موضوع السفر عبر الزمن فعلا بالنسبه لى موضوع شائق
يمكن ما بقيت بتحمس له زى زمان
اصلا الحماس بيقل عندى على كل شئ
المهم وطالما انى ما قدرت احققه واقعيا قلت احققه افتراضيا
قدرت اعرف طريقه بتخلينى اتصفح اى منتدى فى اى تاريخ قديم
الجميل انك مش بتتصفحه كمواضيع قديمه
لا انت بتتصفحه بتاريخ اللحظه وكان فعلا الزمن رجع بيك
لدرجه ان كان فيه مدونه لاحد الاخوه تم حذفها قدرت اتصفحها كلها لحد ما لقيت مشاركه معينه كنت عاوز اتذكر تفاصيلها ولقيتها
بتلاقي كل المواضيع القديمه بتاريخ اليوم وبتلاقي التفاعل الى كان موجود من يمكن اربع او خمس سنوات مثلا
وبتلاقي المتواجدين الان ناس اختفوا من اعوام
هو احساس جميل لمحبي الذكريات

بما انى دارس علم نفس فلازم احاول انشر المشاعر الايجابيه بين الناس قدر المستطاع
وعلشان كده بقول لاى حد مكتئب او شايل الهم
اطمن فكل المشاعر مهما كانت سلبيه او حتى ايجابيه هتموت
فالفرحه بتموت
والحزن بيموت
والمشاعر بتموت والحب بيموت
وعلى فكره لو مش مقتنع بكلامى فانت كمان ان شاء الله هتموت
حلو ننشر بين الناس المشاعر الايجابيه :MonTaseR_91:

كل عام والجميع بخير وبصحه وسلامه
وان شاء الله الى ما حقق احلامه يحققها
والى شايل الهم ينزله
والى عنده اكتئاب يكون انتحر وريحنا منه
والى عنده خروف يكون دبحه
كونوا دائما بخير يا طيبين

غريبه انى فى يوم اهتميت بيك
والاغرب ان فيه يوم حسيت فعلا بالحزن عليك
بس الاغرب انى تذكرتك بعد كل ده وكتبت الكلام ده فيك

اكتشفت انى فعلا مستفز
وطريقتى فى الاستفزاز مختلفه
ودا ظهر جدا مع اصدقائى الزملكاويه
طيب اعمل ايه انا النهارده بعد خساره الاهلى
على قد ما الخساره حارقه دمى بس انا مش عارف هواجه الناس دى ازاى
الى كنت بعمله فيهم مش شويه انا عارف :MonTaseR_220:
رابع مره على التوالى نخسر من الاسيوطى :MonTaseR_135:
حلها من عندك يا رب
ليه ما اشجع كره اليد
فريقنا وصل لنهائى كاس العالم فى اليد
وهيلعب على الذهبيه
وانا رايح اشجع كوره قدم :MonTaseR_56:
انا حاسس انى عندى برد عادى يعنى ما اخرج 3 ايام صحتى اهم :MonTaseR_153:

مش عارف الناس هى الى اتغيرت
ولا احنا الى اتغير احساسنا بيهم
مشكلتى انى كنت احيانا كتيره بشوف الناس زى ما انا عاوز اشوفهم
وعلشان كده بيبقي شئ صعب لما اقرر اشوفهم على حقيقتهم