.

‏السّهر طرقي وجفني مثل بيت الكريم
‏يحشمه وييقدره .. و ايتحاشى زلّته .!

.

ناديت سلمى ، ولا ردت علي سلمى
وش زعل السمر من ذكراي واحلامي

ياجامع الصبح والمصباح والظلماء
يافكرة الوصل والتهجير والهامي

خذني من الماء ونزلني مصب الماء
خذني من اللي خذاني من حلا ايامي

اسباب قلة رضاي الكلمه البكمى
اجيك ضامي ، واصدر والورق ضامي !!!

.

إن سقينا روينا ما نعرف القليل
‏وان كرهنا جفينا مالنا بالوصل .

.

غربت عن عيني وانا عنك شرقت
مشيت لو خطوات رجلي خجوله

تعبت اكذب غيبتك لين صدقت
ان الحزن فيني بأربع فصوله

شفني الى ضاق الفضا فيّ واشتقت
كل الكلام اللي نسيته ،،، اقوله

على الورق ياني تشجرت واورقت
والدمع ينضج قبل لايحين حوله

ابشرك ، غبت ونقص بعدك الوقت
مافيه صبح الا وانا ارفض قبوله

وان جيت افتش في هداياك دنقت
كني افتش عن سنين الطفولة

مااقول بأني مت من يوم فارقت
لكن عجزت احيا بعدك بسهوله

يكفي تعبت من التعب وانت مافقت
ارجع لقلبي ، قبل موعد ذبوله

بـ اشارك الريح السفر كل ماضقت
وإن رقت ، شاركت المطر في هطوله !!!