوا كمية الخوف الي فيني مدري كيف اوصفها << انا من النوع الي لو انحطيت ف موقف صعب مستحيل افكر باقولكم ليش ف الاخير المهم والله م كملت ربع ساعه بالتماااام ودخلت بس مريت ع القوانين سريع يعني لمن دخلت وربي اني بديت احل الحمدلله وغير كده ابلتي مرررره م قصرت ربي يسعد قلبها وربي لليوم مو ناسية جميلها تعبت تعبت معايا مره رغم اني م سألتها غير مرتين والله إلا انها كل خمس او عشرة دقايق تجيني تسالني اذا فيه شي صعب عليا خرجت بدل الساعه 10 يمكن 10:45 وهنا المشكلة الي قلتلكم اني م استخدم عقلي ف بعض المواقف ،، بابا جا ع 10 وانا مره م جا ف بالي اتصل عليه وافهموا يعني بالهرجة الي حصلت ..... يعني لابد تهزيئة محترمة صح :) المهم الاحد الي بعدوا قلت الكيميا خلاص مزاكرتوا وبس مراااجعه واختبرت وخرجت وعدت النهائيات بس اقولكم شي م تصدقوه؟؟؟ جبت ف الرياضيات 96 ٪ الحمدلله وجبت ف الكيمياء 75٪ ههههههه الرياضيات مادة مرة مرة مرة ممتعه بالنسبه لي بس ايام الثانوي لدرجة اني كنت ف السمستر الي حصل لي الموقف فيه اقوم كل حصة اشرح مع الابلة والله بالذات انو كمان كان جزء هندسي ورسم احب هالشي مررره اما الكيمياء اساساً م كننت احب الابله ابد ولليوم دا م احبها درست الترم الي فات اختي وكل يوم م غير تجي تتشكى لنا منها سبحان الله كل معلمة لها بصمة مرررررة مختلفه ف قلبي وبس والله ف الاخير اقول ربي يسعد قلوبكم :نبض: |
السسلام عليكم يسعد مسساءكم كلككم اليوم الاثنين 15-5-1440 مدري مافي جديد صراحة بس اررررهاااااق + تناااااحة + فهااااوة << ان شاءالله مو نفس المعنى بس قريبين من بعض يعني يصيروا عيال عم صح؟ المهم بعد صراع مع ذاتي اخدت لي موكا بندق 10:07 ص https://a.top4top.net/p_1116ppk560.jpeg وبعد 40 دقيقه بدت محاضرتي طبعاً محاضرتين كانو نفس المادة ورى بعض يعني تقريبا جلسنا 4 ساعات انهت مخي ههههههههههههههه https://b.top4top.net/p_1116ybvhz1.jpeg اتوقع 1:15 م لمن خرجت وشفت البيت المهجور << انا مسمتو كده ولا هو مبنى ف الجامعه م اكتمل لسه https://c.top4top.net/p_1116dk1x82.jpeg ودي لمن كنت ف الطريق عاد قبل اسبوع بالتمام كنت اول مرة اعرف اننا ندرس ف صحرا ههههههههههههه يعني خارج المدينه اتوقع https://d.top4top.net/p_1116jsz903.jpeg اختي شافتني اصورها راحت اشرب لي بيدها يعني مجنونه :فطسه: وبس والله دا ملخصي اليوم هههع |
السلام عليكم اليوم الثلاثاء 16-5-1440 هـ https://e.top4top.net/p_1117b4n7v0.jpeg 12:33 م والله حاولت احب هالجامعه بس كل مالها تقولي اكرهيني زياده حتى لمن صورت هالتحفة قلت لصحبتي باحدفها دايركت :h: وبس والله ماعندي فعاليات اليوم :MonTaseR_134: |
السلام عليكم ورحمة الله كيف حااالكم ي حلوووين تصدقوا اني ماني مصدقة اني غبت عن المنتدى 31 ساعه ...!!! اول مره اسويها من سجلت ف مسك صراحة جلست قبل لا ادخل بدقايق اسأل نفسي ادخل ولا لا مو متردده عشان شي بس كنت باكمل سحبه والله العالم كم كانت بتكون بس والله والله م قدرت احسني فقدتكم فرداً فرداً احبكم ف الله كلكم والله :بكى: :نبض: ربي يسعدلي قلوووبكم يارب واشوفكم كلكم مبسوطين ويبعد كل حزن عن قلوبكم :نبض: |
ياارب رحمتك وسعت كل شي وربي ودي ابكي لين تمل دموعي مني هالايام احسني ماني طبيعيه فيني ضيقة مدري ايش سببها وقاهرني انو اقرب شخص لي لمن اقول متضايقه يقولي ليه؟ اقول مدري وانا صادقه اني مدري يحسسني اني مسوية مصيبه خلاااااااااص تعبت من نفسي ومن كل شي استغفر الله بس يارب ترحمني برحمتك وانت ارحم الراحمين |
أحياناً الإنسان يوصل لمرحلة مايقدر يبكي ولا يعطي أي ردة فعل من كثر ما إن الشي ضاغط عليه وعلى قلبه بزيادة..💔 |
خاطرة عابرة 6-9-1438 الخميس للحب في زمنٌا مفاهيم منهم يباعده ولا يمشي ف طريقه يِحسِب إن الحب جهل ومو من تقاليده ومنهم من يقول ان الحب ساس البنيان ماهمه أحدٍ والحب يمشي ف وريده شوف الطير ع ذيك الاغصآن .. لو مافي حب م سمعت تغاريده.! ثرثرة قلمي |
كل ما دعاني الشوق للقلب الأول القى مكان القلب في الصدر تنهيد وطيوف ذكرى في الحنايا تجول تجمع صور وأوراق من باقي العيد مدري سبقني الوقت والا تحول أخلف ربيعي وادهرن المواعيد *بدر بن عبدالمحسن اعشق قصايد هالانسان :نبض: |
السسلام عليكم ورحمة الله جيت زياره خفيفه صراحة هالويك اند باديه تقييم 0/10 << ابدا م تقلد احد اول شي سخونة مسكتني من الخميس لين دحين وكل ربع ساعه حرارتي توصل 39 الحمدلله ع كل حال الشي الحلو اني ختمت الجزء الاول من رواية عندما عبروا حدود الظلام ماشاءالله رغم صفحاتها بس خلصتها ف 4 ايام من الثلاثاء بديت فيها https://c.top4top.net/p_1121fdwfx0.png واخر شي بالنسبه للمحكمة شكلي باتأخر كم يوم لان جد انا مدري كيف جالسه اقرا وعيوني حمرا :بكى: وبس والله اشوفكم رقت تاني ع خير :نبض: |
|
صوتك ي مطر خلا دموعي تنهمر كنت احتاج هاللحظة من زمان لحظة انهيار ودعاء لربي المقتدر يارب الطف بقلبي الصغير :نبض: ثرثرتي |
احتاااج اعانق حباات المطر واحكيها بهمس م يسمعوا البشر يااربي وربي بانقز من الفرحة :نبض: لا وبكيت كمان :بكى: :نبض: ثرثرتي |
يارب مع هالمطر الحلو انك تسعد قلوبكم كلكم و تبعد عنكم الضيقه والحزن الله يحبكم ويحبب ملائكة وخلقه فيكم الله يشرح صدوركم بطاعته وايمانه الله يغفرلنا جميع ذنوبنا الله يحقق لكم كل امنية تمنيتوها الله يبعد عنا وعنكم جميع مصائب الدنيا الله يشفي جميع مرضاكم ويرحم جميع موتاكم💛💛✨ لكل شخص ف هالصرح يشهد ربي اني دعيتلكم من قلبي والله اني اتمنى لكم السعاده جميعاً وراحة البال . وانشراح الصدر ربي يشهد ان مافي ف قلبي ضغينه او كره لأحد استودعت ربي قلوبكم ومافيها استودعت ربي قلوبكم وأمانيها.. عسى ربي يفرحكم بحاجة تدمع عيونكم من السعاده .....! اللهم صل وسلم ع نبينا محمد :نبض: |
https://c.top4top.net/m_1123up82f1.mov الدمٓـع مٓـآهو 6ـَيب لآ..صرت مٓـخنـوق هو مٓـن يعبّـر عنڪ مٓـآدمت سـآڪت ..! ⠀ مٓـو بس أنـآ ويـآڪ نبڪي مٓـن الشـوق ..؟! حتى الغيـوم إليـآ تلآقـت .... تبـآڪت ⠀ ⠀ ⠀ ⠀ ⛈💦💜 |
ھھھھھھھھھھھھھھھھھھھھھھھھھھھھھھھھھھھھھھھهه🤤😂♥ء ويمين بالله من زماااااااااان م ضحكت زي اليوم ي ان السجن دا طلع قروني من الضحك هو يعني لمن يتعافى الانسان يصيبوا فهاوة كده؟ يعني دا شي طبيعي ولا غريب.؟ ههههههههههههههههههه من كتر م اضحك حلقي التهب زياده ههههههههههههههه ربي يسسسعدكم :دموع الورد::67: |
آتألممم جداً بهذه آلفتره تغيرت بكل شيء , آختلق لنفسي ضحكه مزيفه يظنونهإ فرح طيش , لستُ هكذآ آبداً متعبة من̴ الداخل بحجم كل شيء ، مقهورة بحجم .؟؟؟؟ |
| الساعة الآن 08:44 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا