|
https://b.top4top.net/p_1100qaw1j6.jpeg اخيييرا زبططتو وحدت الشعب حقتي يعني كنت ف A & B &F & D من جد بهدله لا وفوق دا حدفت ماده الهندية الحمدلله ضفتها عند دكتوره تاانيه يااااه وربي فرحااااااانه |
مساء الكنافة بالشيرة يا داخلين قلبي بدون تأشيرة :نبض: |
https://b.top4top.net/p_1100mwitv7.jpeg اذكر اني سمعت عزوز قال انها واقعيه <<عزوز الي قرأ الروايه غبت يومين او ثلاثة ونزل جزئين وربي البارت الثالث خلاني ابكي من جد عجزانه اعبر وربي فهد مر بحاجات قوية ع احد انو يتحملها صدمتو ف صاحبوا احمد كانت قوية ——————— م ابغا احرق احداث يمكن فيه احد يسمعها بإذن الله اليوم الساعه 11 الليل ينزل البارت الخامس ——————— عزوز يستحق الدعم صراحة |
راح أختصر لك حالتي ماهي طويله بس بيت ؟ كل ماسهيت .. أتذكرك وإليا تذكرتك: سهيت !:0741: |
https://d.top4top.net/p_1101vr2tn3.jpeg ي زين الناس الكيوووت والله في اشخاص جبر خااطر وسعادة ربي يسعد قلوووبهمز:نبض::نبض: |
تدري وش اللي تعتبرها . . . [ مصيبہّ ] إليا فقدت انسان \" غالي \" وهو. . . [ حي ] ، تدري وش اللي تعتبرها . . . [ غريبہّ ] إنك تضحي و\" المقابل \" . . . [ ولا شييييء ] |
لو تأملت في حالك, لوجدت أن الله أعطاك أشياء دون أن تطلبها ,فثق أن الله لم يمنع عنكَ حاجة رغبتها إلا ولك في المنع خيراً تجهله. ، - ابن القيم . |
https://e.top4top.net/p_1101u6tbt1.jpeg "تُسبح له السماواتُ السبع والأرض ومن فيهن وإن من شيء إلا يسبح بحمده ولكن لا تفقهون تسبيحهم إنه كان حليماً غفور" |
أجمَلُ ثلاث نساءٍ في العالم : "أمّي و ظِلّها و إنعكاس مِرآتهَا" , - جبران خليل جبران https://c.top4top.net/p_11018i4wb0.jpeg |
كُن عزيزًا وإيّاك أن تنحني مهما كان الأمر ضروريًا ، فربما لا تأتيك الفرصة كي ترفع رأسك مرة أخرى ! ، - عمر المختار عمر المختار ..من الاشخاص الي اقتدي فيهم بحياتي |
.........آليوم .. ! .. آنآ هنـآ . [ .. . " *متواجده ولـكن سوف يآتي يوم وآكون الى الابد >*غير متواجد |
فيه سؤال شفتو قبل 4 سنوات ورجعت دحين شفتوا بس م جاني جواب عليه هل انت تأتي بالسعاده ام السعاده هي التي تأتي اليك ؟؟ |
راقت لي جدا فكرة التصوير والتصميم والعبارات المقتبسة تصميمي وتصويري كلش https://d.top4top.net/p_1101jvubu0.jpeg ——————- https://e.top4top.net/p_11012xhf31.jpeg ——————- https://f.top4top.net/p_11017d7te2.jpeg ——————- https://a.top4top.net/p_11019v2cb3.jpeg |
الذين يشاهدون محتوى الموضوع الآن : 2 ( الأعضاء 2 والزوار 0) سمو المجد , كل شخص يدخل هنا يبعث فيني سعاده والله يسعد قلوب الجميييع يارب |
دي الصورة صورتها قبل شهرين تقريبا بعد المطر بيوم جات سريع ف الصباح لكن حلوة 9-11-2018 https://b.top4top.net/p_1101sgs9f5.jpeg |
من ارشيف الذكريات 5-3-1440 هـ الثلاثاء سويتا مشروع للتخصص وكان مربوط بالطفل يعني سوينا دمج بين الاطفال وكيف نحببهم بالرياضيات تعرفوا ماشاءالله الاغلبيه م يحبو الرياضيات 😂💔💔 فكرتنا كانت عن طريقق الالوان نخليهم يحبو يتعلموه وللاسف م صورت صور كتير اتوقع كلها 2 الحلوين والباقي ماااش https://b.top4top.net/p_1101hc7g90.jpeg https://c.top4top.net/p_1101bl9ox1.jpeg |
حلو الشعور لما تجيك رسالة مفاجئة ولطيفة جداً تبيّن لك قد ايش انت تعني لـ بعضهم.❤❤🌚 |
ي خي لييه المجامله الي مالها داعي منتشره؟ كمان م اعتبرها مجامله قد م اعتبرها نفااق جد والله هالشي مره مره يستفزني ويرفع ضغطي انا باتكلم عن مجتمع الجامعه .. بما اني م اخالط كتير ناس باكون صريحة جداً انا انسانه لو شخص نرفزتي مره وحده بس احط عليه اكس واشطبوا من حياتي ...يعني م اعرفك ولاتعرفني اتقاااء للشر احيانا تقابل ناس بس م تحس انك مرتاح لهم << حاولت اجيب مفهوم اكتر توضيح بس م لقيت المهم ف هالحاله بتجامل وتضحك وكأنوا ولا شي فيك رغم انك شويه وتصرخ بعدوني عن هالمكان؟؟ انا نسيت اسلمم السلاام عليكم ورحمة الله معليش والله بس متنرفزه شويه كنت اممممم فين وصلت انا؟ اكمل ... عندي سؤال .. وبينكم وبين نفسكم جاوبوا .! بالله لمن يمرو عليكم اشخاص كده تجاملوا وتدو وجه؟ ولا يبان عليك وع تصرفاتك؟ عن نفسي صح م ارتاح بس اول جلسه بتقرر القرار الحاسم بقوه يعني انا حصل لي موقف ف الجامعه الترم الي فات قابلت وحده الله يستر علينا وعليها بس مدري كيف تحملت وربي ربع ساعه بس كان كفيله تنهي كل شي بعد فترة كمان صار بيني وبينها موقف يقهر ينرفز سموه الي تبو بس بعدها صرت اشوفها تمشي ف طريق امشي ف الطريق التاني ايام للنهائي كان مكتوب انو قاعتي قاعه 1 وربي اقولها صادقه شفتها دخلت قاعه 1 ولا حتى فكرت ادور ع اسمي رحت للقاعات الباقي والحمدلله كنت ف قاعه 4 ادري البعض بيقول اني نفسيه ولا ولا ولا .. م بزعل كل مين ولو شخصيتو صح ؟ وبس والله اتمنى م طولت كتبت الساعه 10:53 ص ودحين الساعه 8:07 م توها تنزل |
أقسى لحظه: عندما لا تجد من تُخبره أنك لست بخير. |
قلبُ ٱسعَدَك يوْماً ! ٱسعِدهُ ب دعْوة لاَ يعلَمُهَا |
الـوجَـع لَيس فِـ الـبُكـاء بَـل بِـتلـگ الـتنهيـدهہ الـتـي تَـكـاادُ أن تنـتـزِع روحَـگ بَـععـدهـا💔" |
ھھھھھھھھھھھھھھھھھھھھھھھھھھھھھھھھھھھھھھھهه🤤😂♥ء اخووواني ضحكوووني اختي تقولهم ادوني بلاد بحرف ال ج بس مو الي نعرفها يعني جده وجازان وكده جاتني قلتلها جاكرتا واحد من اخواني بس بيجاوب مو مهم صح ولا لا قال جميل مشيط ھھھھھھھھھھھھھھھھھھھھھھھھھھھھھھھھھھھھھھھهه🤤😂♥ء مممت انا والله :فطسه: |
جيت توي سمعت اخر جزء من روايه ظلموني عمداً روايه تدمع العين غصب لا سمعتها الاذن وسمعت الجزء الثالث من روايه سر المنظمة ي إن فيها عنف وقتل مو طبيعي بس تفوووز <<<< م انصح اي شخص يخاف او م ينام الليل بسبب هالروايات انو يسمع ف البداية كنت خوافه مرره دحين صايره ادمان باقي لي روايه خوف باكملها ورواية لج م بديت فيها استنى يجي وقت اروق عليهم ان شاءالله :نبض: |
فيه شخص لطيف معرف والله للان مين اهداني اهداء خفيف دخل قلبي والله https://e.top4top.net/p_1102jxt0i1.jpeg https://f.top4top.net/p_1102o66jv2.jpeg مؤمنه ان هالحياة باقي فيها أشخاص ع هيئة سعاده اشكككرك من اعماق قلبي الصغير |
أحياناً اتساءل بيني وبين نفسي هل وضوحي وشفافيتي لهدرجة شي غلط ، ؟ ادري ان العفوية شي حلو والحمدلله طبعي العفويه ف كل شي يعني حتى ف الدراسه الثانوي والجامعه وغيرها صارت لي مواقف الدكاتره يضحكوا كمان منها مدري كده صح ولا لا احترت ....! |
ربْي ! قل لِآمنياتي ~> گونيے ( ♥ ) |
|
احتاج لاسترخاء لعقلي وجلسه مع نفسي لمده اسبوع بس عشان ارتب فوضضى مشااعري المبعثره واعيد ترميمها من جديد |
فيني خمول وكسل مو عارفه انظم لي جدول او نظام مشكلتي محب النظام والله يعني حطيت جدول مستحيل التزم فيه محب احد يفرض عليا امر وواجب اسويه محب لمن اكون مخططة اسوي شي ويجي احد يقولي سوي هالشي يلا وربي اتعصب بشكل مو طبيعي لا تسألوني ليه انا معرف السبب وبس والله |
ليسَ كُلَّ أُسْلُوبٍ جَمِيلٍ يَعْنِي الإِعْجَاب،، فبَعضُ النَاسِ فَطَرَتهُم طيب الكلام وجمـآل الروح .. عجبتني من احدى المدونات واتفق معاها |
|
السسسلاام علييكم حبااايبي وحشتووني احس زمان عنكم اول شي صلوا ع رسول الله ولاتنسوا تقروا سورة الكهف اليوم 5-5-1440 الساعه 12:30 ص قلت خلني ادلعهم واسوي لهم الحلى والقهوة ونسوي لنا جو من فترة م رجعنا من السفر فينا اكتئاب صراحة المهم مسكت اختي الي اصغر مني بخمس سنين وقلت لها يلا امشي ساعديني ع المطبخ وخلصنا العشا سوى بعدها احترت ايش اسوي حلى مررره م عرفت قلت يلا ي ستي مالك إلا إنك تخبصصي وفعلاً بديت هوايتي التخبيص إلي يبي الطريقه باكتبها بعدين ان شاءالله المهم وحطيتو ف الفريزر ع بال اخوية الصغير يروح يجيب بن عربي واستنينا للفجر قبل ساعه الساعه 8:15 تقريبا يلا ي ماما و ياحلوين اتركوا الاجزه وتعالوا معايا . وفعلاً سمعوا كلامي وجو المهم عندي صورة للحلى صورتها انزلها لكم مع الطريقه ان شاءالله -ماما يلا اديني رأيك ..! شفت ملامحها انعفست وانقلبت تقولي : ايش ددا المملح الحلى كيلو ملح انا عيني كده قلبت o_O اخويه الي ف المتوسط قال هاتي هاتي ادوق وداق قاال اييش دااا مرره مااالح .. وانا لسه مو مستوعبه اختي الي ف الثانوي داقت قالت لا عاد تسوي حلى تسوي بدون نفس صايره .. قلتلهم بالله مو من جدددكم وانتقدوني لين خلاص حسيت دمعتي بتنزل من القهر والتحطيم الي صاير لا وفوق دا انا م دقتو ابد قالوا لي لايكون مسممتنا ليه م اكلتي ؟ واجبروني اكل -_- وانا ادور فين طعم الملح والله مافي شي عادي جداً قالت ماما حلى غريب عجيب يبغالوا شاهي م ابغا معاه قهوة عربي وانا لين دحين ساااكته شوي وابكي قالت نسميه البارد المالح ويضحكوا << صرت طقطقه الف وربي جيت بأقوم خلاص قالت تعاااالي نمممقلبكك ي هبله #_# خلاااص لاتعليييق من ججد دمعتي نزلت ادري موقف بسيط ومايستااهل دموع بس جد تحطمت وغير كلام التهزيء الي سمعتوا من ماما خلاني اتحطم اكتر م كنت متأملة انو بيصير كل دا التحطيم لي وبس والله حبيت اشااارككم موقف من مواقفي اليوميه والطاازج هههههههههههههههههههه << الموقف دا رفع ضغطي وجاب لي صداع نصفي والله Stooooooooooooooop I wish you a happy day 9:23 ص |
جبت صور حبيت احطها ف مدونتي كانت من يوم ميلادي هالسنه قبل 4 شهور يوم 27-1-1440 صح كان يوم ميلادي بس م انسى يومتها كان عندي اختبار جبر خطي 2 الميد الاول صراحة احلى شي جاني فيه القران الي اهدوني إياه صحباتي منال & رناد وماما كمان اهدتني ساعه ذهبيه واسوره ذهبيه ههههههههههههههع افتكرت توي لا كاشخة ولابسه لبس رسممي مرررره مررره وقبل نهاية الدوام بساعه تقريبا في وحدة قروشتني وكان معايا كوب موكا بندق ومع الربشه انكب عدم ابو شكلي ھھھھھھھھھھھھھھھھھھھھھھھھھھھھھھھھھھھھھھھهه🤤😂♥ء وربي حالة من جد المهم دي الصورة كانت الصبااح https://b.top4top.net/p_1106c5fdt0.jpeg ودي لمن رجعت البيت هدية صحباتي https://c.top4top.net/p_11068rplf1.jpeg ودي اذا م خانتني ذاكرتي قبل الاختبار ههههههههه https://d.top4top.net/p_11064babl2.jpeg طبعا اصور ولمن ارجع البيت اكتب العباره وانزلها لسببين اولهم انو م عندي **** ف جوالي وتانيهم م عندي سناب عشان انسق وافلتر الصورة نفسي ف برنامج اسويه فيه كل دا يعني مختص بالصور وتنسيقها زي السناب تقريبا << الي يعرف ياليت يفيدني والله يسعدكم كلكمم |
السسلام عليكم جيتكم من جديد ومعايا خبيصتي ھھھھھھھھھھھھھھھھھھھھھھھھھھھھھھھھھھھھھھھهه🤤😂♥ء هاك صورة وحيدة من اختي https://a.top4top.net/p_1106mvdlj4.jpeg نبدأ بسم الله المكونات : طبقتين بس الطبقه الأولى : علبة بسكوت دايجستف وعلبة قشطة الطبقة التانيه : 8 حبات كيري نص ظرف دريم ويب ملعقتين صغيره حليب بودره دوبوها ف 125 مل مويه عاديه ملعقتين كبيره ونص فول سوداني الخشن والنستله حطيت ربع علبه وكانت محتاجة زياده تكه بس ——————— الطريقة >> نطحن البسكوت نااعم ونفردوا ف الصينيه نحط عليه علبة القشطة ونسوي لو تمليس<< يارب كلمة صح هالمرة يعني اننا نفردها بالملعقه لين تتوازن ف خلاط نحط كل المكونات الي كتبتها فوق ونخلطها لين تصير ناعمه وتجانس ونصبها ع البسكوت بامكانكم تزينوا الواجهه بأي حاجة انا رشيت نسكافيه ومررره شوي شوكولاته بودره وبالعاافيه <<< لا لا نسيت حططوه ف الفريزر مده طويله يعني وبس ف الاخير عشانو تلج مره فتحت الفرن وحطيتو بس دفي شويه وخرجتوا ودحين نقدر نقول بالعافيه ع قلوبكم وصحة وهناا ... |
السسلام عليكم ورحمة الله الساعه 11:51 ص هاللحظة تحديدا واليوم دا والساعه دي من جد احس نفسي ابككي من الفرحة ااااه يااارب يارب يارب اسعد قلب احبتي شعووري مخربط مره مره ماني عارفه اعبر عن الي جواتي ابدا ابدا ابدا والله |
اليوم خبصت كمان بس مو من راسي يعني المهم قلت باسوي كيكة الحليب المحموس وخلصت كل حاجة وحطيتها ف الفرن وللاسف مدري ايش غلطت فيه وراح تعبي هباءاً منثوووررا انحرقت 😭💔 من مني والله من الحماس الي كان فيني نسيتها فيني عادة سيئة لمن اتحمس انسى انا فين ومين اكون واحيانا احس يجيني فقدان ذاكرة مؤقت ههههههههههه وبس والله دحين بنام نلاقيكم ع خييير :نبض: |
ربي اني تعلّقت بأمنيه فأجعلها واقع لِي |
احبگ حب يسمونه البدو ي ويل حالي ♥ واعشقگ عشق يسمونه الحضر انت حقي انا لحالي ♥ |
بسم الله ابدأ اليوم أول يوم دوام لي ف السمستر التاني م ححكم من دحين إذا كان خفيف او لا بس احس ان زي كل يوم اححد ممل وسريع ويجيب النوم هع وربي احس برهبهكأني اول مره اروح جامعه 😭😂 دخلت من الساعه 8:25 ص وللان جالسه افرفر مدري فين البنات 😂 م اقول غير ربي ييسرها وكانت اول مشاركاتي هنا تحليل عددي م عرفتني والله ههههع https://a.top4top.net/p_11089j5th0.jpeg |
السسلام عليكم انا جيييت من جديد بس وانا ف البيت دحين ههههههههه والله م وصلت غير 2:30 وطار الوقت دحين الساعه 2:58 وربي الجو يججججججنن يجنن يجنن غيوووووم ابغا اطير عنننندها 😭😭😭 الحمدلله محاضراتي كانت خفيفه بس اخر وحدة والله تكسرت من الكتاابه والتانيه بس ادتنا الدكتوره ربع ساعه والاولى عاديه مرة عاد شوفو الغيومم وربي انا انهبلت من شفتها بس اصور ومدري ايش الي يزبط معايا بانزلوا https://d.top4top.net/p_11087s8to0.gif https://e.top4top.net/p_11083r4yd1.jpeg دي الصورة مررة حبيتها بس مو عارفه اصممها كيف << الي فوق https://f.top4top.net/p_11086c7tv2.jpeg https://b.top4top.net/p_1108lce9b3.jpeg https://c.top4top.net/p_11086qkzs4.jpeg https://d.top4top.net/p_1108xobjd5.jpeg https://e.top4top.net/p_1108j18jz6.jpeg My university https://c.top4top.net/p_1108ds5k80.jpeg عاد اول م خرجت ودخلت السياره بعد السلام اخويه الي ف المتوسط سألني - إيش برأيك اللون الي يجيب النشاط ويفتح النفس ويخليكي نشيطة؟ اكيد عرفتو ردي : الأزرق راح قال لبابا - أبويه ايش رايك ف كلامها رد عليه : الازرق لون كئيب يجيب النوم ...! مستحيل اصدق انا وحتى لو صح برضوا حافضل اعشقك ي ازرق لن يفرقنا إلا الموت إن شاءالله وبس والله كده انا طفيت مرة نلاقيكم ع خييير دمتم بود |
| الساعة الآن 09:49 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا